ᓗᒃ 4:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐊᓐᒡ ᒪᒃ ᐃᔪᒡ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ ᑲ ᑕᒡ ᐃᔅᐱ ᐱᔭᑐᐛᒡ ᒋᓴᓴ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎ ᒋᔄᓱᐅᒡ᙮

ᓗᒃ 4:28 Iomraidhean Croise

ᒪᑎᔪᐤ 2:16

ᐊᔅᒄ ᒪᒃ ᒪᒂᒡ ᐊᒋ ᐱᒪᑎᓯᑦ ᐊᕈᑦ ᐃᔅᐱ ᒐᔅᒐᔨᑕᐧᒃ ᐊ ᒋᐎᔭᓯᒥᑯᑦ ᐊᓂᔭ ᑲ ᑭᒐᑕᐛᔨᑎᒥᔨᒋ ᓇᐸᐛ ᒋ ᒥᔅᑎ ᒋᔄᓱᐤ᙮ ᐊᑯ ᒂ ᐃᑎᓱᐛᑦ ᒐᒋ ᓂᐸᐊᑭᓄᔨᒋ ᒥᓯᐛ ᑲ ᓂᓱᐳᓇᓯᔨᒋ ᑭᔭ ᐊᐛᓯᐎᔨᒋ ᐊ ᓇᐸᓯᐎᔨᒋ ᐊᐛᓴ ᐊᓐᑕ ᐸᑦᓕᔭᒥᒡ ᑲ ᑕᔨᒋ ᑭᔭ ᐛᔅᑲ ᐊᓐᑕ ᑲ ᑕᔨᒋ, ᐊᐅᒄ ᐅᔭ ᐛᒋ ᐃᑐᑐᐛᑦ ᐛᔅ ᐊᐅᑯᓐ ᒂᔄᓐ ᑲ ᐃᔅᐱᔅ ᐎᑎᒪᑯᑦ ᐊᓂᔭᔪᐛ ᑲ ᑭᒐᑕᐛᔨᑎᒥᔨᒋ ᓇᐸᐛ ᓂᓱ ᐱᐳᓇ ᐊᓐᑕ ᐅᑕᒡ ᐊᑯᑕ ᓂᔅᑎᒻ ᑲ ᐛᐱᒪᔨᒂᓂ ᐊᓂᔭ ᐅᒐᑭᑕᒂ᙮

ᓗᒃ 4:27

ᑭᔭ ᒪᒂᒡ ᐊᔅᒄ ᐊᒋ ᐱᒪᑎᓯᑦ ᐊᓂᔭ ᐅᒋᔅᒋᐛᐃᒐᓱᐤ ᐃᓚᐃᓴ, ᒋ ᑕᐅᒡ ᒥᒐᑦ ᐊᐛᓐᒋ ᐊᓐᑕ ᐃᔅᕋᐃᓪ ᐊᔅᒋᒡ, ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᐊᔭᒡ᙮ ᓇᒪ ᒪᒃ ᐛᐛᒡ ᐸᐃᒄ ᐅᒋ ᒥᓏᒋᐊᑭᓄᐅᒡ ᐅᒡ ᒐᒋ ᐸᔭᒋᓯᒡ, ᒥᒄ ᐊᓐ ᓇᐸᐤ ᓇᐃᒪᓐ ᑲ ᐃᓯᓂᐧᑲᓱᑦ ᒋ ᒥᓏᒋᐊᑭᓄᐤ, ᐊᓐᑕ ᒪᒃ ᓯᕆᔭ ᐊᔅᒋᒡ ᐊᑯᑕ ᑲ ᐅᒋᑦ᙮” ᐊᔪᐅᒄ ᐅᔭ ᑲ ᐃᑕᑦ ᒋᓴᔅ ᐊᓂᔭ ᐃᔪᐛ ᑲ ᓂᑐᑕᑯᑦ᙮

ᓗᒃ 4:29

ᐊᑯ ᒂ ᐱᓯᑯᒡ ᒂ ᐎᐎᑎᓴᐛᒡ ᒋᓴᓴ ᐊᓐᑕ ᐅᑦ ᐃᑕᐅᓄᐛᒡ ᐅᒡ᙮ ᐊᓐᑕ ᒪᒃ ᒥᒋᒪ ᐊᓂᔭ ᐅᑕᓇᒧᐛᐤ ᒋ ᑎᑯᓂᔪᐤ ᐊ ᒋᔅᒐᑲᔨᒡ᙮ ᐊᑯᑕ ᒪᒃ ᑲ ᐃᑐᑕᐊᒡ ᐊᒋ ᐎ ᐊᒧᐛᐱᓇᒡ᙮

ᓗᒃ 6:11

ᐊᑯ ᒪᒃ ᑲ ᒥᔅᑎ ᒋᔄᓯᒡ ᐊᓐᒡ ᑲ ᐎ ᒪᒥᓯᒪᒡ ᒋᓴᓴ, ᐊᑯ ᒂ ᐃᔭᔨᒺᐛᐃᑯᒡ ᑕᓐ ᒐᒋ ᐃᑐᑐᐛᒡ᙮

ᐊᑈᔅᑕᓇᒡ 5:33

ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ᒪᒧᐎᒡ ᐊᓐ ᑲ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᒥᔅᑎ ᒋᔄᓱᐅᒡ, ᐊᑯ ᒂ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 7:54

ᐃᔅᐱ ᒪᒃ ᐊᓐᒡ ᑲ ᒪᒧᐎᒡ ᑲ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎᒋᔄᐃᑯᒡ᙮