ᓗᒃ 4:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᑯ ᒋᓴᔅ ᐊᑕᑦ, “ᒐᔅᑎᓇᔅ ᒋᑭ ᐸᒋ ᐃᓯᓇᐛᐤ ᐊᓐ ᑲᒋ ᐃᓇᓄᐅᒡ, ‘ᓂᑐᐧᑯᐃᔨᔅ, ᒥᓏᒋᐃᓱᐤ,’ ᑭᔭ ᒋᑭ ᐸᒋ ᐃᓯᓇᐛᐤ, ‘ᑕᓐ ᑲ ᐃᓯ ᐸᑎᒪᒡ ᐊ ᒪᒥᔅᑲᒡ ᐃᑎᔨᓐ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᒡ ᐅᑕᓇᐤ, ᐃᑐᑕ ᑭᔭ ᐅᑕ ᐅ ᐅᑕᓇᐤ ᑲ ᐅᒋᔨᓐ᙮’ ”

ᓗᒃ 4:23 Iomraidhean Croise

ᒪᑎᔪᐤ 13:54

ᐊᑯ ᐊᓐᑕ ᐊᓂᔭ ᐅᑕᓇᔪᐤ ᐛᒋᑦ ᐊᑯᑕ ᑲ ᐃᑐᑕᑦ᙮ ᐊᑯᑕ ᐊᓐᑕ ᑲ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᓂᔭ ᑲ ᐸᑕᑯᑦ ᒋ ᒥᔅᑲᓯᑕᑯᐤ ᐊ ᐃᑎᑐᔨᒋ, “ᑕᓐᑕ ᑲ ᐅᒋ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ, ᑕᓐᑕ ᑲ ᐅᒋ ᐊᔭᑦ ᑭᔭ ᐊᓂᔭ ᑭᔅᒋᐅᓂᔪᐤ ᒐᒋ ᐃᑐᑕᐧᒃ ᐊᓂᔭ ᒪᒥᔅᑲᒡ ᒐᒂᔪᐛ ?

ᒪᑎᔪᐤ 4:13

ᐊᑯ ᓂᑭᑕᐧᒃ ᓇᓴᕆᑎᔪᐤ, ᑭᔭ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᒥᒋᒪ ᑲᓕᓕ ᓴᑲᐃᑭᓂᒡ ᑲ ᑎᑯᓂᔨᒡ ᐊᑯᑕ ᑲ ᐎᒋᑦ, ᐊᓐᑕ ᓴᐳᓕᓐ ᑭᔭ ᓇᑉᑕᓕ ᑲ ᐃᓯᓂᐧᑲᑕᔨᒡ ᐊᔅᒋᔪᐤ᙮

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:1

ᒋ ᓂᑭᑎᒻ ᒋᓴᔅ ᐊᓂᔭ ᐊᓐᑕ ᑲ ᑕᑦ ᐊᑯ ᒂ ᐃᑐᑕᑦ ᐊᓐᑕ ᐊᓂᔭ ᐅᑕᓇᔪᐤ ᑲ ᓂᑕᐅᒋᓇᑭᓄᐅᑦ, ᓇᓴᕆᑦ ᑲ ᐃᓯᓂᐧᑲᑕᔨᒡ᙮ ᒋ ᐎᒐᐅᑯᐤ ᒪᒃ ᐅᒋᔅᒋᓄᐊᒧᐛᑭᓇ᙮

ᓗᒃ 2:39

ᐃᔅᐱ ᒪᒃ ᒋᓴᔅ ᐅᓂᒋᐃᒂ ᑲ ᐃᓯ ᐃᑐᑕᒡ ᒥᓯᐛ ᑲ ᐃᓯ ᐎᔅᑕᑭᓄᔨᒋ ᐊᓐᑕ ᐅᑎᐸᔨᒋᒐᐛ ᐅᑦ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᔪᐤ, ᑲᐤ ᒋ ᒋᐛᐅᒡ ᐊᓐᑕ ᑲ ᐅᒋᒡ, ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ᙮

ᓗᒃ 2:51

ᐊᑯ ᒂ ᐎᒐᐛᑦ ᐊ ᒋᐛᔨᒋ ᐊᓐᑕ ᓇᓴᕆᑎᒡ, ᒋ ᐱᓯᒋᐊᐤ ᒪᒃ ᒐᒂᔪᐤ ᐊ ᐃᑎᓱᒥᑯᑦ᙮ ᐅᑲᐎᔭ ᒪᒃ ᒋ ᑭᓄᐛᔨᑎᒥᔪᐛ ᐅᑕᐃᒡ ᒥᓯᐛ ᑕᓐ ᑲ ᐃᔅᐱᔨᒡ᙮

ᓗᒃ 4:16

ᐊᑯ ᒋᓴᔅ ᒂ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐊᓐᑕ ᑲ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ᐃᑐᑕᑦ ᒪᓐ ᐊ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ᐱᒐᑦ᙮ ᒋ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮

ᓗᒃ 4:31

ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᒂ ᒋᔅᑯᑎᒧᐛᑦ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᓗᒃ 4:35

ᒋᓴᔅ ᒂ ᐎᑎᒧᐛᑦ ᐊᓂᔭ ᐊᒐᒂ ᐊ ᐃᑕᑦ, “ᐊᑲ ᒋᔅᑐ ! ᐎᐎᔅᑯᐤ ᐊᓐ ᓇᐸᐤ !” ᐊᑯ ᐊᓐ ᐊᒐᐧᒄ ᑲ ᐃᑐᑐᐛᑦ ᐊᓂᔭ ᓇᐸᐛ ᐊᓐᑕ ᒐᒋ ᐃᓯ ᐸᒋᓯᓂᔨᒋ ᐊ ᒥᒐᑎᓇᓄᐎᒡ᙮ ᐊᑯ ᒂ ᐎᐎᔅᑯᐛᑦ ᐊᓂᔭ ᓇᐸᐛ ᐊᑲ ᐅᒋ ᒪᑕᒄ ᐃᑐᑐᐛᑦ ᒐᒋ ᐊᐧᑯᐊᑦ᙮

ᓗᒃ 6:42

ᑕᓐᑕ ᒐᒋ ᐅᒋ ᐃᑎᑦ ᒋᐧᑲᓂᔅ, ‘ᓂᑭ ᐎᐧᑯᒋᑕᓐ ᒋᐱᓯᓄᐅᓐ, ᐊᑲ ᒪᒃ ᐛᐛᒡ ᒋ ᐛᐸᑎᒥᓐ ᐊᓐ ᒥᔅᑎᒄ ᐊᓐᑕ ᒋᔾ ᒋᔅᒋᓯᑯᒡ ᑲ ᑎᒂᒡ’ ? ᒋᑦ ᐃᑕᔨᒪᐅᒡ ᐊᐛᓐᒋ ᒐᒋ ᐃᑕᔨᒥᔅᒡ ᐊ ᑯᐃᔅᑯᑕᑎᓯᔨᓐ ᐊᑲ ᒪᒃ ᑯᐃᔅᑯᑕᑎᓯᔨᓐ᙮ ᒋᔾ ᑲ ᐊᔭᒥᐊᐧᑲᓱᔨᓐ, ᓂᔅᑎᒻ ᐎᐧᑯᒋᑕ ᐊᓐ ᒥᔅᑎᒄ ᒋᔅᒋᓯᑯᒡ ᑲ ᑎᒂᒡ, ᑭᔭ ᒐᒋ ᓇᐃᐱᔨᓐ᙮ ᐊᑯ ᒪᒃ ᒐ ᐎᐧᑯᒋᑕᐅᑦ ᒋᐧᑲᓂᔅ ᐅᐱᓯᓄᐅᓐ᙮”

ᒠᓐ 4:28

ᐊᑯ ᐊᓐ ᐃᔎᐤ ᒂ ᓂᑭᑕᐧᒃ ᐊᓂᔭ ᐅᒂᐱᑲᑭᓐ, ᒂ ᒋᐛᑦ ᐊᓐᑕ ᐅᑦ ᐃᑕᐅᓂᒡ ᐊᑯ ᒂ ᐃᑕᑦ ᐊᓂᔭ ᐃᔪᐛ ᐊᓐᑕ ᐊ ᑕᔨᒋ᙮

2 ᑯᕆᓐᑎᔭᓇ 5:16

ᓇᒪ ᒪᒃ ᐊᑯ ᐅᔅᒡ ᐊ ᐃᓯᓄᐛᑭᓄᐅᑦ ᐊᐛᓐ ᓂᑦ ᐃᓯ ᑭᓄᐛᐱᒪᓇᓐ᙮ ᐊᐅᑯᓐ ᑲ ᐃᓯ ᑭᓄᐛᐱᒥᒋᒡ ᙭ ᐸᐃᒂᐤ᙮ ᓇᒪᐎᔾ ᐊᑯ ᐊᓐᑕ ᓂᑦ ᐃᓯ ᑭᓄᐛᐱᒪᓇᓐ᙮