ᓗᒃ 4:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᑲ ᒥᔭᑭᓄᐅᑦ ᐊᓂᔭ ᒥᓯᓇᐃᑭᓂᔪᐤ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐅᓯᑕᒂ᙮ ᒋ ᐸᔅᒐᔪᒋᓂᒻ ᐊᑯ ᒂ ᐃᔨᒥᑕᑦ ᐊᓐᑕ ᐊᑎᔅᑕᔨᒡ,

ᓗᒃ 4:17 Iomraidhean Croise

ᓗᒃ 16:29

“ᐊᑯ ᐊᓐ ᑲ ᐛᔪᑎᓯᑦ ᓇᐸᐤ ᒂ ᐃᑎᑯᑦ ᐊᑉᕋᐊᒪ, ‘ᒋᐧᑲᓂᓯᒡ ᒋᑭ ᒋ ᐃᔨᒥᑕᐅᒡ ᒧᓱᓴ ᑭᔭ ᐊᓂᔭ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ᒥᓯᓇᐊᒥᔨᒋ ᒥᓯᓇᐃᑭᓂᒡ ᐊ ᐃᓯ ᐃᔭᒂᒥᒪᒡ ᐊᐛᔪᐛ᙮ ᐊᔪᐅᒄ ᐅᔭ ᒋᐸ ᓂᓇᐃᑎᒧᒡ ᐊᓐᒡ ᒋᐧᑲᓂᓯᒡ᙮’ ”

ᓗᒃ 20:42

ᑎᐱᑦ ᒪᒃ ᐅᔭ ᐊᒋ ᐃᓯ ᒥᓯᓇᐊᒧᒂ ᐊᓐᑕ ᐅᓂᑭᒧᐅᓂᒡ, ᐅᑎᐸᔨᒋᒐᐤ ᒋ ᐃᑕᐤ ᓂᑎᐸᔨᒋᒐᓯᒪ, ᐅᑕ ᐸᒋ ᐊᐱᔾ ᓂᒥᔪᐅᓂᒡ,

ᓗᒃ 4:16

ᐊᑯ ᒋᓴᔅ ᒂ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐊᓐᑕ ᑲ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ᐃᑐᑕᑦ ᒪᓐ ᐊ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ᐱᒐᑦ᙮ ᒋ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᓗᒃ 4:20

ᐊᑯ ᒋᓴᔅ ᒂ ᐊᑎ ᒋᐸᐊᐧᒃ ᐊᓂᔭ ᒥᓯᓇᐃᑭᓂᔪᐤ, ᒂ ᒥᔭᑦ ᐊᓂᔭ ᐸᐃᒄ ᓇᐸᐛ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᑲ ᐛᐎᒋᐃᐛᔨᒋ᙮ ᒂ ᐊᑎ ᓇᐊᐃᐱᑦ᙮ ᒥᓯᐛ ᒪᒃ ᐊᓐᒡ ᐃᔪᒡ ᐊᓐᑕ ᐊᔭᒥᐊᐅᒋᐛᐱᒡ ᑲ ᑕᒡ ᓇᔅᒡ ᒋ ᑭᓄᐛᐱᒪᐅᒡ ᐊᓂᔭ ᒋᓴᓴ᙮

ᐊᑈᔅᑕᓇᒡ 13:15

ᒋ ᑕᐤ ᐊᓐᑕ ᐊᐛᓐ ᐊᔭᒥᐊᐅᒋᐛᐱᒡ ᐊ ᐃᔨᒥᑐᐛᑦ ᐊᓂᔭ ᐃᔪᐛ ᐊᔭᒥᐊᐅᐎᓱᐛᐅᓇ, ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᓯ ᒥᓯᓇᐊᒥᔨᒂᓂ᙮ ᐊᑯ ᒪᒃ ᐊᓐᒡ ᑲ ᓂᑲᓂᔅᑲᒡ ᐊᓂᔭ ᐊᔭᒥᐊᐅᒋᐛᐱᔪᐤ ᒂ ᑯᒂᒋᒪᒡ ᑈᓇ ᑭᔭ ᐊᓂᔭ ᐎᐧᑲᓂᓯᒪᐛ ᒐᒋ ᐃᔨᒪᐊᔨᒋ ᐊᓂᔭᔪᐛ ᐃᔪᐛ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 13:27

ᐛᔅ ᐊᓐᒡ ᐃᔪᒡ ᐊᓐᑕ ᒋᕈᓯᓕᒥᒡ ᑲ ᑕᒡ ᑭᔭ ᐊᓂᔭ ᑲ ᓂᑲᓂᔅᑲᑯᒡ ᓇᒪ ᐅᒋ ᒋᔅᒐᔨᒪᐅᒡ ᒋᓴᓴ ᐊᔪᑯᓐ ᐊᓂᔭ ᐅᐱᒪᒋᐃᐛᐛ, ᑭᔭ ᓇᒪ ᐅᒋ ᓂᔅᑐᑎᒧᐛᓯᐱᓐᒡ ᑕᓐ ᑲ ᐃᓯ ᒥᓯᓇᐊᒥᔨᒋ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑕᓐ ᑲ ᐃᓯ ᐊᔨᒧᒪᔨᒋ ᐊᓂᔭ ᙭ᑕ᙮ ᐊᑎ ᒪᒃ ᐊᓯᑯᒻ ᐊ ᒍᐤ ᐊᔭᒥᐊᐅᒋᓯᑲᔨᒡ ᐊᒋ ᐃᔨᒥᑐᐛᑭᓄᐎᒡ᙮ ᒥᒄ ᒪᒃ ᐃᔅᐱ ᐊᓐᒡ ᒍᐤ ᐃᔪᒡ ᑲ ᓂᑐᐛᔨᒪᒡ ᒋᓴᔅ ᒐᒋ ᓂᐸᐊᑭᓄᔨᒋ, ᐊᑯ ᒂ ᑎᐱᐱᔨᒡ ᑕᓐ ᑲ ᐃᑎᓯᓇᐃᑭᓄᐅᒡ ᒐ ᐃᔅᐱᔨᒡ᙮

ᐊᑈᔅᑕᓇᒡ 7:42

ᐊᑯ ᒪᒃ ᒋᓴᒪᓂᑐᐛ ᒂ ᓂᑭᑎᑯᒡ, ᒂ ᐱᔅᑎᓂᑯᒡ ᒐᒋ ᐅᒋᒋᐧᑯᓂᐱᔅᑐᐛᒡ ᐅᒐᑭᑕᒂ ᑭᔭ ᒋᓯᑲᐤ ᐱᓯᒺ ᑭᔭ ᑎᐱᔅᑲᐤ ᐱᓯᒺ᙮ ᒋ ᒥᓯᓇᐊᒧᒡ ᒋᓴᒪᓂᑐᐛ ᐅᒥᓯᓇᐃᑭᓂᔨᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᒋ ᐃᔅᒋᔄᒂᓂ ᒋᓴᒪᓂᑐᐛ, ᒋᔨᐛᐤ ᐃᔅᕋᐃᓪ ᐃᔪᒡ, ᓇᐎᔪᐛ ᐱᐳᓇ ᔅᒋ ᓂᐸᐊᐛᐅᒡ ᐊᐛᓯᓯᒡ ᐊ ᒥᑐᔅᑕᐊᒧᔭᒄ, ᒪᒂᒡ ᐊᓐᑕ ᐸᐧᑯᑎᔅᑭᒥᑲᒡ ᑲ ᑕᔭᒄ, ᓇᒪᔭᐤ ᒪᒃ ᐅ ᓂᔾ ᑲ ᐃᑐᑎᒧᔭᒄ᙮