ᓗᒃ 4:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᒋᓴᔅ ᒂ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐊᓐᑕ ᑲ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ᐃᑐᑕᑦ ᒪᓐ ᐊ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ᐱᒐᑦ᙮ ᒋ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮

ᓗᒃ 4:16 Iomraidhean Croise

ᒪᑎᔪᐤ 2:23

ᐊᑯ ᐊᓐᑕ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᑯᑕ ᑲ ᐎᒋᒡ᙮ ᑭᔭ ᒂ ᑕᑈᒥᑭᓂᔨᒡ ᐛᔅᑭᒡ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, “ᓇᓴᕆᑎᒡ ᑲ ᐅᒋᑦ ᒋᑭ ᐃᓯᓂᐧᑲᑕᑭᓄᐤ ᐊᓐ ᐊᐛᔅ᙮”

ᓗᒃ 2:39

ᐃᔅᐱ ᒪᒃ ᒋᓴᔅ ᐅᓂᒋᐃᒂ ᑲ ᐃᓯ ᐃᑐᑕᒡ ᒥᓯᐛ ᑲ ᐃᓯ ᐎᔅᑕᑭᓄᔨᒋ ᐊᓐᑕ ᐅᑎᐸᔨᒋᒐᐛ ᐅᑦ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᔪᐤ, ᑲᐤ ᒋ ᒋᐛᐅᒡ ᐊᓐᑕ ᑲ ᐅᒋᒡ, ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ᙮

ᓗᒃ 2:42

ᒋᓴᔅ ᒪᒃ ᑲ ᓂᓱᓴᐳᓇᓯᑦ ᒋ ᐎᒐᒐᐤ ᐊᓐᑕ ᐊ ᐃᑐᑕᓄᐎᒡ᙮

ᓗᒃ 2:51

ᐊᑯ ᒂ ᐎᒐᐛᑦ ᐊ ᒋᐛᔨᒋ ᐊᓐᑕ ᓇᓴᕆᑎᒡ, ᒋ ᐱᓯᒋᐊᐤ ᒪᒃ ᒐᒂᔪᐤ ᐊ ᐃᑎᓱᒥᑯᑦ᙮ ᐅᑲᐎᔭ ᒪᒃ ᒋ ᑭᓄᐛᔨᑎᒥᔪᐛ ᐅᑕᐃᒡ ᒥᓯᐛ ᑕᓐ ᑲ ᐃᔅᐱᔨᒡ᙮

ᓗᒃ 4:15

ᒋ ᒋᔅᑯᑎᒪᒐᐤ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ, ᒥᓯᐛ ᒪᒃ ᐊᐛᔪᐛ ᒋ ᒋᔅᑕᒋᒥᑯᐤ᙮

ᓗᒃ 4:17

ᐊᑯ ᑲ ᒥᔭᑭᓄᐅᑦ ᐊᓂᔭ ᒥᓯᓇᐃᑭᓂᔪᐤ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐅᓯᑕᒂ᙮ ᒋ ᐸᔅᒐᔪᒋᓂᒻ ᐊᑯ ᒂ ᐃᔨᒥᑕᑦ ᐊᓐᑕ ᐊᑎᔅᑕᔨᒡ,

ᓗᒃ 4:21

ᐊᑯ ᐊᑕᑦ, “ᐅ ᑲ ᐃᓯ ᐸᑎᒪᒄ ᐊ ᐃᔨᒥᑕᔭᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅᑎᒋᐱᔪᐤ ᐊᓄᒡ ᒐᓯᑲᒡ᙮”

ᓗᒃ 4:23

ᐊᑯ ᒋᓴᔅ ᐊᑕᑦ, “ᒐᔅᑎᓇᔅ ᒋᑭ ᐸᒋ ᐃᓯᓇᐛᐤ ᐊᓐ ᑲᒋ ᐃᓇᓄᐅᒡ, ‘ᓂᑐᐧᑯᐃᔨᔅ, ᒥᓏᒋᐃᓱᐤ,’ ᑭᔭ ᒋᑭ ᐸᒋ ᐃᓯᓇᐛᐤ, ‘ᑕᓐ ᑲ ᐃᓯ ᐸᑎᒪᒡ ᐊ ᒪᒥᔅᑲᒡ ᐃᑎᔨᓐ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᒡ ᐅᑕᓇᐤ, ᐃᑐᑕ ᑭᔭ ᐅᑕ ᐅ ᐅᑕᓇᐤ ᑲ ᐅᒋᔨᓐ᙮’ ”

ᒠᓐ 18:20

ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮

ᐊᑈᔅᑕᓇᒡ 17:2

ᒋ ᐃᑐᑕᐤ ᑈᓪ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ, ᐛᔅ ᐊᐅᒄ ᐅᔭ ᑲᒋ ᐃᑎᑦ ᒪᓐ᙮ ᓂᔍᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᐛᐎᑎᒧᐛᐤ ᐊᓂᔭ ᐃᔪᐛ ᑕᓐ ᐊ ᐃᓯ ᐊᔨᒧᒪᑭᓄᔨᒋ ᙭ᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ,