ᓗᒃ 3:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐛᔅ ᒧᔭᒻ ᓴᔅ ᐊ ᐊᔭᔅᑯᔅᑕᒡ ᐊᑭᑕᔅᒄ ᐊᐅᒄ ᒐ ᐃᓯᓇᒂᒡ ᒐ ᓇᑥᑲᐛᑭᓄᐅᑦ ᐊᓐ ᒥᔅᑎᒄ ᐊᓐᑕ ᐊ ᐅᑎᐱᐅᑦ᙮ ᐛᔅ ᑕᑐᐤ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᑭᔭ ᒋᑭ ᒥᑐᔅᑕᐛᐱᓇᑭᓄᐤ ᐃᔅᑯᑕᒡ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᒠᓐ᙮

ᓗᒃ 3:9 Iomraidhean Croise

ᒪᑎᔪᐤ 3:10

ᐛᔅ ᒧᔭᒻ ᓴᔅ ᐊ ᐊᔭᔅᑯᔅᑕᒡ ᐊᑭᑕᔅᒄ ᐊᐅᒄ ᒐ ᐃᓯᓇᒂᒡ ᒐ ᓇᑥᑲᐛᑭᓄᐅᑦ ᐊᓐ ᒥᔅᑎᒄ ᐊᓐᑕ ᐊ ᐅᑎᐱᔪᐅᑦ᙮ ᐛᔅ ᑕᑐᐤ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᑭᔭ ᒋᑭ ᒥᑐᔅᑕᐛᐱᓇᑭᓄᐤ ᐃᔅᑯᑕᒡ᙮”

ᒪᑎᔪᐤ 7:19

ᐊᓐ ᒪᒃ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᐊᑯ ᒐ ᒥᑐᔅᑕᐛᐱᓇᑭᓄᐅᑦ ᐃᔅᑯᑕᒡ᙮

ᓗᒃ 13:6

ᐊᑯ ᒋᓴᔅ ᒂ ᐎᑎᒧᐛᑦ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ᙮ ᒋ ᐃᑕᐤ, “ᒋ ᑕᐤ ᓇᐸᐤ ᐊᒋ ᐊᔭᐛᑦ ᒥᓯᓱᒥᓇᑎᒂ ᐊ ᓂᑕᐅᒋᔨᒋ ᐊᓐᑕ ᐅᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮ ᐊᑯ ᐸᐃᒂᐤ ᐊ ᒋᓯᑲᔨᒡ ᒋ ᓂᑐ ᒋᔅᒐᔨᒪᐤ ᒐ ᒥᓂᓱᐎᒂᓂ ᐊᓂᔭ ᒥᔅᑎᒂ᙮ ᓇᒪ ᒪᒃ ᒐᒂᔪᐤ ᐅᒋ ᒥᓂᓱᐅᔪᐤ᙮

ᓗᒃ 13:7

ᐊᑯ ᐊᑕᑦ ᐊᓂᔭ ᓇᐸᐛ ᑲ ᓂᓇᑭᑐᐛᐸᑎᒥᔨᒋ ᐊᓂᔭᔪᐤ ᐅᓂᑕᐅᒋᑕᑭᓇ, ‘ᑭᓄᐛᐸᑕ ᒪ, ᐊᓯᑯᒻ ᐱᐳᓇ ᓂᒋ ᑎᑯᓯᓐ ᐅᑕ, ᓂᔅᑐ ᐱᐳᓇ ᐃᔅᐱᔅ, ᒐᒋ ᓂᑐ ᒋᔅᒐᔨᒥᒃ ᐅ ᒥᓯᓱᒥᓇᑎᒄ ᐊ ᒥᓂᓱᐅᒂ᙮ ᓇᒪ ᒪᒃ ᒐᒂᓐ ᓂ ᒥᔅᑲᓐ ᒐᒋ ᓂᑕᐅᒋᒡ ᐊᓐᑕ, ᓇᑥᑲᐅᐤ ᐊᑯᔅ, ᒐᔅᑲ ᑲ ᒋᒥᓱᑦ ᐊᓐᑕ ᐊᔅᒋᒡ ?’ ”

ᓗᒃ 13:9

ᒐᒃ ᒪᒃ ᒥᓂᓱᐅᒐ ᒥᓐ ᐱᐳᓂᔨᒐ ᒋᑭ ᒥᔽᔨᑕᓇᓄᐤ᙮ ᐊᑲ ᒪᒃ ᒥᓂᓱᐅᒐ, ᐊᑯᔅ ᒋᑭ ᓇᑥᑲᐛᑭᓄᐤ᙮’ ”

ᒠᓐ 15:6

ᐊᐛᓐ ᐊᑲ ᓂᔾ ᐊ ᑕᔭᓐ ᑲ ᐃᓯ ᐱᒪᑎᓯᑦ ᐛᐱᓇᑭᓄᐤ ᒧᔭᒻ ᑕᓐ ᐊ ᐃᑐᑕᑭᓄᐅᒡ ᐅᑎᐧᑯᓐ, ᒐᒃ ᓂᐳᐤ ᒪᒃ᙮ ᐊᓂᔭ ᒪᒃ ᐅᑎᐧᑯᓇ ᑲ ᐛᐱᓇᑭᓄᐅᒋ ᒪᒧᓴᒋᓂᑭᓄᐛ ᐊᑯ ᒪᑐᔅᑕᐛᐱᓇᑭᓄᐅᒋ ᑭᔭ ᐊ ᐊᑎ ᐃᔎᑕᒋ᙮

ᐃᑉᕈᐛ 10:28

ᐅᑕ ᒪ ᐃᓯ ᑭᓄᐛᐸᑎᒧᒄ᙮ ᒧᔭᒻ ᐊᐛᓐ ᐊᑲ ᐅᒋ ᐊᐱᑕᔨᑎᒧᑯᐱᓇ ᒧᓱᓴ ᐅᐎᓱᐛᐅᓂᔪᐤ ᑭᔭ ᓂᓱ ᒪᒃ ᓂᔅᑐ ᐊᐛᔪᐛ ᐃᔅᒋᔄᔨᒐ ᑕᑈ ᐊᓂᔭ ᐊᒋ ᐃᑎᑯᐱᓇ, ᓇᒪ ᓇᔅᒡ ᒋᐸ ᐅᒋ ᒋᔅᑎᒪᒐᔨᒪᑭᓄᐤ ᑎᐛᒡ ᒥᒄ ᒋᐸ ᐃᓯ ᓂᐸᐊᑭᓄᐤ᙮

ᐃᑉᕈᐛ 12:29

ᐛᔅ ᒋᒋᓴᒪᓂᑐᒥᓄᐤ ᒧᔭᒻ ᐃᔅᑯᑕᐤ ᐃᑕᔨᑕᑯᓱᐤ᙮ ᐃᔅᑯᑕᐤ ᒥᓯᐛ ᒐᒂᓐ ᑲ ᓂᓱᐅᓇᒋᑕᒐᒥᑲᒡ ᐊ ᐃᔎᓱᐛᒡ ᐊᐅᑯᓐ ᐊ ᐃᑕᔨᑕᑯᓯᑦ᙮