ᓗᒃ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋᐸ ᒂᔅᑲᑎᓯᓇᐛᐤ ᑭᔭ ᒐ ᓄᒂᒡ ᑕᑈ ᓇᔅᒡ ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮ ᑭᔭ ᐊᑲᐎᔾ ᐃᑕᔨᑎᒧᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᒥᒄ ᐊᓂᔭ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᑉᕋᐊᒪ ᐅᑦ ᐊᐛᓯᒥᔪᐛ᙮

ᓗᒃ 3:8 Iomraidhean Croise

ᒪᑎᔪᐤ 21:43

ᐊᑯ ᒋᓴᔅ ᒂ ᐊᑎ ᐃᑕᑦ, “ᐅ ᒪᒃ ᒋ ᐎ ᐃᓯ ᐎᑎᒪᑎᓇᐛᐤ, ᒋᓴᒪᓂᑐᐤ ᐅᒋᓴᐅᒋᒪᐅᓐ ᒋᑭ ᒥᔅᑭᒥᑯᓇᐛᐤ, ᐊᑯ ᒐ ᐊᓱᒥᔭᑭᓄᐎᒡ ᐊᓐᒡ ᑕᑈ ᒐ ᓄᑯᑕᐛᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᐱᒪᑎᓯᐅᓄᐛᒡ᙮

ᒪᑎᔪᐤ 3:8

ᓄᑯᑕᒄ ᑕᑈ ᐊ ᒂᔅᑲᑎᓯᔭᒄ, ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮

ᒪᑎᔪᐤ 3:9

ᑭᔭ ᐊᑲᐎᔾ ᐃᑕᔨᑎᒧᒄ ᒐ ᐊᑲ ᐅᒋ ᐛᐛᓯᐃᑕᒄ ᒋᓴᒪᓂᑐᐤ ᐊ ᐅᓂᑐᑎᒪᒄ ᒥᒄ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᐛᔪᐛ ᐊᑉᕋᐊᒪ ᒐ ᐅᑦ ᐊᐛᓯᒥᔨᒋ᙮

ᓗᒃ 13:25

ᐊᑲ ᒪᒃ ᐛᒋ ᐱᒐᐛᐛᒂ, ᐃᔅᐱ ᒋᐸᐊᒐ ᒋᐱᔎᔪᐤ ᐊᓐ ᑲ ᑎᐸᔨᑕᐧᒃ ᐊᓂᔭ ᒥᒋᐛᐱᔪᐤ, ᐎᐎᑎᒥᒡ ᓂᐳᔭᒂ ᐊ ᑎᑥᐛᐃᒐᔭᒄ ᒋᑭ ᐃᔅᒋᔄᓇᐛᐤ, ‘ᐅᑎᐸᔨᒋᒐᐤ, ᐸᒋ ᔪᑕᓂᒧᐅᓇᓐ᙮’ ᑭᔭ ᒐ ᐃᓯ ᐎᑎᒪᑕᒄ, ‘ᓇᒪ ᒋᑭ ᐅᒋ ᓴᓂᒪᑎᓇᐛᐤ ᐛᔅ ᓇᒪ ᒋ ᒋᔅᒐᔨᒥᑎᓇᐛᐤ, ᓇᒪ ᑭᔭ ᓂ ᒋᔅᒐᔨᑕᓐ ᑕᓐᑕ ᐛᒋᔭᒄ᙮’ ”

ᓗᒃ 13:26

“ᐊᑯ ᒪᒃ ᒐ ᐃᓯ ᓂᔎᐅᓯᐊᒄ, ‘ᔅᒋ ᐎᒋᒥᒋᓱᒥᑎᓇᓐ, ᔅᒋ ᐎᒋᒥᓂᒥᑎᓇᓐ ᑭᔭ ᔅᒋ ᑕᓐ ᓂᑦ ᐃᑕᐅᓇᒡ ᐊ ᒋᔅᑯᑎᒪᒐᔨᓐ᙮’ ”

ᓗᒃ 14:9

ᒋᑭ ᒋ ᐸᒋ ᓂᑐᐛᐱᒧᒄ ᐊᓐ ᐊᐛᓐ ᑕᐱᔅᑯᓐ ᑲ ᐎᓴᒥᑕᒄ, ᒐᒋ ᐃᑎᔅᒃ, ‘ᐃᒐᑕ ᐊᓐᑕ, ᐊᑯ ᐊᓐ ᐅᔅᑕ ᑲ ᒋᔅᑕᔨᑕᑯᓯᑦ ᒐ ᐊᔭᑭᓄᐅᑦ ᐊᓐᑕ ᐊ ᐅᒋᒪᐅᐱᓇᓄᐎᒡ ᐊᓐᑕ ᑲ ᐊᐳᐅᑦ᙮’ ᑭᔭ ᒐ ᓴᒂᔨᒧᔨᓐ ᐊᑎᐱᔨᓇ᙮

ᓗᒃ 19:40

ᒋᓴᔅ ᒋ ᐃᑕᐤ, “ᒋ ᐎᑎᒪᑎᓇᐛᐤ, ᒋᒺᑥᐛ ᐅᒡ ᐃᔪᒡ, ᒋᐸ ᒋ ᐃᓯᓇᑯᓐ ᐅᒡ ᐊᓯᓂᔨᒡ ᒐᒋ ᒪᒥᒋᒥᒡ᙮”

ᓗᒃ 19:9

ᒋᓴᔅ ᒪᒃ ᒋ ᐃᑕᐤ, “ᐊᓄᒡ ᐅ ᒐᓯᑲᒡ ᒥᓯᐛ ᐃᔪᒡ ᑲ ᐎᒋᒡ ᐅᑕ ᒋᒋᒡ ᐱᒪᒋᐊᑭᓄᐅᒡ᙮ ᒋᔾ ᒪᒃ ᓴᑭᔭᔅ ᑭᔭ ᒋᔾ ᒋᑦ ᐃᑎᔅᑲᓇᓯᓐ ᐊᓐᑕ ᐊᑉᕋᐊᒻ ᐊ ᑕᑦ᙮

ᓗᒃ 5:21

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᒂ ᐊᑎ ᐊᔨᒧᑎᒺᒡ ᐅᔭ ᑲ ᐃᔅᒋᔄᔨᒋ ᐊ ᐃᔅᒋᔄᒡ᙮ “ᐸᔅᑕᒧᐤ ᐅ ᓇᐸᐤ ᐊ ᐃᔅᒋᔄᑦ, ‘ᒋ ᐛᐸᔨᑎᒪᑯᐅᓐ ᒋᒥᒋᑥᐅᓇ᙮’ ᓇᒪ ᐊᐛᓐ ᒋᑭ ᒋ ᐛᐸᔨᑎᒧᐛᐤ ᐊᐛᔪᐛ ᐅᒥᒋᑥᐅᓂᔪᐛ, ᒥᒄ ᒋᓴᒪᓂᑐᐤ᙮”

ᒠᓐ 8:33

ᐊᑯ ᒂ ᐃᑕᒡ, “ᐊᓂᔭ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓇᓐ, ᓇᒪ ᓂᑕ ᓂ ᐅᒋ ᐊᐱᒋᐊᑭᓂᑐᑕᑯᓇᓐ ᐊᐛᓐ᙮ ᒐᒂᓐ ᒪᒃ ᐛᒋ ᐃᔅᒋᔄᔨᓐ ᒋᑭ ᐊᐱᐧᑯᓂᑯᓇᐛᐤ ?”

ᒠᓐ 8:39

ᐊᑯ ᐊᓐᒡ ᒍᐤ ᐃᔪᒡ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᐊᑉᕋᐊᒻ ᓄᑕᐎᓇᓐ᙮” ᐊᑯ ᒋᓴᔅ ᒂ ᐃᑕᑦ, “ᑕᑈ ᐊᑉᕋᐊᒻ ᐊ ᑕᑦ ᑲ ᐅᒋ ᐊᓂᔅᒐ ᐱᒪᑎᓯᐛᒂ ᐊᓂᔭ ᑕᓐ ᑲ ᐃᑎᑦ ᐊᑉᕋᐊᒻ ᐊᐅᑯᓐ ᒋᐸ ᐃᑎᓇᐛᐤ᙮

ᐊᑈᔅᑕᓇᒡ 26:20

ᐊᓐᑕ ᒪᒃ ᑕᒪᔅᑲᓯᒡ ᓂᔅᑎᒻ, ᑭᔭ ᐊᓐᑕ ᒋᕈᓯᓕᒥᒡ, ᐊᑯ ᒥᓐ ᒥᓯᐛ ᐊᓐᑕ ᐅᑕᓇᐛ ᒍᑎᔭ ᐊᔅᒋᒡ ᑲ ᑎᒂᒋ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ ᓂᒋ ᐱᐸᑭᒐᔅᒋᒧᓐ ᐊ ᐃᑎᒂᐤ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ, ᑭᔭ ᒐᒋ ᐃᑐᑕᒡ ᒐᒂᔪᐤ ᐊᓐᑕ ᒐᒋ ᐅᒋ ᓄᑯᓂᔨᒡ ᑕᑈ ᐊ ᒂᔅᑲᑎᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:16

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᐊᔭᐅᒡ ᐅᔭ᙮ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ᐊᔭᒡ ᐅᔭ᙮ ᐛᔅ ᒥᓯᐛ ᐊ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:7

ᑭᔭ ᒪᒃ ᒥᒄ ᐱᔅᒐ ᐊᓐᒡ ᐊᑉᕋᐊᒻ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮ ᐛᔅᑭᒡ ᐊᓐᑕ, ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ, “ᐊᐃᓯᒃ ᐊ ᑕᑦ ᒋᑭ ᐅᒋ ᐊᓂᔅᒐ ᐱᒪᑎᓯᐅᒡ ᐊᓐᒡ ᐊᐛᓐᒋ ᑲ ᐃᑎᑕᓐ ᒐᔅᑎᓇᔅ ᒐ ᒥᔨᑕᓐ᙮”

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮