ᓗᒃ 3:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒋᓴᔅ ᒪᒃ ᓴᓯᑲᓐ ᒋ ᓂᔅᑐᔪᐛᐳᓇᓱᐤ ᐃᔅᐱ ᑲ ᒋᒋᐱᔨᑦ ᑕᓐ ᑲ ᐎ ᐃᑕᐱᒋᐃᑯᑦ ᒋᓴᒪᓂᑐᐛ᙮ ᒋ ᐃᑕᔨᒥᑯᐤ ᒪᒃ ᐊᐛᔪᐛ ᐊᐅᑯᓐ ᐊᓂᔭ ᑎᐱᔨᐛ ᐅᑕᐎᔭ ᐊᓂᔭ ᒍᓯᐸ᙮ ᐅ ᒪᒃ ᒍᓯᑉ, ᐃᓚᐃ ᒋ ᐃᓯᓂᐧᑲᓱᔪᐛ ᐅᑕᐎᔭ᙮

ᓗᒃ 3:23 Iomraidhean Croise

ᒐᓂᓯᔅ 41:46

ᒋ ᓂᔅᑐᔪᐛᐱᐳᓇᓱᐤ ᒍᓯᑉ ᐃᔅᐱ ᑲ ᐊᑐᔅᑯᐛᑦ ᐃᒋᑉᑎᒡ ᒋᓴᐅᒋᒪᐛ᙮ ᐊᑯ ᒍᓯᑉ ᓇᑭᑕᑦ ᒋᓴᐅᒋᒪᐛ ᑭᔭ ᒥᓯᐛ ᐃᒋᑉᑦ ᐊᔅᒋᒡ ᐊᑎ ᐃᑐᑕᑦ᙮

ᒪᑎᔪᐤ 1:1

ᒋᓴᔅ ᙭ ᓂᑭ ᐊᔨᒧᒪᐤ᙮ ᓂᔅᑎᒻ ᐅᑦ ᐊᓂᔅᒐᓯᒪ ᐊ ᑕᔨᒋ ᓂᑭ ᐅᒋ ᒋᒋᐱᔨᓐ ᐊ ᐊᔨᒧᒥᒃ᙮ ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑭᔭ ᐊᓂᔭᐧᑲ ᐊᑉᕋᐊᒪ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮

ᒪᑎᔪᐤ 1:16

ᒐᑭᑉ ᒪᒃ ᒍᓯᑉ ᒋ ᐃᓯᓂᐧᑲᓱᔪᐛ ᐅᑯᓴ, ᐊᐅᒄ ᒪᒃ ᐅᔭ ᒪᕆ ᑲ ᐅᓇᐸᒥᑦ᙮ ᐊᐅᒄ ᐅᔭ ᒪᕆᔨᒋ ᑲ ᐅᑲᐎᑦ ᒋᓴᔅ ᐊᓐ ᙭ ᑲ ᐃᓯᓂᐧᑲᑕᑭᓄᐅᑦ᙮

ᒪᑎᔪᐤ 1:6

ᒐᓯᔾ ᒪᒃ ᒋᓴᐅᒋᒪᐛ ᑎᐱᑕ ᒋ ᐅᑯᓱᐤ᙮ ᑎᐱᑦ ᒪᒃ ᓴᓚᒥᓇ ᒋ ᐅᑯᓱᐤ, ᐅᕆᐊᔨᒋ ᐎᐎᔪᐛ ᒪᒃ ᒋ ᐅᑲᐎᐤ ᓴᓚᒥᓐ᙮

ᒪᑎᔪᐤ 13:55

ᓇᒪᔭᔪᐛ ᐊ ᐅᔭ ᒥᔅᑎᑯᓇᐸᐤ ᐅᑯᓴ ? ᓇᒪᐎᔾ ᐊ ᒪᕆ ᐃᓯᓂᐧᑲᓱᔪᐛ ᐅᑲᐎᔭ, ᑭᔭ ᓇᒪᔭᔪᐛ ᐊ ᐅᔭ ᒋᒥᔅ, ᒍᓯᑉ, ᓴᐃᒥᓐ ᑭᔭ ᒍᑎᔅ ᐎᐧᑲᓂᓱᐛᐛ ?

ᒪᑎᔪᐤ 4:17

ᐊᑯᑕ ᒪᒃ ᑲ ᒋᒋᐱᔨᑦ ᒋᓴᔅ ᐊ ᑭᒐᔅᒋᒪᑦ ᐃᔪᐛ ᐊ ᐃᑕᑦ, “ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ ᐛᔅ ᓴᔅ ᐸᓱᓇᑯᓐ ᒋᒋᒋᓯᒄ ᒋᓴᐅᒋᒪᐅᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:3

ᓇᒪᐎᔾ ᐊ ᐅᔭ ᑲ ᒥᔅᑎᑯᓇᐸᐎᔨᒋ ᒪᕆ ᐅᑯᓴ ? ᓇᒪᐎᔾ ᐊ ᐅᔭ ᐎᐧᑲᓂᓱᐛᐛ ᒋᒥᔅ, ᒍᓯᔅ, ᒍᑎᔅ ᑭᔭ ᓴᐃᒥᓐ ? ᓇᒪᐎᔾ ᐊ ᐅᑕ ᐎᒡ ᐃᔪᐛ ᑭᔭ ᐅᓯᒪ ?” ᐊᔪᐅᒄ ᐅᔭ ᑲ ᐃᓯ ᑯᒂᒋᒥᑐᒡ ᐛᔅ ᑕᐸ ᐅᒋ ᓇᐃᔅᑲᑯᐅᒡ ᑕᓐ ᑲ ᐃᑎᔨᒋ ᒋᓴᓴ᙮

ᓗᒃ 2:48

ᐊᓂᔭᔪᐛ ᒪᒃ ᐅᓂᒋᐃᒂ ᑲ ᐛᐱᒥᑯᑦ ᒋ ᑯᔅᑯᐱᔪᐛ ᐊᓐᑕ ᐊ ᒥᔅᑲᑯᑦ᙮ ᐊᓂᔭ ᒪᒃ ᐅᑲᐎᔭ ᒋ ᐃᑎᑯᐤ, “ᓂᑯᓴ, ᒐᒂᓐ ᐛᒋ ᓇᔅᒡ ᐊᔨᒪᔨᑎᒥᐃᔭᒡ, ᔅᒋ ᒥᔅᑎ ᓇᓂᑐᐛᐱᒥᑎᓇᓐ ᒍᑕᐎᔾ ᐊ ᓂᓯᔭᒡ ?”

ᓗᒃ 3:31

ᐃᓚᔭᑭᒻ ᒪᒃ ᒪᓕᔭᔨᒋ ᒋ ᐅᑕᐎᔪᐤ, ᑭᔭ ᒪᓕᔭ, ᒪᓇᔨᒋ ᒋ ᐅᑕᐎᔪᐤ, ᒪᓇ ᒪᒃ ᒪᑕᑕᔨᒋ ᒋ ᐅᑕᐎᔪᐤ, ᑭᔭ ᒪᑕᑕ, ᓇᐃᑕᓇ ᒋ ᐅᑕᐎᔪᐤ, ᓇᐃᑕᓐ ᒪᒃ ᑎᐱᑕ ᒋ ᐅᑕᐎᔪᐤ᙮

ᓗᒃ 4:22

ᒥᓯᐛ ᐊᐛᓐᒋ ᒋ ᒥᔪᑎᒧᒡ ᑕᓐ ᑲ ᐃᓯ ᐃᔨᒥᔨᒋ ᒋᓴᓴ᙮ ᐊᑯ ᒋ ᒥᔅᑲᑕᔨᑎᒧᒡ ᐊ ᐃᔅᐱᔅ ᑭᔅᒋᐅᑕᑯᓯᔨᒋ, ᐊᑯ ᒂ ᐃᔅᒋᔄᒡ, ᑕᓐᑕ ᐛᑎᓇᐧᒃ ᐅᔭ ᑲ ᐃᑎᑕᑯᓯᑦ, “ᓇᒪᔭᔪᐛ ᐊ ᐅᔭ ᒍᓯᑉ ᐅᑯᓴ ?”

ᒠᓐ 1:45

ᐱᓕᑉ ᒪᒃ ᒋ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ᐃᑕᑦ ᐃᔅᐱ ᑲ ᒥᔅᑯᐛᑦ, “ᓂᒋ ᒥᔅᑯᐛᓇᓐ ᐊᓂᔭ ᒧᓱᔅ ᑲ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ᐅᒋᑦ᙮”

ᒠᓐ 6:42

ᐊᑯ ᒂ ᐃᔅᒋᔄᒡ, “ᓇᒪᔭᐤ ᐊ ᐅ ᒋᓴᔅ, ᒍᓯᑉ ᐅᑯᓴ ? ᓂ ᒋᔅᒐᔨᒪᓇᓂ ᐅᑕᐎᔭ ᑭᔭ ᐅᑲᐎᔭ᙮ ᒐᒂᔪᐤ ᒪᒃ ᐛᒋ ᐃᔅᒋᔄᑦ ᒋᒋᒋᓯᑯᒡ ᐊ ᐅᒋᑦ ?”

ᐊᑈᔅᑕᓇᒡ 1:1

ᒋᔾ ᑎᔪᐱᓚᔅ ᒋ ᒥᓯᓇᐊᒪᑎᓐ᙮ ᓂᔅᑎᒻ ᒥᓯᓇᐃᑭᓐ ᑲ ᒥᓯᓇᐊᒪᒐᔭᓐ ᐊᑯᑕ ᑲ ᐎᑎᒪᓐ ᒥᓯᐛ ᑕᓐ ᑲ ᐃᑎᑦ ᒋᓴᔅ ᑭᔭ ᑕᓐ ᑲ ᐃᓯ ᒋᔅᑯᑎᒪᒐᑦ ᐅᔅᑭᒡ ᑲ ᒋᒋᐱᔨᑕᑦ ᐅᑦ ᐊᑐᔅᒐᐅᓐ ᐱᐃᒻ ᒪᒃ ᑲ ᐸᒋ ᐅᑎᓇᑭᓄᐅᑦ ᒋᒋᒋᓯᑯᒡ ᐃᔅ᙮