ᓗᒃ 3:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᒠᓐ ᒂ ᐎᑎᒧᐛᑦ ᐊ ᐃᑕᑦ, “ᒥᓯᐛ ᐊ ᑎᓯᔭᒄ ᓂᐱᒡ ᓂᔾ ᒋ ᓯᑲᐃᑕᑎᓇᐛᐤ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓐ ᐃᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇ᙮

ᓗᒃ 3:16 Iomraidhean Croise

ᒪᑎᔪᐤ 3:11

“ᓂᐱᔾ ᓂᔾ ᒋ ᓯᑲᐃᑕᑎᓇᐛᐤ ᐊ ᓄᒂᒡ ᐊ ᐎ ᒂᔅᑲᑎᓯᔭᒄ, ᒥᒄ ᒪᒃ ᑯᑎᒃ ᐊᐛᓐ ᒋᑭ ᑎᑯᓯᓄᐤ ᐊᔪᐛᒃ ᐊ ᒋᔅᑕᔨᑕᑯᓯᑦ ᐃᔅᐱᔅ ᓂᔾ᙮ ᓇᒪ ᒪᒃ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔭ᙮ ᐎᔾ ᒪᒃ ᒋᑭ ᓯᑲᐃᑕᑯᐛᐤ ᑲ ᐸᔭᒋᓯᔨᒋ ᐊᒐᒂ, ᑭᔭ ᐃᔅᑯᑕᔪᐤ᙮

ᒪᑎᔪᐤ 3:12

ᐅ ᒐ ᑎᑯᓯᐧᒃ ᒋᑭ ᐃᑕᔨᑕᑯᓱᐤ ᒧᔭᒻ ᓇᐸᐤ ᑲ ᐸᔭᒋᑕᑦ ᐸᒂᓯᑭᓂᒥᓇᑎᑯᔪᐤ ᐊᓐᑕ ᒐᒋ ᐅᑎᓇᑦ ᐸᒂᓯᑭᓇ ᑭᔭ ᑎᐸᓂᔅᑕᐤ ᐊᓂᔭᔪᐛ ᑲ ᒥᔽᔨᒋ ᐊᓐᑕ ᐊᔅᑕᓱᐅᒋᐛᐱᒡ᙮ ᐊᑯ ᐊᓂᔭᔪᐛ ᐊᑲ ᐎᔭᔅ ᐃᑕᐱᑎᓂᔨᒋ ᐃᔎᓯᒻ ᐊᓐᑕ ᐊᑲ ᓂᑕ ᐊᔅᑐᐛᔨᒡ ᐃᔅᑯᑕᔪᐤ᙮” ᐊᐅᒄ ᒪᒃ ᐅᔭ ᑲ ᐃᑕᑦ ᒠᓐ ᐅᓯᑲᐃᑕᒐᐤ ᐊᓂᔭᔪᐛ ᐃᔪᐛ ᑲ ᐸᒋ ᓂᑐᑕᑯᑦ ᐊ ᑭᒐᔅᒋᒧᑦ᙮

ᒠᓐ 1:26

ᐊᑯ ᒠᓐ ᒂ ᐃᑕᑦ, “ᒋ ᓯᑲᐃᑕᑎᓇᐛᐤ ᓂᐱᒡ, ᒋ ᐎᒋᑲᐳᔅᑕᑯᐛᐤ ᒪᒃ ᐊᓐᑕ ᐊᐛᓐ ᐊᑲ ᒋᔅᒐᔨᒪᒄ᙮

ᒠᓐ 1:27

ᐅ ᒪᒃ ᐊᔅᒄ ᒐ ᑎᑯᓯᐧᒃ ᐎᔾ ᐅᔅᑕ ᒋᔅᑕᔨᑕᑯᓱᐤ ᐃᔅᐱᔅ ᓂᔾ, ᓇᒪ ᐛᐛᒡ ᓂᑦ ᐃᔅᐱᑕᔨᑕᑯᓯᓐ ᒐᒋ ᐊᐱᐧᑯᓂᒧᒡ ᐅᒥᔅᒋᓇᔭᐱᔾ᙮”

ᒠᓐ 1:33

ᓇᒪ ᓂ ᐅᒋ ᒋᔅᒐᔨᒪᐤ, ᒥᒄ ᒪᒃ ᒋᓴᒪᓂᑐᐤ ᐊᓐ ᑲ ᐸᒋ ᐃᑎᓴᐅᑦ ᒐᒋ ᓯᑲᐃᑕᒐᐅᒡ ᓂᐱᒡ, ᓂᒋ ᐃᑎᒄ, ‘ᐊᓐ ᓇᐸᐤ ᒐ ᐛᐱᒥᑦ ᐊᒐᒂ ᐊ ᐸᒋ ᔭᓯᔅᑕᑯᑦ ᐊᓐᑕ ᒪᒃ ᐊ ᑕᑦ ᐊ ᑕᔨᒋ, ᐊᐅᒄ ᐊᓐ ᒐ ᓯᑲᐃᑕᒐᑦ ᑲ ᐸᔭᒋᓯᔨᒋ ᐊᒐᒂ᙮’

ᒠᓐ 7:38

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᓐ ᐊᐛᓐ ᒐ ᐸᒋ ᑕᑈᔭᔨᒥᒂ, ᐅᑕᐃᒡ ᒋᑭ ᐅᒋᒍᐅᓂᔪᐤ ᐊᓂᔭ ᓂᐱᔪᐤ ᑲ ᐱᒪᒋᐃᐛᒥᑭᓂᔨᒡ᙮’ ”

ᐊᑈᔅᑕᓇᒡ 1:5

ᐛᔅ ᒠᓐ ᒋ ᓯᑲᐃᑕᒐᐤ ᓂᐱᔪᐤ ᐊ ᐊᐱᒋᑕᑦ᙮ ᐊᑯ ᒪᒃ ᓴᔅ ᐎᐱᒡ ᒋᑭ ᓯᑲᐃᑕᑯᓇᐛᐤ ᑲ ᐸᔭᒋᓯᑦ ᐊᒐᐧᒄ᙮”

ᐊᑈᔅᑕᓇᒡ 10:44

ᒪᒂᒡ ᒪᒃ ᐱᑕᕐ ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ, ᑲ ᐸᔭᒋᓯᔨᒋ ᐊᒐᒂ ᒋ ᐸᒋ ᔭᓯᔪᐛ ᐊᓐᑕ ᐊ ᑕᒡ ᐊᓐᒡ ᒥᓯᐛ ᑲ ᓂᑐᑐᐛᒡ᙮

ᐊᑈᔅᑕᓇᒡ 2:33

“ᒋ ᐊᔭᑭᓄᐤ ᒋᓴᔅ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊ ᒋᔅᑕᔨᑕᑯᐊᑭᓄᐅᑦ᙮ ᐊᑯ ᐅᑕᐎᔭ ᒋᓴᒪᓂᑐᐛ ᑲ ᒥᔨᑯᑦ ᐊᓂᔭᔪᐤ ᒥᔨᐛᐅᓂᔪᐤ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᐛᔨᒋ ᐊᐅᑯᓐ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ᙮ ᐅ ᒪᒃ ᐊᓄᒡ ᑲ ᐃᓯ ᐛᐱᒥᔭᒡ ᐊ ᑎᔭᒡ ᑭᔭ ᑲ ᐃᓯ ᐸᑐᐅᔭᒡ ᐊ ᐃᓯ ᐃᔨᒥᔭᒡ ᒋᓴᔅ ᓂ ᓯᒋᓂᒪᑯᓇᓐ ᑲ ᐸᔭᒋᓯᔨᒋ ᐊᒐᒂ ᐅ ᒐᒋ ᑎᔭᒡ᙮ ᐎᔾ ᒋᓴᔅ ᐊᔭᐤ ᒋᓴᐅᒋᒪᐅᓂᔪᐤ ᐅᔭ ᒐᒋ ᐃᑎᑦ᙮

1 ᑯᕆᓐᑎᔭᓇ 12:13

ᐸᐃᑯᓱᐤ ᐊᓐ ᐊᒐᐧᒄ ᐊᑎ ᒥᓯᐛ ᐸᐃᒄ ᒥᔪᐤ ᑲ ᐅᒋ ᐃᓯᐃᑯᐅᔭᐧᒄ ᑲ ᓯᑲᐃᑕᑯᐅᔭᐧᒄ᙮ ᓇᒪ ᐎᔭᓯᓐ ᒍᐤ ᐊ ᐃᑎᔅᑲᓇᓯᒂ ᐊᐛᓐ ᒪᒃ ᐊᑲ ᒍᐤ ᐃᑎᔅᑲᓇᓯᒂ, ᑭᔭ ᒪᒃ ᐊᐱᒋᐊᑭᓐ ᐊ ᐃᑕᐱᒋᐊᑭᓄᒂ ᑭᔭ ᒪᒃ ᐊᑲ ᐊᐱᒋᐊᑭᓐ ᐃᑕᐱᒋᐊᑭᓄᒂ᙮ ᒥᓯᐛ ᐸᐸᐃᒄ ᐊ ᑎᓯᔭᐧᒄ ᐸᐃᒄ ᐊᒐᐧᒄ ᒋᐱᒋᔅᑲᑭᓄᐤ᙮