40 ᐃᔅᐱ ᒋᓴᔅ ᑲᒋ ᐃᓯ ᐃᔨᒥᑦ ᒋ ᐛᐸᑎᔭᐤ ᐅᑎᒋᔭ ᑭᔭ ᐅᓯᑕ᙮
ᐸᒋ ᑭᓄᐛᐸᑎᒧᒄ ᒪ ᓂᑎᒋᔭ ᑭᔭ ᓂᓯᑕ ᒐᒋ ᐅᒋ ᒐᔅᑎᓇᐅᔭᒄ ᓇᔅᒡ ᑕᑈ ᓂᔾ ᐊ ᐊᐎᔭᓐ᙮ ᐸᒋ ᑕᒋᓂᒄ ᐛᔅ ᒋᐱᔾ ᑕᐸ ᐊᔭᐤ ᐎᔭᓯᔪᐤ ᒪᒃ ᐅᔅᑭᓇ ᑕᓐ ᐊ ᐃᓯ ᐛᐱᒥᔭᒄ ᓂᔾ ᐊ ᐃᓯ ᐊᔭᔭᓐ᙮”
ᐃᔭᐱᒡ ᒪᒃ ᓇᒪ ᑕᑈ ᐅᒋ ᑕᑈᑎᒧᒡ ᒋᓴᓴ ᐊ ᐊᐎᔨᒋ, ᑲ ᐃᔅᐱᔅ ᒥᔽᔨᑕᒡ ᑭᔭ ᑲ ᐃᔅᐱᔅ ᒥᒥᑯᔅᑲᑕᔨᑕᒡ᙮ ᐊᑯ ᒂ ᑯᒂᒋᒥᑯᒡ, “ᑎᑯᓐ ᐊ ᒐᒂᓐ ᐊ ᒥᒋᓇᓄᐅᒡ ?”
ᐃᔅᐱ ᒪᒃ ᑲᒋ ᐃᓯ ᐛᒋᔭᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᐛᐸᑎᔭᑦ ᐅᑎᒋᔭ ᑭᔭ ᐅᔅᐱᑭᔾ᙮ ᒋᒋᐛ ᒪᒃ ᒋ ᓯᒋᔭᓱᐅᒡ ᐊᒋ ᐛᐱᒪᒡ ᐅᑎᐸᔨᒋᒐᓯᒧᐛᐛ᙮
ᒂ ᐃᑕᑦ ᐊᓂᔭ ᑥᒥᓴ, “ᑕᒋᓇ ᓂᑎᒋᔭ ᑭᔭ ᐅ ᓂᔅᐱᑭᔾ ᐸᒋ ᑕᒋᓇ, ᐊᑯᓐ ᐊᑯ ᐃᔅᐱᔅ ᐊᓏᑕ, ᑕᑈᑕ ᐊᑯ᙮”
