ᓗᒃ 24:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒪᒂᒡ ᒪᒃ ᐊ ᒪᒥᑐᓇᔨᑎᒥᐃᑯᒡ ᐅᔭᔪᐤ ᓯᔅᒋᑯᒡ ᒋ ᐅᒋ ᓂᓯᔪᐛ ᓇᐸᐛ ᐊ ᐛᔅᑐᐛᔨᒡ ᐅᑦ ᐊᐱᒋᑕᐅᓂᔪᐛ᙮

ᓗᒃ 24:4 Iomraidhean Croise

ᒐᓂᓯᔅ 18:2

ᐊᑉᕋᐊᒻ ᒋ ᐅᐸᐳᐤ ᑭᔭ ᒋ ᐛᐱᒪᐤ ᓂᔅᑐ ᐊᓐᒋᓇ ᒥᒋᒪ ᑲ ᓂᐳᔨᒋ᙮ ᐃᔅᐱ ᐎᔭᐱᒪᑦ, ᒋ ᓂᑭᑎᒻ ᐅᐱᒍᐎᔭᓂᒋᐛᑉ ᑭᔭ ᒂ ᒋᒋᓇᑦ ᒐᒋ ᓂᒋᔅᑯᐛᑦ᙮ ᒂ ᓂᐱᔅᑯᐱᔅᑐᐛᑦ ᐊ ᒋᔅᑕᔨᒪᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:5

ᒂ ᐱᒐᒡ ᐊᓂᔭ ᑲ ᐛᑎᒂᐱᔅᑲᐃᑭᓄᐎᒡ᙮ ᒋ ᐛᐱᒪᐅᒡ ᐅᔅᒋᓂᒋᓱᐛ ᐊᐱᔨᒋ ᒥᔪᓂᒡ ᐃᑕᒐ, ᐊ ᒋᔅᑭᒥᔨᒋ ᐊ ᐛᐸᔨᒡ ᐊ ᒋᓏᑭᓂᔨᒡ ᐊᑯᐱᔪᐤ, ᒋ ᓴᒋᓱᐅᒡ ᒪᒃ᙮

ᓗᒃ 2:9

ᐅᑎᐸᔨᒋᒐᐛ ᒪᒃ ᐅᑦ ᐊᓐᒋᓂᒥᔪᐛ ᒋ ᓄᑯᓯᔅᑕᑯᐅᒡ᙮ ᓇᔅᒡ ᒪᒃ ᒋ ᒋᐧᑲᔭᔅᑕᔪᐤ ᐊᓐᑕ ᐛᔅᑲ ᐊ ᑕᒡ, ᐅᑎᐸᔨᒋᒐᐛ ᐊ ᑕᔨᒋ ᐊ ᐅᒋ ᐛᔅᑐᐛᔨᒡ᙮ ᓇᔅᒡ ᒪᒃ ᒋ ᓴᒋᓱᐅᒡ᙮

ᓗᒃ 24:5

ᐊᑯ ᓇᔅᒡ ᒂ ᓴᒋᓯᒡ ᒂ ᐊᑎ ᐅᑎᑎᐱᔪᐅᒡ ᐊᓐᑕ ᐃᔅ ᐊᔅᒋᒡ, ᒂ ᐃᑎᑯᒡ ᐊᓂᔭ ᓇᐸᐛ, “ᒐᒂᓐ ᐛᒋ ᓇᓂᑐᐛᐱᒪᒄ ᐊᓐ ᑲ ᐱᒪᑎᓯᑦ ᐅᑕ ᑲ ᓂᐱᔨᒋ ᐊ ᑕᔨᒋ ?

ᐊᑈᔅᑕᓇᒡ 1:10

ᒪᒂᒡ ᒪᒃ ᐊᓐᑕ ᐃᔅᐱᒥᒡ ᐊ ᐃᑕᐱᒡ ᐊ ᐎ ᑭᓄᐛᐱᒪᒡ ᐊ ᐊᑎ ᐅᐱᔨᒋ, ᓯᔅᒋᑯᒡ ᒋ ᐅᒋ ᐎᒋᑲᐳᔅᑕᑯᐅᒡ ᓂᓱ ᓇᐸᐛ ᐊ ᐛᐸᔅᐱᓱᔨᒋ᙮

ᐊᑈᔅᑕᓇᒡ 12:7

ᒐᒃ ᓯᔅᒋᑯᒡ ᑲ ᐅᒋ ᐛᔅᑕᔨᒡ ᐊᓐᑕ ᐱᑕᕐ ᑲ ᒋᐸᐛᑭᓄᐅᑦ, ᐊᐅᑯᔪᐛ ᐅᑎᐸᔨᒋᒐᐤ ᐅᑦ ᐊᓐᒋᓂᒥᔪᐛ ᐛᒋ ᓂᐳᔨᒋ ᐊᓐᑕ ᐊ ᑕᑦ᙮ ᑲ ᔭᔭᒋᐱᑎᑯᑦ ᐊ ᐎ ᑯᔅᑯᓂᑯᑦ ᐊᑯ ᒂ ᐃᑎᑯᑦ, “ᒋᐱ ᐅᓂᔾ !” ᑎᐛᒡ ᒪᒃ ᒋ ᐊᔭᐱᐧᑯᐸᔪᐛ ᐊᓂᔭ ᐃᓴᒂᔭᐱᔭ ᑲ ᒪᑯᐱᑕᑭᓄᐅᑦ ᐱᑕᕐ ᐅᐧᑯᓂᑎᒋᒡ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮