ᓗᒃ 24:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᐊᑯ ᒪᒃ ᒂ ᐃᔅᒋᔄᒡ, “ᑕᑈ ᔅᒋ ᒥᔽᔨᑕᓇᓄᐤ ᒋᑕᐃᓇᒡ ᐊ ᐊᑎ ᓂᔅᑐᑎᒪᐧᒄ ᑕᓐᑕ ᑲ ᐃᔅᒋᔄᒥᑭᓂᔨᒂ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐᑕ ᑲ ᐊᔨᒧᒪᑭᓄᐅᑦ ᑭᔭ ᑕᓐ ᑲ ᐃᓯ ᐎᑎᒪᑕᐧᒄ ᒪᒂᒡ ᑲ ᐱᒧᑕᔭᐧᒄ ᐊᓐᑕ ᒪᔅᑭᓇᒡ ?”

ᓗᒃ 24:32 Iomraidhean Croise

ᑎᐱᑦ ᐅᓂᑭᒧᐅᓇ 104:34

ᒋᑭ ᐎᐧᑭᓐ ᐊ ᒪᒥᑐᓇᔨᒥᒃ: ᓂᑭ ᓯᒋᔭᓯᓐ ᑎᐸᔨᒋᒐᓱᐤ ᐅᒋ᙮

ᑎᐱᑦ ᐅᓂᑭᒧᐅᓇ 39:3

ᓂᑕᐃ ᒋ ᒋᓯᑕᐤ ᐱᒡ ᓂᔭᒡ; ᒪᒂᒡ ᒪᒃ ᐊ ᒪᒥᑐᓇᔨᑎᒪᓐ, ᐃᔅᑯᑕᐤ ᒋᐎᔨᐃᑕᐤ; ᐊᑯ ᒪᒃ ᑲ ᐃᔨᒥᔭᓐ ᓂᑕᔨᔾ ᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:34

ᐊᔪᐅᒄ ᐅᔭ ᐱᓯᒄ ᑲ ᐊᐱᒋᑕᑦ ᐊ ᐃᔨᒪᐊᑦ ᐊᐛᔪᐛ᙮ ᒥᒄ ᒪᒃ ᐃᔅᐱ ᒥᒄ ᐎᔨᐛᐤ ᐊ ᑕᒡ ᐅᒋᔅᒋᓄᐊᒧᐛᑭᓇ ᐊᑯᑕ ᑲᒋ ᐛᐎᑎᒧᐛᑦ ᑕᓐ ᐊ ᐃᓯ ᐃᔅᒋᔄᒥᑭᓂᔨᒋ ᐅᔭ ᑎᐸᒋᒧᐅᓇ᙮

ᓗᒃ 24:45

ᐊᑯ ᐅᔭ ᒂ ᐃᓯ ᐎᑎᒧᐛᑦ ᒐᒋ ᐱᔭᑭᔅᒡ ᓂᔅᑐᑎᒥᔨᒋ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮

ᒠᓐ 6:63

ᒥᒄ ᑲ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ᐃᑐᑎᒻ ᐅᔭ᙮ ᔅᒋ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮

ᐊᑈᔅᑕᓇᒡ 28:23

ᐊᑯ ᐊᓐᒡ ᒍᐤ ᐃᔪᒡ ᒂ ᐎᔅᑕᐛᒡ ᐊᓂᔭ ᑈᓚ ᐊᓐᑕ ᐊ ᒋᓯᑲᔨᒡ ᒐᒋ ᒪᒧᐎᒡ ᒐᒋ ᓂᑐᑐᐛᒡ ᑕᓐ ᒐ ᐃᔅᒋᔄᔨᒋ᙮ ᐛᑎᒋᐱᔨᒡ ᒪᒃ ᐊᓂᔭ ᐊ ᒋᓯᑲᔨᒡ ᐊᓐᑕ ᑲ ᓂᔅᑯᒧᒡ ᒐᒋ ᒪᒧᐎᒡ ᒥᒐᑦ ᐊᐛᓐᒋ ᒋ ᑎᑯᓯᓄᐅᒡ ᐊᓐᑕ ᑈᓚ ᐊ ᑕᔨᒋ᙮ ᐊ ᒐᒋᓴᐸᔭᔨᒡ ᐱᐃᒻ ᐊ ᐊᑎ ᑎᐱᔅᑲᔨᒡ, ᑈᓪ ᒋ ᐛᐎᑎᒧᐛᐤ ᐊᓂᔭ ᒍᐤ ᐃᔪᐛ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᑭᔭ ᒋ ᑭᒐᔅᒋᒪᐤ ᐊ ᐎ ᓯᒋᒪᑦ ᒐᒋ ᑕᑈᑎᒥᔨᒋ ᒋᓴᓴ ᐊ ᐊᐎᔨᒋ ᙭ᑕ ᐊᓐ ᑲ ᐊᔨᒧᒪᑭᓄᐅᑦ ᐊᓐᑕ ᒧᓱᓴ ᐅᐎᓱᐛᐅᓂᒡ ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐅᒥᓯᓇᐃᑭᓂᔨᒡ᙮

ᐃᑉᕈᐛ 4:12

ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐸᑎᓂᔪᐤ᙮ ᓱᒃ ᐊᑐᔅᒐᒥᑭᓂᔪᐤ᙮ ᐅᔅᑕ ᑲᓴᔪᐤ ᐃᔅᐱᔅ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐃᑐᐤ ᐊ ᐃᓯ ᑲᓴᔨᒡ᙮ ᓇᔅᒡ ᒋᑦ ᐊᒐᐧᑯᓇᒡ ᑭᔭ ᒋᒥᑐᓇᔨᒋᑭᓇᒡ ᐃᓯ ᐊᑐᔅᒐᒥᑭᓂᔪᐤ᙮ ᓇᔅᒡ ᑭᔭ ᐊ ᓴᓴᐳᑎᓂᔨᒡ ᐊᓂᔅᑯᑭᓇᓂᒡ ᑭᔭ ᐅᔅᑭᓐ ᐱᒥᒡ ᐊᐅᑯᓐ ᐊ ᐃᑕᔨᑕᑯᓂᔨᒡ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᓇᔅᒡ ᐎᔭᐸᑎᔨᑯᐅᔭᐧᒄ ᑕᓐ ᐊᓐ ᐊ ᐃᑕᔨᑎᒪᐧᒄ ᑭᔭ ᑕᓐ ᐊᓐ ᐊ ᐃᓯ ᐱᑯᓴᔨᒧᔭᐧᒄ ᒋᑕᐃᓇᒡ᙮