ᓗᒃ 24:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᑯ ᒋᓴᔅ ᒂ ᒋᒋ ᐛᐎᑎᒧᐛᑦ ᐊᓂᔭᔪᐛ ᓇᐸᐛ ᒥᓯᐛ ᑕᓐ ᑲ ᐃᑎᓯᓇᐃᑭᓄᐎᒡ ᐊ ᐊᔨᒧᒪᑭᓄᐅᑦ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᒧᓱᔅ ᑕᓐ ᑲ ᐃᑎᔅᑕᔨᒡ ᐊ ᐊᔨᒧᒥᑯᑦ ᒋ ᐅᒋ ᒋᒋᐱᔨᑕᐤ ᒐᒃ ᒂ ᐅᑎᑕᐊᐧᒃ ᑕᓐ ᑲ ᐃᓯ ᒥᓯᓇᐊᒥᔨᒋ ᐊ ᐊᔨᒧᒥᑯᑦ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

ᓗᒃ 24:27 Iomraidhean Croise

ᒐᓂᓯᔅ 12:3

ᓂᑭ ᒥᔽᒋᒪᐅᒡ ᐊᓐᒡ ᑲ ᒥᔽᒋᒥᔅᒡ ᑭᔭ ᓂᑭ ᒥᒐᒋᒪᐤ ᐊᓐ ᒪᒐᒋᒥᔅᒃ; ᒋᔾ ᐅᒡ ᒥᓯᐛ ᐊ ᑕᑎᓯᒡ ᐃᔪᒡ ᐅᑕ ᐊᔅᒋᒡ ᒋᑭ ᓱᐛᔨᑕᑯᓱᐅᒡ᙮”

ᒐᓂᓯᔅ 22:18

ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”

ᒐᓂᓯᔅ 26:4

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔭ᙮ ᒋᑦ ᐊᓂᔅᑯᑕᐸᓐᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 132:11

ᑎᐸᔨᒋᒐᓱᐤ ᒋ ᒋᒋ ᐃᑕᐤ ᑕᑈᐅᓂᒡ ᑎᐱᑕ; ᓇᒪᐎᔾ ᒋᑭ ᒂᔅᒐᔨᑎᒻ; “ᒋᔭᒡ ᒐ ᐅᒋᐱᔨᒡ ᓂᑭ ᐅᐛᔨᐱᐊᐤ ᒋᒋᓴᐅᒋᒪᐤ ᑕᑎᐳᐛᑭᓂᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:34

ᐊᔪᐅᒄ ᐅᔭ ᐱᓯᒄ ᑲ ᐊᐱᒋᑕᑦ ᐊ ᐃᔨᒪᐊᑦ ᐊᐛᔪᐛ᙮ ᒥᒄ ᒪᒃ ᐃᔅᐱ ᒥᒄ ᐎᔨᐛᐤ ᐊ ᑕᒡ ᐅᒋᔅᒋᓄᐊᒧᐛᑭᓇ ᐊᑯᑕ ᑲᒋ ᐛᐎᑎᒧᐛᑦ ᑕᓐ ᐊ ᐃᓯ ᐃᔅᒋᔄᒥᑭᓂᔨᒋ ᐅᔭ ᑎᐸᒋᒧᐅᓇ᙮

ᓗᒃ 24:25

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐃᑎᑯᒡ ᒋᓴᓴ, “ᒋᔨᐛᐤ ᓇᐸᑐᒄ, ᑕᑈ ᐊᑲ ᐃᑕᔨᑎᒪᒄ, ᑕᓐᑕ ᐛᒋ ᐊᑲ ᐅᒋ ᑕᑈᑐᐛᑯᒡ ᑕᓐ ᑲ ᐃᓯ ᓂᑲᓐ ᐎᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮

ᓗᒃ 24:44

ᐊᑯ ᒋᓴᔅ ᒂ ᐃᑎᑯᒡ, “ᐊᐅᒄ ᒪᒃ ᐅ ᑲ ᐃᓯ ᐛᐎᑎᒪᑎᑯᒡ ᐊᔅᒄ ᒪᒂᒡ ᐊᒋ ᐎᒐᐅᑎᑯᒡ ᑲ ᐃᔅᒋᔄᔭᓐ, ᒐᔅᑎᓇᔅ ᒋᑭ ᑎᐱᐱᔪᐤ ᒥᓯᐛ ᐊ ᐃᓯ ᐊᔨᒧᒥᑯᐅᔭᓐ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᐊᓐᑕ ᐅᒥᓯᓇᐃᑭᓂᐛᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᑭᔭ ᑎᐱᑦ ᐅᓂᑭᒧᐅᓂᒡ᙮”

ᒠᓐ 1:45

ᐱᓕᑉ ᒪᒃ ᒋ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ᐃᑕᑦ ᐃᔅᐱ ᑲ ᒥᔅᑯᐛᑦ, “ᓂᒋ ᒥᔅᑯᐛᓇᓐ ᐊᓂᔭ ᒧᓱᔅ ᑲ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ᐅᒋᑦ᙮”

ᒠᓐ 12:41

ᐊᐃᓴᔭ ᒋ ᐃᑕᐤ ᐅᔭ ᐛᔅ ᒋ ᐛᐸᑎᒺᐤ ᒋᓴᓴ ᐅᒋᔅᑕᔨᑕᑯᓱᐅᓂᔪᐤ, ᑭᔭ ᑲ ᐊᔨᒧᒪᑦ᙮

ᒠᓐ 5:37

ᐅᑕᐎᒪᐤ ᐊᓐ ᑲ ᐸᒋ ᐃᑎᓴᐅᑦ ᑭᔭ ᐎᔾ ᓂ ᐸᒋ ᑎᐸᒋᒥᒄ᙮ ᓇᒪ ᒪᒃ ᓂᑕ ᒋ ᐅᒋ ᐸᑎᒺᓇᐛᐤ ᐅᐸᑕᑯᓱᐅᓐ ᑭᔭ ᓇᒪ ᓂᑕ ᒋ ᐅᒋ ᐛᐱᒪᐛᐤ᙮

ᒠᓐ 5:39

ᐃᔭᒂ ᒋ ᓇᓂᑐ ᒋᔅᒐᔨᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊ ᐃᑕᔨᑎᒪᒄ ᐊᑯᑕ ᐊᓐᑕ ᒐᒋ ᐅᒋ ᒋᔅᒐᔨᑎᒪᒄ ᑕᓐᑕ ᒐᒋ ᐅᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑯᑕ ᑕᐸᒋᒥᑯᐅᔭᓐ ᓂᔾ ᐊ ᐊᐎᔭᓐ ᙭᙮

ᐊᑈᔅᑕᓇᒡ 10:43

ᒋ ᑎᐸᒋᒥᑯᐤ ᒥᓯᐛ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᔅᒋᔄᔨᒋ, ᐎᔾ ᐅᑦ ᐃᓯᓂᐧᑲᓱᐅᓂᔨᒡ ᐅᒡ ᒥᒄ ᐊᐛᓐ ᒐ ᑕᑈᔭᔨᒪᒂ ᒋᑭ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮”

ᐊᑈᔅᑕᓇᒡ 3:18

ᒋᓴᒪᓂᑐᐤ ᒋ ᒥᔭᐤ ᐊᓂᔭᔪᐛ ᐅᒋᔅᒋᐛᐃᒐᓱᐛ ᒐᒋ ᓂᑲᓐ ᐎᑎᒥᔨᒋ ᒐ ᐛᐎᓯᒐᔨᑎᒥᔨᒋ ᙭ᑕ ᐊᓂᔭᔪᐛ ᑲ ᐅᑎᓇᑦ᙮ ᒋᓴᒪᓂᑐᐤ ᒪᒃ ᒋ ᑎᐱᐱᔨᑕᐤ ᐅᔭ᙮

ᐊᑈᔅᑕᓇᒡ 3:22

ᐛᔅ ᐊᓂᔭ ᒧᓱᔅ ᒋ ᐃᔅᒋᔄᐤ ᐛᔅᑭᒡ ᐊ ᐊᔨᒧᒪᑦ ᒋᓴᓴ, ᒋᓴᒪᓂᑐᐤ, ᒋᑭ ᐊᐱᒋᐊᐤ ᐊᐛᔪᐛ ᐊᓐᑕ ᓂᑲᓄᒡ ᒐ ᒋᔅᒋᐛᐃᒐᔨᒋ, ᒧᔭᒻ ᓂᔾ ᐊ ᐃᓯ ᐊᐱᒋᐃᑦ ᐊ ᒋᔅᒋᐛᐃᒐᔭᓐ᙮ ᐊᓐᑕ ᒋᔨᐛᐤ ᐊ ᐃᑎᔅᑲᓇᓯᔭᒄ, ᐊᑯᑕ ᒐ ᐅᒋᔨᒋ᙮ ᒋᑭ ᓂᑐᑐᐛᐛᐤ ᑭᔭ ᒋᑭ ᓂᓇᐃᑐᐛᐛᐤ ᑕᓐ ᒐ ᐃᑎᑕᒄ᙮

ᐊᑈᔅᑕᓇᒡ 3:24

“ᓴᒻᔪᐃᓪ ᐊᑯ ᒪᒃ ᐊᓐᒡ ᑯᑎᑭᒡ ᐅᒋᔅᒋᐛᐃᒐᓱᒡ ᒋ ᓂᑲᓐ ᐎᑎᒧᒡ ᐅᔭ ᑕᓐ ᒐ ᐃᔅᐱᔨᒋ ᐊᓄᒡ ᒐᓯᑲᒋ᙮

ᐊᑈᔅᑕᓇᒡ 7:37

“ᐊᐅᑯᐤ ᐅ ᒧᓱᔅ ᑲ ᐃᑕᒂ ᐊᓂᔭ ᐃᔪᐛ ᐊᓐᑕ ᐃᔅᕋᐃᓪ ᑲ ᐅᒋᔨᒋ, ᒋᓴᒪᓂᑐᐤ ᒋᑭ ᐃᑎᓴᐊᒪᑯᐛᐤ ᐊᐛᔪᐛ ᒐ ᐅᒋᔅᒋᐛᐃᒐᓱᔨᒋ ᒧᔭᒻ ᓂᔾ ᑲ ᐃᓯ ᐸᒋ ᐃᑎᓴᐅᑦ, ᐅᑕ ᒪᒃ ᐊ ᐅᒋᔭᒄ ᒋᑭ ᐅᒋᔪᐛ᙮

ᐊᑈᔅᑕᓇᒡ 8:35

ᐊᑯ ᐱᓕᑉ ᐎᔭᐎᑎᒧᐛᑦ ᒋᒋᒥᓯᓇᐃᒐᐅᓂᔪᐤ ᐊ ᐅᒋ ᒋᒋᐱᔨᑦ, ᑭᔭ ᒋ ᐊᔨᒧᑎᒧᐛᐤ ᒥᔽᒋᒧᐅᓂᔪᐤ ᒋᓴᓴ ᐊ ᐊᔨᒧᒥᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 19:10

ᓂᒋ ᐅᒋᒋᐧᑯᓂᐱᔪᐅᓐ ᒪᒃ ᒐᒋ ᐊᔭᒥᐊᔅᑐᐅᒃ ᐅ ᐊᓐᒋᓐ᙮ ᒥᒄ ᒪᒃ ᓂᒋ ᐃᑎᒄ, “ᐊᑲᐎᔾ ᐊᓐ ᐃᑎᔾ᙮ ᐛᔅ ᑭᔭ ᓂᔾ ᓂᑦ ᐊᑐᔅᑯᐛᐤ ᒋᓴᒪᓂᑐᐤ ᒧᔭᒻ ᒋᔾ ᑭᔭ ᒋᐧᑲᓂᓯᒡ ᐊ ᐃᑎᔭᒄ, ᒥᓯᐛ ᐊᓐᒡ ᑯᐃᔅᒄ ᑲ ᐃᓯ ᐛᐎᑕᒡ ᐊᓂᔭ ᑕᑈᐅᓂᔪᐤ ᒋᓴᓴ ᑲ ᐛᐸᑎᔨᐛᔨᒋ᙮ ᒋᓴᒪᓂᑐᐤ ᐊᐅᒄ ᐊᔭᒥᐊᔅᑐᐤ᙮” ᐛᔅ ᐊᓂᔭ ᑕᑈᐅᓂᔪᐤ ᒋᓴᔅ ᑲ ᐸᒋ ᐛᐸᑎᔨᐛᑦ, ᐊᐅᒄ ᐊᓂᔭ ᑲ ᓱᒐᔨᑕᑯᐃᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑕᓐ ᑲ ᐃᓯ ᐃᔨᒥᒡ᙮