ᓗᒃ 23:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯᑕ ᐊᑐᐎᔅ ᓱᒃ ᑲ ᐎ ᑕᑈᒡ ᐊ ᐃᔅᒋᔄᒡ, “ᐅ ᓇᐸᐤ ᒥᒋᐱᔨᑕᐤ ᑕᓐ ᐊ ᐃᓯ ᒋᔅᑯᑎᒪᒐᑦ ᒥᓯᐛ ᐊ ᐃᔅᐱᓴᔨᒡ ᒍᑎᔭ ᐊᔅᒋᔪᐤ᙮ ᑲᓕᓕᒡ ᒋ ᐅᒋ ᒋᒋᐱᔨᑕᐤ ᐊ ᒋᔅᑯᑎᒪᒐᑦ ᐅᑕ ᒪᒃ ᒋ ᐃᓯ ᒋᔅᑯᑎᒪᒐᐤ ᒋᕈᓯᓕᒥᒡ᙮”

ᓗᒃ 23:5 Iomraidhean Croise

ᑎᐱᑦ ᐅᓂᑭᒧᐅᓇ 22:16

ᐛᔅ ᐊᑎᒧᒡ ᓂᒋ ᐛᔅᑲᔅᑲᑯᒡ; ᑲ ᒪᒧᐎᔨᑐᒡ ᐅᒥᒋᑥᐅᒡ ᓂ ᐛᔅᑲᑲᐳᐅᔅᑕᑯᒡ: ᒋ ᑕᐧᑲᑎᒧᒡ ᓂᑎᒋᔭ ᑭᔭ ᓂᓯᑕ᙮

ᑎᐱᑦ ᐅᓂᑭᒧᐅᓇ 57:4

ᓂᑦ ᐊᒐᐧᒄ ᒥᓯᐱᓱᓇᒡ ᑕᐤ: ᑭᔭ ᒥᒄ ᓂ ᐎᒋᐱᒥᓯᒪᐅᒡ ᐊᐛᓐᒋ ᑲ ᐛᐃᓱᒡ, ᐃᔪᐤ ᐅᑯᓯᓴᓐᒡ ᐅᑦ, ᐎᐱᑐᐛᐛ ᑲ ᐊᓯᒪᑭᓄᐎᔨᒋ ᑭᔭ ᑲ ᐊᑲᔅᑯᐛᓂᐎᔨᒋ, ᑭᔭ ᐅᑕᔨᔪᐛᐛ ᐊ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ᙮

ᑎᐱᑦ ᐅᓂᑭᒧᐅᓇ 69:4

ᐊᓐᒡ ᓯᔅᒋᑯᒡ ᑲ ᐛᐧᑲᓯᒡ ᐊᑐᐎᔅ ᒥᒐᑐᐅᒡ ᐃᔅᐱᔅ ᓂᐱᔎᐅᓇ: ᐊᓐᒡ ᑲ ᐎ ᓂᓱᐅᓇᒋᐃᒡ ᓂᑐᐎ ᑲ ᐎ ᒪᓯᐃᒡ, ᓱᐧᑲᑎᓯᐅᒡ: ᐊᑯ ᐸᒋᑎᓇᒪᓐ ᐊᓂᒪ ᐊᑲ ᐅᒋ ᐅᑎᓂᒪᓐ᙮

ᒪᑎᔪᐤ 11:1

ᐃᔅᐱ ᒪᒃ ᑲᒋ ᐃᓯ ᐛᑎᓱᒪᑦ ᒋᓴᔅ ᐅᒋᔅᒋᓄᐊᒧᐛᑭᓇ, ᐊᑯ ᒐ ᔅᑐᑕᑦ, ᒐᒋ ᒋᔅᑯᑎᒪᒐᑦ ᑭᔭ ᒐᒋ ᑭᒐᔅᒋᒧᑦ ᐊᓐᑕ ᑯᑎᑲ ᐅᑕᓇᐛ ᐊᓐᑕ ᒥᒋᒪ ᑲ ᑎᑯᓂᔨᒋ᙮

ᒪᑎᔪᐤ 2:1

ᐸᑦᓕᔭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒡ ᐊᑯᑕ ᑲ ᐃᔪᑦ ᒋᓴᔅ᙮ ᐊᕈᑦ ᒪᒂᒡ ᒋ ᒋᓴᐅᒋᒪᐤ᙮ ᒋᕈᓯᓕᒥᒡ ᒪᒃ ᒋ ᑎᑯᓯᓄᐅᒡ ᑲ ᑭᒐᑕᐛᔨᑕᒡ ᓇᐸᐅᒡ ᐛᐱᓄᑕᒡ ᐊ ᐅᑐᑕᒡ᙮

ᒪᑎᔪᐤ 27:24

ᐃᔅᐱ ᒪᒃ ᒐᔅᒐᔨᑕᐧᒃ ᑈᓚᑦ ᒐ ᐊᑲ ᒋ ᓴᐧᑯᒋᒪᑦ ᐊᓂᔭᔪᐛ ᐃᔪᐛ ᑭᔭ ᑎᐛᒡ ᐊ ᐊᑎ ᒋᒋ ᒥᒋᐱᔨᓇᓄᐎᒡ ᒋ ᑲᓯᑎᒐᐤ ᐅᑎᔅᑯᐤ ᐊᓂᔭᔪᐛ ᐃᔪᐛ ᐊ ᑕᔨᒋ᙮ ᐊᑯ ᒂ ᐃᑕᑦ, “ᓇᒪ ᐎ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᒐ ᓂᐸᐊᑭᓄᐅᑦ ᐅ ᓇᐸᐤ᙮ ᒋᔨᐛᐤ ᐅ ᑲ ᐃᑎᔭᒄ᙮”

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:14

ᐸᑎᒪ ᒪᒃ ᒪᒂᒡ ᒠᓐ ᐅᓯᑲᐃᑕᒐᐤ ᑲᒪᑯᓄᐛᓯᐅᒋᐛᐱᒡ ᑲ ᑕᑦ ᒋᓴᔅ ᒋ ᐃᑐᑕᐤ ᐊᓐᑕ ᑲᓕᓕᒡ᙮ ᐊᑯᑕ ᐊᓐᑕ ᑲ ᑭᒐᔅᒋᒧᑦ ᐊ ᐛᐎᑕᐧᒃ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮

ᓗᒃ 11:53

ᐃᔅᐱ ᒪᒃ ᐊ ᐊᑎ ᔅᑐᑕᑦ ᒋᓴᔅ ᐊᓐᑕ, ᐊᑯ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᑭᔭ ᐊᓐᒡ ᐸᕆᓯᔨᒡ ᒋ ᒋᔄᐃᑯᐅᒡ᙮ ᓇᔅᒡ ᒪᒃ ᓱᒃ ᐃᔭᐱᒡ ᒋ ᑯᒂᒋᒪᐅᒡ ᑯᑎᑲ ᒐᒂᔪᐛ

ᓗᒃ 23:23

ᐊᑯ ᐊᓐᒡ ᐃᔪᒡ ᐃᔭᐱᒡ ᒂ ᐃᓯ ᑕᑈᒡ ᓇᔅᒡ ᓱᒃ ᐊ ᓂᑐᐛᔨᒪᒡ ᒋᓴᓴ ᒐᒋ ᒋᔅᑕᔎᑕᑭᓄᔨᒋ᙮ ᒋ ᓴᐧᑯᒋᒪᐅᒡ ᒪᒃ᙮

ᓗᒃ 23:6

ᐃᔅᐱ ᒪᒃ ᑲ ᐸᑕᐧᒃ ᐊᓂᔭᔪᐤ ᑈᓚᑦ, ᒋ ᑯᒂᒋᒪᐤ, “ᑲᓕᓕᒡ ᐊ ᐅᒋᐤ ᐅ ᓇᐸᐤ ?”

ᒠᓐ 1:43

ᒥᓐ ᐊᓂᔭ ᐊ ᐊᑎ ᒋᓯᑲᔨᒡ ᒋᓴᔅ ᒋ ᐃᑕᔨᑎᒻ ᑲᓕᓕ ᐊᔅᒋᒡ ᒐᒋ ᐃᑐᑕᑦ᙮ ᐊᑯᑕ ᐊᓐᑕ ᑲ ᒥᔅᑯᐛᑦ ᐱᓕᐸ ᐊᑯ ᐊᑕᑦ, “ᐸᒋ ᐎᒐᐎ᙮”

ᒠᓐ 19:15

ᒋ ᐃᓯ ᑕᑈᐅᒡ ᒪᒃ ᐊᓐᒡ ᒍᐤ ᐃᔪᒡ, “ᓂᐸᐊᐧᒄ, ᓂᐸᐊᐧᒄ, ᒋᔅᑕᔎᑕᐧᒄ,” ᐊ ᐃᔅᒋᔄᒡ᙮ ᐊᑯ ᑈᓚᑦ ᒂ ᐃᑕᑦ, “ᒋ ᓂᑐᐛᔨᒥᓇᐛᐤ ᐊ ᒐᒋ ᐱᔅᑎᓂᒃ ᒋᒋᓴᐅᒋᒪᒧᐛᐤ ᒐᒋ ᒋᔅᑕᔎᑕᑭᓄᐅᑦ ?” ᐊᑯ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᒋ ᐃᓯ ᐎᑎᒪᑯᐤ ᑈᓚᑦ ᐊ ᐃᑎᑯᑦ, “ᒥᒄ ᓯᓴᕐ ᓂ ᐅᒋᓴᐅᒋᒪᒥᓇᓐ ᓇᒪ ᑯᑎᒃ ᐊᐛᓐ᙮”

ᒠᓐ 2:11

ᐊᑯᑕ ᒪᒃ ᐊᓐᑕ ᑲᐃᓇᒡ ᐊᓐᑕ ᑲᓕᓕ ᐊᔅᒋᒡ, ᓂᔅᑎᒻ ᑲ ᒪᒥᔅᑲᒡ ᐃᑎᑦ ᒋᓴᔅ, ᐊᑯᑕ ᑲ ᓄᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᐊᑯᑕ ᒪᒃ ᑲ ᐅᒋ ᑕᑈᔭᔨᒥᑯᑦ ᐅᒋᔅᒋᓄᐊᒧᐛᑭᓇ᙮

ᒠᓐ 7:41

ᑯᑎᑭᒡ ᒪᒃ ᒋ ᐃᑕᐅᒡ, “ᐊᐅᒄ ᐅ ᙭᙮” ᑯᑎᑭᒡ ᒋ ᐃᑕᐅᒡ, “ᓇᒪᔭᒐ ᐅ ᙭, ᐛᔅ ᓇᒪ ᐊᓐᑕ ᑲᓕᓕᒡ ᒋᐸ ᐅᒋ ᐅᒋᐤ ᐊᓐ ᙭᙮

ᒠᓐ 7:52

ᒋ ᐃᓯ ᐎᑎᒧᐊᐅᒡ ᒪᒃ ᐊ ᐃᑕᒡ, “ᑭᔭ ᒋᔾ ᐊ ᑲᓕᓕ ᐊᔅᒋᒡ ᒋ ᐅᒋᓐ ? ᐃᔨᒥᑕᔨᓇ ᒋᓴᒪᓂᑐᐤ ᐅᑦ ᐃᔨᒧᐅᓐ ᒋᑭ ᒋᔅᒐᔨᑕᓐ ᐊᑲ ᓂᑕ ᐅᒋ ᐅᒋᑦ ᐊᐛᓐ ᐊ ᐅᒋᔅᒋᐛᐃᒐᓱᐅᑦ ᐊᓐᑕ ᑲᓕᓕ ᐊᔅᒋᒡ᙮”

ᐊᑈᔅᑕᓇᒡ 10:37

ᒋᔅᒐᔨᑕᓇᐛᐤ ᑭᔭ ᑕᓐ ᑲ ᐃᔅᐱᔨᒡ ᐊᓐᑕ ᒥᓯᐛ ᒍᑎᔭᒡ, ᑲᓕᓕᒡ ᐊᓐᑕ ᐅ ᒋ ᐅᒋ ᒋᒋᐱᔪᐤ ᐃᔅᐱ ᒠᓐ ᑲ ᐛᐎᑕᐧᒃ ᓯᑲᐃᑕᒐᐅᓂᔪᐤ᙮

ᐊᑈᔅᑕᓇᒡ 23:10

ᒐᒃ ᒪᒃ ᐊᓂᔭ ᐊ ᐃᔅᐱᔅ ᒥᔅᑎ ᒥᒋᐱᔨᓇᓄᐎᒡ, ᐊᓐ ᓂᑐᐱᔪᐅ-ᐅᒋᒪᐤ ᒐᒃ ᒋ ᑯᔅᐱᓇᔨᑎᒻ ᒐᒋ ᐎᔭᔅᑐᑐᐛᑭᓄᔨᒋ ᑈᓚ᙮ ᐊᑯ ᒂ ᐃᑕᑦ ᐊᓂᔭ ᐅᑦ ᐊᓯᒪᑭᓂᓯᒻ ᒐᒋ ᐱᑎᑲᐊᔨᒋ ᑈᓚ ᐊᓐᑕ ᐊᓂᔭ ᐊᓯᒪᑭᓂᓯᐅᒋᐛᐱᒡ᙮

ᐊᑈᔅᑕᓇᒡ 5:33

ᐃᔅᐱ ᒪᒃ ᐱᔭᑕᒡ ᐅᔭ ᐊᓐᒡ ᑲ ᒪᒧᐎᒡ ᐊᓐ ᑲ ᓂᑲᓂᐱᑦ ᒋᓴᐊᔭᒥᐊᐅᒋᒪᐤ ᑭᔭ ᐊᓂᔭᔪᐛ ᑲ ᐎᒋᐃᑯᑦ ᒋ ᒥᔅᑎ ᒋᔄᓱᐅᒡ, ᐊᑯ ᒂ ᑯᒂᑕᔨᑕᒡ ᒐᒋ ᐃᔅᒋᔄᒡ ᒐᒋ ᓂᐸᐊᑭᓄᔨᒋ ᐅᔭ ᐊᑈᔅᑕᓇ᙮

ᐊᑈᔅᑕᓇᒡ 7:54

ᐃᔅᐱ ᒪᒃ ᐊᓐᒡ ᑲ ᒪᒧᐎᒡ ᑲ ᐸᑐᐛᒡ ᐊᓂᔭ ᔅᑎᐱᓇ ᐅᔭ ᐊ ᐃᔅᒋᔄᔨᒋ, ᒋ ᒥᔅᑎᒋᔄᐃᑯᒡ᙮

ᐊᑈᔅᑕᓇᒡ 7:57

ᒋ ᒋᐳᓂᒧᒡ ᐎᑐᑭᐛᐛ ᐊ ᐊᓯᒂᒡ ᐊᓐᒡ ᑲ ᐸᑐᐛᒡ ᐅᔭ ᐊ ᐃᔅᒋᔄᔨᒋ᙮ ᐊᑯ ᒥᓯᐛ ᒪᒧᐤ ᒂ ᐃᔅᐸᔨᑐᒡ ᐊᓐᑕ ᐊ ᑕᔨᒋ᙮