ᓗᒃ 23:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᐊᑯ ᒋᓴᔅ ᒂ ᐃᔅᒋᔄᑦ, “ᓄᑕ, ᐛᐸᔨᑎᒧᐅᒡ, ᐛᔅ ᓇᒪ ᒋᔅᒐᔨᑎᒧᒡ ᑕᓐ ᐊ ᐃᑎᒡ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ᐎᐅᑕᐅᑐᒡ, ᐊᑯᑕ ᑲ ᐅᒋ ᐎᔭᔨᑕᒡ ᐊᐛᔪᐛ ᒐ ᐊᔭᔨᒋ ᐊᓂᔭᔪᐛ ᐅᑦ ᐊᐱᒋᑕᐅᓂᔪᐛ᙮

ᓗᒃ 23:34 Iomraidhean Croise

ᒐᓂᓯᔅ 50:17

‘ᒐ ᐛᐸᔨᑎᒧᑥᐤ ᒥᓯᐛ ᑲ ᐃᔅᐱᔅ ᐅᓂᑐᑎᔅᒡ ᒋᐧᑲᓂᓯᒡ᙮ ᒋᒋᐛ ᒪᔭᑎᓂᔪᐤ ᒐᒂᔪᐤ ᑲ ᐃᓯ ᑐᑕᔅᒡ᙮’ ᐊᑯ ᒪᒃ ᐊᓄᒡ ᒋ ᑯᒂᒋᒥᑎᓇᓐ ᒐᒋ ᐛᐸᔨᑎᒧᐅᔭᒡ ᓂᒥᒋᑐᑎᒧᐅᓇᓇ ᐛᔅ ᐸᐃᑯᓱᐤ ᐊᑐᔅᑯᐅᒋᒡ ᒋᓴᒪᓂᑐᐤ ᐊᓂᔭ ᒍᑕᐎᓄᐤ ᑲ ᐊᑐᔅᑯᐛᑦ᙮” ᒋ ᒪᐤ ᒍᓯᑉ ᐃᔅᐱ ᑲ ᐸᑎᒺᑦ ᐎᐧᑲᓂᓴ ᐅᑦ ᐃᔨᒧᐅᓂᔪᐤ᙮

ᑎᐱᑦ ᐅᓂᑭᒧᐅᓇ 22:18

ᒋ ᒪᑎᓂᒪᑐᐅᒡ ᓂᑦ ᐊᐱᒋᑕᐅᓇ, ᑭᔭ ᒪᐃᑭᓇᑎᑯᒐᐅᒡ ᓂᑦ ᐊᑯᐱᔪᐤ᙮

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᒪᑎᔪᐤ 11:26

ᓂᐦᐃ, ᓄᑕ ᒋ ᓂᓇᔅᑯᒥᑎᓐ ᐛᔅ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᓐ᙮”

ᒪᑎᔪᐤ 5:44

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓴᒋᐊᐧᑯᒡ ᐊᓐᒡ ᑲ ᐛᐧᑲᑎᑕᑯᒡ ᑭᔭ ᐊᔭᒥᐊᔅᑎᒧᐛᐧᑯᒡ ᐊᓐᒡ ᑲ ᓂᓇᐧᑲᒋᐃᑕᑯᒡ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:24

ᐃᔅᐱ ᒪᒃ ᑲᒋ ᒋᔅᑕᔎᑕᒡ ᒋᐱᔭᑎᑯᒡ᙮ ᒋ ᒪᑎᓂᒪᑐᐛᐅᒡ ᐅᑦ ᐊᐱᒋᑕᐅᓂᔪᐛ, ᒋ ᒪᐃᑭᓇᑎᑯᒐᐅᒡ ᒐᒂᔪᐤ ᐊᐛᓐ ᒐ ᐅᑎᓂᒧᒂ᙮

ᓗᒃ 22:42

ᒂ ᐃᔅᒋᔄᑦ, “ᓄᑕ, ᐸᒋ ᐃᒐᓂᒧᐎ ᐅ ᑕᓐ ᓂᐸ ᐃᓯ ᐛᐎᓯᒐᔨᑕᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ᐃᑐᑕᑭᓄᐤ, ᓇᒪᔭᐤ ᓂᔾ ᓂᑦ ᐃᑕᔨᑎᒧᐅᓐ᙮”

ᒠᓐ 17:9

“ᓂᑦ ᐊᔭᒥᐊᔅᑎᒧᐛᐅᒡ, ᓇᒪ ᐎ ᐊᓐᒡ ᐊᑲ ᒋᔅᒐᔨᒥᔅᒡ ᐅᐱᒪᑎᓯᐅᓄᐛᒡ ᓂᑦ ᐊᔭᒥᐊᔅᑎᒧᐛᐅᒡ᙮ ᐅᒡ ᐊᐅᒄ ᑲ ᐸᒋ ᒥᔨᓐ ᓂᑦ ᐊᔭᒥᐊᔅᑎᒧᐛᐅᒡ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒡ ᑲ ᐸᒋ ᒥᔨᓐ᙮

ᒠᓐ 19:11

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᒥᒄ ᒐᓱᐛᑦ ᒋᓴᒪᓂᑐᐤ ᐊᒋ ᒥᔨᔅᒃ ᐊᓂᔭ ᒐᒋ ᐃᑐᐅᑦ ᐊᐅᑯᓐ ᐛᒋ ᑎᒂᒡ ᐊᓐ ᒐᒋ ᐃᑎᔨᓐ᙮ ᐊᓐ ᒪᒃ ᐊᐛᓐ ᒋᔾ ᐊ ᑕᔨᓐ ᑲ ᐃᓯ ᐱᔅᑎᓱᐛᓯᑦ ᐊᐅᒄ ᐊᑐᐎᔅ ᒥᒋᑐᑕᐧᒃ᙮”

ᐊᑈᔅᑕᓇᒡ 16:28

ᑈᓪ ᒪᒃ ᒋ ᑕᑈᑕᐤ ᐊ ᐃᑕᑦ, “ᐊᑲᐎᔾ ᐎ ᐎᔭᔅᑐᑕᓱᐤ, ᒥᓯᐛ ᐛᔅ ᐊᓐ ᐊᔅᒄ ᐊᑯᑕ ᐅᑕ ᐊ ᑕᔭᒡ᙮”

ᐊᑈᔅᑕᓇᒡ 3:17

“ᐊᑯ ᒪᒃ ᓂᐧᑲᓂᓯᑐᒄ, ᓂ ᒋᔅᒐᔨᑕᓐ ᒋᔨᐛᐤ ᑭᔭ ᐊᓐᒡ ᑲ ᓂᑲᓂᔅᑲᑕᑯᒡ ᐊᑲ ᐅᒋ ᒋᔅᒐᔨᑎᒪᒄ ᑕᓐ ᐊᓐ ᐊ ᐃᑎᔭᒄ ᐊᓂᔭᔪᐤ ᑲ ᐃᑐᑐᐛᒄ ᒋᓴᔅ᙮

ᐊᑈᔅᑕᓇᒡ 7:60

ᔅᑎᐱᓐ ᒋ ᓂᐱᔅᑯᐳᐤ, ᐊ ᒋᔄᐛ ᑕᑈᑦ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐛᐸᔨᑎᒧᐅᒡ ᐅᒥᒋᑥᐅᓄᐛᐤ᙮ ᐅᔭᔪᐤ ᑲ ᐃᑐᑐᐅᒡ ᐊᑲᐎᔾ ᒋᑭ ᐎ ᒪᑎᑯᔅᑲᑯᐅᒡ᙮” ᐊᐅᑯᐤ ᐅᔭ ᑲ ᐃᔅᒋᔄᑦ, ᐊᑯ ᒪᒃ ᒂ ᓂᐱᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:14

ᓱᐛᔨᒪᐧᑯᒡ ᐊᓐᒡ ᑲ ᐅᓂᑐᑕᑕᑯᒡ᙮ ᓱᐛᔨᒪᐧᑯᒡ, ᐊᑲᐎᔾ ᒥᒐᒋᒪᐧᑯᒡ᙮

1 ᑯᕆᓐᑎᔭᓇ 2:8

ᓇᒪ ᒪᒃ ᐛᐛᒡ ᐸᐃᒄ ᐊᓐᒡ ᑲ ᐅᒋᒪᐅᒡ ᐅᑕ ᐊᔅᒋᒡ ᐅᒋ ᓂᔅᑐᑎᒧᒡ ᐅᔭ ᑭᒐᑕᐛᔨᑎᒧᐅᓂᔪᐤ ᐛᔅ ᑕᐸ ᒋᐸ ᐅᒋ ᒋᔅᑕᔎᑕᐅᒡ ᐊᓂᔭ ᐅᑎᐸᔨᒋᒐᐛ ᒪᐅᒡ ᑲ ᒋᔅᑕᔨᑕᑯᓯᔨᒋ ᒋ ᒋᔅᒐᔨᑎᒧᐛᑯᐱᓇ᙮

1 ᑯᕆᓐᑎᔭᓇ 4:12

ᓇᔅᒡ ᒥᔅᑎ ᓂᑦ ᐊᐱᑎᓯᓇᓐ ᒐᒋ ᐱᒪᒋᐃᓱᔭᒡ᙮ ᐊ ᐛᐧᑲᓯᔨᒥᒡ ᐊᐛᓐᒋ, ᓂ ᓂᑐᑎᒧᒪᓇᓂ ᒋᓴᒪᓂᑐᐛ ᒐᒋ ᓱᐛᔨᒥᑯᒡ᙮ ᑭᔭ ᓂᔭᐧᑲᒋᐃᔨᒥᒡ ᐊᐛᓐᒋ ᓇᒪ ᓂ ᒋᔅᑐᑕᓇᓐᒡ᙮

1 ᑎᒧᑎ 1:13

ᐊᑎ ᓇᔅᒡ ᐊᒋ ᐊᒂᑕᔨᑕᑯᓱᐅᒡ ᓂᓇᐧᑯᐤ ᐊᒋ ᐃᓯ ᒥᒪᔭᔨᒥᒃ ᑭᔭ ᐊᒋ ᐱᐸᔅᑕᒥᒃ ᑭᔭ ᐊᒋ ᓂᓇᐧᑲᒋᐃᒃ᙮ ᒥᒄ ᒪᒃ ᐃᔭᐱᒡ ᓂᒋ ᒋᔅᑎᒪᒐᔨᒥᒄ ᐛᔅ ᐊᓐ ᑲ ᐃᔅᐱᔅ ᒋ ᐊᓏᑎᒪᓐ ᓇᒪ ᓂ ᐅᒋ ᒋᔅᒐᔨᑕᓐ ᑕᓐ ᐊᓐ ᑲ ᐃᑎᔭᓐ᙮

1 ᐱᑕᕐ 3:9

ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ᐅᓂᑐᑕᔅᒃ ᒪᒃ ᐊ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮