ᓗᒃ 23:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᒪᒂᒡ ᒪᒃ ᐊ ᐊᑎ ᐱᒧᑕᐊᒡ ᒋᓴᓴ ᐊᓐᑕ ᒐ ᒋᔅᑕᔎᑕᑭᓄᔨᒋ, ᒋ ᓂᒋᔅᑯᐛᐅᒡ ᓇᐸᐛ ᓴᐃᒥᓐ ᐊ ᐃᓯᓂᐧᑲᓱᔨᒋ, ᓴᐃᕆᓐ ᐅᑕᓇᒡ ᐊ ᐅᒋᔨᒋ, ᒪᒂᒡ ᐅᑕᓇᒡ ᐊ ᐎ ᐸᒋ ᐃᑐᑕᔨᒋ᙮ ᒋ ᒪᑯᓇᐅᒡ ᒪᒃ ᒂ ᒥᔭᒡ ᐊᓂᔭ ᒋᐱᔭᑎᒂ ᒐᒋ ᐅᓂᑲᑕᐛᔨᒋ, ᐊᑯ ᒂ ᐊᑎ ᓇᓴᐛᔨᒋ ᒋᓴᓴ᙮

ᓗᒃ 23:26 Iomraidhean Croise

ᒪᑎᔪᐤ 5:41

ᐊᐛᓐ ᒪᒃ ᓯᒋᒥᔅᒐ ᒐᒋ ᐎᐅᓱᐅᑦ ᐎᐅᑦ ᐸᐃᒄ ᐊᔅᐱᓴᔨᒡ ᐃᔅᐱᔅ, ᐊᑯᔅ ᓂᓱ ᐊᔅᐱᓴᔨᒡ ᐃᔅᐱᔅ ᐃᑐᑕᐤ᙮

ᓗᒃ 14:27

ᐊᐛᓐ ᐊᑲ ᐱᒪᐅᔭᒐ ᐅᒋᐱᔭᑎᑯᒪ ᐊ ᐸᒋ ᓇᓴᐅᑦ ᓇᒪ ᓂᑭ ᒋ ᐅᒋᔅᒋᓄᐊᒧᐛᑭᓂᑐᑐᐛᐤ᙮”

ᓗᒃ 23:25

ᒂ ᐱᔅᑎᓇᑦ ᐊᓂᔭ ᓇᐸᐛ ᐸᕋᐸᔅ ᑲ ᐃᓯᓂᐧᑲᓱᔨᒋ ᐊᓐ ᑲ ᒋᒋᐱᔨᑕᒂ ᐊ ᒥᒋᐱᔭᐊᑭᓄᔨᒋ ᒋᓴᐅᒋᒪᐛ ᑭᔭ ᐊᒋ ᓂᐸᐃᐛᒂ᙮ ᐊᑯ ᐊᓐᒡ ᐃᔪᒡ ᒂ ᐱᔅᑎᓂᒧᐛᑭᓄᐎᒡ ᒐᒋ ᐃᑐᑐᐛᒡ ᒋᓴᓴ ᑕᓐ ᑲ ᐎ ᐃᑐᑐᐛᒡ᙮

ᓗᒃ 9:23

ᐊᑯ ᒥᓯᐛ ᒂ ᐃᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᐊᓯᑯᒻ ᒋᓯᑲᐛ ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮

ᐊᑈᔅᑕᓇᒡ 13:1

ᐊᓐᑕ ᒪᒃ ᐊᓐᑎᔭᑭᒡ ᑲ ᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᑕᐅᒡ ᐊᓐᑕ ᐅᒋᔅᒋᐛᐃᒐᓱᒡ ᑭᔭ ᑲ ᒋᔅᑯᑎᒪᒐᒡ᙮ ᐊᐅᑯᓐᒡ ᐅᒡ, ᐸᕐᓇᐸᔅ ᑭᔭ ᓯᒥᐅᓐ ᐱᓐᑐᒄ ᑲ ᐃᓯᓂᐧᑲᑕᑭᓄᐅᑦ ᑭᔭ ᓗᓯᔭᔅ, ᓴᐃᕆᓐ ᑲ ᐅᒋᑦ, ᑭᔭ ᒪᓇᐃᓐ ᐊᓐ ᑲ ᐊᓯᒡ ᓂᑕᐅᒋᓇᑭᓄᐅᑦ ᒋᓴᐅᒋᒪᐛ ᐊᕈᑕ ᑲ ᓂᑕᐅᒋᓇᑭᓄᔨᒋ ᑭᔭ ᓴᓪ᙮

ᐊᑈᔅᑕᓇᒡ 2:10

ᐳᕆᒋᔭ, ᐸᒻᐱᓕᔭ, ᐃᒋᑉᑦ, ᑭᔭ ᓕᐱᔭ ᒥᒋᒪ ᐊᓐᑕ ᓴᐃᕆᓐ ᑲ ᑎᒂᒡ ᐅᑕᓇᐤ᙮ ᑭᔭ ᐱᔅᒐ ᐅᑕ ᐊ ᑎᓯᔭᐧᒄ ᕈᒻ ᒋ ᐅᒋᓇᓄᐤ᙮

ᐊᑈᔅᑕᓇᒡ 6:6

ᐊᑯ ᒪᒃ ᐊᓐᒡ ᑲ ᑕᑈᑕᒡ ᒂ ᐃᑐᑕᐊᒡ ᐊᓂᔭᔪᐛ ᑲ ᐅᑎᓇᒡ ᓇᐸᐛ ᐊᓐᑕ ᐊᓂᔭᔪᐛ ᐊᑈᔅᑕᓇ ᐊ ᑕᔨᒋ᙮ ᐊᑯ ᒪᒃ ᐊᓐᒡ ᐊᑈᔅᑕᓇᒡ ᒂ ᑕᒋᓇᒡ ᑭᔭ ᑲ ᐊᔭᒥᐊᔅᑎᒧᐛᒡ ᐊᓂᔭᔪᐛ ᓇᐸᐛ᙮

ᐊᑈᔅᑕᓇᒡ 6:9

ᒋ ᑕᐅᒡ ᓇᐸᐅᒡ ᐊᑲ ᐅᒋ ᓇᐊᔨᒪᒡ ᔅᑎᐱᓇ, ᐊᓐᒡ ᐊᓐᑕ ᑲᒋ ᐃᓯ ᓇᒋ ᐊᔭᒥᐊᒡ ᐊᓂᔭ ᒍᐤ ᐊᔭᒥᐊᐅᒋᐛᐱᔪᐤ ᑲ ᐊᐱᐧᑯᓇᑭᓄᐎᒡ ᓇᐸᐅᒡ, ᑲ ᐃᓯᓂᐧᑲᑕᔨᒡ᙮ ᓂᓇᐧᑯᐤ ᐃᑕᐅᓂᒡ ᒋ ᐅᒋᐅᒡ ᓴᐃᕆᓐ ᑭᔭ ᐊᓕᒃᓴᓐᑕᕆᔭ ᑲ ᐃᓯᓂᐧᑲᑕᔨᒋ᙮ ᑯᑎᑭᒡ ᒪᒃ ᐊᓐᑕ ᓯᓕᓯᔭ ᑭᔭ ᐊᐃᓴ ᐊᔅᒋᒡ ᒋ ᐅᒋᐅᒡ᙮ ᐊᐅᑯᓐ ᒪᒃ ᐅᔭ ᓇᐸᐛ ᑲ ᒥᒋᐱᔨᐃᑯᑦ ᔅᑎᐱᓐ᙮