ᓗᒃ 23:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᓂᑎᒥᒄ ᑲ ᐃᓯ ᒪᒥᓯᒪᒡ ᐊ ᐃᔅᒋᔄᒡ, “ᐅ ᒪ ᓇᐸᐤ ᓂ ᒥᔅᑯᐛᓇᓐ ᐊ ᒥᒋᑭᒐᔅᒋᒪᑦ ᓂᑦ ᐃᔨᒥᓇᓇ, ᐊ ᒋᑕᐊᒧᐛᑦ ᒐᒋ ᒋᓯᐧᑯᐛᔨᒋ ᓱᓇᔭᔪᐤ ᕈᒻ ᒋᓴᐅᒋᒪᐛ ᓯᓴᕋ, ᑭᔭ ᐊ ᐎᑎᒧᐛᑦ ᐎᔾ ᐊ ᐊᐎᑦ ᙭, ᒋᓴᐅᒋᒪᐤ ᐊ ᐃᑕᐃᓱᑦ᙮”

ᓗᒃ 23:2 Iomraidhean Croise

ᑎᐱᑦ ᐅᓂᑭᒧᐅᓇ 35:11

ᐅᑭᒋᔭᑕᒋᒧᐅᒡ ᒋ ᐱᓯᑯᐅᒡ; ᓂᒋ ᒪᒥᓯᒥᑯᒡ ᒐᒂᓇ ᐊᑲ ᑲᒋ ᒋᔅᒐᔨᑎᒧᒡ᙮

ᑎᐱᑦ ᐅᓂᑭᒧᐅᓇ 62:4

ᒥᒄ ᓯᒋᒥᑐᒡ ᐅᑦ ᐃᔅᐸᔨᑕᑯᓱᓂᒡ ᒐᒋ ᐅᒋ ᓂᒋᐛᐳᐛᒡ; ᒥᔽᔨᑎᒧᒡ ᑭᑭᒋᔭᐅᓇ; ᐅᑐᓄᐛᒡ ᐅᒋ ᒥᔽᒋᒧᐛᐅᒡ, ᒪᒃ ᐱᒋᔪᐤ ᒪᒐᒋᒧᐛᐅᒡ᙮

ᒪᑎᔪᐤ 17:27

ᐊᑯ ᒪᒃ ᓇᒪᐎᔾ ᑭᑈ ᓂᑐᐛᔨᑎᑯᓐ ᓂᔾ ᒐᒋ ᐱᔅᑎᓂᒪᓐ ᓱᓇᔭᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐃᔅ᙮ ᒥᒄ ᒪᒃ ᓇᒪ ᒋᑭ ᐅᒋ ᐎ ᒋᔄᐊᓄᐅᒡ ᐊᓐᒡ ᐃᔪᒡ᙮ ᐊᑯᔅ ᒪᒃ ᒋᑭ ᐱᔅᑎᓇᓇᓄᐤ ᓱᓇᔭᐤ᙮ ᓇᓯᐸ ᒪᒃ ᓇᑕ ᒐ ᐱᑭᔅᑐᐛᐊᒥᓐ ᒋ ᑯᔅᑭᓐ᙮ ᐊᓐ ᒪᒃ ᓂᔅᑎᒻ ᓂᒪᔅ ᒐ ᐅᒋᒂᑎᑦ ᒐ ᐅᑎᓂᑦ, ᐊᓐᑕ ᒪᒃ ᐅᑐᓂᒡ ᒋᑭ ᒥᔅᑯᐛᐤ ᓱᓇᔭᐱᔅᒄ, ᒋᑭ ᐃᔅᐱᓴᐤ ᐊᓐᑕ ᑕᐱᔅᑯᓐ ᐊ ᓂᓯᔭᐧᒄ ᑕᓐ ᒋᐸ ᐃᓯ ᐱᔅᑎᓇᓇᓄᐤ ᓱᓇᔭᐤ᙮ ᒐ ᐃᑐᑕᔨᓐ ᓇᑕ ᒋᓴᐊᔭᒥᐊᐅᒋᐛᐱᒡ ᒐ ᐱᔅᑎᓂᒥᓐ ᐊᓐ ᒋᐸ ᐃᔅᐱᔅ ᒋᓯᐧᑲᓱᓇᓄᐤ᙮”

ᒪᑎᔪᐤ 22:21

ᐊᑯ ᐊ ᑎᑯᑦ, “ᓯᓴᕐ, ᕈᒻ ᒋᓴᐅᒋᒪᐤ ᐊᓂᔭ ᐅᑕᔅᑎᒥᐧᒄ ᑭᔭ ᐎᔾ ᐊᓐᑕ ᒥᓯᓇᑕᐛᑭᓄᐤ᙮” ᐊᑯ ᒋᓴᔅ ᐊᑕᑦ, “ᒥᔭᐧᒄ ᓯᓴᕐ ᐊᓂᔭ ᑕᐱᔨᐛᐅᓯᑦ ᓯᓴᕐ, ᑭᔭ ᒥᔭᐧᒄ ᒋᓴᒪᓂᑐᐤ ᐊᓂᔭ ᑕᐱᔨᐛᐅᓯᑦ ᒋᓴᒪᓂᑐᐤ᙮”

ᒪᑎᔪᐤ 27:11

ᒋᓴᔅ ᒪᒃ ᒋ ᐅᑎᔅᑯᑲᐳᔅᑐᐛᐤ ᑈᓚᑕ ᐊᓂᔭᔪᐛ ᕈᒻ ᒋᓴᐅᒋᒪᐤ ᐊᐱᒋᐊᑭᓇ᙮ ᐊᑯ ᒂ ᑯᒂᒋᒥᑯᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:17

ᒋᓴᔅ ᒋ ᐃᑕᐤ, “ᒥᔭᐧᒄ ᒋᓴᐅᒋᒪᐤ ᓯᓴᕐ ᑕᓐ ᐊᓂᔭᔪᐛ ᐎᔾ ᑕᐱᔨᐛᐅᓯᑦ, ᑭᔭ ᒥᔭᐧᒄ ᒋᓴᒪᓂᑐᐤ ᑕᓐ ᐊᓂᔭ ᐎᔾ ᑕᐱᔨᐛᐅᓯᑦ᙮” ᐊᔪᐛᒡ ᒪᒃ ᒋ ᒪᒥᔅᑲᓯᑐᐛᐅᒡ ᐅᔭ ᑲ ᐃᓯ ᐃᔨᒥᐃᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:2

ᐊᑯ ᑈᓚᑦ ᒂ ᑯᒂᒋᒪᑦ ᒋᓴᓴ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒋ ᐃᑕᐤ, “ᐊᐅᑯᓐ ᐊᔅᒋᔄᔨᓐ᙮”

ᓗᒃ 23:14

ᐊᑯ ᒂ ᐃᑕᑦ, “ᔅᒋ ᐸᓱᐛᐛᐤ ᐅ ᓇᐸᐤ ᐅᑕ ᐊ ᑕᔭᓐ ᐊ ᐃᑕᒄ ᐊᒋ ᒥᒋᑭᒐᔅᒋᒪᑦ ᐃᔪᐛ ᐊ ᐃᑕᑦ ᒐᒋ ᓂᔅᑯᔅᑐᐛᔨᒋ ᒋᓴᐅᒋᒪᐛ᙮ ᓂᒋ ᓂᑐ ᒋᔅᒐᔨᒪᐤ ᐅᑕ ᐅᑎᔅᑯᐤ ᐊ ᑕᔭᒄ ᓇᒪ ᒪᒃ ᓂ ᒥᔅᑭᒺᓐ ᑕᓐ ᑲ ᐃᓯ ᒥᒋᑐᑎᒧᒂ᙮

ᓗᒃ 23:5

ᐊᑯᑕ ᐊᑐᐎᔅ ᓱᒃ ᑲ ᐎ ᑕᑈᒡ ᐊ ᐃᔅᒋᔄᒡ, “ᐅ ᓇᐸᐤ ᒥᒋᐱᔨᑕᐤ ᑕᓐ ᐊ ᐃᓯ ᒋᔅᑯᑎᒪᒐᑦ ᒥᓯᐛ ᐊ ᐃᔅᐱᓴᔨᒡ ᒍᑎᔭ ᐊᔅᒋᔪᐤ᙮ ᑲᓕᓕᒡ ᒋ ᐅᒋ ᒋᒋᐱᔨᑕᐤ ᐊ ᒋᔅᑯᑎᒪᒐᑦ ᐅᑕ ᒪᒃ ᒋ ᐃᓯ ᒋᔅᑯᑎᒪᒐᐤ ᒋᕈᓯᓕᒥᒡ᙮”

ᒠᓐ 18:29

ᐊᐅᒄ ᒪᒃ ᐅᔭ ᐛᒋ ᐎᐎᑦ ᑈᓚᑦ, ᒂ ᓂᑐᐛᐱᒪᑦ ᐊᑯ ᒂ ᑯᒂᒋᒪᑦ, “ᑕᓐ ᐊ ᐃᓯ ᐊᑕᒪᔨᑕᑯᓯᑦ ᐅ ᓇᐸᐤ ?”

ᒠᓐ 18:30

ᒂ ᐃᓯ ᐎᑎᒪᑯᑦ ᐊ ᐃᑎᑯᑦ, “ᓇᒪ ᓂᐸ ᐅᒋ ᐸᓱᐛᓇᓐ ᐅᑕ ᐊ ᑕᔨᓐ ᐊᑲ ᐅᒋ ᒥᒋᑐᑎᒧᑯᐱᓇ᙮”

ᒠᓐ 19:12

ᐅᔭ ᒪᒃ ᑲ ᐃᔅᒋᔄᔨᒋ ᒋᓴᓴ, ᑈᓚᑦ ᒋ ᐎ ᐱᔅᑕᓇᐤ᙮ ᐊᑯ ᒥᒄ ᐊᓐᒡ ᒍᐤ ᐃᔪᒡ ᒂ ᑕᑈᒡ ᐊ ᐃᔅᒋᔄᒡ, “ᐸᒋᔅᑎᓇᒂ ᒋᓴᔅ ᓇᒪ ᒋᐎᒐᐛᑭᓂᑐᐛᐛᐤ ᒋᓴᐅᒋᒪᐤ ᓯᓴᕐ᙮ ᐛᔅ ᐊᐛᓐ ᑲ ᒋᓴᐅᒋᒪᐅᐃᓱᑦ ᓇᒪ ᓂᓇᐃᑐᐛᐤ ᓯᓴᕋ᙮”

ᐊᑈᔅᑕᓇᒡ 24:13

ᑭᔭ ᒪᒃ ᓇᒪ ᐊᓐ ᒋᑭ ᒋ ᐛᐸᑎᔨᑯᒡ ᑕᑈ ᐊ ᑕᑈᒡ ᐊᓂᔭ ᑕᓐ ᐊ ᐃᓯ ᐸᒋ ᐊᑕᒪᔨᒥᒡ᙮

ᐊᑈᔅᑕᓇᒡ 24:5

“ᓂ ᒋᔅᒐᔨᒪᓇᓐ ᐅ ᓇᐸᐤ, ᑈᓪ ᐊ ᒥᒋᐱᔨᑕᑦ᙮ ᑎᑯᓂᔪᐤ ᑕᓐ ᐊ ᐃᑎᑦ ᐊᑎ ᐛᒋ ᐃᑐᑐᐛᑦ ᐅᔭ ᒍᐤ ᑲ ᐃᑎᔅᑲᓇᓯᔨᒋ ᐃᔪᐛ ᒥᓯᐛ ᐅᑕ ᐊᔅᒋᒡ ᑲ ᑕᔨᒋ ᒐᒋ ᒪᒥᒋᐱᔨᑕᔨᒋ᙮ ᐎᒋᐃᐛᐤ ᑭᔭ ᐊ ᓂᑲᓂᔅᑯᐛᑭᓄᔨᒋ ᐊᓂᔭ ᓇᓴᕆᓐ ᑲ ᐃᓯᓂᐧᑲᑕᑭᓄᔨᒋ ᓇᔅᒡ ᓂᑎᒥᒄ ᑲ ᐃᓯ ᑕᑕᑈᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:7

ᑕᓐ ᒥᒄ ᐊ ᐃᓯ ᑎᑯᓂᒂ ᓱᓇᔭᔪᐤ ᐊ ᓂᑐᐛᔨᑕᑯᓯᔨᓐ ᒐᒋ ᒋᓯᐧᑭᒥᓐ, ᒋᓯᐧᑲ᙮ ᑕᓐ ᐊ ᐃᓯ ᓂᑐᐛᔨᑕᑯᓱᐅᓇ ᒐᒋ ᒋᔅᑕᔨᒥᑥᐤ ᐊᓐᒡ ᑎᐸᔨᒐᐅᓂᒡ ᑲ ᐃᓯ ᐊᑐᔅᒐᒡ ᒋᔅᑕᔨᒥᒡ ᑭᔭ ᒋᔾ᙮