ᓗᒃ 22:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋᓴᔅ ᒋ ᒋᑎᓴᐛᐤ ᐱᑕᕋ ᑭᔭ ᒠᓇ ᐊ ᐃᑕᑦ, “ᒪᒋᒄ ᐊᔭᔅᑯᔅᑕᒄ ᐎᒪᔅᑲᒐᐅ-ᒥᑯᓴᓐ᙮”

ᓗᒃ 22:8 Iomraidhean Croise

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᓗᒃ 22:9

ᒋ ᐃᑎᑯᐤ ᒪᒃ, “ᑕᓐᑕ ᓇᑐᐛᔨᑎᒥᓐ ᒐᒋ ᐊᔭᔅᑯᔅᑕᔭᒡ ?”

ᐊᑈᔅᑕᓇᒡ 3:1

ᐸᐃᒂᐤ ᐱᑕᕐ ᑭᔭ ᒠᓐ ᒋ ᐃᑐᑕᐅᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᓂᔅᑐ ᑎᐸᐃᑭᓐ ᐊ ᐃᔅᐱᔨᒋ ᐊᒋ ᐃᓯ ᐊᐱᑕᒋᓯᑲᔨᒡ, ᐊᓐᑕ ᐊ ᐅᑎᒋᐱᔨᒡ ᑲᒋ ᐊᔭᒥᐊᓄᐎᒡ᙮

ᐊᑈᔅᑕᓇᒡ 3:11

ᐊᓐ ᒪᒃ ᓇᐸᐤ ᐊᑲ ᐅᒋ ᓂᑕᐅᑕᑦ ᒋ ᒪᒪᒋᑯᓇᐤ ᐊᓂᔭᔪᐛ ᐱᑕᕋ ᑭᔭ ᒠᓇ, ᐊᑯ ᒥᓯᐛ ᐊᐛᓐᒋ ᑲ ᐃᔅᐸᔨᑐᒡ ᐊᓐᑕ ᐊ ᓂᐳᔨᒋ ᐊᓐᑕ ᓴᓚᒥᓐ ᐅᒋᐱᔎᒻ ᑲ ᐃᓯᓂᐧᑲᑕᔨᒡ, ᒥᓯᐛ ᓇᔅᒡ ᒋ ᑯᔅᑯᓴᐱᒧᐅᒡ᙮

ᐊᑈᔅᑕᓇᒡ 3:3

ᐃᔅᐱ ᒪᒃ ᐊᓐ ᓇᐸᐤ ᐎᔭᐱᒪᑦ ᐊᓂᔭᔪᐛ ᐱᑕᕋ ᑭᔭ ᒠᓇ ᒐ ᐊᑎ ᐱᒐᔨᒋ ᐊᓂᔭᔪᐛ ᒋᓴᐊᔭᒥᐊᐅᒋᐛᐱᔪᐤ ᒋ ᓂᑐᐛᔨᑎᒧᐛᐤ ᓱᓇᔭᔪᐤ᙮

ᐊᑈᔅᑕᓇᒡ 4:13

ᐊᓐᒡ ᒪᒃ ᑲ ᒪᒧᐎᒡ ᒋ ᒥᔅᑲᑕᔨᑎᒺᐅᒡ ᑕᓐ ᑲ ᐃᓯ ᐃᔨᒥᔨᒋ ᑭᔭ ᐊᓂᔭᔪᐤ ᐊ ᐃᔅᐱᔅ ᓱᒋᑕᐊᔨᒋ ᐱᑕᕋ ᑭᔭ ᒠᓇ ᐊ ᒋᔅᒐᔨᒪᒡ ᐊᑲ ᐅᒋ ᒋᔅᑯᑎᒧᐛᑭᓄᔨᒋ᙮ ᐊᑯᑕ ᒪᒃ ᑲ ᐅᒋ ᒋᔅᒐᔨᑕᒡ ᒋᓴᓴ ᐊᒋ ᐎᒐᐛᑭᓂᔨᒋ᙮

ᐊᑈᔅᑕᓇᒡ 4:19

ᐱᑕᕐ ᑭᔭ ᒠᓐ ᒂ ᐃᓯ ᐎᑎᒧᐛᒡ ᐊ ᐃᑕᒡ, “ᐎᔭᔨᑎᒧᒄ ᒪ, ᑕᓐ ᐊᓂᔭᔪᐤ ᐊ ᑯᐃᔅᑯᓇᑯᓂᔨᒡ ᐊ ᐃᓯᓇᐧᒃ ᒋᓴᒪᓂᑐᐤ᙮ ᒋᔨᐛᐤ ᐊ ᒐᒋ ᑕᑈᑕᑕᒡ ᑭᔭ ᒪᒃ ᒋᓴᒪᓂᑐᐤ ᒐᒋ ᑕᑈᑐᐅᒋᒡ ?

ᐊᑈᔅᑕᓇᒡ 8:14

ᐃᔅᐱ ᒪᒃ ᐊᓐᒡ ᐊᑈᔅᑕᓇᒡ ᐊᓐᑕ ᒋᕈᓯᓕᒥᒡ ᑲ ᑕᒡ, ᐱᔭᑕᒡ ᐊᓂᔭᔪᐛ ᐃᔪᐛ ᐊᓐᑕ ᓴᒪᕆᔭ ᑲ ᑕᔨᒋ ᐊ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᒋ ᐃᑎᓴᐛᐅᒡ ᐊᓐᑕ ᐱᑕᕋ ᑭᔭ ᒠᓇ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮