ᓗᒃ 22:44 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁴ ᓇᔅᒡ ᑕᑈ ᒋ ᑯᓯᑯᑕᐊᔅᑲᑯᐤ ᒐ ᐃᓯ ᓂᒋᔅᑲᐧᒃ᙮ ᐊᑯ ᒪᒃ ᐊᑐᐎᔅ ᓱᒃ ᑲ ᐊᔭᒥᐊᑦ᙮ ᐊᓂᔭ ᒪᒃ ᐊ ᐃᔅᐱᔅ ᓱᒃ ᐊᔭᒥᐊᑦ ᒐᒃ ᒋ ᑈᓱᐤ᙮ ᒐᒃ ᒧᔭᒻ ᒥᐧᑯᔪᐤ ᐊ ᐸ ᐱᒋᑯᐎᔨᒡ ᐊᓐᑕ ᐃᔅ ᐊᔅᒋᒡ ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᐊ ᑈᓯᑦ᙮

ᓗᒃ 22:44 Iomraidhean Croise

ᓗᒃ 22:45

ᒋ ᐱᓯᑯᐤ ᒪᒃ ᐃᔅᐱ ᑲᒋ ᐃᓯ ᐊᔭᒥᐊᑦ᙮ ᒥᓐ ᑲᐤ ᒂ ᓇᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᒐᒂᔪᐤ ᑲ ᓂᐸᔨᒋ ᓇᔅᒡ ᐊᒋ ᓴᑯᐃᑯᔨᒋ ᐅᒥᓯᒪᔨᑎᒧᐅᓂᔪᐤ᙮

ᒠᓐ 12:27

“ᓇᔅᒡ ᒥᓯᒪᔨᑎᒻ ᓂᑦ ᐊᒐᐧᒄ, ᑕᓐ ᒪᒃ ᒐᒋ ᐃᑎᒃ ᓄᑕᐎᔾ᙮ ᓂᑭ ᐃᑕᐤ ᐊ, ᓄᑕ, ᐊᑲᐎᔾ ᐸᒋ ᐱᔅᑎᓂᒧᐎ ᒐᒋ ᓂᓇᐧᑲᑕᔨᒧᔭᓐ ? ᓇᒪ, ᓇᒪ ᓂᑭ ᐅᒋ ᐃᑕᐤ ᐅᔭ ᐛᔅ ᐊᐅᑯᓐ ᐛᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᓂᓇᐧᑲᑕᔨᒧᔭᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

ᐃᑉᕈᐛ 5:7

ᒪᒂᒡ ᐅᑕ ᐊᔅᒋᒡ ᑲ ᐱᐸᒧᑕᑦ ᒋᓴᔅ ᒥᒐᑥᐤ ᒋ ᐃᓯᓇᑯᓱᐤ ᓱᒃ ᐊ ᓂᑐᑎᒧᐛᑦ ᐊᓂᔭᔪᐛ ᑲ ᒋᔅᒐᔨᒪᑦ ᒐᒋ ᐎᒋᐃᑯᑦ ᒐ ᐊᑲ ᒋ ᓂᐸᐊᑭᓄᐅᑦ᙮ ᒋ ᐸᑕᑯᐤ ᒪᒃ ᐛᔅ ᒋ ᓂᓇᐃᑐᐛᐤ᙮