ᓗᒃ 22:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᒋᑦ ᐃᑎᓇᐛᐤ ᒪᒃ, ᓇᒪ ᒥᓐ ᓂᑭ ᐅᒋ ᒥᒋᓐ ᐅ ᒥᑯᓴᓐ ᐸᑐᔅ ᐅᑎᒋᐱᔨᒐ ᑕᓐ ᐊ ᐃᓯ ᓂᔅᑐᑕᑭᓄᐅᒡ ᐊ ᐃᓯ ᐎᑎᒪᒐᒥᑲᒡ ᐅ ᒥᑯᓴᐅᓐ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮”

ᓗᒃ 22:16 Iomraidhean Croise

ᓗᒃ 12:37

ᒋᑭ ᓱᐛᔨᑕᑯᓱᐅᒡ ᒪᒃ ᐊᓐᒡ ᐊᐱᒋᐊᑭᓐᒡ ᒥᔅᑲᑯᑥᐛ ᐊᓂᔭ ᐅᒋᒪᒧᐛᐛ ᐊᒋ ᐊᔭᔅᑯᐎᔅᑐᐛᒡ᙮ ᒋ ᐎᑎᒪᑎᓇᐛᐤ ᒪᒃ, ᐊᓐ ᐅᒋᒪᐤ ᒋᑭ ᐊᔭᔅᑯᐎᔪᐤ ᐎᔾ ᒂᔅᒋᐱᓐ ᒐᒋ ᐃᑐᑎᒧᐛᑦ ᑕᓐ ᑲ ᐃᓯ ᐃᑐᑎᒪᑯᑦ ᑭᔭ ᒐ ᐎᓴᒪᑦ ᒐᒋ ᒥᒋᓱᔨᒋ, ᐛᐛᒡ ᐎᔾ ᒋᑭ ᐎᔅᑐᐛᐤ᙮

ᓗᒃ 14:15

ᒋ ᑕᔪᐛ ᓇᐸᐛ ᐊ ᐎᑎᐱᒥᑯᑦ ᐅᑎᐸᔨᒋᒐᐤ ᐊᓐᑕ ᒥᒋᓱᐛᑭᓇᑎᑯᒡ᙮ ᐸᐃᒄ ᒪᒃ ᐊᓂᔭ ᓇᐸᐛ, ᐃᔅᐱ ᐱᔭᑎᒥᔨᒋ ᐊᓂᔭ ᑲ ᐃᔅᒋᔄᑦ, ᒋ ᐃᑎᑯᐤ, “ᐊᔪᐛᒡ ᓱᐛᔨᑕᑯᓱᐅᒡ ᐊᓐᒡ ᒐ ᒥᒋᓱᒡ ᐊᓐᑕ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᒥᑯᓴᓄᔨᒐ᙮”

ᓗᒃ 22:15

ᒋ ᐃᑕᐤ ᒪᒃ ᒋᓴᔅ, “ᓇᔅᒡ ᑕᑈ ᓂᒋ ᐱᑯᓴᔨᑎᒥᐃᑯᓐ ᒐᒋ ᐎᒋᒥᒋᓱᒥᑎᑯᒡ ᐎᒪᔅᑲᒐᐅ-ᒥᑯᓴᓐ ᐊᔅᒄ ᐊᑲ ᐅᑎᒋᐱᔨᒡ ᒐ ᐃᓯ ᐛᐎᓯᒐᔨᑎᒥᐃᑯᔭᓐ᙮

ᓗᒃ 22:18

ᐛᔅ ᒋᑦ ᐃᑎᓇᐛᐤ ᓇᒪ ᒥᓐ ᓂᑭ ᐅᒋ ᒥᓐ ᓱᒥᓇᐳᔾ ᐸᑐᔅ ᐅᑎᒋᐱᔨᒐ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮”

ᓗᒃ 22:30

ᒐᒋ ᐎᒋᒥᒋᓱᒥᔭᒄ ᑭᔭ ᒐᒋ ᐎᒋᒥᓂᒥᔭᒄ ᓂᒥᒋᓱᐛᑭᓇᑎᑯᒡ ᐊᓐᑕ ᓄᒋᒪᐅᓂᒡ᙮ ᒋᑭ ᐊᐱᓇᐛᐤ ᑭᔭ ᒋᔨᐛᐤ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᒐ ᐅᒋ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮”

ᒠᓐ 6:27

ᐊᑲᐎᔾ ᐊᑐᔅᒐᒄ ᒥᒄ ᐊ ᐎ ᐱᐧᑯᑎᒪᓱᔭᒄ ᒥᒋᒻ ᐊᓐ ᒐ ᐃᔭᔪᐛᒡ, ᐃᔭᐱᒡ ᐎ ᐱᐧᑯᑎᒪᓱᒃ ᐊᓐ ᒥᒋᒻ ᑲᒋᒡ ᒐ ᑎᒂᒡ᙮ ᐃᔪᐤ ᐅᑯᓯᓴᓐ ᒋᑭ ᒥᔨᑯᐛᐤ ᒥᒋᒥᔪᐤ ᒐ ᐊᑲ ᓂᑕ ᐅᒋ ᔭᔪᓂᔨᒡ᙮ ᐛᔅ ᒋᓴᒪᓂᑐᐤ ᐅᑕᐎᒪᐤ ᒋ ᓄᑯᑕᐤ ᑕᑈ ᐊ ᓇᐊᔨᒪᑦ᙮”

ᐊᑈᔅᑕᓇᒡ 10:41

ᓇᒪᐎᔾ ᑭᑈ ᒥᓯᐛ ᐊᐛᔪᐛ ᐅᒋ ᓄᑯᓯᔅᑐᐛᐤ ᒋᓴᔅ, ᒥᒄ ᐊᓂᔭ ᐊᐛᔪᐛ ᒋᓴᒪᓂᑐᐛ ᑲ ᐅᑎᓂᑯᔨᒋ ᒐᒋ ᑎᐸᒋᒥᑯᑦ᙮ ᑭᔭ ᓂᒋ ᐎᒋ ᒥᒋᓱᒪᓇᓐ ᑲᒋ ᐅᓂᔅᑲᑦ ᓂᐳᐅᓂᒡ ᐅᒋ᙮

ᒋᔅᒐᔨᑕᑯᑕᒐᐅᓐ 19:9

ᐊᑯ ᒂ ᐸᒋ ᐃᓯᑦ ᐊᓐᒋᓐ, “ᒥᓯᓇᐊ ᐅ, ᓱᐛᔨᑕᑯᓱᐅᒡ ᐊᓐᒡ ᑲ ᐎᓴᒪᑭᓄᐎᒡ ᐊ ᒥᑯᓴᓄᐎᒡ ᐊᓂᔭ ᒪᔭᑕᓂᓴ ᐅᓂᐳᐤ ᒥᑯᓴᐅᓂᔪᐤ᙮” ᐊᑯ ᒥᓐ ᒂ ᐊᑎ ᐃᔅᒋᔄᑦ ᐊᓐ ᐊᓐᒋᓐ, “ᐊᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ, ᑕᑈᒥᑭᓂᔪᐤ ᒪᒃ᙮”