ᓗᒃ 2:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᐃᔅᐱ ᒪᒃ ᒋᓴᔅ ᐅᓂᒋᐃᒂ ᑲ ᐃᓯ ᐃᑐᑕᒡ ᒥᓯᐛ ᑲ ᐃᓯ ᐎᔅᑕᑭᓄᔨᒋ ᐊᓐᑕ ᐅᑎᐸᔨᒋᒐᐛ ᐅᑦ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᔪᐤ, ᑲᐤ ᒋ ᒋᐛᐅᒡ ᐊᓐᑕ ᑲ ᐅᒋᒡ, ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ᙮

ᓗᒃ 2:39 Iomraidhean Croise

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᓗᒃ 1:26

ᐃᔅᐱ ᒪᒃ ᐊᓱᑕᒡ ᑕᑐᐤ ᐱᓯᒺ ᑲ ᐃᔅᐱᔅ ᑭᓄᐛᔨᒪᐅᓱᑦ ᐃᓕᓴᐸᑦ, ᒋᓴᒪᓂᑐᐤ ᒋ ᐃᑎᓴᐛᐤ ᐊᓂᔭ ᐊᓐᒋᓇ ᑲᑉᕆᔭᓪ ᑲ ᐃᓯᓂᐧᑲᓱᔨᒋ ᐊᓐᑕ ᑲᓕᓕ ᐊᔅᒋᒡ, ᐊᓐᑕ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ᙮

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᓗᒃ 2:4

ᒍᓯᑉ ᒪᒃ ᐊᓐᑕ ᒋ ᐅᒋ ᔅᑐᑕᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᐸᑦᓕᔭᒥᒡ ᒂ ᐃᑐᑕᑦ, ᐊᓐᑕ ᒍᑎᔭ ᐊᔅᒋᒡ᙮ ᐛᔅ ᐊᔪᐅᒄ ᐅᔭ ᐅᑕᓇᔪᐤ ᐊᓐᑕ ᑲ ᐱᒪᑎᓯᔨᒂᓂ ᐊᓂᔭ ᐅᑦ ᐊᓂᔅᒐ ᐅᒧᓱᒪ ᒋᓴᐅᒋᒪᐛ ᑎᐱᑦ ᑲ ᐃᓯᓂᐧᑲᓱᔨᒋ᙮

ᓗᒃ 2:51

ᐊᑯ ᒂ ᐎᒐᐛᑦ ᐊ ᒋᐛᔨᒋ ᐊᓐᑕ ᓇᓴᕆᑎᒡ, ᒋ ᐱᓯᒋᐊᐤ ᒪᒃ ᒐᒂᔪᐤ ᐊ ᐃᑎᓱᒥᑯᑦ᙮ ᐅᑲᐎᔭ ᒪᒃ ᒋ ᑭᓄᐛᔨᑎᒥᔪᐛ ᐅᑕᐃᒡ ᒥᓯᐛ ᑕᓐ ᑲ ᐃᔅᐱᔨᒡ᙮

ᓗᒃ 4:16

ᐊᑯ ᒋᓴᔅ ᒂ ᐅᑎᑕᐧᒃ ᐊᓂᔭ ᐅᑕᓇᔪᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐊᓐᑕ ᑲ ᓂᑕᐅᒋᓇᑭᓄᐅᑦ᙮ ᐊᓂᔭ ᒪᒃ ᒍᐤ ᐊᔭᒥᐊᐅᒋᐛᐱᔪᐤ ᑲᒋ ᐃᑐᑕᑦ ᒪᓐ ᐊ ᒍᐤ ᐊᔭᒥᐊᐅᒋᓯᑲᔨᒡ, ᐊᑯᑕ ᒂ ᐱᒐᑦ᙮ ᒋ ᐱᓯᑯᐤ ᒐᒋ ᐃᔨᒥᑕᑦ ᒥᓯᓇᐃᑭᓂᔪᐤ᙮

ᓗᒃ 4:23

ᐊᑯ ᒋᓴᔅ ᐊᑕᑦ, “ᒐᔅᑎᓇᔅ ᒋᑭ ᐸᒋ ᐃᓯᓇᐛᐤ ᐊᓐ ᑲᒋ ᐃᓇᓄᐅᒡ, ‘ᓂᑐᐧᑯᐃᔨᔅ, ᒥᓏᒋᐃᓱᐤ,’ ᑭᔭ ᒋᑭ ᐸᒋ ᐃᓯᓇᐛᐤ, ‘ᑕᓐ ᑲ ᐃᓯ ᐸᑎᒪᒡ ᐊ ᒪᒥᔅᑲᒡ ᐃᑎᔨᓐ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᒡ ᐅᑕᓇᐤ, ᐃᑐᑕ ᑭᔭ ᐅᑕ ᐅ ᐅᑕᓇᐤ ᑲ ᐅᒋᔨᓐ᙮’ ”