ᓗᒃ 2:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᐛᔅᑕᐅᓐ ᒐ ᐛᔅᑕᓂᒪᑯᒡ ᒐᓐᑕᐃᓚᒡ (ᐊᑲ ᒍᐤ ᐃᑎᔅᑲᓇᓯᒡ ᐃᔪᒡ), ᑭᔭ ᐊᓂᔭᔪᐤ ᒐ ᐅᒋ ᒋᔅᑕᔨᑕᑯᓯᒡ ᒋᑦ ᐃᔨᒥᒡ ᐃᔅᕋᐃᓪ᙮” ᐊᔪᐅᒄ ᐅᔭ ᑲ ᐃᔅᒋᔄᑦ ᓯᒥᐅᓐ᙮

ᓗᒃ 2:32 Iomraidhean Croise

ᑎᐱᑦ ᐅᓂᑭᒧᐅᓇ 85:9

ᒐᔅᑎᓇᔅ ᐸᔄᐸᑎᒥᔪᐛ ᐅᐱᒪᒋᐃᐛᐅᓐ ᐊᓂᔭᔪᐛ ᑲ ᓇᓂᒋᔅᑕᑯᑦ; ᒋᔅᑕᔨᑕᑯᓱᐅᓐ ᒐᒋ ᐎᒋᒥᑭᓐ ᒋᑦ ᐊᔅᒋᓇᒡ᙮

ᒪᑎᔪᐤ 4:16

ᐊᑎ ᐅᓂᑎᐱᔅᒋᓯᐅᓂᒡ ᐊ ᐃᓯ ᐱᒪᑎᓯᒡ ᒋᑦ ᐃᔨᒧᐛᐅᒡ ᒋ ᐛᐸᑎᒧᒡ ᐊ ᒥᔅᑎ ᐛᔅᑕᔨᒡ᙮ ᒪᒂᒡ ᑲ ᑕᒡ ᐊᓐᑕ ᐊ ᐅᑲᔅᑕᔭᔨᒡ ᐊᓐᑕ ᐊ ᑎᑲᔅᑕᔅᑲᑯᒡ ᓂᐳᐅᓂᔪᐤ, ᒋ ᐅᑎᑎᐅᑯᒡ ᐛᔅᑕᐅᓂᔪᐤ᙮

ᓗᒃ 2:10

ᐊᑯ ᒂ ᐃᑎᑯᒡ ᐊᓂᔭ ᐊᓐᒋᓇ, “ᐊᑲᐎᔾ ᓴᒋᓯᒄ᙮ ᐛᔅ ᒋ ᐎ ᐎᑎᒪᑎᓇᐛᐤ ᒥᔽᒋᒧᐅᓐ, ᒥᓯᐛ ᐊᐛᓐ ᐸᑕᒐ ᒐᒋ ᒥᔽᔨᑕᐧᒃ᙮

ᓗᒃ 2:31

ᑲ ᐊᔭᔅᑯᔅᑕᔨᓐ ᒐ ᐛᐸᑕᒡ ᒥᓯᐛ ᐃᔅ ᐃᔪᒡ᙮

ᐊᑈᔅᑕᓇᒡ 26:23

ᐅ ᑲ ᐃᓯ ᐊᔨᒧᑕᑯᐱᓇ ᐊᐅᒄ ᐅ ᙭ ᑲ ᐃᓯᓂᐧᑲᑕᑭᓄᐅᑦ ᒐᔅᑎᓇᔅ ᒐ ᓂᓇᐧᑲᒋᐊᑭᓄᐅᑦ, ᑭᔭ ᐎᔾ ᓂᔅᑎᒻ ᒐ ᐅᓂᔅᑲᑦ ᓂᐳᐅᓂᒡ ᐅᒡ, ᒐᒋ ᐊᔨᒧᑎᒧᐛᑦ ᒍᐤ ᐃᔪᐛ ᑭᔭ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒡ ᐛᔅᑕᐅᓂᒡ ᐊ ᑎᒂᒡ ᐱᒪᒋᐃᑯᓯᐅᓐ᙮”

ᐊᑈᔅᑕᓇᒡ 28:28

ᐊᑯ ᑈᓪ ᒂ ᐃᔅᒋᔄᑦ, “ᒐ ᐎ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ᓂᑐᑎᒧᒡ ᒪᒃ ᐅᒡ ᐎ᙮”

1 ᑯᕆᓐᑎᔭᓇ 1:31

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐊᐛᓐ ᐎ ᒪᒥᒋᒧᒐ ᒥᒄ ᐊᓂᔭ ᑕᓐ ᑲ ᐃᑐᑎᒥᔨᒋ ᐅᑎᐸᔨᒋᒐᐛ ᒋᐸ ᐊᔨᒧᑎᒻ᙮”

ᒋᔅᒐᔨᑕᑯᑕᒐᐅᓐ 21:23

ᓇᒪ ᓂᑐᐛᔨᑕᑯᓱᐤ ᐱᓯᒻ ᒪᒃ ᑎᐱᔅᑲᐤ ᐱᓯᒻ ᒐᒋ ᐅᒋ ᐛᔅᑐᐛᒡ ᐊᓐ ᐅᑕᓇᐤ᙮ ᐛᔅ ᐊ ᐃᔅᐱᔅ ᒋᐧᑲᔭᔅᑐᐛᔨᒡ ᐊᓐᑕ ᐊ ᑕᑦ ᒋᓴᒪᓂᑐᐤ, ᐊᑯᑕ ᐛᒋ ᒋᐧᑲᔭᔅᑕᒡ ᐊᓐ ᐅᑕᓇᐤ᙮ ᑭᔭ ᐊᓐ ᒪᔭᑕᓂᔅ ᐊ ᑕᑦ, ᐊᑯᑕ ᐛᒋ ᒋᐧᑲᔭᔅᑕᒡ᙮