30 ᐛᔅ ᓂᔅᒋᓯᑯᒡ ᓇᐃᔪᐤ ᓴᔅ ᓂᒋ ᐛᐸᑕᓐ ᐊᓐ ᒐ ᐅᒋ ᐱᒪᒋᐃᐛᔨᓐ,
ᐊᑯ ᒐᑭᑉ ᑎᔭᑈᑦ, “ᓂᑦ ᐊᔅᐸᔨᒧᑐᑕᓐ ᒋᐱᒪᒋᐃᐛᐅᓐ ᐅ ᑕᐸᔨᒋᒐᔨᓐ᙮”
ᑎᐸᔨᒋᒐᓱᐤ, ᓂᒋ ᐊᔅᐸᔨᒧᑐᑕᓐ ᒋᐱᒪᒋᐃᐛᐅᓐ, ᑭᔭ ᓂᒋ ᐃᑐᑕᓐ ᒋᑦ ᐃᑎᓱᐛᐅᓇ᙮
ᓂᒋ ᐱᒂᔨᑕᓐ ᒋᐱᒪᒋᐃᐛᐅᓐ, ᐅ ᑎᐸᔨᒋᒐᓱᐤ; ᒋᐎᓱᐛᐅᓐ ᑭᔭ ᓂ ᒥᔽᔨᑕᓐ᙮
ᑲ ᐊᔭᔅᑯᔅᑕᔨᓐ ᒐ ᐛᐸᑕᒡ ᒥᓯᐛ ᐃᔅ ᐃᔪᒡ᙮
ᐊᑯ ᒪᒃ ᒥᓯᐛ ᐃᔪᒡ ᒐ ᐛᐱᒪᒡ ᐅᐱᒪᒋᐃᐛᐛ, ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮” ᐊᔪᐅᒄ ᐅᔭ ᑲ ᐃᑎᓯᓇᐊᒧᑯᐱᓇ ᐊᓂᔭ ᐊᐃᓴᔭ᙮
ᐊᑯ ᑈᓪ ᒂ ᐃᔅᒋᔄᑦ, “ᒐ ᐎ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ᓂᑐᑎᒧᒡ ᒪᒃ ᐅᒡ ᐎ᙮”
