18 ᒥᓯᐛ ᒪᒃ ᐊᐛᓐᒋ ᑲ ᐸᑐᐛᒡ ᐊᓂᔭ ᒪᔭᑕᓂᓯᐅ-ᐃᔪᐛ ᐊᓂᔭ ᑲ ᐃᑕᒋᒧᔨᒋ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐅᒡ᙮
ᐃᔅᐱ ᒪᒃ ᐊᓐᒡ ᒪᔭᑕᓂᓯᐅ-ᐃᔪᒡ ᐎᔭᐱᒪᒡ ᐊᓂᔭ ᐊᐛᓴ ᒋ ᐛᐎᑎᒧᒡ ᑕᓐ ᑲ ᐃᓯ ᐸᑐᐛᒡ ᐊᓐᒋᓇ ᐊ ᐃᓯ ᐊᔨᒧᒪᔨᒋ ᐊᓂᔭ ᐊᐛᓴ᙮
ᒪᕆ ᒪᒃ ᒋ ᑭᓄᐛᔨᑎᒻ ᐅᑕᐃᒡ ᒥᓯᐛ ᐅᔭ ᒐᒂᔪᐤ, ᑕᓐ ᑲ ᐃᑕᒋᒪᑭᓄᔨᒋ, ᐊᔪᐤ ᓇᔅᒡ ᒋ ᒪᒥᑐᓇᔨᑎᒥᐃᑯᐤ᙮
ᒋ ᒥᔅᑲᓯᑎᒥᔪᐛ ᒪᒃ ᐊᓂᔭ ᐅᓂᒋᐃᒂ ᒋᓴᔅ ᑕᓐ ᑲ ᐃᓯ ᐸᑎᒥᔨᒋ ᐊ ᐃᓯ ᐊᔨᒧᒪᑭᓄᐅᑦ᙮
ᒥᓯᐛ ᒪᒃ ᐊᐛᔪᐛ ᑲ ᐸᑕᑯᑦ ᓇᔅᒡ ᒋ ᒪᒥᔅᑲᑕᔨᑎᒥᐃᑯᔪᐛ ᐅᑭᒐᑕᐛᔨᑎᒧᐅᓐ ᑭᔭ ᐊᓂᔭ ᓇᔅᒡ ᐊ ᑭᔅᒋᐅᑦ ᐊ ᐃᓯ ᐎᑎᒪᒐᑦ ᒐᒂᔪᐤ ᐊ ᑯᒂᒋᒪᑭᓄᐅᑦ᙮
ᑕᑈ ᒪᒃ ᒋ ᒥᔅᑲᑕᔨᑎᒧᒡ ᒥᓯᐛ ᐊᓐᒡ ᑲ ᑭᓄᐛᐱᒡ ᐊ ᐃᔅᒋᔄᒡ, “ᒐᒄ ᐃᔨᒧᐅᓂᔪᐤ ᐅᔭᔪᐤ ᑲ ᐊᐱᒋᑕᑦ ? ᑕᑈ ᓱᒋᐱᔪᐤ ᐅᑦ ᐃᔨᒧᐅᓐ ᑭᔭ ᑕᑈ ᐊᔪᐛᒃ ᐅᒋᒪᐛᔨᑕᑯᓱᐤ ᒥᒄ ᐊ ᐃᓯ ᐎᐎᔨᒋ ᒥᒋ ᐊᒐᒂ ᐊ ᐎᐎᑎᓴᐛᑦ᙮”