ᓗᒃ 2:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ “ᒋᔅᑕᔨᒪᐧᒄ ᒋᓴᒪᓂᑐᐤ ᒪᐅᒡ ᐃᔅᐱᒥᒡ ᐊ ᑕᑦ᙮ ᒋᑭ ᒥᔭᑭᓄᐎᒡ ᒋᔭᒪᔨᑎᒧᐅᓂᔪᐤ ᐊᓐᒡ ᑲ ᓂᓇᐊᔨᑎᒥᐊᒡ ᒋᓴᒪᓂᑐᐛ ᐅᑕ ᐊᔅᒋᒡ᙮”

ᓗᒃ 2:14 Iomraidhean Croise

ᒪᑎᔪᐤ 21:9

ᐊᓐᒡ ᒪᒃ ᐃᔪᒡ ᐊᓐᑕ ᓂᑲᓄᒡ ᑲ ᐱᒧᑕᒡ ᐊᓂᔭ ᒋᓴᓴ ᐊ ᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐱᒧᑕᐛᒡ ᒋ ᒋᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᐊ ᐃᔅᒋᔄᒡ, “ᒋᔅᑕᔨᑕᑯᐊᒄ ᐊᓐ ᑲ ᐅᑯᓯᑐᑕᑯᑦ ᑎᐱᑕ, ᓱᐛᔨᑕᑯᓱᐤ ᐅ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ᙮ ᒪᒥᒋᒪᑕᐤ ᒋᓴᒪᓂᑐᐤ ᐎᔾ ᓇᔅᒡ ᐊ ᒋᔅᑕᔨᑕᑯᓯᑦ᙮”

ᓗᒃ 1:79

ᒐᒋ ᐛᔅᑕᔨᒡ ᐊᑕᒡ ᐊᓐᒡ ᐛᑲᔅᑕᐱᒡ, ᑭᔭ ᑕᑲᔅᑕᔅᑲᑯᒡ ᓂᐳᐅᓂᔪᐤ; ᑭᔭ ᒐᒋ ᒋᔅᒋᓄᑕᐃᑯᔭᐧᒄ ᒋᔭᒪᐛᔨᑎᒧᐅᓂᒡ ᐃᔅ᙮”

ᓗᒃ 19:38

ᐊᐅᒄ ᒪᒃ ᐅᔭ ᑲ ᐃᔅᒋᔄᒡ ᐊ ᒪᒥᒋᒪᒡ ᒋᓴᒪᓂᑐᐛ, “ᓱᐛᔨᑕᑯᓱᐤ ᐅ ᒋᓴᐅᒋᒪᐤ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ, ᒐᒋ ᐃᑐᑕᐧᒃ ᐊᓂᔭ ᑲ ᐃᑎᓱᒪᑭᓄᐅᑦ᙮ ᑎᑯᓐ ᒋᔭᒪᔨᑎᒧᐅᓐ ᒋᒋᒋᓯᑯᒡ᙮ ᑭᔭ ᒋᑭ ᒪᒥᒋᒪᑭᓄᐤ ᒋᓴᒪᓂᑐᐤ ᒪᐅᒡ ᑲ ᒋᔅᑕᔨᑕᑯᓯᑦ᙮”

ᓗᒃ 2:13

ᓯᔅᒋᑯᒡ ᒪᒃ ᒋ ᐅᒋ ᒥᒐᑐᐅᒡ ᑯᑎᑭᒡ ᐊᓐᒋᓐᒡ ᒋᒋᒋᓯᑯᒡ ᐊ ᐅᒋ ᓄᑯᓯᒡ ᐊ ᒪᒥᒋᒪᒡ ᒋᓴᒪᓂᑐᐛ ᐊ ᐃᔅᒋᔄᒡ,

ᓗᒃ 2:15

ᐃᔅᐱ ᒪᒃ ᐊᓐᒡ ᐊᓐᒋᓐᒡ ᑲ ᒋᐛᐱᔨᒡ ᒋᒋᒋᓯᑯᒡ ᐃᔅ, ᐊᓐᒡ ᒪᔭᑕᓂᓯᐅ-ᐃᔪᒡ ᒋ ᐃᑎᑐᒡ, “ᐃᑐᑕᑕᐤ ᐸᑦᓕᔭᒥᒡ, ᒐ ᐛᐸᑎᒪᐧᒄ ᑕᓐ ᑲ ᐃᔅᐱᔨᒡ, ᑕᓐ ᑲ ᐃᓯ ᐸᒋ ᐎᑎᒪᑕᐧᒄ ᐅᑎᐸᔨᒋᒐᐤ ᐅᑦ ᐊᓐᒋᓇᒪ᙮”

ᓗᒃ 3:22

ᑲ ᐸᔭᒋᓯᔨᒋ ᐊᒐᒂ ᑲ ᐅᒋ ᔭᓯᔅᑕᑯᑦ ᒋᓴᔅ ᒧᔭᒻ ᐅᒥᒥᐤ ᐊ ᐃᓯᓇᑯᓯᔨᒋ᙮ ᐊᑯ ᒂ ᐅᒋ ᐸᑕᑯᓯᑦ ᐊᐛᓐ ᐊᓐᑕ ᐅᒋ ᒋᒋᒋᓯᑯᒡ ᐊ ᐃᔅᒋᔄᑦ, “ᐊᐅᒄ ᐅ ᒋᔾ ᓂᑯᔅ ᑲ ᓴᒋᐃᑕᓐ ᑭᔭ ᓇᔅᒡ ᑲ ᓂᓇᐊᔨᑎᒥᐃᔨᓐ᙮”

ᒠᓐ 14:27

“ᒋ ᓂᑭᑎᒪᑎᓇᐛᐤ ᒋᔭᒪᔨᑎᒧᐅᓐ᙮ ᓂᔾ ᓂᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᓇᒪ ᐅᑕ ᐊᔅᒋᒡ ᐊ ᐃᑕᔨᑕᒂᒡ ᒋᔭᒪᔨᑎᒧᐅᓐ ᒋ ᒥᔨᑎᓇᐛᐤ᙮ ᐊᑲᐎᔾ ᒪᒃ ᒥᑯᔅᑲᑕᔨᑎᒧᒄ ᑭᔭ ᐊᑲᐎᔾ ᑯᔅᑕᒋᒄ᙮”

ᒠᓐ 17:4

ᓂᒋ ᐛᐸᑎᔨᐛᓐ ᐅᑕ ᐊᔅᒋᒡ ᑕᓐ ᐊᔅᐱᔅ ᒋᔅᑕᔨᑕᑯᓯᔨᓐ, ᐊᒋ ᒋᔅᑕᔭᓐ ᐊᓐ ᐊᑐᔅᒐᐅᓐ ᑲ ᐸᒋ ᒥᔨᓐ ᒐ ᐃᑐᑎᒪᓐ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᐊᑈᔅᑕᓇᒡ 10:36

ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᐃᐱᓯᔭᓇ 1:6

ᐃᑕᔨᑕᑯᓂᔪᐤ ᒪᒃ ᒐᒋ ᒪᒥᒋᒪᑭᓄᐅᑦ ᐊ ᒋᔅᑕᔨᑕᑯᓂᔨᒡ ᑕᓐ ᐊᔅᐱᔅ ᓱᐛᔨᒥᑕᐧᒄ᙮ ᒪᒥᒋᒪᑕᐤ ᓴᒐᔾ ᐊᒋ ᒥᔨᑕᐧᒄ ᐅᑯᓴ ᓇᔅᒡ ᑲ ᓴᒋᐊᑦ᙮

ᐃᐱᓯᔭᓇ 1:9

ᒋ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐎ ᐃᑐᑕᐧᒃ, ᔅᒋ ᒥᔨᑯᓄᐤ ᒐᒋ ᒋᔅᒐᔨᑎᒺᐧᒄ ᐊᓂᔭ ᑕᓐ ᓴᔅ ᑲ ᐃᓯ ᐎᔭᔨᑕᐧᒃ ᐊᑲ ᐅᒋ ᒋᔅᒐᔨᑎᒥᔨᒋ ᐊᐛᔪᐛ᙮ ᒋᑭ ᐃᑐᑎᒻ ᒪᒃ ᐊᓂᔭ ᑕᓐ ᐛ ᐃᑐᑕᐧᒃ ᙭ᑕ ᐊ ᑕᔨᒋ ᐅᒡ᙮

ᐃᐱᓯᔭᓇ 2:4

ᒥᒄ ᒪᒃ ᐊᓂᔭ ᓇᔅᒡ ᐊ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᑭᔭ ᐊᓂᔭ ᐊ ᐃᔅᐱᔅ ᒥᔅᑎ ᓴᒋᐃᑕᐧᒄ,

ᐃᐱᓯᔭᓇ 2:7

ᐊᓐᑕ ᓂᑲᓐ ᒐᒋ ᓄᑯᑕᑦ ᐊᔅᐱᔅ ᓇᔅᒡ ᒥᓴᔨᒡ ᐅᓱᐛᔨᒋᒐᐅᓐ ᐊ ᒥᔪᑐᑎᒪᑕᐧᒄ ᙭ ᒋᓴᓴ ᐅᒋ᙮

ᐱᓕᐱᔭᓇ 2:11

ᒥᓯᐛ ᐊᐛᓐ ᒋᑭ ᐃᔅᒋᔄᐤ, ᒋᓴᔅ ᐊᐅᒄ ᐅᑎᐸᔨᒋᒐᐤ, ᐊ ᒪᒥᒋᒪᑦ ᒋᓴᒪᓂᑐᐛ ᐅᑕᐎᒪᐛ᙮

ᐱᓕᐱᔭᓇ 2:13

ᐛᔅ ᒋᓴᒪᓂᑐᐤ ᒧᔅ ᐊᑐᔅᒐᔅᑎᒻ ᒋᐱᒪᑎᓯᐅᓄᐛᐛ᙮ ᒋ ᐃᑐᑕᑯᐛᐤ ᒐᒋ ᓂᓇᐊᔨᑎᒺᒄ ᑭᔭ ᒋ ᐎᒋᐃᑯᐛᐤ ᒐᒋ ᐃᑐᑎᒺᒄ ᐊᓂᔭᔪᐤ ᐊ ᐃᓯ ᓇᐊᔨᑕᐧᒃ᙮

ᑯᓚᓯᔭᓇ 1:20

ᑭᔭ ᒋ ᐃᑕᔨᑎᒻ ᐊᓂᔭ ᐅᑯᓴ ᐅᒋ ᒐᒋ ᐃᑐᑕᐧᒃ ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒋ ᒥᓯᐛ ᒐᒂᔪᐛ ᑭᔭ ᑲᐤ ᐎᔾ ᐊ ᑕᑦ ᒐᒋ ᑕᔨᒋ ᒥᓯᐛ ᐊᐛᔪᐛ, ᐛᔅ ᒥᓯᐛ ᒐᒂᓐ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᒋ ᑎᐸᓂᐃᓱᒥᑭᓐ ᒋᓴᒪᓂᑐᐤ ᐅᒋ ᐊ ᑕᑦ᙮ ᐊᓂᔭ ᒪᒃ ᐊᒋ ᐱᔅᑎᓂᓱᔨᒋ ᐅᑯᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᐊᑯᑕ ᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑲᐤ ᒐᒋ ᒥᔪ ᐎᒐᐅᑐᓇᓄᐎᒡ ᐎᔾ ᐃᔅ ᐊ ᑕᑦ, ᑲᐤ ᐎᔾ ᐊ ᑕᑦ ᒐᒋ ᑎᑯᓂᔨᒡ ᒥᓯᐛ ᒐᒂᔪᐤ ᑭᔭ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ᙮

2 ᑕᓴᓗᓂᔭᓇ 2:16

ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᓴᒋᐃᑯᓄᐅᒡ ᑭᔭ ᔅᒋ ᒥᔨᑯᓄᐅᒡ ᑲᒋᒡ ᒥᔽᔨᒧᐅᓂᔪᐤ ᑭᔭ ᐊᔅᐸᔨᒧᐅᓂᔪᐤ ᓱᐛᔨᒋᒐᐅᓂᒡ ᐅᒡ᙮

ᒋᔅᒐᔨᑕᑯᑕᒐᐅᓐ 5:13

ᐊᑯ ᒂ ᐸᑐᐅᒂᐤ ᒥᓯᐛ ᐊᐛᓐᒋ ᐊᓐᑕ ᒋᒋᒋᓯᑯᒡ ᑭᔭ ᒥᓯᐛ ᐊᐛᓐᒋ ᑭᔭ ᐊᐛᓯᓯᒡ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᑭᔭ ᐊᓐᑕ ᓂᐱᒡ ᑭᔭ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᒡ ᐊ ᑕᒡ ᐊ ᓂᑭᒧᒡ, ᐅᔭ ᐊ ᐃᔅᒋᔄᒡ, “ᐊᓐ ᐊᐛᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᑭᔭ ᐊᓐ ᒪᔭᑕᓂᔅ ᑲᒋᒡ ᒋᑭ ᓱᐛᔨᒪᑭᓄᐎᒡ ᑭᔭ ᒋᑭ ᒋᔅᑕᒋᒪᑭᓄᐎᒡ ᑭᔭ ᒋᑭ ᒋᔅᑕᔨᑕᑯᐊᑭᓄᐅᒡ ᑭᔭ ᒋᑭ ᓱᐧᑲᑎᓯᐅᒡ ᑲᒋᒡ ᑭᔭ ᑲᒋᒡ᙮”