ᓗᒃ 2:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᓐᑕ ᐅᑕᓇᒡ ᑲ ᐅᒋᑦ ᐊᓂᔭ ᒋᓴᐅᒋᒪᐤ ᑎᐱᑦ, ᒋᔨᐛᐤ ᒋ ᐱᒪᑎᓯᔅᑎᒪᑯᓇᐛᐤ ᐊᐛᔅ, ᐊᐅᑯᓐ ᐅᑎᐸᔨᒋᒐᐤ ᙭᙮

ᓗᒃ 2:11 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᒐᓂᓯᔅ 49:10

ᑎᐸᔨᒋᒐᐤ ᓯᔅᑲᐅᓐ ᓇᓂᑎᒻ ᒋᑭ ᑎᑯᓐ ᐊᓐᑕ ᐊ ᑕᒡ ᐊ ᐸᐃᑯᔅᑲᓇᓯᔨᓐ, ᑭᔭ ᒋᑦ ᐊᓂᔅᑯᑕᐸᓐᒡ ᓇᓂᑎᒻ ᒋᑭ ᑕᐧᑯᓂᒧᒡ ᑎᐸᔨᒋᒐᐤ ᓯᔅᑲᐅᓂᔪᐤ ᐅᑎᒋᐛᐛᒡ, ᐸᑎᒪ ᒋ ᑎᑯᓯᒐ ᐊᓐ ᒋᒋᐛ ᑕᐱᔨᐛᐅᓯᑦ ᓯᔅᑲᐅᓂᔪᐤ ᑭᔭ ᐎᔾ ᒐ ᓂᓇᐃᑕᑯᑦ ᐃᔪᐛ ᒥᓯᐛ ᐊᔅᐱᑎᔅᑭᒥᑲᔨᒡ᙮

ᑎᐱᑦ ᐅᓂᑭᒧᐅᓇ 2:2

ᒋᓴᐅᒋᒪᐅᒡ ᐊᔅᒋᒡ ᐊᔨᒋᑲᐳᐎᐃᑐᐅᒡ, ᑭᔭ ᐅᑎᐸᔨᒋᒐᐅᒡ ᓯᒋᒥᑐᐅᒡ ᐊ ᐎ ᓂᔅᑯᔅᑐᐛᒡ ᑎᐸᔨᒋᒐᓱᐛ, ᑭᔭ ᐅᑦ ᐊᐱᒋᐊᑭᓂᔪᐛ ᐊ ᐃᔅᒋᔄᒡ,

ᒪᑎᔪᐤ 1:16

ᒐᑭᑉ ᒪᒃ ᒍᓯᑉ ᒋ ᐃᓯᓂᐧᑲᓱᔪᐛ ᐅᑯᓴ, ᐊᐅᒄ ᒪᒃ ᐅᔭ ᒪᕆ ᑲ ᐅᓇᐸᒥᑦ᙮ ᐊᐅᒄ ᐅᔭ ᒪᕆᔨᒋ ᑲ ᐅᑲᐎᑦ ᒋᓴᔅ ᐊᓐ ᙭ ᑲ ᐃᓯᓂᐧᑲᑕᑭᓄᐅᑦ᙮

ᒪᑎᔪᐤ 1:21

ᒋᑭ ᓇᐸᓯᐎᔪᐛ ᐊᓂᔭ ᐅᑦ ᐊᐛᓯᒪ, ᒋᓴᔅ ᒋᑭ ᐃᓯᓂᐧᑲᑕᐛᐤ, ᐛᔅ ᐊᐅᒄ ᐅ ᒐ ᐱᒪᒋᐊᑦ ᐅᑦ ᐃᔨᒪ ᐅᒥᒐᑎᓯᐅᓂᔨᒡ ᐅᒡ᙮” ᐊᐅᑯᐤ ᐅᔭ ᑲ ᐃᑎᑯᑦ ᒍᓯᑉ ᐊᓂᔭ ᐊᓐᒋᓇ᙮

ᒪᑎᔪᐤ 16:16

ᐊᑯ ᓴᐃᒥᓐ ᐱᑕᕐ ᐊᑕᑦ, “ᐊᐅᑯᐤ ᒋᔾ ᙭, ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓴ᙮”

ᒪᑎᔪᐤ 16:20

ᐊᑯ ᒂ ᐃᑎᓱᒪᑦ ᐅᒋᔅᒋᓄᐊᒧᐛᑭᓇ ᒐ ᐊᑲ ᐎᑎᒧᐛᔨᒋ ᑯᑎᑲ ᐊᐛᔪᐛ ᐎᔾ ᐊ ᐊᐎᑦ ᙭᙮

ᓗᒃ 1:43

ᓂ ᒥᔅᑲᑕᔨᑕᓐ ᒪᒃ ᒐᒂᓐ ᓂᔾ ᐛᒋ ᐸᒋ ᒧᐱᔅᑐᐎᓐ ᓂᑎᐸᔨᒋᒐᓯᒻ ᐅᑲᐎᔭ ?

ᓗᒃ 1:69

ᑭᔭ ᔅᒋ ᐅᑎᓂᒪᑯᓄᐤ ᐊ ᓱᒋᔨᒋ ᐱᒪᒋᐃᐛᓱᐛ ᐊᓐᑕ ᐅᑦ ᐊᑐᔅᒐᔭᑭᓂᒪ ᑎᐱᑕ ᐅᑦ ᐃᔨᒥᔨᒡ ᐅᒋ᙮

ᓗᒃ 2:26

ᒋ ᐃᑎᑯᑯᐱᓇ ᒪᒃ ᑲ ᐸᔭᒋᓯᔨᒋ ᐊᒐᒂ ᒐ ᐊᑲ ᐅᒋ ᓂᐱᑦ ᐸᑐᔅ ᒋ ᐛᐱᒪᒐ ᐅᔭᔪᐛ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ, ᐊᓂᔭ ᑲ ᐅᑎᓇᑦ ᐅᑎᐸᔨᒋᒐᐤ, ᙭ᑕ ᒐ ᐃᑎᐱᔨᒋ᙮

ᓗᒃ 2:4

ᒍᓯᑉ ᒪᒃ ᐊᓐᑕ ᒋ ᐅᒋ ᔅᑐᑕᐤ ᓇᓴᕆᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᐸᑦᓕᔭᒥᒡ ᒂ ᐃᑐᑕᑦ, ᐊᓐᑕ ᒍᑎᔭ ᐊᔅᒋᒡ᙮ ᐛᔅ ᐊᔪᐅᒄ ᐅᔭ ᐅᑕᓇᔪᐤ ᐊᓐᑕ ᑲ ᐱᒪᑎᓯᔨᒂᓂ ᐊᓂᔭ ᐅᑦ ᐊᓂᔅᒐ ᐅᒧᓱᒪ ᒋᓴᐅᒋᒪᐛ ᑎᐱᑦ ᑲ ᐃᓯᓂᐧᑲᓱᔨᒋ᙮

ᒠᓐ 1:41

ᑎᐛᒡ ᒪᒃ ᐊᓐᑎᕈ ᒋ ᓇᓂᑐᐛᔨᒪᐤ ᐊᓂᔭ ᐎᐧᑲᓂᓴ ᓴᐃᒥᓇ ᐊᑯ ᒂ ᐃᑕᑦ, “ᓂᒋ ᒥᔅᑯᐛᓇᓐ ᐊᓐ ᒪᓴᔭ᙮” ᒪᓴᔭ ᐊ ᐃᓇᓄᐅᒡ ᙭ ᐃᓇᓄᐤ ᐊ ᐱᔭᑭᔅᒋᑕᑯᓯᓇᓄᐅᒡ᙮

ᒠᓐ 1:45

ᐱᓕᑉ ᒪᒃ ᒋ ᓇᓂᑐᐛᐱᒪᐤ ᓇᑕᓂᔭᓚ ᐊᑯ ᒂ ᐃᑕᑦ ᐃᔅᐱ ᑲ ᒥᔅᑯᐛᑦ, “ᓂᒋ ᒥᔅᑯᐛᓇᓐ ᐊᓂᔭ ᒧᓱᔅ ᑲ ᐊᔨᒧᒪᑦ ᐊᓐᑕ ᐎᓱᐛᐅᓂᒡ, ᑭᔭ ᐊᓐᒡ ᐅᒋᔅᒋᐛᐃᒐᓱᒡ ᑲ ᐊᔨᒧᒪᒡ᙮ ᐊᐅᒄ ᒋᓴᔅ, ᒍᓯᑉ ᐅᑯᓴ, ᐊᓐᑕ ᓇᓴᕆᑎᒡ ᑲ ᐅᒋᑦ᙮”

ᒠᓐ 11:27

“ᓂᐦᐃ, ᐅᑎᐸᔨᒋᒐᐤ,” ᒋ ᐃᑕᐤ ᒪᕐᑕ᙮ “ᓂ ᑕᑈᑕᓐ ᒋᔾ ᐊ ᐊᐎᔨᓐ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ, ᑭᔭ ᒋᔾ ᐊ ᐊᐎᔨᓐ ᒋᓴᒪᓂᑐᐤ ᐅᑯᓴ, ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᑎᑯᓯᓂᔨᒋ ᐅᑕ ᐊᔅᒋᒡ᙮”

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᒠᓐ 4:25

ᐊᑯ ᐊᓐ ᐃᔎᐤ ᒂ ᐃᑕᑦ ᐊᓂᔭᔪᐛ ᒋᓴᓴ, “ᓂ ᒋᔅᒐᔨᑕᓐ ᐊᓂᔭᔪᐛ ᒋᓴᒪᓂᑐᐤ ᒐ ᐸᒋ ᐃᑎᓴᐛᑦ ᑎᑯᓯᓂᔨᒐ᙮ ᙭ ᐃᓯᓂᐧᑲᓱᔪᐛ᙮ ᑎᑯᓯᓂᔨᒐ ᒪᒃ ᒥᓯᐛ ᒐᒂᔪᐤ ᒋᑭ ᐎᑎᒪᑭᓄᐤ᙮”

ᒠᓐ 4:42

ᒂ ᐃᑕᒡ ᐊᓂᔭ ᐃᔎᐛ, “ᐊᑯ ᑎᔭᑈᑎᒪᒡ, ᓂᔭᓐ ᐛᒋᒡ ᐊᒋ ᐸᑐᐅᒋᑦ, ᓇᒪ ᒥᒄ ᒋᔾ ᐊᒋ ᐃᔅᒋᔄᔨᓐ᙮ ᐊᑯ ᒪᒃ ᒋᔭᔅᑎᓇᑕᔨᑎᒪᒡ ᐎᔾ ᐊᐅᒄ ᒐᒋ ᐱᒪᒋᐊᑦ ᒥᓯᐛ ᐊᐛᔪᐛ᙮”

ᒠᓐ 6:69

ᓂ ᑕᑈᑕᓇᓐ ᒪᒃ ᑭᔭ ᓂ ᒋᔅᒐᔨᑕᓇᓐ ᒋᔾ ᐊ ᐊᐎᔨᓐ ᑲ ᐸᔭᒋᓯᑦ, ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮”

ᒠᓐ 7:41

ᑯᑎᑭᒡ ᒪᒃ ᒋ ᐃᑕᐅᒡ, “ᐊᐅᒄ ᐅ ᙭᙮” ᑯᑎᑭᒡ ᒋ ᐃᑕᐅᒡ, “ᓇᒪᔭᒐ ᐅ ᙭, ᐛᔅ ᓇᒪ ᐊᓐᑕ ᑲᓕᓕᒡ ᒋᐸ ᐅᒋ ᐅᒋᐤ ᐊᓐ ᙭᙮

ᐊᑈᔅᑕᓇᒡ 10:36

ᒋᔅᒐᔨᑕᓇᐛᐤ ᐊᓐ ᐃᔨᒧᐅᓐ ᒋᓴᒪᓂᑐᐤ ᑲ ᐃᑎᓴᒧᐛᑦ ᐃᔅᕋᐃᓪ ᐃᔪᐛ, ᐊ ᐛᐎᑎᒧᐛᑦ ᒥᔽᒋᒧᐅᓂᔪᐤ ᐊᓐᑕ ᒐᒋ ᐅᒋ ᐊᔭᔨᒋ ᒋᔭᒪᔨᑎᒧᐅᓂᔪᐤ ᒋᓴᔅ ᙭ᑕ ᐅᒡ᙮ ᐛᔅ ᐎᔾ ᒋᓴᔅ ᒥᓯᐛ ᐊᔭᐤ ᑎᐸᔨᒋᒐᐅᓂᔪᐤ᙮

ᐊᑈᔅᑕᓇᒡ 13:23

ᒋᓴᒪᓂᑐᐤ ᒪᒃ ᑭᔭ ᒋ ᐃᔅᒋᔄᐤ ᒐ ᐸᒋ ᐃᑎᓴᐛᑦ ᐊᐛᔪᐛ ᑎᐱᑦ ᐊ ᑕᔨᒋ ᐊ ᐅᒋᔨᒋ ᒐᒋ ᐱᒪᒋᐊᑦ ᐃᔅᕋᐃᓪ ᐃᔪᐛ ᐊᐅᒄ ᒪᒃ ᐅᔭ ᒋᓴᓴ, ᐊᓂᔭᔪᐛ ᑲ ᐃᔅᒋᔄᑦ ᒐᔅᑎᓇᔅ ᒐ ᐸᒋ ᐃᑎᓴᐛᑦ᙮

ᐊᑈᔅᑕᓇᒡ 17:3

ᐊ ᐃᑎᔅᑕᔨᒡ ᔭᐃᑕᔾ ᐊᒋ ᓂᑐᐛᔨᑕᑯᓯᔨᒋ ᒐᒋ ᓂᓇᐧᑲᒋᐊᑭᓄᔨᒋ ᙭ᑕ, ᑭᔭ ᑲᐤ ᒐᒋ ᐅᓂᔅᑲᔨᒋ ᓂᐳᐅᓂᒡ ᐅᒋ᙮ ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐅ ᒋᓴᔅ ᑲ ᐊᔨᒧᒥᒃ, ᐊᐅᒄ ᐅ ᙭, ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ᙮”

ᐊᑈᔅᑕᓇᒡ 2:36

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒥᓯᐛ ᒋᔨᐛᐤ ᐃᔪᒡ ᐅᑕ ᐃᔅᕋᐃᓕᒡ ᒋᑭ ᒐᔅᑎᓇᐅᓇᐛᐤ ᐅ ᒋᓴᔅ ᑲ ᒋᔅᑕᔎᐛᒄ ᒋᐱᔭᑎᑯᒡ ᐊᐅᒄ ᐅᔭ ᒋᓴᒪᓂᑐᐤ ᑲ ᐅᑎᓇᑦ ᒐᒋ ᐅᑎᐸᔨᒋᒐᐎᔨᒋ ᑭᔭ ᙭ᑕ ᒐᒋ ᐃᑎᐱᔨᒋ᙮”

ᐊᑈᔅᑕᓇᒡ 5:31

ᒋᓴᒪᓂᑐᐤ ᒪᒃ ᒋ ᒋᔅᑕᔨᑕᑯᐊᐤ ᒋᓴᓴ ᐅᒥᔪᐅᓂᒡ ᐃᑕᒐ ᐊᒋ ᐊᔭᑦ, ᒐᒋ ᐅᒋᒪᐎᔨᒋ ᑭᔭ ᒐᒋ ᐱᒪᒋᐃᐛᔨᒋ, ᑭᔭ ᒐᒋ ᐃᑐᑐᐛᑦ ᐃᔅᕋᐃᓪ ᐃᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮

1 ᑯᕆᓐᑎᔭᓇ 15:47

ᐊᓐ ᓂᔅᑎᒻ ᓇᐸᐤ ᐊᑕᒻ, ᐃᔅᐱ ᑲ ᐅᓯᐃᑯᑦ ᒋᓴᒪᓂᑐᐛ ᐊᓯᔅᒋᒡ ᒋ ᐅᒋ ᐅᓯᐃᑯᐤ᙮ ᙭ ᒪᒃ ᒋᒋᒋᓯᑯᒡ ᒋ ᐅᑐᑕᐤ ᐎᔾ᙮

ᐱᓕᐱᔭᓇ 2:11

ᒥᓯᐛ ᐊᐛᓐ ᒋᑭ ᐃᔅᒋᔄᐤ, ᒋᓴᔅ ᐊᐅᒄ ᐅᑎᐸᔨᒋᒐᐤ, ᐊ ᒪᒥᒋᒪᑦ ᒋᓴᒪᓂᑐᐛ ᐅᑕᐎᒪᐛ᙮

ᐱᓕᐱᔭᓇ 3:8

ᓇᒪ ᒪᒃ ᒥᒄ ᐊᓂᔭᔪᐛ ᒐᒂᔪᐛ ᑲ ᐊᔨᒧᑎᒪᓐ ᓂ ᐅᒋ ᐛᐱᓇᓐ᙮ ᒥᓯᐛ ᑯᑎᒡ ᒐᒂᓐ ᓇᒪ ᓇᔅᒡ ᓂᑦ ᐊᐱᑕᔨᑎᒥᐃᑯᓐ ᐊᔅᐱᔅ ᐊᑐᐎᔅ ᐃᑕᔨᑕᒂᒡ ᐊ ᒋᔅᒐᔨᒥᒃ ᙭ ᒋᓴᔅ ᑕᑈ ᐊ ᐅᑎᐸᔨᒋᒐᒥᔭᓐ᙮ ᐎᔾ ᐅᒋ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᒥᓯᐛ ᐅᔭ ᒐᒂᔪᐛ, ᐛᐱᓇᓱᐅᓐ ᓂᑦ ᐃᑕᔨᑎᒥᐃᑯᓐ ᐅᔭ ᒐᒂᔪᐛ, ᐎᔾ ᒐᒋ ᐎᒐᐅᒃ,

ᑯᓚᓯᔭᓇ 2:6

ᓴᔅ ᐊᒋ ᐱᔅᑕᔨᒥᑎᓱᔭᒄ ᐅᑎᐸᔨᒋᒐᐤ ᙭ ᒐᒋ ᑎᐸᔨᒥᑕᒄ ᓱᒃ ᒋᑭ ᐎ ᓂᔅᑐᓇᑯᓐ ᑕᑈ ᐊ ᐎᒐᐛᒄ᙮

1 ᒠᓐ 4:14

ᓂᒋ ᐛᐸᑕᓇᓐ ᑭᔭ ᓂᒋ ᐎᑕᓇᓐ ᐅᑕᐎᒪᐤ ᐊᒋ ᐸᒋ ᐃᑎᓴᐛᑦ ᐅᑯᓯᒪᐛ ᒐᒋ ᐱᒪᒋᑕᔨᒋ ᐊᔅᒋᔪᐤ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮