ᓗᒃ 19:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᑯ ᒪᒃ ᐸᓱᐛᐧᑯᒡ ᐊᓐᒡ ᑲ ᐛᐧᑲᓯᒡ ᐊᓐᒡ ᐊᑲ ᓂᑐᐛᔨᒥᒡ ᒐᒋ ᒋᓴᐅᒋᒪᐅᒡ, ᒐᒋ ᓂᐸᐊᑭᓄᐅᒡ ᐅᑕ ᐊ ᑕᐅᒡ᙮’ ” ᐊᔪᐅᒄ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒋᓴᔅ ᑲ ᐎᑕᐧᒃ ᒪᒂᒡ ᐊ ᐊᑎ ᐱᒧᑕᒡ ᒋᕈᓯᓕᒥᒡ ᐃᔅ᙮

ᓗᒃ 19:27 Iomraidhean Croise

ᑎᐱᑦ ᐅᓂᑭᒧᐅᓇ 109:20

ᐊᑯᔅ ᐅᔭᔪᐤ ᑎᐸᔨᒋᒐᓱᐤ ᒋᑭ ᐃᓯ ᑎᐸᐅᒧᐛᐤ ᑲ ᐛᐧᑲᓯᔨᒋ, ᑭᔭ ᐊᓂᔭ ᑲ ᒥᒋ ᐊᔨᒧᒪᔨᒋ ᓂᑦ ᐊᒐᒂ᙮

ᑎᐱᑦ ᐅᓂᑭᒧᐅᓇ 2:9

ᒋᑭ ᐱᒂᐛᐅᒡ ᐃᔨᓴᒄ ᐱᓯᔅᑕᐃᑭᓂᔪᐤ ᐅᒡ; ᒋᑭ ᐱᐱᓴᐛᐅᒡ ᒧᔭᒻ ᐊᓯᔅᒋᔾ ᐎᔭᑭᓂᒐᐤ ᐎᔭᑭᓂᔪᐤ᙮”

ᒪᑎᔪᐤ 22:7

ᐃᔅᐱ ᒪᒃ ᐊᓐ ᒋᓴᐅᒋᒪᐤ ᒐᔅᒐᔨᑕᐧᒃ ᐅᔭ ᐊᒋ ᐃᑎᓇᓄᐎᒡ ᒋ ᒥᔅᑎ ᒋᔄᓱᐤ᙮ ᐊᑯ ᒂ ᐃᑎᓴᐛᑦ ᐅᑦ ᐊᓯᒪᑭᓂᓯᒪ ᒐᒋ ᓂᐸᐊᔨᒋ ᐊᓂᔭ ᑲ ᓂᐸᐊᔨᒋ ᐅᑦ ᐊᐱᒋᐊᑭᓇ ᐊᑯ ᑭᔭ ᒂ ᐊᑎ ᐃᔎᓯᒺᑦ ᐊᓂᔭ ᐅᑦ ᐃᑕᐅᓂᔪᐤ᙮”

ᓗᒃ 19:14

ᐊᓂᔭᔪᐛ ᒪᒃ ᐃᔪᐛ ᑲ ᐅᒋᒪᐧᑲᑐᐛᑦ ᒋ ᐛᐧᑲᑎᑯᐤ᙮ ᐃᔅᐱ ᑲ ᔅᑐᑕᑦ, ᐊᓂᔭ ᐅᑦ ᐃᔨᒪ ᒋ ᐃᑎᓴᐛᔪᐛ ᐊᐛᔪᐛ ᒐᒋ ᐳᑯᓄᒥᑯᑦ ᐊᓐᑕ ᐊᓂᔭ ᒐ ᐃᑐᑕᑦ ᒐᒋ ᐃᔅᒋᔄᔨᒋ ᐊᑲ ᓂᑐᐛᔨᒥᑯᑦ ᒐᒋ ᒋᓴᐅᒋᒪᐅᐊᑭᓄᐅᑦ᙮”

ᓗᒃ 20:16

ᑭᑈ ᒐ ᒋᐛᑦ ᐊᓐ ᐅᒋᒪᐤ ᒐ ᓂᐸᐊᑦ ᐊᓂᔭᔪᐛ ᓇᐸᐛ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᓂᑕᐅᒋᑕᑭᓇ᙮” ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑕᒡ ᐅᔭ, ᒋ ᐃᑕᐅᒡ, “ᑭᒪ ᐊᑲ ᓂᑕ ᒋᑦ ᐃᔅᐱᔨᒡ ᐅ᙮”

ᓗᒃ 21:22

ᐊᐅᒄ ᒪᒃ ᐅ ᒐ ᐅᑎᒋᐱᔨᒡ ᐃᔪᒡ ᒐ ᐛᐛᓯᐊᑭᓄᐎᒡ ᐊᓂᔭ ᑲ ᐃᓯ ᒥᒋᑐᑕᒡ ᐛᔅ ᐊᐅᒄ ᑲ ᐃᓯ ᓂᑲᓐ ᐎᑕᒂᒡ ᒐ ᐃᓯ ᑎᐱᐱᔨᒡ᙮

ᓗᒃ 21:24

ᐱᔅᒐ ᐊᐛᓐᒋ ᓂᑐᐱᔪᐅ-ᒧᐧᑯᒪᓂᔪᐤ ᒋᑭ ᐊᐱᑎᓂᔪᐤ ᐊ ᓂᐸᐊᑭᓄᐎᒡ᙮ ᐊᑯ ᑯᑎᑭᒡ ᒐ ᒪᑯᓇᑭᓄᐎᒡ, ᓂᓇᐧᑯᐤ ᐊᔅᒋᒡ ᒐ ᐃᑐᑕᐊᑭᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᔅᒡ ᒋᑭ ᐎ ᓂᓱᐅᓇᒋᑕᐅᒡ ᒋᕈᓯᓕᒥᔪᐤ, ᐸᑐᔅ ᒋᓴᒪᓂᑐᐛ ᒋᑕᐊᒪᑯᑥᐛ᙮”

ᐃᑉᕈᐛ 10:13

ᐊᑯᑕ ᒪᒃ ᐊᓐᑕ ᒧᔅ ᒐ ᑕᑦ, ᐊ ᐊᓱᐛᐱᑦ ᐸᑐᔅ ᒋᓴᒪᓂᑐᐛ ᒥᓯᐛ ᒋ ᐃᔅᐱᓴᐊᔨᒐ ᐊᓂᔭ ᑲ ᐛᐧᑲᑎᑯᑦ ᑭᔭ ᒋ ᐃᑐᑐᐛᔨᒐ ᒐᒋ ᓂᓇᐊᔨᑎᒥᔨᒋ ᐅᑎᐸᔨᒋᒐᐅᓐ᙮