ᓗᒃ 19:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ “ ‘ᒋ ᒥᔪᑐᑕᓐ, ᒋ ᒥᔪ ᐊᑐᔅᒐᓐ,’ ᒋ ᐃᑎᑯᐤ ᐅᒋᒪᒪ᙮ ‘ᐊᒋ ᓄᑯᑕᔨᓐ ᐊ ᑕᑈᐅᒐᔨᑕᑯᓯᔨᓐ ᑯᐃᔅᒄ ᒐᒋ ᐃᓯ ᐊᑐᔅᒐᔅᑎᒥᓐ ᒐᒂᓐ ᐊ ᐊᐱᓴᓯᒡ ᒥᔅᑯᒡ ᒋᑭ ᒥᔨᑯᓐ ᐸᐃᑯᔪᐤ ᐅᑕᓇᐛ ᒐᒋ ᓂᑲᓂᔅᑭᒥᓐ᙮’ ”

ᓗᒃ 19:17 Iomraidhean Croise

ᒐᓂᓯᔅ 39:4

ᒋ ᓇᐊᔨᑎᒥᐃᑯᐤ ᐸᑎᐸᕐ ᑭᔭ ᒂ ᐅᑎᓇᑦ ᒍᓯᐸ ᒧᔭᒻ ᐊᐱᒋᐊᑭᓇ, ᓇᓇᒐ ᐸᑎᐸᕐ ᒋ ᐱᔅᑎᓇᐤ ᒍᓯᐸ ᒐ ᑎᐸᔨᒪᔨᒋ ᒥᓯᐛ ᐊᐱᒋᐊᑭᓇ ᐊᓐᑕ ᐎᒋᒡ᙮ ᒍᓯᑉ ᒐᒃ ᒂ ᑭᓄᐛᔨᑎᒺᑦ ᒥᓯᐛ ᒐᒂᔪᐤ ᐅᒋᒪᒪ ᑲ ᑎᐸᔨᑎᒥᔨᒋ᙮

ᒪᑎᔪᐤ 25:21

“ ‘ᑕᑈ ᒋ ᒥᔪᑐᑕᓐ ᑭᔭ ᑕᑈ ᒋ ᒥᔪ ᐊᐱᑎᓯᓐ,’ ᒋ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ᐊᑐᔅᒐᔅᑎᒥᓐ ᐊᓐ ᐊ ᐊᐱᓴᓯᒡ ᑕᓐ ᑲ ᐃᓯ ᐱᑯᓴᔨᒥᑯᔨᓐ ᐊᑯ ᐊᑐᐎᔅ ᐊ ᒥᓴᒋ ᒐᒂᔪᐛ ᒐ ᐱᔅᑎᓂᒪᑯᔨᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ᐱᒐ, ᒐ ᐸᒋ ᐎᒋᐃᔨᓐ ᑕᓐ ᐊ ᐃᓯ ᒥᔽᔨᑎᒪᓐ᙮’ ”

ᓗᒃ 16:10

“ᐊᐛᓐ ᑲ ᑕᑈᐅᒐᔨᑕᑯᓯᑦ ᑯᐃᔅᒄ ᒐᒋ ᐃᓯ ᓂᓇᑭᑐᐛᔨᑕᐧᒃ ᐊ ᐊᐱᓴᓯᔨᒡ ᒐᒂᔪᐤ ᒋᑭ ᑕᑈᐅᒐᔨᑕᑯᓱᐤ ᒐᒋ ᒥᔪᓂᓇᑭᑐᐛᔨᑕᐧᒃ ᐊ ᒥᓴᔨᒡ ᒐᒂᔪᐤ᙮ ᐊᑯ ᒪᒃ ᐊᐛᓐ ᐊᑲ ᑯᐃᔅᒄ ᐃᑐᑕᒐ ᐊᓂᔭ ᐊ ᓂᓇᑭᑐᐛᔨᑕᐧᒃ ᓇᔅᒡ ᐊ ᐊᐱᓴᓯᔨᒡ ᒐᒂᔪᐤ, ᓇᒪ ᑯᐃᔅᒄ ᒋᑭ ᒋ ᐃᑐᑎᒻ ᐊ ᓂᓇᑭᑐᐛᔨᑕᐧᒃ ᒐᒂᔪᐤ ᐊ ᒥᓴᔨᒡ᙮

ᓗᒃ 19:16

“ᐊᓐ ᓂᔅᑎᒻ ᑲ ᑎᑯᓯᐧᒃ ᓇᐸᐤ ᒋ ᐃᑕᐤ, ‘ᓄᒋᒪᒻ, ᐸᐃᒄ ᔅᒋ ᐸᒋ ᒥᔨᓐ ᓱᓇᔭᐱᔅᒄ ᑭᔭ ᐸᐃᑯᔪᐤ ᓱᓇᔭᐱᔅᑯᒡ ᓂᒋ ᐅᓯᐊᐅᒡ ᐊᓐᑕ ᐅᒡ᙮’ ”

ᓗᒃ 19:18

“ᒥᓐ ᑯᑎᒃ ᑲ ᑎᑯᓯᐧᒃ ᒂ ᐃᔅᒋᔄᑦ, ‘ᓄᒋᒪᒻ, ᔅᒋ ᐸᒋ ᒥᔨᓐ ᐸᐃᒄ ᓱᓇᔭᐱᔅᒄ ᑭᔭ ᐱᑕᑕᒡ ᓱᓇᔭᐱᔅᑯᒡ ᐊ ᐅᓯᐃᒂᐤ᙮’ ”

ᓗᒃ 22:30

ᒐᒋ ᐎᒋᒥᒋᓱᒥᔭᒄ ᑭᔭ ᒐᒋ ᐎᒋᒥᓂᒥᔭᒄ ᓂᒥᒋᓱᐛᑭᓇᑎᑯᒡ ᐊᓐᑕ ᓄᒋᒪᐅᓂᒡ᙮ ᒋᑭ ᐊᐱᓇᐛᐤ ᑭᔭ ᒋᔨᐛᐤ ᒋᓴᐅᒋᒪᐤ ᑕᑎᐳᐛᑭᓇ ᐊᓐᑕ ᒐ ᐅᒋ ᑎᐸᔅᑯᓇᑯᒡ ᓂᓱᓴᑉ ᑲ ᐃᑎᔅᑲᓇᓯᒡ ᐃᔅᕋᐃᓪ ᐃᔪᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:29

ᐊᓐ ᐊᐛᓐ ᒋᒋᐛ ᒍᐤ ᑲ ᑕᑦ ᓄᑯᓂᔪᐤ ᐊᓐᑕ ᐱᒡ ᐅᐱᒪᑎᓯᐅᓂᒡ ᑕᑈ ᒍᐤ ᐊ ᑕᑦ᙮ ᐛᔅ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᐊ ᒋᔅᒋᓄᐛᒋᔄᑯᐅᔭᐧᒄ ᒋᑕᐃᓇᒡ, ᐊᐅᒄ ᒪᒃ ᐅ ᒋᒋᐛ ᒋᔅᒋᓄᐛᒋᔄᐅᓐ, ᓇᒪᔭᐤ ᐎ ᐎᓱᐛᐅᓐ ᐊ ᓂᓇᐃᑎᒪᐧᒄ ᒋᑭ ᒋ ᒋᔅᒋᓄᐛᒋᔄᑯᓇᓄᐤ ᒋᑕᐃᓇᒡ᙮ ᐊᐅᒄ ᒪᒃ ᐅ ᐊᐛᓐ ᒋᒋᐛ ᒍᐤ ᑲ ᑕᑦ ᒋᓴᒪᓂᑐᐛ ᐊᐅᒄ ᒐ ᓂᑐᐛᔨᒪᑦ ᒐᒋ ᒪᒥᔽᒋᒥᑯᑦ ᓇᒪ ᐎ ᓇᐸᐛ᙮

1 ᑯᕆᓐᑎᔭᓇ 4:5

ᐊᐅᒄ ᒪᒃ ᐅ ᐅᒋ ᐊᑲᐎᔾ ᒋᑭ ᐅᒋ ᑎᐸᔅᑯᓇᓐ ᒐᒂᓐ ᐊᔅᒄ ᐊᑲ ᐅᑎᒋᐱᔨᒡ ᒐᒋ ᑎᐸᔅᑯᓇᑭᓄᐅᒡ᙮ ᐎᔾ ᐅᑎᐸᔨᒋᒐᐤ ᒧᓴ ᒋᑭ ᓄᑯᑕᐤ ᒥᓯᐛ ᒐᒂᔪᐤ ᑲ ᑲᑕᑭᓄᐎᒡ᙮ ᐛᐛᒡ ᐊᓂᔭ ᑕᓐ ᐊᓐ ᑲ ᐃᑕᔨᑎᒥᔨᒋ ᐊᐛᔪᐛ᙮ ᐊᑯ ᒪᒃ ᒥᓯᐛ ᐊᐛᓐ ᒐ ᐎᑎᒪᑯᑦ ᒋᓴᒪᓂᑐᐛ ᐊ ᓇᐊᔨᑎᒥᔨᒋ ᐊᓂᔭ ᑕᓐ ᑲ ᐃᓯ ᒥᔪᑐᑕᐧᒃ᙮

2 ᑎᒧᑎ 2:10

ᐊᑯ ᒪᒃ ᐊ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ᓂᓇᐧᑲᒋᐃᑯᐛᓇ, ᐊ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐ ᐅᑦ ᐃᔨᒥᑦ ᒐ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ᑕᔨᒋ ᑲ ᐅᒋᐱᔨᒡ᙮

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮