ᓗᒃ 18:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᑎᐛᒡ ᒪᒃ ᓇᔅᒡ ᒋ ᐛᐸᑎᒻ, ᒂ ᐊᑎ ᓇᓴᐛᑦ ᒋᓴᔅ ᐊ ᒪᒥᒋᒪᑦ ᒋᓴᒪᓂᑐᐛ᙮ ᐃᔅᐱ ᒪᒃ ᒥᓯᐛ ᐊᐛᓐ ᐎᔭᐸᑕᐧᒃ ᐅᔭ ᐊ ᐃᔅᐱᔨᒡ, ᑭᔭ ᐎᔨᐛᐤ ᒋ ᒪᒥᒋᒪᐅᒡ ᒋᓴᒪᓂᑐᐛ᙮

ᓗᒃ 18:43 Iomraidhean Croise

ᑎᐱᑦ ᐅᓂᑭᒧᐅᓇ 107:15

ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ, ᑭᔭ ᑲ ᐃᓯ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !

ᑎᐱᑦ ᐅᓂᑭᒧᐅᓇ 107:8

ᐅ, ᑭᒪ ᐃᔪᒡ ᒪᒥᒋᒪᒡ ᑎᐸᔨᒋᒐᓱᐛ ᐅᒥᔪᑐᑕᒐᐅᓂᔪᐤ ᐅᒡ, ᑭᔭ ᑲ ᐃᓯ ᒪᒥᔅᑲᒡ ᑐᑐᐛᔨᒋ ᐃᔪᐛ ᐅᑦ ᐊᐛᓯᒥᓯᔨᐛ !

ᑎᐱᑦ ᐅᓂᑭᒧᐅᓇ 146:8

ᑎᐸᔨᒋᒐᓱᐤ ᑐᑐᐛᐤ ᒐᒋ ᐛᐸᑎᒥᔨᒋ ᐊᑲ ᐛᐸᑎᒥᔨᒋ: ᑎᐸᔨᒋᒐᓱᐤ ᐱᓯᑯᓇᐤ ᐊᓂᔭᔪᐛ ᑲ ᒪᒥᓴᒪᔨᑎᒥᔨᒋ: ᑎᐸᔨᒋᒐᓱᐤ ᓴᒋᐊᐤ ᐅᑯᐃᔅᑯᑕᑎᓯᐛ:

ᑎᐱᑦ ᐅᓂᑭᒧᐅᓇ 30:2

ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᔅᒋ ᒧᔅᑯᐛᑎᑎᓐ; ᔅᒋ ᒥᓏᒋᐃᓐ ᒪᒃ᙮

ᒪᑎᔪᐤ 11:5

ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᒪᑎᔪᐤ 21:14

ᒋ ᐸᒋ ᓂᑐᐛᐱᒥᑯᐤ ᒪᒃ ᐊᓂᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓂᑕᐅᒋᔨᒋ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒪᒂᒡ ᐊ ᑕᑦ, ᒋ ᒥᓏᒋᐊᐤ ᒪᒃ᙮

ᒪᑎᔪᐤ 9:8

ᐃᔅᐱ ᒪᒃ ᐊᓐᒡ ᐃᔪᒡ ᐊᓐᑕ ᑲ ᑕᒡ ᒋ ᒥᔅᑲᑕᔭᔨᑎᒧᒡ ᐎᔭᐸᑕᒡ ᑕᓐ ᑲ ᐃᔅᐱᔨᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᒋ ᒥᔭᔨᒋ ᐃᔪᐛ ᐅᔭ ᐃᓯ ᑭᔅᒋᐅᓂᔪᐤ᙮

ᓗᒃ 13:17

ᐊᑯ ᒪᒃ ᒥᓯᐛ ᐊᓂᔭ ᑲ ᐊᓏᔨᒥᑯᑦ ᐊᒋ ᒥᓏᒋᐊᑦ ᐊᓂᔭ ᐃᔎᐛ ᒪᒂᒡ ᐊ ᐊᔭᒥᐊᐅᒋᓯᑲᔨᒡ ᓇᔅᒡ ᑕᑈ ᒋ ᓯᓴᒂᔨᒧᔪᐛ᙮ ᐊᑯ ᐊᓐᒡ ᑯᑎᑭᒡ ᐃᔪᒡ ᒋ ᒥᔽᔨᑎᒧᒡ ᒥᓯᐛ ᐊᓂᔭ ᑲ ᐃᓯ ᒪᒥᔅᑲᒡ ᐃᑐᑎᒥᔨᒋ ᒋᓴᓴ᙮

ᓗᒃ 19:37

ᐃᔅᐱ ᒪᒃ ᐱᔭᓱᐛᐸᑕᐧᒃ ᒋᕈᓯᓕᒥᔪᐤ ᒋᓴᔅ, ᐊ ᐊᑎ ᓂᑎᒋᐛᒡ ᐊᓂᔭ ᐱᔅᑯᑎᓇᔪᐤ ᐊᓕᐱᔅ ᑲ ᐃᓯᓂᐧᑲᑕᔨᒡ ᒪᔅᑭᓇᒡ ᐊ ᐱᒧᑕᒡ, ᒥᓯᐛ ᐊᓂᔭ ᐊᐛᔪᐛ ᑲ ᓇᓴᐅᑯᑦ ᒋ ᐅᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᑭᔭ ᐊ ᒧᒋᒐᔨᑎᒥᐃᑯᒡ ᒥᓯᐛ ᐊᓂᔭ ᑕᓐ ᑲ ᐃᓯ ᐛᐸᑕᒡ ᒋᓴᓴ ᐊ ᒪᒥᔅᑲᒡ ᐃᑎᔨᒋ᙮

ᓗᒃ 4:39

ᒋᓴᔅ ᒪᒃ ᒋ ᓄᐛᑲᐳᐤ ᐊᓐᑕ ᐃᔅ ᐊ ᑕᔨᒋ ᐊᓂᔭ ᐃᔎᐛ, ᐊᑯ ᒂ ᐃᑎᓱᐛᑕᐧᒃ ᐊᓂᔭ ᑲ ᒋᓯᑕᐅᐱᐃᓇᓄᐎᒡ ᒐᒋ ᓂᑭᑎᑯᔨᒋ᙮ ᑎᐛᒡ ᒪᒃ ᒋ ᓂᑭᑎᑯᔪᐛ, ᒂ ᐅᓂᑦ ᐊᓐ ᐃᔎᐤ ᒂ ᐊᑎ ᐱᐱᒥᓄᐅᑕᑦ ᐊᐛᔪᐛ᙮

ᓗᒃ 5:26

ᒥᓯᐛ ᒪᒃ ᐊᓐᒡ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ ᒋ ᒥᔅᑲᑕᔨᑎᒥᐃᑯᐅᒡ ᑭᔭ ᒋ ᓴᒋᓱᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᑕᑈ ᒪᒥᔅᑲᒡ ᒋ ᐊᑎ ᐃᓯ ᐛᐸᑕᓇᓄᐤ ᒐᒂᓐ ᐊᓄᒡ ᐊ ᐃᔅᐱᔨᒡ᙮”

ᓗᒃ 9:43

ᒥᓯᐛ ᒪᒃ ᐊᓐᒡ ᐃᔪᒡ ᒋ ᒪᒥᔅᑲᑕᔨᑎᒥᐃᑯᐅᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ᙮ ᒪᒂᒡ ᒪᒃ ᐊ ᒪᒥᔅᑲᑕᔨᑎᒥᐃᑯᒡ ᑕᓐ ᑲ ᐃᓯ ᐃᑐᑎᒥᔨᒋ ᒋᓴᓴ, ᒋᓴᔅ ᒋ ᐃᔨᒪᐊᐤ ᐅᒋᔅᒋᓄᐊᒧᐛᑭᓇ ᐊ ᐃᑕᑦ,

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᐊᑈᔅᑕᓇᒡ 4:21

ᐊᑯ ᒪᒃ ᐊᓐᒡ ᐊᓐᑕ ᑲ ᒪᒧᐎᒡ, ᒂ ᐃᑕᒡ ᒐ ᐛᓯᐊᒡ ᐊᑲ ᐳᓂᔨᒐ ᐊ ᐊᔨᒧᒪᔨᒋ ᒋᓴᓴ ᑭᔭ ᒂ ᐱᔅᑎᓇᒡ᙮ ᓇᒪ ᐅᒋ ᒥᔅᑭᒧᒡ ᒐᒂᔪᐤ ᒐᒋ ᐅᒋ ᐛᐛᓯᐊᒡ ᐛᔅ ᒥᓯᐛ ᐊᓐᒡ ᐃᔪᒡ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭᔪᐤ ᐅᒋ ᑕᓐ ᑲ ᐃᔅᐱᔨᒡ᙮ ᓇᒪ ᐅᒋ ᐛᐛᓯᐊᐅᒡ ᐛᔅ ᒋ ᑯᔅᑕᐅᒡ ᐊᓂᔭᔪᐛ ᐃᔪᐛ ᐊᓐᑕ ᑲ ᑕᔨᒋ᙮

ᑲᓚᓯᔭᓇ 1:24

ᐊᑯ ᒪᒃ ᑲ ᓂᓇᔅᑯᒪᒡ ᒋᓴᒪᓂᑐᐛ ᑕᓐ ᑲ ᐃᑐᑎᒧᔨᒋ ᓂᐱᒪᑎᓯᐅᓂᒡ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮