ᓗᒃ 18:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᔨᒋ ᒧᔅ ᒐᒋ ᐊᔭᒥᐊᔨᒋ, ᑭᔭ ᒐ ᐊᑲ ᒋ ᑕᔅᑎᑲᒋᔨᒋ᙮

ᓗᒃ 18:1 Iomraidhean Croise

ᑎᐱᑦ ᐅᓂᑭᒧᐅᓇ 102:17

ᒋᑭ ᓂᑐᑎᒺᐤ ᐅᑦ ᐊᔭᒥᐊᐅᓂᔪᐤ ᐅᒋᔅᑎᒪᑎᓯᐛ, ᓇᒪ ᑭᔭ ᒋᑭ ᐊᑐᐛᔨᑎᒺᐤ ᐅᑦ ᐊᔭᒥᐊᐅᓂᔪᐤ᙮

ᑎᐱᑦ ᐅᓂᑭᒧᐅᓇ 27:13

ᓂᑭ ᒋ ᓄᑕᓯᓐ ᐃᔅᐱᔅ ᐊᑲ ᐅᒋ ᑕᑈᑎᒧᐛᐸᓇ, ᒐᒋ ᐛᐸᑎᒧᒡ ᐅᒥᔽᑎᓯᐅᓐ ᑎᐸᔨᒋᒐᓱᐤ ᐅᑦ ᐊᔅᒋᐛᒡ ᑲ ᐱᒪᑎᓯᒡ᙮

ᑎᐱᑦ ᐅᓂᑭᒧᐅᓇ 65:2

ᐅ ᒋᔾ ᑲ ᓂᑐᑎᒥᓐ ᐊᔭᒥᐊᐅᓐ, ᒋᔾ ᒋᑭ ᐸᒋ ᓇᑎᑯᒡ ᒥᓯᐛ ᑲ ᐎᔭᓯᒡ᙮

ᑎᐱᑦ ᐅᓂᑭᒧᐅᓇ 86:3

ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ; ᐛᔅ ᐊᓯᑯᒻ ᒋᓯᑲᐛ ᒋ ᒧᔅᑯᐛᑎᑎᓐ᙮

ᓗᒃ 11:10

ᐛᔅ ᑕᑐᐤ ᐊᐛᓐ ᑲ ᓂᑐᑎᒪᑦ ᒋᑭ ᒥᔭᑭᓄᐤ᙮ ᑭᔭ ᑕᑐᐤ ᐊᐛᓐ ᑲ ᓇᓂᑐᐛᔨᒪᑦ ᒋᓴᒪᓂᑐᐛ ᒋᑭ ᒥᔅᑯᐛᐤ, ᑭᔭ ᑕᑐᐤ ᐊᐛᓐ ᑲ ᑎᑥᐛᐃᒐᑦ ᒋᑭ ᔪᑕᓂᒧᐛᑭᓄᐤ᙮”

ᓗᒃ 21:36

ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ᐊᔭᒥᐊᔭᒄ ᐊ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:12

ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮

2 ᑯᕆᓐᑎᔭᓇ 4:1

ᓇᔅᒡ ᑕᑈ ᓂᒋ ᓱᐛᔨᒥᑯᓇᓐ ᒋᓴᒪᓂᑐᐤ ᐅᔭ ᐊᑐᔅᒐᐅᓂᔪᐤ ᐊᒋ ᒥᔨᒥᑦ᙮ ᐊᐅᒄ ᒪᒃ ᐛᒋ ᐊᑲ ᐎ ᐳᓂᔭᒡ᙮

ᑲᓚᓯᔭᓇ 6:9

ᐊᑲᐎᔾ ᒋᑭ ᐅᒋ ᑕᔅᑎᑲᒋᓇᓄᐤ ᐊ ᒥᔪᑐᑎᒪᐧᒄ᙮ ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ᒥᔪᑐᑎᒪᐧᒄ᙮

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

ᐱᓕᐱᔭᓇ 4:6

ᐊᑲᐎᔾ ᒐᒂᓐ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ᐃᔅᐱᔪᐛᒂ ᐊᔭᒥᐊᒄ, ᐊ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᒄ᙮ ᑭᔭ ᒋᐸ ᓂᓇᔅᑯᒪᐛᐤ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

ᑯᓚᓯᔭᓇ 4:2

ᒧᓯᓇᐤ ᐊᔭᒥᐊᒄ᙮ ᐊ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮

1 ᑕᓴᓗᓂᔭᓇ 5:17

ᒧᔅ ᐊᔭᒥᐊᒄ᙮