ᓗᒃ 17:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐊᓂᔭᔪᐤ ᐊ ᒋᓯᑲᔨᒡ ᒐ ᓂᑭᑕᐧᒃ ᓗᑦ ᐊᓂᔭᔪᐤ ᐅᑕᓇᔪᐤ ᓱᑕᒻ ᑲ ᐃᓯᓂᐧᑲᑕᔨᒡ, ᒋ ᒋᒧᓂᐸᒋᑎᓐ ᐃᔅᑯᑕᐤ ᑭᔭ ᐊ ᐃᔅᑯᑕᐅᒡ ᐊᓯᓂᔨᒡ ᒋ ᐸᐸᒋᓯᓄᒡ᙮ ᐊᑯ ᒪᒃ ᒥᓯᐛ ᐊᐛᓐᒋ ᐊᓐᑕ ᐊᓂᔭ ᐅᑕᓇᔪᐤ ᑲ ᑕᒡ ᒋ ᓂᓱᐅᓇᒋᐃᑯᐅᒡ ᐅᔭᔪᐤ ᑲ ᐃᔅᐱᔨᒡ᙮”

ᓗᒃ 17:29 Iomraidhean Croise

ᓗᒃ 17:28

“ᐊᐅᑯᓐ ᒪᒃ ᑕᐱᔅᑯᓐ ᑲ ᐃᑕᔨᑕᑯᓂᔨᒡ ᑭᔭ ᐊᔅᒄ ᐊᓂᔭ ᓗᑦ ᐊᒋ ᐱᒪᑎᓯᑦ᙮ ᒥᓯᐛ ᐊᐛᓐᒋ ᒥᒄ ᐛ ᐃᑎᒡ ᒋ ᐃᑐᐅᒡ᙮ ᐊ ᒥᒋᓱᒡ, ᐊ ᒥᓂᒡ, ᐊ ᐅᑎᓐᒐᒡ, ᐊ ᐊᑕᐛᒡ, ᐊ ᓂᑕᐅᒋᑕᒡ, ᐊᔪᐤ ᐊ ᒪᓂᒐᒡ᙮

ᓗᒃ 17:30

ᐊᑯ ᒋᓴᔅ ᒂ ᐃᔅᒋᔄᑦ, “ᐊᐅᑯᓐ ᒧᔭᒻ ᒐ ᐃᑕᑎᓯᓇᓄᐅᒡ ᐊᓐ ᐊ ᒋᓯᑲᒡ ᐸᒋ ᓄᑯᓯᒐ ᐃᔪᐤ ᐅᑯᓯᓴᓐ᙮”

2 ᐱᑕᕐ 2:6

ᒋᓴᒪᓂᑐᐤ ᑭᔭ ᒋ ᓂᓱᐅᓇᒋᑕᐤ ᐊᓂᔭ ᐅᑕᓇᐛ ᓱᑕᒻ ᑭᔭ ᑯᒧᕋ ᑲ ᐃᓯᓂᐧᑲᑕᔨᒋ ᐃᔅᑯᑕᔪᐤ ᐊᒋ ᐊᐱᒋᑕᑦ᙮ ᐊᑯᑕ ᑲ ᐅᒋ ᐛᐸᑎᔨᐛᑦ ᑕᓐ ᒐ ᐃᑐᑐᐛᑦ ᐊᓂᔭ ᐊᑲ ᓇᔅᒡ ᐊᐱᑕᔨᒥᑯᑦ᙮

ᒍᑦ 1:7

ᒋᔅᒋᓯᑐᐛᐧᑯᒡ ᑭᔭ ᐊᓐᒡ ᐃᔪᒡ ᓱᑕᒻ ᑭᔭ ᑯᒧᕋ ᑭᔭ ᐊᓂᔭᔪᐛ ᑯᑎᑲ ᐅᑕᓇᐛ ᐛᔅᑲ ᑲ ᑎᑯᓂᔨᒋ ᑲ ᐅᒋᒡ᙮ ᒧᔭᒻ ᐊᓂᔭᔪᐛ ᐊᓐᒋᓇ ᑲ ᐃᑎᔨᒋ ᐊᑲ ᐅᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᑲ ᐃᑎᒡ᙮ ᑭᔭ ᒥᓯᐛ ᐊᑲ ᒧᔭᒻ ᐃᑕᔨᑕᑯᓂᔨᒡ ᐎᓂᓱᐤ ᐱᒪᑎᓯᐅᓂᔪᐤ ᒋ ᐃᑐᑎᒧᒡ᙮ ᓇᔅᒡ ᒋ ᐃᔎᑕᐛ ᐅᔭ ᐅᑕᓇᐛ ᑭᔭ ᓂᓇᐧᑲᑕᔨᒧᐊᑭᓄᐎᒡ ᐊᓐᒡ ᐃᔪᒡ ᐊᓐᑕ ᒥᒋ ᐃᔅᑯᑕᒡ ᑲᒋᒡ ᐊ ᑎᑯᓂᔨᒡ᙮ ᐊᐅᒄ ᒪᒃ ᐛᒋ ᐃᔭᒂᒥᑯᔭᐧᒄ ᐅᔭ ᒐ ᐃᓯ ᐛᐛᓯᐊᑭᓄᐅᑦ ᐊᐛᓐ ᐊᑲ ᓇᔅᒡ ᐎ ᓂᓇᐃᑐᐛᑦ ᒋᓴᒪᓂᑐᐛ᙮

ᒋᔅᒐᔨᑕᑯᑕᒐᐅᓐ 11:8

ᐊᓂᔭᔪᐛ ᒪᒃ ᐎᔪᐛᐛ ᐊᑯᑕ ᐊᓐᑕ ᒪᔅᑭᓇᒡ ᐊᓂᔭ ᒥᔅᑎ ᐅᑕᓇᔪᐤ ᐊᓐᑕ ᑲ ᓂᐸᐊᑭᓄᔨᒋ ᑲ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ ᐅᑎᐸᔨᒋᒐᓯᒧᐛᐛ, ᐊᑯᑕ ᒐ ᑎᑯᓂᔨᒋ᙮ ᐅ ᒪᒃ ᐅᑕᓇᐤ ᒧᔭᒻ ᑕᓐ ᑲ ᐃᑕᔨᑕᒂᒋ ᐊᓂᔭᔪᐛ ᐅᑕᓇᐛ ᓱᑕᒻ ᑭᔭ ᐃᒋᑉᑦ ᑲ ᐃᓯᓂᐧᑲᑕᒋ, ᐊᐅᑯᓐ ᒐ ᐃᑕᔨᑕᒂᒋ, ᓇᔅᒡ ᒋ ᒥᓴᐤ ᐊᓐᑕ ᒥᒐᑎᓯᐅᓐ᙮

ᒋᔅᒐᔨᑕᑯᑕᒐᐅᓐ 14:10

ᒋᑭ ᒧᓯᑕᐛᐤ ᑕᓐ ᐊ ᐃᓯ ᒋᔄᐊᑦ ᒋᓴᒪᓂᑐᐛ᙮ ᐊᓂᔭ ᒪᒃ ᒐ ᐃᓯ ᒧᓯᑕᐛᑦ ᐊ ᒋᔄᐊᑦ ᒋᓴᒪᓂᑐᐛ, ᒧᔭᒻ ᐊᐛᓐ ᐊ ᒥᓂᐊᑭᓄᐅᑦ ᓱᒥᓇᐳᔪᐤ ᒋᑭ ᐃᑕᔨᑕᑯᓂᔪᐤ᙮ ᐅᔭ ᒪᒃ ᐅᒋᔄᓱᐅᓐ ᒋᓴᒪᓂᑐᐤ, ᓇᔅᒡ ᒋ ᐃᓯ ᑯᑎᐱᓂᒺᐤ ᐊᓐᑕ ᐊᓂᔭ ᒥᓂᒂᑭᓂᔪᐤ ᐊᓐᑕ ᐊ ᐃᓯᓇᑯᓂᔨᒡ ᐊ ᑎᑯᓂᔨᒡ ᐅᑦ ᐊᐧᑯᔪᐛᓱᐅᓐ᙮ ᒥᓯᐛ ᒪᒃ ᐊᓐᒡ ᒐ ᐊᔭᒥᐊᔅᑐᐛᐛᒂ ᐊᓂᔭᔪᐛ ᒥᒋ ᐊᐛᓯᓴ ᑭᔭ ᐊᓂᔭᔪᐛ ᒥᒋ ᐊᐛᓯᔅ ᒥᓂᑐᐧᑲᓇ ᑭᔭ ᒐ ᐱᔅᑎᓂᓱᐛᒂ ᒐᒋ ᒋᔅᒋᓄᐛᒋᐊᑭᓄᐎᒡ ᐅᔅᑲᑎᑯᐛᒡ ᒪᒃ ᐅᑎᒋᐛᒡ ᒋᑭ ᓂᓇᐧᑲᑕᔨᒧᐊᑭᓄᐎᒡ ᐃᔅᑯᑕᔪᐤ ᑭᔭ ᐃᓴᑯ ᐊᓯᓂᔭ ᑲ ᐎᓂᒪᓱᔨᒋ ᐊ ᐃᔎᓯᑭᓄᔨᒋ ᐊ ᐊᑐᔅᒐᔨᒋ ᐅᑎᔅᑯᐤ ᐊᓂᔭᔪᐛ ᒪᔭᑕᓂᓴ ᑭᔭ ᐊᓂᔭᔪᐛ ᐅᑦ ᐊᓐᒋᓂᒥᔪᐛ ᑲ ᐸᔭᒋᓯᔨᒋ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 19:20

ᐊᑯ ᒂ ᒪᑯᓇᑭᓄᐅᑦ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ᙮ ᐊᐅᒄ ᐅ ᒥᒋ ᐅᒋᔅᒋᐛᐃᒐᓱᐤ ᑲ ᒪᒥᔅᑲᒡ ᐃᑎᑦ ᐅᑎᔅᑯᐤ ᐊᓂᔭᔪᐛ ᒥᒋ ᐊᐛᓯᓴ ᐊ ᑕᔨᒋ᙮ ᐊᑯᑕ ᑲ ᐅᒋ ᐎᔭᓯᐊᑦ ᐊᓂᔭᔪᐛ ᐊᐛᔪᐛ ᑲ ᐅᑎᓂᒥᔨᒋ ᐊᓂᔭᔪᐛ ᒥᒋ ᐊᐛᓯᓴ ᐅᒋᔅᒋᓄᐛᒋᐃᐛᐅᓂᔪᐤ ᑭᔭ ᑲ ᐊᔭᒥᐊᔅᑐᐛᔨᒋ ᐊᓂᔭ ᒥᓂᑐᐧᑲᓇ ᒧᔭᒻ ᐊᓂᔭᔪᐛ ᒥᒋ ᐊᐛᓯᓴ ᐊ ᐃᓯᓇᑯᓯᔨᒋ ᑲ ᐃᓯᐊᑭᓄᔨᒋ᙮ ᑕᐱᔅᑯᓐ ᐊᓐ ᒥᒋ ᐊᐛᓯᔅ ᑭᔭ ᐊᓐ ᒥᒋ ᐅᒋᔅᒋᐛᐃᒐᓱᐤ ᐊᐱᒪᑎᓯᒡ ᒋ ᐃᓯ ᐛᐱᓇᑭᓄᐎᒡ ᐊᓐᑕ ᒥᒋ ᐃᔅᑯᑕᐤ ᓴᑲᐃᑭᓂᒡ ᐊᓐᑕ ᐊ ᐃᔎᑕᔨᒡ ᐊ ᐎᔄᐛᐸᑕᔨᒡ ᒐᒂᔪᐤ ᓇᔅᒡ ᐊ ᐎᓂᒪᔅᑕᔨᒡ᙮