ᓗᒃ 17:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ “ᒧᔭᒻ ᒪᒃ ᑕᓐ ᑲ ᐃᑕᔨᑕᑯᓂᔨᒡ ᐊᓐᑕ ᒪᒂᒡ ᑲ ᐱᒪᑎᓯᑦ ᐊᓂᔭᐧᑲ ᓄᐛ, ᐊᐅᑯᓐ ᒐ ᐃᑕᔨᑕᒂᒡ ᒥᓐ ᑎᑯᓯᒐ ᐃᔪᐤ ᐅᑯᓯᓴᓐ᙮

ᓗᒃ 17:26 Iomraidhean Croise

ᒐᓂᓯᔅ 6:5

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᒐᓂᓯᔅ 6:7

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᑭ ᓂᓱᐅᓇᒋᐊᐅᒡ ᒥᓯᐛ ᐃᔪᒡ ᐊᔅᒋᔪᐤ ᑲ ᐅᒋ ᐅᓯᐃᒂᐤ, ᒥᓯᐛ ᐃᔪᒡ ᑭᔭ ᐊᐛᓯᓯᒡ, ᒥᓐᑐᓯᒡ ᑭᔭ ᐱᔭᓱᐅᒡ ᐃᔅᐱᒥᒡ, ᓂ ᒥᒋᔨᐛᓯᓐ ᑲᒋ ᐅᓯᐃᒂᐤ᙮”

ᒐᓂᓯᔅ 6:8

ᒥᒄ ᓄᐛᔨᒋ ᒋ ᓇᐊᔨᑎᒥᐃᑯᐤ ᑎᐸᔨᒋᒐᓱᐤ᙮

ᓗᒃ 17:22

ᐊᑯ ᒪᒃ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᔅᒄ ᐊᓐᑕ ᓂᔅᑕᒥᒡ ᒋᑭ ᐅᑎᒋᐱᔪᐤ ᓇᔅᒡ ᒐ ᐃᑕᔨᑎᒥᐃᑯᔭᒄ ᒥᓐ ᑲᐤ ᒐᒋ ᐛᐱᒪᒄ ᐃᔪᐤ ᐅᑯᓯᓴᓐ, ᓇᒪ ᒪᒃ ᒋᑭ ᒋ ᐛᐱᒪᐛᐤ ᐊᓐᑕ ᐊᓐ ᒪᒂᒡ ᐎ ᐛᐱᒪᒂ᙮

ᓗᒃ 17:24

ᐛᔅ ᐃᔪᐤ ᐅᑯᓯᓴᓐ ᐊᓐ ᒋᓯᑲᒐ ᑲᐤ ᒐ ᑎᑯᓯᓂᔨᒋ ᑕᐱᔅᑯᓐ ᐊ ᐛᔅᑕᐱᔨᒡ ᑲᒋ ᐃᓯᓇᒂᒡ ᒥᓯᐛ ᑲᒋ ᐛᔅᑐᐛᒡ ᒋᓯᒄ, ᐊᐅᑯᓐ ᒧᔭᒻ ᒐ ᐃᓯᓇᒂᒡ᙮

ᓗᒃ 17:27

ᒥᒄ ᐛ ᐃᑎᒡ ᒋ ᐃᑐᐅᒡ ᐊᓂᔭᐧᑲ ᐃᔪᒡ, ᒋ ᒥᒋᓱᐅᒡ, ᒋ ᒥᓂᐅᒡ, ᒋ ᓂᐳᐎᒡ ᐱᐃᒻ ᑲ ᐅᑎᒋᐱᔨᒡ ᒐ ᐱᒐᑦ ᓄᐛ ᐅᑦ ᐅᐤᑦ᙮ ᐊᑯ ᑲ ᐃᔅᒋᐳᑕᒡ ᐊᔅᒋᔾ, ᒥᓯᐛ ᒂ ᓂᓱᐅᓇᑎᓯᒡ ᐊ ᑎᓯᒡ ᐊᓐᒡ ᐃᔪᒡ᙮”

ᓗᒃ 17:7

ᒋᓴᔅ ᒥᓐ ᒂ ᐊᑎ ᐃᔅᒋᔄᑦ, “ᒧᔭᒻ ᐊᓐ ᐊᓐᑕ ᐊᑐᔅᒐᔭᑭᓐ ᐊ ᓂᑕᐅᒋᑕᑦ ᒐᒂᔪᐤ ᒪᒃ ᒪᔭᑕᓂᓴ ᓂᓇᑭᑐᐛᔨᒪᑦ, ᐃᔅᐱ ᒪᒃ ᒋ ᒋᐛᒐ ᐊᒋ ᐃᓯ ᐊᑐᔅᒐᑦ ᒋᑭ ᐃᑎᑯᐤ ᐊ ᐅᒋᒪᒪ, ‘ᐊᔅᑎᒻ, ᐸᒋ ᐱᒐ, ᐸᒋ ᒥᒋᓱᐤ’ ?

ᓗᒃ 18:8

ᒋ ᐎᑎᒪᑎᓇᐛᐤ, ᒐᔅᑎᓇᑕᔨᑕᑯᓂᔪᐤ ᐎᐱᒡ ᒐ ᒋᔅᐸᐛᑕᑦ᙮ ᐊᑯ ᒪᒃ, ᐃᔪᐤ ᐅᑯᓯᓴᓐ ᒋᑭ ᒥᔅᑯᐛᐤ ᑲᑭᔭ ᐊᐛᔪᐛ ᐊ ᑕᑈᔭᔨᒥᑯᑦ ᐃᔅᐱ ᒥᓐ ᑎᑯᓯᓂᒐ ᐅᑕ ᐊᔅᒋᒡ ?”

ᐃᑉᕈᐛ 11:7

ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮

2 ᐱᑕᕐ 2:5

ᑭᔭ ᐊᓂᔭ ᓂᔅᑎᒻ ᐊᔅᒋᔪᐤ ᓇᒪ ᐅᒋ ᒥᓇᒋᑕᐤ ᒋᓴᒪᓂᑐᐤ᙮ ᐊᐅᑯᓐ ᑲ ᐃᓯ ᐊᔅᒋᐳᑕᑦ ᑲ ᐃᔅᐱᔅ ᐛᓴ ᒋ ᒥᒐᑎᓯᓇᓄᐎᒡ ᐊᓐᑕ ᐊᓂᔭ ᒪᒂᒡ᙮ ᒥᒄ ᔭᓇᐤ ᐊᐛᔪᐛ ᒋ ᐱᒪᒋᐊᐤ, ᐊᐅᒄ ᐅ ᓄᐛ ᐊᓐ ᑲ ᐊᔨᒧᑕᐧᒃ ᒐᒋ ᑯᐃᔅᒄ ᐃᑕᑎᓯᓇᓄᐎᒡ ᑭᔭ ᐊᓂᔭ ᓂᔄᐅᑕᒡ ᐊ ᑕᒡ ᐊᓐᑕ ᐊ ᐸᐃᑯᔅᑲᓇᓯᑦ᙮

2 ᐱᑕᕐ 3:6

ᑭᔭ ᓂᐱᒡ ᒋ ᐅᒋ ᓂᓱᐅᓇᒋᑕᑭᓄᐤ ᐊᓂᔭ ᐛᔅᑭᒡ ᐊᔅᒋᔾ᙮