ᓗᒃ 17:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐛᔅ ᐃᔪᐤ ᐅᑯᓯᓴᓐ ᐊᓐ ᒋᓯᑲᒐ ᑲᐤ ᒐ ᑎᑯᓯᓂᔨᒋ ᑕᐱᔅᑯᓐ ᐊ ᐛᔅᑕᐱᔨᒡ ᑲᒋ ᐃᓯᓇᒂᒡ ᒥᓯᐛ ᑲᒋ ᐛᔅᑐᐛᒡ ᒋᓯᒄ, ᐊᐅᑯᓐ ᒧᔭᒻ ᒐ ᐃᓯᓇᒂᒡ᙮

ᓗᒃ 17:24 Iomraidhean Croise

ᒪᑎᔪᐤ 24:27

ᐛᔅ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᒐ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ᙮ ᒧᔭᒻ ᐊ ᐃᔅᐱᔅ ᒋᐧᑲᓇᒂᒡ ᐊ ᐛᔅᑕᐱᔨᒡ ᐊᓐᑕ ᒋᓯᑯᒡ, ᐊᓐᑕ ᐛᐱᓄᑕᒡ ᐊ ᐅᒋ ᓄᒂᒡ ᐊᓐᑕ ᒪᒃ ᐊᑎᒪᐱᓯᒧᑕᒡ ᐊ ᐃᓯ ᐸᓯᑯᓇᒂᒡ, ᐊᑯᓐ ᒐ ᐃᓯᓇᑯᓂᔨᒡ ᑎᑯᓯᒐ ᐃᔪᐤ ᐅᑯᓯᓴᓐ᙮”

ᒪᑎᔪᐤ 24:30

“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 25:31

“ᐊᓐᑕ ᒪᒃ ᓂᑲᓐ ᐃᔅᐱ ᐃᔪᐤ ᐅᑯᓯᓴᓐ ᑎᑯᓯᓐᒐ ᓇᔅᒡ ᐊ ᒋᔅᑕᔨᑕᑯᓯᑦ ᑭᔭ ᐊ ᓱᒐᔨᑕᑯᓯᑦ ᒥᓯᐛ ᐊᓐᒋᓇ ᐊ ᐸᒋ ᐎᒐᐛᑦ, ᐊᑯ ᒐ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᓐᑕ ᒐᒋ ᐅᒋ ᑎᐸᔅᑯᓇᑦ ᐊᐛᔪᐛ᙮

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒪᑎᔪᐤ 5:15

ᓇᒪ ᐊᐛᓐ ᐊᑯᓇᐊᒻ ᐛᔅᑕᓂᐱᒪᑭᓂᔪᐤ ᐊᒋ ᓯᔅᑲᐊᒃ᙮ ᓇᐸᒥᔅᑕᐤ ᐊᓂᔭ ᐛᔅᑕᓂᐱᒪᑭᓂᔪᐤ ᐊᑯ ᒪᒃ ᒥᓯᐛ ᐊᐛᓐ ᐎᔭᔅᑕᓂᒪᑯᑦ ᐊᓐᑕ ᒥᒋᐛᐱᒡ ᐊ ᑕᑦ᙮

1 ᑯᕆᓐᑎᔭᓇ 1:8

ᐎᔾ ᒋᑭ ᐎᒋᐃᑯᐛᐤ ᒧᔅ ᒐᒋ ᓱᒋᑲᐳᐅᐛᒄ ᑕᑈᑎᒧᐅᓂᒡ ᑭᔭ ᓇᒪ ᒋᑭ ᐅᒋ ᑎᑯᓐ ᑕᓐ ᒐ ᐃᓯ ᐊᑕᒪᔨᑕᑯᓯᔭᒄ ᐃᔅᐱ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒐ ᑎᑯᓯᐧᒃ ᐅᑎᐸᔨᒋᒐᐤ ᒋᓴᔅ ᙭᙮

1 ᑕᓴᓗᓂᔭᓇ 5:2

ᐛᔅ ᒋ ᒥᔪ ᒋᔅᒐᔨᑕᓇᐛᐤ ᓯᔅᒋᑯᒡ ᒐ ᐅᑎᒋᐱᔨᒡ ᐊᓐ ᐊ ᒋᓯᑲᒡ ᐅᑎᐸᔨᒋᒐᐤ ᒐ ᑎᑯᓯᐧᒃ, ᒧᔭᒻ ᐊᐛᓐ ᑲᓂᑕᐅᒋᒧᑎᔨᒋ ᐊ ᐱᑐᒂᑯᑦ ᐊ ᑎᐱᔅᑲᔨᒡ ᓇᒪ ᓂᑲᓐ ᒋᔅᒐᔨᑎᒻ᙮

2 ᑕᓴᓗᓂᔭᓇ 2:2

ᒐ ᐊᑲ ᒋ ᐎᔭᓯᐃᑕᑯᒡ ᐊᐛᓐᒋ ᐊ ᐃᔅᒋᔄᒡ ᓴᔅ ᐊ ᐅᑎᒋᐱᔨᒡ ᐅᑎᐸᔨᒋᒐᐛ ᒐ ᑎᑯᓯᓂᔨᒋ᙮ ᐊᑲᐎᔾ ᑕᑈᑎᒧᒄ ᐊᑎ ᐃᔅᒋᔄᒐ ᐊᐛᓐ ᒋᓴᒪᓂᑐᐛ ᐊᒋ ᒋᔅᒐᔨᑎᒥᐃᑯᑦ ᐅᔭ, ᒪᒃ ᐃᔅᒋᔄᒐ ᐊᐛᓐ ᓂᔭᓐ ᐊᒋ ᐎᑎᒧᐅᒋᒡ ᐅᔭ ᒪᒃ ᐃᔅᒋᔄᒐ ᐊᒋ ᐃᔨᒥᑕᒡ ᒥᓯᓇᐃᑭᓂᔪᐤ ᓂᔭᓐ ᐊᒋ ᒥᓯᓇᐃᒐᐅᒋᒡ ᐅᔭ ᐊ ᐊᔨᒧᑎᒧᒋᒡ᙮

2 ᑕᓴᓗᓂᔭᓇ 2:8

ᐊᑯ ᒪᒃ ᒐ ᓄᑯᐊᑭᓄᐅᑦ ᐊᐛᓐ ᒋᒋᐛ ᐊ ᐊᐎᔨᑦ ᐊᓐ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᒥᒄ ᒪᒃ ᐃᔅᐱ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᐎᔾ ᒋᑭ ᓂᐸᐊᐤ ᐅᔭᔭᐅᓐ ᐊ ᐊᐱᒋᑕᑦ᙮ ᓇᔅᒡ ᒋᑭ ᓂᓱᐅᓇᒋᐊᐤ ᐃᔅᐱ ᑎᑯᓯᒐ ᐅᒋᔅᑕᔨᑕᑯᓱᐅᓂᒡ᙮

ᒋᒥᔅ ᐅᒥᓯᓇᐊᒪᒐᐅᓐ 5:8

ᒋᔨᐛᐤ ᒪᒃ ᑭᔭ ᒋᐸ ᐎ ᓯᐱᔪᐛᓯᓇᐛᐤ᙮ ᐊᔨᒋᑲᐳᐅᒄ ᒋᑕᐃᐛᒡ ᐛᔅ ᓴᔅ ᐎᐱᒡ ᒋᑭ ᑎᑯᓯᓐ ᐅᑎᐸᔨᒋᒐᐤ᙮

2 ᐱᑕᕐ 3:10

ᒥᒄ ᒪᒃ ᓇᒪ ᓂᑲᓐ ᒋᑭ ᐅᒋ ᒧᓯᑕᑭᓄᐅᔪᐤ ᐅᑎᐸᔨᒋᒐᐤ ᐅᒋᓯᑲᒻ, ᒧᔭᒻ ᐊ ᐃᑕᔨᑕᒂᒡ ᑲᒋᒧᑎᑦ ᐊᓐᑕ ᐛ ᐱᒐᒋ ᒥᒋᐛᐱᔪᐤ ᐊ ᐎ ᑭᒐᒧᑎᑦ, ᐊᐅᑯᓐ ᒐ ᐃᑕᔨᑕᒂᒡ᙮ ᐊᓐᑕ ᒪᒃ ᐊᓂᔭ ᐅᑎᐸᔨᒋᒐᐤ ᐅᒋᓯᑲᒻ ᐅᑎᒋᐱᔨᒐ ᐅᔭ ᒋᓯᒂ ᒋᑭ ᐸᓯᑯᓇᑯᓇ᙮ ᓇᔅᒡ ᑕᑈ ᒋᑭ ᒋᔄᐛᐱᔪᐤ ᐊᑎ ᐸᓯᑯᓇᑯᒂᐛ᙮ ᒥᓯᐛ ᑕᓐ ᐊ ᐃᓯ ᑎᒂᒡ ᒋᓯᑯᒡ ᒋᑭ ᐊᑎᑎᔅᑕᐛ ᒐ ᐃᔅᐱᔅ ᒥᔅᑎ ᒋᓯᑕᒡ᙮ ᐊᔅᒋᔾ ᑭᔭ ᒥᓯᐛ ᒐᒂᓐ ᐅᑕ ᑲ ᑎᒂᒡ, ᒋᑭ ᐊᑎ ᒪᔅᑎᐧᑲᑕᐛ᙮