ᓗᒃ 16:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯ ᒋᓴᔅ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ᐎᒋᔭᒄ᙮”

ᓗᒃ 16:9 Iomraidhean Croise

ᑎᐱᑦ ᐅᓂᑭᒧᐅᓇ 73:26

ᓂᔭᔅ ᑭᔭ ᓂᑕᐃ ᓄᑕᐱᔪᐤ: ᒋᓴᒪᓂᑐᐤ ᒪᒃ ᒥᔅᑯᐎᑕᐤ ᓂᑕᐃᔪᐤ, ᑭᔭ ᓂᑎᐱᔨᐛᐅᓯᐅᓐ ᑲᒋᒡ᙮

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᒪᑎᔪᐤ 6:19

ᐊᑲᐎᔾ ᒪᐅᒋᑎᒪᓱᒄ ᐛᔪᑎᓯᐅᓐ ᐅᑕ ᐊᔅᒋᒡ, ᐊᓐᑕ ᒐ ᓂᓱᐅᓇᒋᑕᒡ ᒥᓐᑐᓯᒡ ᑭᔭ ᒐ ᐊᒂᒂᐱᔅᑲᒋ ᐊᓐᑕ ᑭᔭ ᑲᓂᑕᐅᒋᒧᑎᒡ ᒐᒋ ᒋᒧᑎᒡ᙮

ᒪᑎᔪᐤ 6:24

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ, ᐛᔅ ᐸᐃᒄ ᐊᓂᔭ ᒋᑭ ᓴᒋᐊᐤ, ᑭᔭ ᑯᑎᑲ ᒋᑭ ᐛᐧᑲᑕᐤ᙮ ᑭᔭ ᒪᒃ ᒋᑭ ᒋᔅᑕᔨᒪᐤ ᐊᓂᔭ ᐸᐃᒄ, ᑯᑎᑲ ᒪᒃ ᒋᑭ ᐊᑐᐛᔨᒪᐤ, ᓇᒪ ᒋᑭ ᒋ ᐊᑐᔅᑯᐛᐤ ᒋᓴᒪᓂᑐᐛ ᐊᔪᐤ ᒪᒃ ᓱᒃ ᐊ ᐊᑐᔅᒐᑦ ᐊ ᐎ ᐛᔪᑎᓯᑦ᙮”

ᓗᒃ 11:41

ᒂᔅᑲᑎᓯᒄ, ᐳᓂᒄ ᐊᓐ ᐊ ᐃᑎᔭᒄ ᒥᒄ ᒋᔨᐛᐤ ᐊ ᐎ ᐊᔭᔭᒄ ᒐᒂᓐ᙮ ᒥᔭᐧᑯᒡ ᐊᓐᒡ ᑲ ᒋᔅᑎᒪᑎᓯᒡ ᑕᓐ ᐊ ᐃᓯ ᓂᑐᐛᔨᑕᒡ᙮ ᐊᑯ ᒪᒃ ᒐ ᐸᔭᒋᓇᒂᒋ ᒋᐱᒪᑎᓯᐅᓄᐛᐤ᙮”

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 14:14

ᐊᑯ ᒪᒃ ᒐ ᓱᐛᔨᒥᑯᔨᓐ ᐅᒋ ᐊᒋ ᐎᓴᒪᑥᐤ, ᐛᔅ ᑕᐸ ᒋᑭ ᒋ ᒋᐛ ᐃᑐᑕᑯᒡ ᑕᓐ ᐊᓂᔭᔪᐤ ᑲ ᐃᓯ ᐃᑐᑐᐅᑥᐤ᙮ ᒋᓴᒪᓂᑐᐤ ᒋᑭ ᑎᐸᐊᒪᒄ ᐃᔅᐱ ᐅᓂᔅᑲᑥᐛ ᓂᐳᐅᓂᒡ ᐅᒡ ᐊᓐᒡ ᑲ ᒂᔅᑲᑎᓯᒡ᙮”

ᓗᒃ 16:11

ᐊᑲ ᒪᒃ ᑕᑈᐅᒐᔨᒥᑯᔨᓇ ᑯᐃᔅᒄ ᒐᒋ ᐃᓯ ᓂᓇᑭᑐᐛᔨᑕᒥᓐ ᐅ ᐛᔪᑎᓯᐅᓐ ᐅᑕ ᐊᔅᒋᒡ ᑲ ᑎᒂᒡ, ᓇᒪ ᒋᑭ ᐅᒋ ᑕᑈᐅᒐᔨᒥᑯᐅᓐ ᒋᒋᐛ ᐛᔪᑎᓯᐅᓐ ᒐᒋ ᓂᓇᑭᑐᐛᔨᑕᒥᓐ᙮

ᓗᒃ 16:13

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ ᐊᑲ ᓇᐊᔨᒥᑐᔨᒋ, ᐛᔅ ᐸᐃᒄ ᐊᓂᔭ ᒋᑭ ᐛᐧᑲᑕᐤ, ᐊᑯ ᐊᓂᔭ ᑯᑎᑲ ᒋᑭ ᓴᒋᐊᐤ᙮ ᐊᓂᔭ ᐸᐃᒄ ᓱᒃ ᒋᑭ ᐊᑐᔅᑯᐛᐤ, ᐊᑯ ᐊᓂᔭ ᑯᑎᑲ ᓇᒪ ᒋᑭ ᐅᒋ ᓇᐊᔨᒪᐤ ᒐᒋ ᐊᑐᔅᑯᐛᑦ᙮ ᓇᒪ ᒋᑭ ᒋ ᐊᑐᔅᑯᐛᐛᐤ ᒋᓴᒪᓂᑐᐤ ᒧᔅ ᐊ ᒪᒥᑐᓇᔨᑎᒪᒄ ᒐᒋ ᐛᔪᑎᓯᔭᒄ᙮”

ᓗᒃ 16:4

ᓂ ᒋᔅᒐᔨᑕᓐ ᑕᓐ ᒐ ᐃᑎᔭᓐ ᒐᒋ ᐅᒋ ᐎᒐᐛᑭᓂᔭᓐ᙮ ᐊᑯ ᒪᒃ ᐊᑲ ᐊᔭᔭᓇ ᐊᑐᔅᒐᐅᓐ ᐎᔨᐛᐤ ᒐ ᐸᒋ ᓂᓇᑭᑐᐛᔨᒥᒡ᙮’ ”

ᐊᑈᔅᑕᓇᒡ 10:31

ᐊᑯ ᒂ ᐃᓯᑦ, ‘ᑯᕐᓂᓕᔭᔅ, ᒋᓴᒪᓂᑐᐤ ᒋ ᐸᑎᒻ ᑕᓐ ᑲ ᐃᓯ ᐊᔭᒥᐊᔨᓐ ᑭᔭ ᒋ ᐛᐸᑎᒻ ᑕᓐ ᑲ ᐃᓯ ᐎᒋᐃᑥᐤ ᑯᑎᑭᒡ ᐊᐛᓐᒋ᙮’

ᐊᑈᔅᑕᓇᒡ 10:4

ᒋ ᒥᔅᑎ ᑭᓄᐛᐱᒪᐤ ᒪᒃ ᐊᓂᔭ ᐊᓐᒋᓇ ᐊ ᑯᔅᑕᒋᑦ ᐊᑯ ᒂ ᐃᑕᑦ, “ᒐᒂᓐ, ᐅᑎᐸᔨᒋᒐᐤ ?” ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᒋᓴᒪᓂᑐᐤ ᒋ ᓇᐊᔨᑎᒥᐃᑯᐤ ᑕᓐ ᑲ ᐃᓯ ᐊᔭᒥᐊᔨᓐ, ᑭᔭ ᑕᓐ ᑲ ᐃᓯ ᒥᔪ ᐎᒋᐃᑥᐤ ᑯᑎᑭᒡ ᐊᐛᓐᒋ, ᓇᒪ ᒪᒃ ᒋᑭ ᒋ ᐅᓂᒋᔅᒋᑕᒄ᙮

2 ᑯᕆᓐᑎᔭᓇ 4:17

ᓇᒪ ᓇᔅᒡ ᒐᒂᓐ ᐃᑕᔨᑕᑯᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᑭᔭ ᐊᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᓇᒪ ᓇᐅᔅ ᒋᑭ ᐅᒋ ᐱᒥᐱᔪᐤ᙮ ᐛᔅ ᒋ ᐎᒋᐃᑯᓇᓄᐤ ᒐᒋ ᐊᔭᔭᐧᒄ ᑲᒋᒡ ᒋᔅᑕᔨᑕᑯᓱᐅᓐ᙮ ᐊᑐᐎᔅ ᒪᒃ ᒥᔅᑎ ᐃᑕᔨᑕᑯᓐ ᐅ ᐃᔅᐱᔅ ᑕᓐ ᐊ ᐃᓯ ᓂᒋᔅᑭᒪᐧᒄ᙮

ᒍᑦ 1:21

ᑭᓄᐛᔨᒥᓱᒄ ᒋᓴᒪᓂᑐᐤ ᐅᓴᒋᐃᐛᐅᓂᒡ ᐊ ᐊᓱᐛᐱᒪᒄ ᒋᓴᔅ ᙭ ᒐᒋ ᒥᔨᑕᒄ ᑲᒋᒡ ᐱᒪᑎᓯᐅᓂᔪᐤ ᐊᓂᔭ ᐊ ᓱᐛᔨᒧᐛᑦ ᐅᒡ᙮