ᓗᒃ 16:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² “ᐊᓐ ᑲ ᒋᔅᑎᒪᑎᓯᑦ ᓇᐸᐤ ᒐᒃ ᒋ ᓂᐳᐤ, ᒋ ᐸᒋ ᐅᑎᓂᑯᐤ ᐊᓐᒋᓇ, ᐊᓐᑕ ᒪᒃ ᐅᐱᒪ ᐊᑉᕋᐊᒪ ᐊ ᑕᔨᒋ ᐊᑯᑕ ᑲ ᐱᔅᑎᓂᑯᑦ᙮ ᒐᒃ ᑭᔭ ᐊᓐ ᑲ ᐛᔪᑎᓯᑦ ᓇᐸᐤ ᒂ ᓂᐱᑦ, ᒋ ᓇᐃᐧᑯᐛᑭᓄᐤ ᒪᒃ᙮

ᓗᒃ 16:22 Iomraidhean Croise

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 24:31

ᐃᔅᐱ ᒪᒃ ᐸᑕᒂᒐ ᑲ ᒋᔄᐛᒥᑲᒡ ᐳᑕᒋᑭᓐ ᐊᑯ ᒐ ᐃᑎᓴᐛᑦ ᒋᓴᒪᓂᑐᐤ ᐅᑦ ᐊᓐᒋᓂᒪ ᒐᒋ ᒪᒧᓇᔨᒋ ᐊᓂᔭ ᐊᐛᔪᐛ ᑲ ᐅᑎᓇᑦ ᓇᐅᐎᔨᒡ ᐊ ᐅᑎᓂᔨᒡ ᑲ ᐅᒋᔨᒋ᙮ ᓇᔅᒡ ᐊ ᐃᔎᔭᔨᒡ ᐊᔅᒋᔪᐤ ᐊᓐᑕ ᒪᒃ ᑭᔭ ᓇᔅᒡ ᐊ ᐃᔎᔨᒡ ᒋᒋᒋᓯᑯᔪᐤ ᒋᑭ ᐅᑎᓇᔪᐛ᙮”

ᒪᑎᔪᐤ 8:11

ᒋ ᐎᑎᒪᑎᓇᐛᐤ ᒪᒃ, ᒥᒐᑦ ᐊᐛᓐᒋ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑎᑦ ᐅ ᓇᐸᐤ, ᐛᐱᓄᑕᒡ ᑭᔭ ᐊᑎᒪᐱᓯᒧᒡ ᒋᑭ ᐅᑐᑕᐅᒡ ᒐ ᐎᑎᐱᒪᒡ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᒥᒋᓱᓇᓄᔨᒐ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:36

ᑕᓐ ᒪᒃ ᒐᒋ ᐃᓯ ᐎᒋᐃᑯᑦ ᐊᐛᓐ ᐊᑎ ᒥᓯᐛ ᒐᒂᔪᐤ ᒋ ᐎᐧᑯᒋᑎᒪᓱᒐ ᐅᑕ ᐊᔅᒋᒡ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐅᓂᑕᒂ ᒪᒃ ᐅᐱᒪᑎᓯᐅᓐ ?

ᓗᒃ 12:20

“ᐊᑯ ᒋᓴᒪᓂᑐᐛ ᒂ ᐃᑎᑯᑦ, ‘ᑕᑈ ᒋᐎᔭᓯᒥᑎᓱᓐ, ᐊᓄᒡ ᐅ ᒐ ᑎᐱᔅᑲᒡ ᒋᐱᒪᑎᓯᐅᓐ ᒋᑭ ᐅᑎᓇᑭᓄᐤ᙮ ᐊᐛᓐ ᒪᒃ ᒐ ᐊᔭᑦ ᒥᓯᐛ ᐊᓂᔭ ᑲ ᓇᐅᔅᑕᒪᓱᔨᓐ ᒐᒂᔪᐛ ?’ ”

ᓗᒃ 16:21

ᐊ ᐱᑯᓴᔨᑕᐧᒃ ᒐᒋ ᐅᒋ ᐊᓯᒪᑭᓄᐅᑦ ᑕᓐ ᐊᓂᔭᔪᐛ ᑲ ᐃᓯ ᐃᔅᑯᔅᑐᐛᓄᐎᒡ᙮ ᑭᔭ ᐛᐛᒡ ᐊᑎᒺ ᒋ ᑎᑯᓯᓂᔪᐛ ᐊ ᐸᒋ ᓇᓄᒂᑎᒥᔨᒋ ᐊᓂᔭᔪᐤ ᐅᒥᒋ᙮”

ᒠᓐ 1:18

ᓇᒪ ᓂᑕ ᐊᐛᓐ ᐅᒋ ᐛᐱᒪᐤ ᒋᓴᒪᓂᑐᐛ, ᒥᒄ ᐊᓂᔭ ᑲ ᐸᐃᑯᓯᔨᒋ ᐅᑯᓴ ᑲ ᓴᒋᐊᑦ ᒋ ᐃᑐᑕᑯᐤ ᒐᒋ ᒋᔅᒐᔨᒪᑭᓄᐅᑦ᙮

ᒠᓐ 13:23

ᐊᓐ ᒪᒃ ᐸᐃᒄ ᒋᔅᒋᓄᐊᒧᐛᑭᓐ, ᐊᓂᔭ ᒋᓴᔅ ᓇᔅᒡ ᑲ ᓴᒋᐊᑦ, ᐅᐱᒪ ᐊᓐᑕ ᐊ ᑕᑦ ᒋ ᐊᐱᔪᐛ᙮

ᒠᓐ 21:20

ᐱᑕᕐ ᒋ ᒂᔅᒋᑲᐳᐤ ᒂ ᐛᐱᒪᑦ ᐊᓂᔭ ᑯᑎᑲ ᒋᔅᒋᓄᐊᒧᐛᑭᓇ, ᐊᓂᔭ ᒋᓴᓴ ᑲ ᓴᒋᐊᔨᒋ᙮ ᐊᐅᑯᓐ ᐊᓂᔭ ᑲ ᐊᔅᐱᒋᓯᒧᔨᒋ ᒋᓴᓴ ᐊ ᑕᔨᒋ ᒪᒂᒡ ᑲ ᒥᒋᓱᒡ ᑭᔭ ᑲ ᐃᓯ ᑯᒂᒋᒪᑦ, “ᐅᑎᐸᔨᒋᒐᐤ, ᐊᐛᓐ ᒐ ᐎᔭᓯᐱᔅᑎᓂᔅᒃ ?”

ᐃᑉᕈᐛ 1:14

ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ᐱᒪᒋᐊᑭᓄᔨᒋ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:11

ᐃᔅᐱ ᒋᒋᐛ ᐊ ᐊᑎ ᓴᑲᔅᑐᐛᑦ ᐱᓯᒻ ᒂ ᐊᑎ ᐃᔎᓴᐧᒃ ᓂᑕᐅᒋᑕᑭᓇ ᐊᑯ ᐱᔭᐸᒋᑎᓂᔨᒋ ᐊᓂᔭᔪᐛ ᐛᐱᑯᓇ᙮ ᐛᓂᑎᒡ ᐊᓐ ᑕᓐ ᑲ ᐃᓯ ᒥᔽᓯᒡ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᒐ ᐃᓯᓇᑯᓯᑦ ᐊᓐ ᐊᐛᓐ ᑲ ᐛᔪᑎᓯᑦ, ᒋᑭ ᐳᓂᐱᒪᑎᓯᐤ ᑭᔭ ᐎᔾ, ᒐ ᓂᑭᑕᐧᒃ ᒥᓯᐛ ᐅᑦ ᐊᑐᔅᒐᐅᓐ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮

ᒋᔅᒐᔨᑕᑯᑕᒐᐅᓐ 14:13

ᒥᓐ ᒐᒂᓐ ᑲ ᐃᔅᐱᔨᒡ᙮ ᓂᒋ ᐸᑐᐛᐤ ᐊᐛᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ᙮ ᒪᐅ ᑲ ᐃᔅᒋᔄᑦ, “ᒥᓯᓇᐊ ᐅ᙮ ᐅᑕ ᐃᔅ ᓂᔅᑕᒥᒡ ᓱᐛᔨᑕᑯᓱᐅᒡ ᐊᓐᒡ ᒐ ᓂᐱᒡ ᐊᔅᒄ ᐊ ᐎᒐᐛᒡ ᒋᓴᓴ᙮” ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐃᔅᒋᔄᑦ, “ᓂᐦᐃ, ᑕᑈ ᓱᐛᔨᑕᑯᓱᐅᒡ᙮ ᒋ ᐊᔨᒥᐅᐅᒡ ᐊ ᓇᓴᐛᒡ ᒋᓴᓴ ᑭᔭ ᐊᑯ ᒐ ᐊᔽᐱᒡ᙮ ᑕᓐ ᐊ ᐃᓯ ᒪᒧᐤ ᑭᓄᐛᐸᑕᑭᓄᔨᒋ ᑲ ᐃᓯ ᐸᒋ ᐊᐱᒋᐃᑯᒡ ᒋᓴᒪᓂᑐᐤ ᒋᑭ ᐎᒐᐅᑯᒡ᙮”