ᓗᒃ 16:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒋᓴᔅ ᒋ ᐎᑎᒻ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᔅᒋᔄᑦ, “ᐸᐃᒂᐤ ᒋ ᑕᐤ ᐊ ᐛᔪᑎᓯᑦ ᓇᐸᐤ ᓇᔅᒡ ᐊ ᓱᓇᔭᐎᔨᒋ ᐅᑦ ᐊᐱᒋᑕᐅᓇ, ᓇᔅᒡ ᐊᒋ ᐛᔪᑎᓯᔪᐱᒪᑎᓯᑦ᙮

ᓗᒃ 16:19 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:17

ᐊᑯ ᒂ ᐳᔅᑎᔅᑭᒧᑎᔭᒡ ᒥᒂᒋᓂᔪᐤ ᑭᔭ ᒋ ᐅᓯᑕᐅᒡ ᒋᓴᐅᒋᒪᐅᑯᓂᔎᐅᓂᔪᐤ ᒥᓯᑲᐎᒥᓇᑯᓯᔭ ᐅᒡ᙮ ᐊᐅᒄ ᐅᔭ ᑲ ᐳᔅᑎᑯᓂᔎᐅᓇᐊᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:20

ᐃᔅᐱ ᒪᒃ ᑲᒋ ᐃᓯ ᒪᔭᔨᒪᒡ ᒂ ᒥᓂᒺᒡ ᒥᒂᒋᓂᔪᐤ, ᑎᐱᔨᐛ ᒪᒃ ᐅᑦ ᐊᐱᒋᑕᐅᓂᔪᐛ ᑈᔅᑭᒧᑎᔭᒡ᙮ ᐊᑯ ᒪᒃ ᒐ ᑐᑕᐊᒡ ᒐᒋ ᒋᔅᑕᔎᑕᒡ᙮

ᓗᒃ 15:13

ᓇᒪ ᓇᐅᔅ ᒂ ᐊᑎ ᑎᒪᒋᓇᐧᒃ ᒥᓯᐛ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᓐ ᐅᓯᒥᒪᐤ ᐊᑯ ᐊᓐᑕ ᐛᔪᐤ ᐊᔅᒋᒡ ᒂ ᐃᑐᑕᑦ᙮ ᐊᑯᑕ ᐊᓐᑕ ᑲ ᒪᔅᑎᓇᐧᒃ ᐅᓱᓇᔭᓂᒻ ᐊ ᒋᔎᐱᒪᑎᓯᑦ᙮

ᓗᒃ 16:1

ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᐊ ᐃᑕᑦ, “ᒋ ᑕᐤ ᐊ ᐛᔪᑎᓯᑦ ᓇᐸᐤ ᐊᒋ ᑭᓄᐛᔨᒪᑦ ᐅᒋᒪᓴ᙮ ᐊᓐ ᒪᒃ ᐅᒋᒪᔅ ᒋ ᓂᓇᑭᑐᐛᔨᑎᒧᐛᐤ ᒥᓯᐛ ᑕᓐ ᑲ ᐃᓯ ᐊᔭᔨᒋ ᐊᓂᔭᔪᐛ ᓇᐸᐛ᙮ ᒋ ᐸᑎᒥᔪᐛ ᒪᒃ ᐊᓂᔭ ᐅᒋᒪᒻ ᓂᑎᒥᒄ ᐊᒋ ᐃᑕᐱᒋᑕᐛᑦ ᐅᓱᓇᔭᓂᒥᔪᐤ᙮

ᓗᒃ 16:18

“ᒧᔭᒻ ᓇᐸᐤ ᐛᐱᓇᑦ ᐎᐛ ᑯᑎᑲ ᒪᒃ ᐃᔎᐛ ᐎᒋᒪᑦ, ᐱᓯᒂᑎᓯᐤ ᐅᔭ ᐊ ᐃᑎᑦ᙮ ᐊᑯ ᐊᓐ ᓇᐸᐤ ᒐ ᐎᒋᒪᒂ ᐊᓂᔭᔪᐛ ᐃᔎᐛ ᐊᒋ ᐛᐱᓂᑯᔨᒋ ᐅᓇᐸᒥᔪᐛ, ᐱᓯᒂᑎᓯᐤ ᑭᔭ ᐎᔾ᙮”

ᓗᒃ 16:20

ᒋ ᑕᐤ ᒥᓐ ᑯᑎᒃ ᓇᐸᐤ ᓚᓴᕋᔅ ᐊᒋ ᐃᓯᓂᐧᑲᓱᑦ ᓇᔅᒡ ᐊ ᒋᔅᑎᒪᑎᓯᑦ ᐱᓯᒄ ᐊ ᐸᐱᑯᓯᔪᐛᑦ᙮ ᐅᒥᒋᐅᓂᔪᐤ ᐊᒋ ᐊᔭᑦ ᒥᓯᐛ ᐊ ᐃᔅᐱᑎᑦ᙮ ᐎᐎᑎᒥᒡ ᒪᒃ ᐊᓐᑕ ᐎᒋᔨᒡ ᐊᓂᔭ ᑲ ᐛᔪᑎᓯᔨᒋ ᓇᐸᐛ ᐊᑯᑕ ᑲ ᐱᒥᓯᐧᒃ,

ᒋᔅᒐᔨᑕᑯᑕᒐᐅᓐ 17:4

ᐊᓐ ᒪᒃ ᐃᔎᐤ ᒋ ᒥᒂᔅᐱᓱᐤ ᑭᔭ ᒋ ᒥᔪ ᒥᒂᔪᐛ ᐅᑦ ᐊᐱᒋᑕᐅᓇ᙮ ᒋ ᐛᐛᓯᐅᐤ ᐊ ᐎᔄᐅᓱᓇᔭᐱᔅᑯᔨᒋ ᒐᒂᔪᐛ ᑭᔭ ᓂᓇᐧᑯᐤ ᐊ ᒥᔪᓯᔨᒋ ᐊᓯᓂᔭ ᑭᔭ ᐊ ᐎᔄᐛᐱᔅᒋᓯᔨᒋ ᐊᓯᓂᓴ ᐊ ᒋᔅᑯᐛᑦ᙮ ᒋ ᑕᐧᑯᓂᒻ ᒪᒃ ᐊ ᐎᔄᐅᓱᓇᔭᐱᔅᑯᔨᒡ ᒥᓂᒂᑭᓂᔪᐤ᙮ ᐊᓐᑕ ᒪᒃ ᒥᓂᒂᑭᓂᒡ ᒋ ᓴᑭᔅᑎᓇᔅᑕᔪᐤ ᓂᓇᐧᑯᐤ ᐎᓂᓱᐤ ᐃᑐᐅᓇ, ᐛᔅ ᐊᐅᑯᓐ ᒥᒄ ᐛ ᐃᑕᑎᓯᑦ ᐅ ᐃᔎᐤ᙮

ᒋᔅᒐᔨᑕᑯᑕᒐᐅᓐ 18:16

ᒋᑭ ᐃᔅᒋᔄᐅᒡ, ‘ᑕᑈ ᑯᔅᑕᑎᑯᓐ᙮ ᑕᑈ ᑯᔅᑕᑎᑯᓐ᙮ ᐊᓐ ᑲ ᓱᒐᔨᑕᒂᒡ ᐅᑕᓇᐤ ᓇᔅᒡ ᓂᓱᐅᓇᑎᓐ᙮ ᐱᒍᐎᔭᓂᓴ ᑲ ᓱᓯᐛᑭᓂᔨᒋ ᓇᔅᒡ ᑲ ᒥᔪᐛᑭᓯᔨᒋ ᒋ ᒋᔅᑭᒧᒡ ᐊᓐᒡ ᐊᓐᑕ ᐊ ᑕᒡ, ᐱᒍᐎᔭᓂᓯᔪᐤ ᑲ ᐃᓯᓂᐧᑲᓂᔨᒡ ᒋ ᒋᔅᑭᒧᒡ ᑭᔭ ᐊᐱᒋᑕᐅᓇ ᑲ ᒥᒂᑭᓂᔨᒋ᙮ ᒋ ᒥᔽᔅᐱᑎᓱᐅᒡ ᐎᔄᐅᓱᓇᔭᐱᔅᑯᒡ ᐊ ᐅᒋ ᐅᓯᑕᑭᓄᔨᒋ ᒐᒂᔪᐛ ᐊ ᒋᔅᑲᒡ ᑭᔭ ᓂᓇᐧᑯᐤ ᐊ ᒥᔪᓯᔨᒋ ᐊᓯᓂᔭ ᐊ ᐅᒋ ᐅᓯᑕᑭᓄᔨᒋ ᑭᔭ ᐊ ᐎᔄᐛᐱᔅᒋᓯᔨᒋ ᐊᓯᓂᓴ ᐊ ᒋᔅᑯᐛᒡ᙮

ᒋᔅᒐᔨᑕᑯᑕᒐᐅᓐ 18:7

ᒧᔭᒻ ᑲ ᐃᔅᐱᔅ ᒋ ᒋᔅᑕᔨᑕᑯᐃᓱᒡ ᐅᒡ ᐃᔪᒡ ᑭᔭ ᒧᔭᒻ ᑲ ᐃᔅᐱᔅ ᓇᔅᒡ ᒥᓯᐛ ᒋ ᐃᓯ ᒪᒥᔽᔨᑎᒥᐃᓱᒡ ᓂᓇᐧᑯᐤ ᐊ ᐎ ᐃᓯ ᐛᐛᒋᐃᓱᒡ, ᐊᐅᑯᓐ ᒧᔭᒻ ᐃᑐᑐᐛᐧᑯᒡ ᒐᒋ ᐃᔅᐱᔅ ᒥᒐᔨᑕᒡ ᑕᓐ ᒐ ᐃᔅᐱᔅ ᓂᓇᐧᑲᑕᔨᒧᐊᑭᓄᐎᒡ᙮ ᐛᔅ ᐅ ᐅᑕᓇᐤ ᒧᔭᒻ ᐊ ᒪᒥᒋᒧᑦ ᐊᐛᓐ ᐅᑕᐃᒡ ᐊᐅᑯᓐ ᐊ ᐊᐃᒡ᙮ ᐃᔅᒋᔄᒥᑭᓐ, ‘ᒧᔭᒻ ᒋᓴᐅᒋᒪᔎᐤ ᓂᑦ ᐊᐱᓐ᙮ ᓇᒪᔭᐤ ᑲ ᐸᐃᑯᓯᑦ ᐃᔎᐤ ᓂᔾ᙮ ᑭᔭ ᓇᒪ ᐎ ᓂᔾ ᓂᑕ ᓂᑭ ᐅᒋ ᒧᓯᑕᓐ ᑕᓐ ᐊ ᐃᓯ ᒥᓯᒪᔨᑕᐧᒃ ᐃᔎᐤ ᐊ ᐅᓇᐊᑦ ᐅᓇᐸᒪ᙮’