ᓗᒃ 16:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᓴᔅ ᒋ ᐎᑎᒧᐛᐤ ᐅᒋᔅᒋᓄᐊᒧᐛᑭᓇ ᐅᔭᔪᐤ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᐊ ᐃᑕᑦ, “ᒋ ᑕᐤ ᐊ ᐛᔪᑎᓯᑦ ᓇᐸᐤ ᐊᒋ ᑭᓄᐛᔨᒪᑦ ᐅᒋᒪᓴ᙮ ᐊᓐ ᒪᒃ ᐅᒋᒪᔅ ᒋ ᓂᓇᑭᑐᐛᔨᑎᒧᐛᐤ ᒥᓯᐛ ᑕᓐ ᑲ ᐃᓯ ᐊᔭᔨᒋ ᐊᓂᔭᔪᐛ ᓇᐸᐛ᙮ ᒋ ᐸᑎᒥᔪᐛ ᒪᒃ ᐊᓂᔭ ᐅᒋᒪᒻ ᓂᑎᒥᒄ ᐊᒋ ᐃᑕᐱᒋᑕᐛᑦ ᐅᓱᓇᔭᓂᒥᔪᐤ᙮

ᓗᒃ 16:1 Iomraidhean Croise

ᒐᓂᓯᔅ 15:2

ᒥᒄ ᐊᑉᕋᒻ ᐃᑕᐤ, “ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒂᓐ ᒐ ᒥᔨᓐ ? ᐊᔅᒄ ᓇᒪ ᓂ ᐅᑦ ᐊᐛᓯᒥᓐ᙮ ᐃᓕᐃᓱᐤ ᑕᒪᔅᑲᔅ ᑲ ᐅᒋᑦ ᐊᐅᑯᓐ ᒐ ᑎᐸᔨᑕᐧᒃ ᓂᑎᐸᔨᑎᒧᐅᓇ ᐃᔅᐱ ᐳᓂᐱᒪᑎᓯᔭᓇ᙮”

ᒐᓂᓯᔅ 43:19

ᐊᑯ ᓂᔭᑕᒡ ᑲ ᑭᓄᐛᔨᑎᒥᔨᒋ ᒥᒋᐛᐱᔪᐤ ᑭᔭ ᒋ ᐃᔨᒪᐊᐅᒡ ᒪᒃ ᒋᐱᔎᒡ ᒥᒋᐛᐱᒡ,

ᒪᑎᔪᐤ 20:8

ᐃᔅᐱ ᒪᒃ ᐛᑕᑯᓯᔨᒡ, ᐅᒋᒪᐤ ᒋ ᐃᑕᐤ ᐊᓂᔭ ᑲ ᓂᓇᑭᑐᐛᔨᒪᔨᒋ ᐊᓂᔭ ᑲ ᐊᑐᔅᒐᓯᔨᒋ, “ᐎᓴᒥᒡ ᐊᓐᒡ ᑲ ᐊᐱᒋᐃᒂᐤ, ᒥᓯᐛ ᒐ ᒋᓯᐧᑯᐅᑥᐤ ᐊᓐᒡ ᑲ ᐊᑐᔅᒐᒡ᙮ ᒪᔅᑕᔾ ᐊᓐᒡ ᑲ ᐅᑎᓇᑭᓄᐅᒡ ᓂᔅᑎᒻ ᒐ ᒋᓯᐧᑯᐅᑥᐤ, ᐊᑯ ᒥᓐ ᐊᓐᒡ ᑯᑎᑭᒡ ᑕᓐ ᒥᒄ ᑲ ᐊᑎ ᐃᑎᔅᑲᑐᒡ ᐊ ᐅᑎᓇᑭᓄᐅᒡ, ᒐ ᐊᑎ ᐅᑎᑕᐅᑥᐤ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮ ᐊᐅᑯᓐᒡ ᐅᒡ ᓂᔅᑎᒻ ᑲ ᐅᑎᓇᑭᓄᐅᒡ ᒪᔅᑕᔾ ᒐ ᒋᓯᐧᑯᐅᑥᐤ᙮”

ᓗᒃ 12:42

ᐅᑎᐸᔨᒋᒐᐤ ᒋ ᐃᔅᒋᔄᐤ, “ᐊᐱᒋᐊᑭᓐ ᑯᐃᔅᒄ ᑲ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ᐃᑈᐧᑲᑦ ᐊᐅᒄ ᒐ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᐧᑲᑐᐛᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ᐊᓯᒪᑭᓄᔨᒋ᙮

ᓗᒃ 15:13

ᓇᒪ ᓇᐅᔅ ᒂ ᐊᑎ ᑎᒪᒋᓇᐧᒃ ᒥᓯᐛ ᑕᓐ ᑲ ᐃᓯ ᑎᐱᔨᐛᐅᓯᑦ ᐊᓐ ᐅᓯᒥᒪᐤ ᐊᑯ ᐊᓐᑕ ᐛᔪᐤ ᐊᔅᒋᒡ ᒂ ᐃᑐᑕᑦ᙮ ᐊᑯᑕ ᐊᓐᑕ ᑲ ᒪᔅᑎᓇᐧᒃ ᐅᓱᓇᔭᓂᒻ ᐊ ᒋᔎᐱᒪᑎᓯᑦ᙮

ᓗᒃ 15:30

ᐅ ᒋᑯᔅ ᑲ ᒋᔎᐱᒪᑎᓯᐛᒐᑦ ᒋᓱᓇᔭᓂᒥᔪᐤ ᐃᔎᐛ ᐊᒋ ᒪᔭᔨᒪᑦ, ᐊᓄᒡ ᒋ ᑎᑯᓯᓄᐤ ᑭᔭ ᒋᑦ ᐃᑎᓱᐛᑎᒪᐛ ᒪᒃ ᒐᒋ ᓂᐸᐊᑭᓄᔨᒋ ᐊᓂᔭᔪᐛ ᑲ ᑕᒋᐳᐊᑭᓄᔨᒋ ᒥᔅᑐᓴ ᒐᒋ ᒥᑯᓴᐊᑭᓄᐅᑦ᙮’

ᓗᒃ 16:19

ᒋᓴᔅ ᒋ ᐎᑎᒻ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ ᐊ ᐃᔅᒋᔄᑦ, “ᐸᐃᒂᐤ ᒋ ᑕᐤ ᐊ ᐛᔪᑎᓯᑦ ᓇᐸᐤ ᓇᔅᒡ ᐊ ᓱᓇᔭᐎᔨᒋ ᐅᑦ ᐊᐱᒋᑕᐅᓇ, ᓇᔅᒡ ᐊᒋ ᐛᔪᑎᓯᔪᐱᒪᑎᓯᑦ᙮

ᓗᒃ 16:2

ᐊᑯ ᒂ ᐎᓴᒥᑯᑦ, ᒂ ᐃᑎᑯᑦ, ‘ᓂᐸᑕᓐ ᐊ ᐃᑕᒋᒥᑯᔨᓐ ᓂᑎᒥᒄ ᐊ ᐃᑕᐱᒋᑕᔨᓐ ᓂᓱᓇᔭᓂᒻ᙮ ᒧᓴ ᐎᑎᒧᐎ ᑕᓐ ᐊᓐ ᑲ ᐃᑕᐱᒋᑕᔨᓐ ? ᓴᔅ ᓇᒪ ᒋᑭ ᐅᒋ ᑭᓄᐛᔨᑕᓐ ᐊᓐ ᒋᑦ ᐊᑐᔅᒐᐅᓐ᙮’ ”

ᓗᒃ 19:20

“ᐊᑯ ᒥᓐ ᑯᑎᒃ ᐊᐱᒋᐊᑭᓐ ᒂ ᑎᑯᓯᐧᒃ ᐊᑯ ᒂ ᐃᔅᒋᔄᑦ, ‘ᒪᐅ ᒋᓱᓇᔭᐱᔅᑯᒻ, ᓂᒋ ᒪᑯᐱᑕᐤ ᐱᒍᐎᔭᓂᒡ᙮

ᓗᒃ 8:3

ᑭᔭ ᒍᐛᓇ ᒋ ᐎᒋᐃᐛᐤ᙮ ᐅ ᐃᔎᐤ ᒍᓴ ᒋ ᐃᓯᓂᐧᑲᓱᔪᐛ ᐅᓇᐸᒪ, ᒋ ᑎᐸᔨᒪᐤ ᑲ ᐊᑐᔅᒐᔅᒋᔨᒋ, ᒋᓴᐅᒋᒪᐛ ᐊᕈᑕ ᒋ ᐊᑐᔅᑯᐛᔪᐛ᙮ ᑭᔭ ᓱᓴᓇ ᒋ ᐎᒋᐃᐛᐤ᙮ ᒥᒐᑦ ᒪᒃ ᒥᓐ ᑯᑎᑭᒡ ᐃᔎᐅᒡ ᒋ ᐎᒐᐛᐅᒡ ᒋᓴᓴ᙮ ᑎᐱᔨᐛ ᒪᒃ ᐅᓱᓇᔭᓂᒧᐛᐤ ᒋ ᐊᐱᒋᑕᐅᒡ ᐅᒡ ᐃᔎᐅᒡ ᐊ ᐎᒋᐊᒡ ᒋᓴᓴ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓂᔪᐛ᙮

ᑕᐃᑕᔅ 1:7

ᐊᓐ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ᒥᒋᑐᑎᒻ ᐊᓐᑕ ᒐᒋ ᐅᒋ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ, ᑭᔭ ᓇᒪ ᒋᐸ ᐅᒋ ᐎᒋᐸᐤ, ᑭᔭ ᓇᒪ ᒋᐸ ᐅᒋ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ᓴᒋᑕᐤ ᓱᓇᔭᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 4:3

ᐊ ᓂᑐᑎᒪᔭᒄ ᓇᒪ ᒋ ᒥᔅᑲᓇᐛᐤ ᑕᓐ ᑲ ᐃᓯ ᓂᑐᑎᒪᔭᒄ, ᐛᔅ ᓇᒪ ᒥᔽᓱᐤ ᒐᒂᓐ ᐛᒋ ᓂᑐᐛᔨᑎᒪᒄ ᐅᔭ ᒐᒂᔪᐛ᙮ ᒋ ᓂᑐᐛᔨᑕᓇᐛᐤ ᒐᒂᔪᐛ ᒥᒄ ᒋᔨᐛᐤ ᒐᒋ ᓂᓇᐊᔨᑎᒥᐃᓱᔭᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒪᒄ᙮

1 ᐱᑕᕐ 4:10

ᒥᓯᐛ ᐸᐸᐃᒄ ᐊᐛᓐ ᑎᑯᓂᔪᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᐅᒄ ᒪᒃ ᐅᔭ ᑭᔅᒋᐅᓂᔪᐤ ᒋᐸ ᐊᐱᒋᑕᐤ ᐊ ᐛᐎᒋᐊᑦ ᑯᑎᑲ ᐊᐛᔪᐛ, ᐊ ᐊᓱᐤ ᒥᔭᑦ ᐊᐛᔪᐛ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮