ᓗᒃ 15:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᒂ ᐃᔅᒋᔄᑦ ᒥᓐ ᒋᓴᔅ, “ᒋ ᐎᑎᒪᑎᓇᐛᐤ, ᒧᔭᒻ ᐊᐅᑯᓐ ᐊ ᐃᑕᔨᑕᒂᒡ ᒧᒋᒐᔨᑎᒧᐅᓐ ᐊᓐᑕ ᒋᒋᒋᓯᑯᒡ ᐃᔅᐱ ᐸᐃᒄ ᐅᒥᒋᑥᐤ ᐊ ᓇᑕᑦ ᒋᓴᒪᓂᑐᐛ ᐊ ᐎ ᒂᔅᑲᑎᓯᑦ, ᐅᔅᑕ ᐎᔾ ᒧᒋᒐᔨᑎᒥᐃᐛᐤ ᐃᔅᐱᔅ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᑲ ᑯᐃᔅᑯᑕᑎᓯᒡ ᐊᐛᓐᒋ ᓴᔅ ᐊ ᒂᔅᑲᑎᓯᒡ᙮”

ᓗᒃ 15:7 Iomraidhean Croise

ᒪᑎᔪᐤ 18:13

ᐃᔅᐱ ᒪᒃ ᒪᔅᑯᐛᑦ, ᒋ ᐎᑎᒪᑎᓇᐛᐤ ᐅᔅᑕ ᒥᔽᔨᑎᒻ ᐅᔭ ᐸᐃᒄ ᐅᒪᔭᑕᓂᓯᒪ ᑲ ᐅᓂᓯᓂᔨᒋ ᐊ ᒥᔅᑯᐛᑦ ᐃᔅᐱᔅ ᐎ ᐊᒋ ᐊᔭᐛᑦ ᐊᓂᔭ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒪᔭᑕᓂᓴ ᐊᑲ ᐅᒋ ᐅᓂᓯᓂᔨᒋ᙮

ᒪᑎᔪᐤ 3:8

ᓄᑯᑕᒄ ᑕᑈ ᐊ ᒂᔅᑲᑎᓯᔭᒄ, ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮

ᓗᒃ 15:10

ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᓗᒃ 15:29

ᐊᑯ ᒂ ᐃᑕᑦ ᐅᑕᐎᔭ, ‘ᑭᓄᐛᐸᑕ ᒪ, ᒥᒐᑐᐱᐳᓇ ᐊᑯ ᑲ ᐃᔅᐱᔅ ᐊᑐᔅᑲᑕᓐ ᓇᒪ ᒪᒃ ᓂᑕ ᓂ ᐅᒋ ᐃᑎᓐ ᒐ ᐊᑲ ᒋ ᓂᓇᐃᑎᒪᓐ ᑕᓐ ᑲ ᐃᑎᓱᐛᔨᓐ᙮ ᒐᒂᓐ ᒪᒃ ᐛᒡ ᐊᑲ ᐸᒋ ᒥᔨᓐ ᓂᔾ ᒐᒋ ᐅᒋ ᐎᒋᒥᑯᓴᒥᒂᐤ ᓂᐎᒐᐛᑭᓂᒡ᙮

ᓗᒃ 15:32

ᐃᓯᓇᑯᓐ ᑕᑈ ᒐᒋ ᒧᒋᒐᔨᑎᒪᐧᒄ ᐛᔅ ᒋᐧᑲᓂᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᑭᔭ ᐊᓄᒡ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒧᔭᒻ ᐊᒋ ᐅᓂᓯᓂᑦ ᒋ ᐃᓯᓇᑯᓱᐤ ᑭᔭ ᒥᓐ ᐊ ᒥᔅᑯᐛᑭᓄᐅᑦ ᐊᐅᑯᓐ ᐊ ᐃᓯᓇᑯᓯᑦ᙮’ ”

ᓗᒃ 15:6

ᐊᑯ ᒐ ᐎᓴᒪᑦ ᐎᒐᐛᑭᓇ ᒐ ᐃᑕᑦ, ‘ᐎᒋ ᒥᔽᔨᑎᒧᒥᒄ ᐛᔅ ᓂ ᒥᔅᑯᐛᐤ ᐊᓐ ᓂᒪᔭᑕᓂᓯᒻ ᑲ ᐅᓂᐃᒃ᙮’ ”

ᓗᒃ 15:8

ᐊᑯ ᒋᓴᔅ ᒂ ᐎᑎᒧᐛᑦ ᑯᑎᒋᔪᐤ ᒋᔅᒋᓄᐊᒪᒐᐤ ᑎᐸᒋᒧᐅᓂᔪᐤ ᐊ ᐃᑕᑦ, “ᑕᓐ ᐊ ᐃᑎᑦ ᐃᔎᐤ ᐊ ᐊᔭᐛᑦ ᐸᐃᑯᔪᐤ ᓱᓇᔭᐱᔎ, ᐸᐃᒄ ᒪᒃ ᐊᓂᔭ ᐅᓇᐊᑦ ? ᓯᔅᑲᐊᒻ ᐛᔅᑕᓂᐱᒪᑭᓂᔪᐤ, ᐛᔭᓯᐃᒐᑦ ᑭᔭ ᐊᓐᑕ ᐎᒋᒡ, ᓇᔅᒡ ᓇᓂᑐᐛᐱᒪᐤ ᐸᑐᔅ ᒪᔅᑯᐛᑦ᙮

ᓗᒃ 16:15

ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”

ᓗᒃ 5:32

ᓇᒪᔭᐤ ᐊᓐᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:9

ᐅᑕᒡ ᓂᒋ ᐃᓯ ᐱᒪᑎᓯᓐ ᐊᑲ ᒋᔅᒐᔨᑎᒪᓐ ᑕᓐ ᐊ ᐃᑎᓱᐛᒥᑲᒡ ᐎᓱᐛᐅᓐ᙮ ᐃᔅᐱ ᒪᒃ ᑲ ᒋᔅᒐᔨᑎᒪᓐ ᐃᑎᓱᐛᐅᓐ ᑕᓐ ᐊᔅᒋᔄᒥᑲᒡ, ᐊᑯᑕ ᑲ ᐅᒋ ᒋᔅᒐᔨᑎᒪᓐ ᐊ ᒥᒐᑎᓯᔭᓐ ᑭᔭ ᒧᔭᒻ ᐊ ᓂᐱᔭᓐ ᐊ ᐃᓯᓇᑯᓯᔭᓐ᙮