ᓗᒃ 15:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐛᔅ ᐅ ᓂᑯᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᐊᑯ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᒄ ᐊ ᐃᓯᓇᑯᓯᑦ, ᒧᔭᒻ ᐊᒋ ᐅᓂᓯᓂᑦ ᑭᔭ ᒥᓐ ᐊ ᒥᔅᑯᐛᑭᓄᐅᑦ᙮’ ᑭᔭ ᒂ ᒧᒋᒐᔨᑕᒡ᙮

ᓗᒃ 15:24 Iomraidhean Croise

ᒐᓂᓯᔅ 45:28

ᐊᑯ ᒐᑭᑉ ᐊᔅᒋᔄᑦ, “ᓂ ᓯᔅᒋᑯᒋᒥᑯᐅᓐ, ᒍᓯᑉ ᓂᑯᔅ ᐊᔅᒄ ᐸᒪᑎᓯᑦ ! ᓂᑭ ᓂᑐᐛᐱᒪᐤ ᐊᒺᔭ ᓂᐱᔭᓐ᙮”

ᒪᑎᔪᐤ 8:22

ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮ ᐊᑯᔅ ᐊᓐᒡ ᒧᔭᒻ ᐊ ᓂᐱᒡ ᑲ ᐃᑕᔨᑕᑯᓯᒡ ᐊᐛᓐᒋ ᒋᑭ ᓇᐃᐧᑯᐛᐅᒡ ᐊᓂᔭ ᑲ ᓂᐱᔨᒋ ᐅᑦ ᐃᔨᒧᐛᐛ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:22

ᐃᔅᐱ ᐛᑎᑕᐊᒡ ᐸᑦᓴᐃᑕ ᒋ ᑕᐅᒡ ᐊᐛᓐᒋ ᐊ ᐸᓱᐛᒡ ᓇᐸᐛ ᐊᑲ ᐛᐸᑎᒥᔨᒋ᙮ ᓇᔅᒡ ᒋ ᓂᑐᐛᔨᒪᐅᒡ ᒋᓴᓴ ᒐᒋ ᑕᒋᓇᔨᒋ ᐊᓂᔭᔪᐛ ᓇᐸᐛ᙮

ᓗᒃ 10:19

ᓂᑐᑎᒧᒄ ᒪᒃ, ᔅᒋ ᒥᔨᑎᓇᐛᐤ ᑎᐸᔨᒋᒐᐅᓐ ᒐᒋ ᓴᐧᑯᒋᐊᒄ ᒥᒋᒥᓂᑐᐤ, ᑭᔭ ᒐᒋ ᑕᑕᐧᑯᔅᑲᑕᑯᒡ ᑲ ᐱᒋᐳᔪᐛᒡ ᒥᒋ ᒋᓇᐱᑯᒡ, ᑭᔭ ᑲ ᐱᒋᐳᔪᐛᒡ ᒥᔅᑎᐃᐱᒐᓱᒡ᙮ ᓇᒪ ᑎᑯᓐ ᒐᒂᓐ ᒐᒋ ᐊᐧᑯᐃᑯᔭᒄ᙮

ᓗᒃ 15:23

ᑭᔭ ᒐ ᓂᐸᐊᒄ ᐊᓐ ᑲ ᑕᒋᐳᐊᑭᓄᐅᑦ ᒥᔅᑐᔅ, ᒐ ᒥᔪᐧᑯᐛᒄ ᑭᔭ ᒐ ᒥᑯᓴᔭᐧᒄ᙮

ᓗᒃ 15:25

ᐊᓐ ᒪᒃ ᐅᔅᑕᓯᒪᐤ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᒪᒂᒡ ᒋ ᑕᐤ᙮ ᐃᔅᐱ ᑲ ᐸᔄᐸᑕᐧᒃ ᐎᒋᐛᐤ ᒋ ᐸᑎᒻ ᐊ ᒋᔍᐛᐱᒐᓄᐎᒡ ᑭᔭ ᐊ ᓂᒥᓇᓄᐎᒡ᙮

ᓗᒃ 15:32

ᐃᓯᓇᑯᓐ ᑕᑈ ᒐᒋ ᒧᒋᒐᔨᑎᒪᐧᒄ ᐛᔅ ᒋᐧᑲᓂᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᑭᔭ ᐊᓄᒡ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒧᔭᒻ ᐊᒋ ᐅᓂᓯᓂᑦ ᒋ ᐃᓯᓇᑯᓱᐤ ᑭᔭ ᒥᓐ ᐊ ᒥᔅᑯᐛᑭᓄᐅᑦ ᐊᐅᑯᓐ ᐊ ᐃᓯᓇᑯᓯᑦ᙮’ ”

ᓗᒃ 15:4

“ᐃᓯᓇᑯᓯᑦ ᐊᐛᓐ ᐸᐃᑯ ᒥᑕᓯᒥᑎᓄᐤ ᐊᒋ ᐊᔭᐛᑦ ᒪᔭᑕᓂᓴ, ᐸᐃᒄ ᒪᒃ ᐊᓂᔭ ᐅᓂᓯᓂᔨᒋ, ᑕᓐ ᒋᐸ ᐃᑐᐤ ? ᓇᒪᐎᔾ ᐊ ᒋᐸ ᐅᒋ ᓂᑭᑕᐤ ᐊᓂᔭ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒪᔭᑕᓂᓴ ᒐᒋ ᓇᓂᑐᐛᐱᒪᑦ ᐊᓂᔭ ᑲ ᐅᓂᓯᓂᔨᒋ, ᐸᑐᔅ ᒥᔅᑯᐛᒐ ?

ᓗᒃ 19:10

ᐃᔪᐤ ᐅᑯᓯᓴᓐ ᒋ ᐸᒋ ᑎᑯᓯᓐ ᒐᒋ ᓇᓂᑐᐛᐱᒪᑦ ᑭᔭ ᒐᒋ ᐱᒪᒋᐊᑦ ᐊᓂᔭᔪᐛ ᐃᔪᐛ ᑲ ᐅᓂᓯᓂᔨᒋ᙮”

ᓗᒃ 9:60

ᐊᑯ ᒋᓴᓴ ᒂ ᐃᑎᑯᑦ, “ᐊᓐᒡ ᒧᔭᒻ ᑲ ᓂᐱᒡ ᑲ ᐃᑕᔨᑕᑯᓯᒡ ᐃᔪᒡ ᐊᑯᔅ ᒋᑭ ᓇᐃᐧᑯᐛᐅᒡ ᐊᓂᔭ ᐅᑦ ᐃᔨᒧᐛᐛ ᑲ ᓂᐱᔨᒋ᙮ ᒋᔾ ᒪᒃ, ᒪᒋ ᒐ ᐛᐎᑎᒧᑦ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮”

ᒠᓐ 11:25

ᒋᓴᔅ ᒂ ᐃᑕᑦ, “ᐊᐅᒄ ᓂᔾ ᑲ ᐅᓂᔅᑲᓇᑦ ᐊᐛᔪᐛ ᐊᒋ ᓂᐱᔨᒋ ᑭᔭ ᑲ ᒥᔨᐛᑦ ᐱᒪᑎᓯᐅᓂᔪᐤ᙮ ᐊᐛᓐ ᒐ ᐸᒋ ᑕᑈᔭᔨᒧᒂ ᒋᑭ ᐱᒪᑎᓯᐤ ᐊᑎ ᐊᒋ ᓂᐱᑦ᙮

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:15

ᒪᒂᒡ ᐊᑲ ᐱᔅᑲᑎᑯᒡ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᑯᑕ ᑲ ᐅᒋᐱᔨᒡ ᒥᓯᐛ ᐊᓐᒡ ᑯᑎᑭᒡ ᐃᔭᒡ ᑲ ᐃᑎᔅᑲᓇᓯᒡ ᒐᒋ ᐎᒐᐛᑭᓂᑐᐛᒡ ᒋᓴᒪᓂᑐᐛ᙮ ᐃᔅᐱ ᒪᒃ ᑲᐤ ᐅᑎᓂᑯᑥᐛ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ ᒋᑭ ᐃᓯᓇᑯᓱᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:11

ᒧᔭᒻ ᐊᐛᓐᒋ ᐊ ᓂᐱᒡ ᐊᑲ ᑎᐸᔨᒥᑯᒡ ᒥᒐᑎᓯᐅᓂᔪᐤ ᐊᑯᓐ ᒋᐸ ᐃᓯ ᑭᓄᐛᐱᒥᓱᓇᐛᐤ᙮ ᒋ ᐱᒪᑎᓯᓇᐛᐤ ᐊᑯ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ ᐊ ᐎᒐᐅᒪᑯ ᒋᓴᔅ ᙭ᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:13

ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

1 ᑯᕆᓐᑎᔭᓇ 12:26

ᑎᒂᒐ ᐊ ᐃᓯ ᐊᐧᑯᓯᒥᑲᒡ ᐊᓐ ᒥᔪᐤ, ᒥᓯᐛ ᐊ ᐃᔅᐱᓴᒡ ᒥᔪᐤ ᒋᑭ ᒧᓯᑕᒐᒥᑭᓐ᙮ ᑭᔭ ᐸᐃᒄ ᐱᔅᒐᓯᐅᓐ ᐊᓐᑕ ᒥᔭᒡ ᒥᔪᐧᑲᑭᓄᐅᒐ, ᒥᓯᐛ ᐊ ᐃᔅᐱᓴᒡ ᐊᓐ ᒥᔪᐤ ᒋᑭ ᒥᔽᔨᒧᒥᑭᓐ᙮

ᐃᐱᓯᔭᓇ 2:1

ᒋᔨᐛᐤ ᒪᒃ ᐊ ᓂᐱᔭᒄ ᔅᒋ ᐃᓯᓇᑯᓯᓇᐛᐤ ᐊᔅᒄ ᐊᑲ ᐅᒋ ᐱᒪᒋᐃᑕᒄ ᒋᓴᒪᓂᑐᐤ᙮ ᔅᒋ ᒥᒐᑎᓯᓇᐛᐤ ᑭᔭ ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ᙮

ᐃᐱᓯᔭᓇ 2:5

ᐊᑎ ᐊᔅᒄ ᒪᒂᒡ ᐊ ᓂᐱᔭᐧᒄ ᐊᒋ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ᑐᑕᑯᓄᐤ ᒐᒋ ᐎᒋ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ ᐊᒋ ᐎ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᑯᓚᓯᔭᓇ 2:13

ᒋᒥᒋᑥᐅᓄᐛᐛ ᔅᒋ ᐃᑐᑕᑯᓇᐛᐤ ᒧᔭᒻ ᐊ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ᒥᔨᑯᐛᐤ ᒋᓴᒪᓂᑐᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮

1 ᑎᒧᑎ 5:6

ᐊᑯ ᐊᓐ ᐃᔎᐤ ᑲ ᐸᐃᑯᓯᑦ ᐱᓯᒄ ᒪᒃ ᒥᒄ ᐎᔾ ᑲ ᐎ ᓂᓇᐊᔨᑎᒥᐃᓱᑦ ᒧᔭᒻ ᐊ ᓂᐱᑦ ᐃᓯᓇᑯᓱᐤ ᐊᑎ ᐊᓂᔭ ᐊᔅᒄ ᐊ ᐱᒪᑎᓯᑦ᙮

ᒍᑦ 1:12

ᒥᒄ ᐛ ᐊᓏᑕᓱᐅᒡ ᐊᓐᑕ ᐊ ᒥᑯᓴᐛᒄ ᐊ ᓄᑯᑕᔭᒄ ᐊ ᓴᒋᐊᒄ ᒋᓴᒪᓂᑐᐤ᙮ ᓇᒪ ᓇᔅᒡ ᓴᒂᔨᒧᐅᒡ ᐊ ᒥᔅᑎ ᒋᔅᐳᐃᓱᒡ ᐊ ᐎᒋᒥᒋᓱᒥᑕᑯᒡ, ᒥᒄ ᐎᔨᐛᐤ ᐊ ᓂᓇᑭᑐᐛᔨᒥᓱᐅᒡ᙮ ᒧᔭᒻ ᑭᔅᑯᐅᓂᔅᑯᒡ ᐊ ᐱᒪᓯᒡ ᐊᑲ ᒪᒃ ᐛᐛᒡ ᓂᐱᔪᐅᒡ, ᐊᐅᑯᓐ ᐊ ᐃᑕᔨᑕᑯᓯᒡ᙮ ᒧᔭᒻ ᒥᔅᑎᑯᒡ ᐊᑲ ᓇᔅᒡ ᒥᓂᓱᐅᒡ ᐊᑎ ᐊ ᑎᒂᒋᓂᔨᒋ, ᒥᔅᑎᑯᒡ ᒋᒡ ᐅᑎᐱᔾ ᐊᒋ ᐱᐧᑯᒋᐱᑕᑭᓄᐎᒡ, ᓇᔅᒡ ᐊ ᓂᐱᒡ, ᐊᐅᑯᓐ ᐊ ᐃᓯᓇᑯᓯᒡ᙮

ᒋᔅᒐᔨᑕᑯᑕᒐᐅᓐ 3:1

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓴᕐᑎᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑎᐸᔨᒪᑦ ᐊᓂᔭᔪᐛ ᓂᔄᐅᑕᒡ ᐊᒐᒂ ᑲ ᐊᑐᔅᑯᐛᔨᒋ ᒋᓴᒪᓂᑐᐛ, ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ᙮ ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᐊ ᐃᑎᔭᒄ, ᐃᑕᐤ᙮ ᒋ ᒋᔅᒐᔨᒥᑎᓇᐛᐤ ᐊ ᐃᑕᔨᒥᑯᔭᒄ ᑕᑈ ᐊᒐᐧᑯᐅᓂᒡ ᐊ ᐃᓯ ᐱᒪᑎᓯᔭᒄ, ᒥᒄ ᒪᒃ ᒋ ᓂᐱᓇᐛᐤ᙮