ᓗᒃ 15:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᓗᒃ 15:10 Iomraidhean Croise

ᒪᑎᔪᐤ 10:32

“ᐊᐛᓐ ᐎᑎᒧᐛᒐ ᑯᑎᑲ ᐊᐛᔪᐛ ᐊ ᑕᑈᔭᔨᒥᑦ, ᑭᔭ ᓂᔾ ᓂᑭ ᐎᑎᒧᒪᐛ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐊ ᒋᔅᒐᔨᒥᒃ᙮

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:14

ᐊᐅᑯᓐ ᒪᒃ ᒧᔭᒻ ᑭᔭ ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊ ᐃᑎᑦ, ᓇᒪ ᓂᑐᐛᔨᒪᐤ ᐛᐛᒡ ᐸᐃᒄ ᐅᔭ ᐊᐛᓴ ᒐᒋ ᐅᓂᓯᓂᔨᒋ᙮”

ᓗᒃ 12:8

“ᐊᐛᓐ ᐎᑎᒧᐛᒐ ᑯᑎᑲ ᐊᐛᔪᐛ ᐊ ᑕᑈᔭᔨᒥᑦ, ᐃᔪᐤ ᐅᑯᓯᓴᓇ ᑭᔭ ᒋᑭ ᐃᔅᒋᔄᔪᐛ ᐊ ᐅᑦ ᐃᔨᒥᑐᑕᑯᑦ ᐊᓐᑕ ᒋᓴᒪᓂᑐᐤ ᐅᑦ ᐊᓐᒋᓂᒪ ᐊ ᑕᔨᒋ᙮

ᓗᒃ 12:9

ᐊᑯ ᒪᒃ ᐃᑕᒐ ᐊᐛᓐ ᐊ ᐃᑕᑦ ᐊᐛᔪᐛ ᐊᑲ ᑕᑈᔭᔨᒥᑦ, ᓂᑭ ᐃᑎᒪᔪᐛ ᑭᔭ ᒋᓴᒪᓂᑐᐤ ᐅᑦ ᐊᓐᒋᓇᒪ, ‘ᓇᒪᐎᔾ ᐊᓐ ᓂᑦ ᐃᔨᒻ᙮’

ᓗᒃ 13:5

ᓇᒪ, ᓂᑐᑎᒧᒄ ᒪ, ᒧᔭᒻ ᐊᑲ ᒂᔅᑲᑎᓯᔭᒂ ᑭᔭ ᒋᔨᐛᐤ ᒋᑭ ᓂᓱᐅᓇᑎᓯᓇᐛᐤ᙮”

ᓗᒃ 15:11

ᒋᓴᔅ ᒪᒃ ᒥᓐ ᒋ ᐎᑎᒻ ᑯᑎᒋᔪᐤ ᑎᐸᒋᒧᐅᓂᔪᐤ, ᐊ ᐃᔅᒋᔄᑦ, “ᒋ ᑕᐤ ᓇᐸᐤ ᐊᒋ ᓂᓯᔨᒋ ᐅᑯᓴ᙮

ᓗᒃ 15:7

ᒂ ᐃᔅᒋᔄᑦ ᒥᓐ ᒋᓴᔅ, “ᒋ ᐎᑎᒪᑎᓇᐛᐤ, ᒧᔭᒻ ᐊᐅᑯᓐ ᐊ ᐃᑕᔨᑕᒂᒡ ᒧᒋᒐᔨᑎᒧᐅᓐ ᐊᓐᑕ ᒋᒋᒋᓯᑯᒡ ᐃᔅᐱ ᐸᐃᒄ ᐅᒥᒋᑥᐤ ᐊ ᓇᑕᑦ ᒋᓴᒪᓂᑐᐛ ᐊ ᐎ ᒂᔅᑲᑎᓯᑦ, ᐅᔅᑕ ᐎᔾ ᒧᒋᒐᔨᑎᒥᐃᐛᐤ ᐃᔅᐱᔅ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᑲ ᑯᐃᔅᑯᑕᑎᓯᒡ ᐊᐛᓐᒋ ᓴᔅ ᐊ ᒂᔅᑲᑎᓯᒡ᙮”

ᓗᒃ 15:9

ᐃᔅᐱ ᒪᒃ ᒪᔅᑯᐛᑦ, ᐊᑯ ᒪᒧᐤ ᐛᓴᒪᑦ ᐎᒐᐛᑭᓇ ᑭᔭ ᐎᐧᑲᓂᓴ ᐊ ᐃᑕᑦ, ‘ᓇᔅᒡ ᑕᑈ ᓂ ᒥᔽᔨᑕᓐ ᐊᒋ ᒥᔅᑯᐅᒃ ᐊᓐ ᓱᓇᔭᐱᔅᒄ ᑲ ᐅᓂᐃᒃ᙮ ᐎᒋ ᒥᔽᔨᑎᒧᒥᒄ ᒪ᙮’ ”

ᓗᒃ 7:47

ᒋ ᐎᑎᒪᑎᓐ, ᐊᓂᔭ ᓇᔅᒡ ᐊ ᓴᒋᐃᐛᑦ ᐊᑯᑕ ᐛᒋ ᓄᑯᓂᔨᒡ ᒥᒐᑦ ᐅᒥᒋᑥᐅᓇ ᐊᒋ ᐛᐸᔨᑎᒧᐛᑭᓄᐅᑦ᙮ ᐊᐛᓐ ᐊᐱᓯᔅ ᑲ ᐛᐸᔨᑎᒧᐛᑭᓄᐅᑦ ᐊᐱᓯᔅ ᓴᒋᐃᐛᐤ᙮”

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 5:19

ᒥᒄ ᒪᒃ ᐊᓂᔭᔪᐤ ᐊ ᐊᑎ ᑎᐱᔅᑲᔨᒡ, ᐅᑎᐸᔨᒋᒐᐤ ᐅᑦ ᐊᓐᒋᓂᒪ, ᒋ ᓴᓇᔪᐛ ᔅᑐᐧᑭᓇ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᒂ ᐎᐎᑕᐊᑦ ᐊᓂᔭᔪᐛ ᐊᑈᔅᑕᓇ ᒂ ᐃᑕᑦ,

2 ᑯᕆᓐᑎᔭᓇ 7:10

ᐛᔅ ᒧᔭᒻ ᐊ ᐃᑐᑕᑕᐧᒄ ᒋᓴᒪᓂᑐᐤ ᒐᒋ ᒥᓯᒪᔨᑎᒥᐃᑯᔭᐧᒄ ᒋᒥᒋᑐᑎᒧᐅᓄᐛ ᐊᑯᑕ ᐛᒋ ᒂᔅᒋᓂᑭᓄᐅᒋ ᒋᑕᐃᓄᐛ ᑭᔭ ᐊ ᐊᑎ ᐱᒪᒋᐅᔭᐧᒄ, ᓇᒪ ᒪᒃ ᑕᐤ ᐊᐛᓐ ᒐᒋ ᒥᑕᒋᔨᐛᔨᑕᐧᒃ ᐊᒋ ᐱᒪᒋᐊᑭᓄᐅᑦ᙮ ᐊᔅᒋᔪᐤ ᒥᓯᒪᔨᑎᒧᐅᓐ ᒪᒃ ᓂᐳᐅᓂᒡ ᐃᑐᑕᐃᐛᒥᑭᓐ᙮

ᐸᐃᓕᒪᓐ 1:15

ᒂᔄᓐ ᐊᔪᐅᒄ ᐅᔭ ᐛᒋ ᐱᔅᑎᓂᑯᑦ ᐅᓂᓯᒪᔅ ᒋᓴᒪᓂᑐᐛ ᒐᒋ ᓂᑭᑎᔅᒃ ᐊᔅᒄ ᐊᓐᑕ ᐸᑎᒪ ᒧᔅ ᒐᒋ ᑕᑦ ᐊᓐᑕ ᐊ ᑕᐅᑦ᙮

ᐃᑉᕈᐛ 1:14

ᐊᓐᒋᓐᒡ ᒥᒄ ᐊᒐᐧᑯᐎᒡ᙮ ᒋᓴᒪᓂᑐᐛ ᐃᑎᓴᐅᑯᒡ ᒐᒋ ᐛᐎᒋᐊᒡ ᐊᓂᔭ ᒐ ᐱᒪᒋᐊᑭᓄᔨᒋ᙮