6 ᓇᔅᒡ ᒪᒃ ᒋ ᒋᐳᑐᓇᐛᐤ ᐅᔭ ᑲ ᐃᑕᑦ᙮
ᓇᒪ ᒪᒃ ᐊᐛᔪᐛ ᐅᒋ ᐎᑎᒪᑯᐤ ᒋᓴᔅ᙮ ᐊᓐᑕ ᒪᒃ ᐅᒋ ᐊᓂᔭ ᑲ ᒋᓯᑲᔨᒡ ᓇᒪ ᒥᓐ ᐊᐛᔪᐛ ᐅᒋ ᑯᒋᑕᔪᐛ ᒐᒋ ᑯᒂᒋᒥᑯᑦ ᒐᒂᔪᐤ᙮
ᐊᑯ ᒪᒃ ᒥᓯᐛ ᐊᓂᔭ ᑲ ᐊᓏᔨᒥᑯᑦ ᐊᒋ ᒥᓏᒋᐊᑦ ᐊᓂᔭ ᐃᔎᐛ ᒪᒂᒡ ᐊ ᐊᔭᒥᐊᐅᒋᓯᑲᔨᒡ ᓇᔅᒡ ᑕᑈ ᒋ ᓯᓴᒂᔨᒧᔪᐛ᙮ ᐊᑯ ᐊᓐᒡ ᑯᑎᑭᒡ ᐃᔪᒡ ᒋ ᒥᔽᔨᑎᒧᒡ ᒥᓯᐛ ᐊᓂᔭ ᑲ ᐃᓯ ᒪᒥᔅᑲᒡ ᐃᑐᑎᒥᔨᒋ ᒋᓴᓴ᙮
ᐊᓐᑕ ᒪᒃ ᐊ ᐛᐱᒥᑯᒡ ᐃᔪᐛ, ᓇᒪ ᐅᒋ ᐃᑐᑐᐛᐅᒡ ᒐᒋ ᐅᓂᐱᔨᒋ ᒐᒂᔪᐤ ᐊ ᐃᔅᒋᔄᔨᒋ ᐊᓐᑕ ᒐᒋ ᐅᒋ ᒪᑯᓇᒡ᙮ ᓇᔅᒡ ᒋ ᒥᔅᑲᑕᔨᑎᒥᐃᑯᐅᒡ ᑕᓐ ᑲ ᐃᓯ ᐎᑎᒪᑯᒡ, ᐊᑯ ᓇᒪ ᒥᓐ ᐅᒋ ᒋ ᔅᑐᑎᑯᐤ ᒋᓴᔅ᙮
ᓇᒪ ᒪᒃ ᒥᓐ ᐊᐛᓐ ᐅᒋ ᑯᒋᑕᐤ ᒐᒋ ᑯᒂᒋᒪᑦ ᒋᓴᓴ ᒐᒂᔪᐤ᙮
ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮
ᓇᒪ ᒪᒃ ᒐᒂᔪᐤ ᐅᒋ ᐃᑎᑯᐤ ᐅᔭ ᔅᑎᐱᓐ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐤ ᑭᒐᑕᐛᔨᑎᒧᐅᓂᔪᐤ ᒐᒋ ᑭᔅᒋᐅᑦ ᐊ ᐃᔨᒥᑦ᙮
