ᓗᒃ 14:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᐊ ᐃᑕᔨᑎᒧᒂ ᒪᒃ ᒐ ᓴᑯᐃᑯᑦ ᐊᓂᔭ ᑯᑎᑲ ᒋᓴᐅᒋᒪᐛ ᒋᑭ ᐃᑎᓴᐛᐤ ᐱᔅᒐ ᓇᐸᐛ ᒐᒋ ᓂᒋᔅᑯᐛᔨᒋ ᐊᓂᔭ ᒋᓴᐅᒋᒪᐛ ᐊᔅᒄ ᐊ ᐊᔭᐅᓇᑯᓯᔨᒋ, ᐊᑯ ᒐ ᑯᒂᒋᒪᒡ ᑕᓐᑕ ᒐᒋ ᐃᑎᒡ ᒐ ᐊᑲ ᒋ ᓂᑐᐱᔨᑕᑐᒡ᙮

ᓗᒃ 14:32 Iomraidhean Croise

ᒪᑎᔪᐤ 5:25

ᐊᐛᓐ ᒪᒃ ᒪᒥᓯᒥᔅᒐ ᒐᒂᔪᐤ ᐊᒋ ᐃᓯ ᐅᓂᑐᑎᒧᑦ, ᐃᑐᑕᔅᒐ ᒪᒃ ᒐᒋ ᐃᑐᑕᐃᔅᒃ ᑎᐸᔅᑯᓂᒐᐅᒋᐛᐱᒡ, ᐎ ᒥᔪ ᐎᒐᐤ ᐊᓐ ᑲ ᒪᒥᓯᒥᔅᒃ ᐎᐱᒡ ᒪᒂᒡ ᐊᑎ ᐎᒐᐅᑦ᙮ ᐛᔅ ᑎᑯᓯᓂᔭᒂ ᓇᑕ ᑎᐸᔅᑯᓂᒐᐅᒋᐛᐱᒡ, ᐊᓐᑕ ᑎᐸᔅᑯᓂᒐᓱᐛ ᐊ ᑕᔨᒋ ᐊᑯᑕ ᒐ ᐃᓯ ᐱᔅᑎᓂᔅᒃ, ᐊᑯ ᐊᓐ ᑎᐸᔅᑯᓂᒐᓱᐤ ᐊᓐᑕ ᑲᒪᑯᓄᐛᓯᔨᒋ ᐊ ᑕᔨᒋ ᐊᑯᑕ ᒐ ᐃᓯ ᐱᔅᑎᓂᔅᒃ, ᐊᑯ ᒐ ᒋᐸᐅᔅᒡ ᐊᓐᒡ ᑲᒪᑯᓄᐛᓯᒡ᙮

ᒪᑎᔪᐤ 5:42

ᑭᔭ ᐊᐛᓐ ᓂᑐᐛᔨᑎᒪᔅᒐ ᒐᒂᔪᐤ, ᒥᔾ᙮ ᒪᒃ ᐊᐛᓐ ᐎ ᐅᐛᐊᓱᒐ ᒐᒂᔪᐤ, ᒥᔾ ᐊᓂᔭ ᒐᒂᔪᐤ ᐛ ᐅᐛᐊᓱᑦ᙮”

ᓗᒃ 12:58

ᓇᐸᐤ ᒪᒃ ᒪᒥᓯᒥᔅᒃ ᒐᒂᓐ ᐊᒋ ᐃᓯ ᐅᓂᑐᑎᒥᓐ, ᐃᑐᑕᔅᒐ ᒪᒃ ᒐᒋ ᐃᑐᑕᐃᔅᒃ ᑎᐸᔅᑯᓂᒐᐅᒋᐛᐱᒡ, ᒋᐸ ᑯᒋᐊᐤ ᐸᑎᒪ ᓂᔅᑎᒻ ᒐᒋ ᒥᔪ ᐃᔨᒥᐃᑦ ᒐ ᐊᑲ ᒋ ᐃᑐᑕᐃᔅᒃ ᐊᓐᑕ᙮ ᐊᑯᑕ ᒪᒃ ᒐᒋ ᐅᒋ ᓇᑲᐎᔨᑦ ᐊᓐᑕ ᐊ ᐎ ᐃᑐᑕᐃᔅᒃ᙮ ᐊᑲ ᒪᒃ ᐃᑐᑎᒥᓇ ᐅ ᐊᑯ ᐊᓐ ᑲ ᑎᐸᔅᑯᓂᒐᑦ ᒐ ᐱᔅᑎᓂᔅᒃ ᐊᓐᑕ ᐃᓯ ᑲᒪᑯᓄᐛᓯᔨᒋ ᐊ ᑕᔨᒋ᙮ ᒐ ᒋᐸᐅᔅᒡ ᐊᓐᒡ ᑲᒪᑯᓄᐛᓯᒡ᙮

ᓗᒃ 14:31

ᐊᑯ ᒥᓐ ᐅᔭ ᑲ ᐊᑎ ᐃᔅᒋᔄᑦ ᒋᓴᔅ, “ᑭᔭ ᒧᔭᒻ ᐊ ᐃᓯᓇᑯᓯᑦ ᒋᓴᐅᒋᒪᐤ ᐸᐃᑯᔪᐤ ᑕᑥᐤ ᒐᓯᐱᔪᐤ ᐊ ᑕᑎᓯᔨᒋ ᐅᑦ ᐊᓯᒪᑭᓂᓯᒪ, ᐊ ᐎ ᓂᑐᐱᔨᑐᐛᑦ ᒪᒃ ᑯᑎᑲ ᒋᓴᐅᒋᒪᐛ ᓂᓱᔪᐤ ᑕᑥᐤ ᒐᓯᐱᔪᐤ ᐊ ᑕᑎᓯᔨᒋ ᐅᑦ ᐊᓯᒪᑭᓂᓯᒥᔪᐛ, ᐸᑎᒪ ᒋᑭ ᒪᒥᑐᓇᔨᑎᒥᐃᑯᐤ ᑕᑈ ᒐᒋ ᓴᒂᐊᒂ᙮

ᓗᒃ 14:33

ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ, ᐊᐅᑯᓐ ᒪᒃ ᒧᔭᒻ ᐊ ᐃᓯᓇᑯᓂᔨᒡ ᐊᐛᓐ ᑲ ᓂᑐᐛᔨᑕᐧᒃ ᒐᒋ ᐅᒋᔅᒋᓄᐊᒧᐛᑭᓂᑐᑐᐅᒃ, ᐸᑐᔅ ᒋᑭ ᐱᔅᑎᓂᒻ ᒥᓯᐛ ᒐᒂᔪᐤ ᐊ ᐃᓯ ᐊᔭᑦ᙮”

ᓗᒃ 19:14

ᐊᓂᔭᔪᐛ ᒪᒃ ᐃᔪᐛ ᑲ ᐅᒋᒪᐧᑲᑐᐛᑦ ᒋ ᐛᐧᑲᑎᑯᐤ᙮ ᐃᔅᐱ ᑲ ᔅᑐᑕᑦ, ᐊᓂᔭ ᐅᑦ ᐃᔨᒪ ᒋ ᐃᑎᓴᐛᔪᐛ ᐊᐛᔪᐛ ᒐᒋ ᐳᑯᓄᒥᑯᑦ ᐊᓐᑕ ᐊᓂᔭ ᒐ ᐃᑐᑕᑦ ᒐᒋ ᐃᔅᒋᔄᔨᒋ ᐊᑲ ᓂᑐᐛᔨᒥᑯᑦ ᒐᒋ ᒋᓴᐅᒋᒪᐅᐊᑭᓄᐅᑦ᙮”

ᐊᑈᔅᑕᓇᒡ 12:20

ᐊᕈᑦ ᒪᒃ ᓇᔅᒡ ᒋ ᒋᔄᐃᑯᐤ ᐊᓂᔭ ᐃᔪᐛ ᐊᓐᑕ ᑕᐃᕋᒡ ᑭᔭ ᓴᐃᑐᓂᒡ ᑲ ᑕᔨᒋ᙮ ᒪᒂᒡ ᒪᒃ ᐊᓐᑕ ᓯᓴᕆᔭᒡ ᑲ ᑕᑦ ᒋ ᑎᑯᓯᓂᔪᐛ ᐃᔪᐛ ᐊᓐᑕ ᑕᐃᕋ ᑭᔭ ᓴᐃᑐᓐ ᐊ ᐅᒋᔨᒋ ᐊᒋ ᐸᒋ ᐃᑎᓴᐛᑭᓄᔨᒂᓂ ᒐᒋ ᒥᔪᐱᔨᑕᔨᒋ ᑕᓐ ᑲ ᐃᓯ ᒥᒋᐱᔨᒡ ᐊᕈᑦ ᑭᔭ ᐊᓐᒡ ᐃᔪᒡ᙮ ᐛᔅ ᐊᑯᑕ ᐊᓐᑕ ᑲᒋ ᐅᑎᓇᒡ ᐅᒥᒋᒧᐛᐤ ᐊᓐᒡ ᐃᔪᒡ ᐊᓐᑕ ᐊᓂᔭ ᐊᔅᒋᔪᐤ ᐊᕈᑕ ᑲ ᒋᓴᐅᒋᒪᐅᑐᑎᒥᔨᒋ᙮ ᐎᔾ ᒪᒃ ᐊᕈᑦ ᒋ ᐱᔅᑎᓱᐛᑎᒻ ᐊᓂᔭ ᒥᒋᒥᔪᐤ᙮ ᒋ ᑕᔪᐛ ᒪᒃ ᒋᓴᐅᒋᒪᐤ ᐊᕈᑦ ᐅᑦ ᐊᐱᒋᐊᑭᓇ ᐱᓚᔅᑕᔅ ᐊ ᐃᓯᓂᐧᑲᓱᔨᒋ, ᐊ ᓂᓇᑭᑐᐛᔨᑎᒺᑦ ᐊᕈᑕ ᐎᒋᔪᐤ ᐊ ᐃᑕᐱᑎᓯᑦ᙮ ᐊᐅᒄ ᒪᒃ ᐊᓂᔭ ᑲ ᓴᐧᑯᒋᒪᒡ ᒐᒋ ᐎᒋᐃᑯᒡ, ᑭᔭ ᐃᔭᒄ ᑲ ᓂᑐᐛᐱᒪᒡ ᐊᕈᑕ ᐛᔅ ᓇᒪ ᐅᒋ ᓂᑐᐛᔨᒪᐅᒡ ᒐᒋ ᒋᔄᓯᔅᑕᑯᒡ᙮