ᓗᒃ 14:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐛᔅ ᐊᐛᓐ ᒥᔅᑎ ᑲ ᐎ ᐃᑕᔨᒥᑯᓯᑦ ᒋᓴᒪᓂᑐᐛ ᒋᑭ ᑎᐱᑕᔨᒧᐃᑯᐤ᙮ ᐊᓐ ᒪᒃ ᑲ ᑎᐱᑕᔨᒥᑎᓱᑦ ᐊᐅᒄ ᐊᓐ ᒐ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ᙮”

ᓗᒃ 14:11 Iomraidhean Croise

ᑎᐱᑦ ᐅᓂᑭᒧᐅᓇ 138:6

ᐊᑎ ᐊ ᒋᔅᑎᓯᑦ ᑎᐸᔨᒋᒐᓱᐤ, ᐃᔭᐱᒡ ᐱᔅᒐᔨᒪᐤ ᑲ ᑎᐱᑕᔨᒥᓱᔨᒋ: ᒪᒃ ᐅᒋᔅᑕᔨᒧᐛ ᐛᔪᐤ ᐅᒋ ᒋᔅᒐᔨᒪᐤ᙮

ᑎᐱᑦ ᐅᓂᑭᒧᐅᓇ 18:27

ᐛᔅ ᒋᑭ ᐱᒪᒋᐊᐅᒡ ᑲ ᐊᔨᒥᑯᒡ ᒐᒂᔪᐤ ᐃᔪᒡ; ᒪᒃ ᒋᑭ ᓂᒋᐛᐱᓇᓐ ᐃᔅᐱᑕᐃᒥᑎᓱᐅᓐ᙮

ᒪᑎᔪᐤ 23:12

ᐛᔅ ᐊᐛᓐ ᒥᔅᑎ ᑲ ᐎ ᐃᑕᔨᒥᑯᓯᑦ ᒋᑭ ᑎᑯᓂᔪᐤ ᑕᓐ ᒐ ᐃᑐᑐᐛᑭᓄᐅᑦ ᐊᓐᑕ ᒐᒋ ᐅᒋ ᓂᑕᔨᒥᑎᓱᑦ᙮ ᐊᓐ ᒪᒃ ᑲ ᑎᐱᑕᔨᒥᑎᓱᑦ ᐊᐅᑯᓐ ᐊᓐ ᒥᔅᑎ ᒐ ᐃᑕᔨᑕᑯᐃᑯᑦ ᒋᓴᒪᓂᑐᐛ᙮”

ᓗᒃ 1:51

ᒋ ᐛᐸᑎᔨᐛᐤ ᑕᓐ ᐊᔅᐱᔅ ᓱᐧᑲᑎᓯᑦ᙮ ᑭᔭ ᒋ ᐃᒐᑎᓴᐛᐤ ᐊᓂᔭᔪᐛ ᐊᐛᔪᐛ ᓇᔅᒡ ᑲ ᒋᔅᑕᔨᒥᓱᔨᒋ ᑭᔭ ᓇᒪ ᐅᒋ ᐃᑐᑎᒥᔪᐛ ᐊᓂᔭᔪᐛ ᒐᒂᔪᐛ ᑲ ᐃᑕᔨᑎᒥᐃᑯᔨᒋ ᒐᒋ ᐃᑐᑎᒥᔨᒋ᙮

ᓗᒃ 1:52

ᐅᑦ ᐊᐳᐅᓂᔨᒡ ᒋ ᐅᒋ ᓂᑎᓇᐤ ᐊᓂᔭ ᓇᔅᒡ ᑲ ᐅᒋᒪᐛᔨᑕᑯᓯᔨᒋ ᒋᓴᐅᒋᒪᐛ ᐊᑯ ᑲ ᒋᔅᑕᔨᑕᑯᐊᑦ ᐊᓂᔭ ᑲ ᑎᐱᑕᔨᑕᑯᓯᔨᒋ᙮

ᓗᒃ 14:12

ᐊᑯ ᒋᓴᔅ ᒂ ᐃᑕᑦ ᐊᓂᔭ ᓇᐸᐛ ᑲ ᐎᓴᒥᑯᑦ ᐊ ᒥᑯᓴᔨᒋ, “ᐊ ᒥᑯᓴᔨᓐ ᒪ, ᐊᑲᐎᔾ ᒥᒄ ᒋᐎᒐᐛᑭᓐᒡ ᐎᓴᒥᒡ ᑭᔭ ᒪᒃ ᒋᐧᑲᓂᓯᒡ ᑭᔭ ᒪᒃ ᒋᐛᐧᑯᒪᑭᓂᒡ ᑭᔭ ᒪᒃ ᐊ ᐛᔪᑎᓯᒡ ᐊᐛᓐᒋ ᐊᓐᑕ ᒥᒋᒪ ᐊ ᐎᒋᒥᔅᒡ, ᐛᔅ ᒋᑭ ᒋ ᐃᓯᓇᑯᓂᔪᐤ ᑭᔭ ᒋᔾ ᐊᔅᒄ ᒐᒋ ᐎᓴᒥᔅᒡ, ᒐᒋ ᐃᑐᑕᔅᒡ ᑭᔭ ᒋᔾ ᑕᓐ ᐊᓂᔭ ᑲ ᐃᓯ ᐃᑐᑐᐅᑥᐤ᙮

ᓗᒃ 18:14

“ᒋ ᐎᑎᒪᑎᓇᐛᐤ ᒪᒃ, ᐅ ᓇᐸᐤ ᒋ ᒋᐛᐤ ᑕᑈ ᐊ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐊ ᑭᓄᐛᐱᒥᑯᑦ᙮ ᓇᒪᐎᔾ ᐊᓐ ᐸᕆᓯ᙮ ᐊᓐ ᐊᐛᓐ ᒥᔅᑎ ᑲ ᐃᑕᔨᒥᓱᑦ ᒋᑭ ᑎᐱᑕᔨᑕᑯᐃᑯᐤ ᒋᓴᒪᓂᑐᐛ ᐊᑯ ᐊᓐ ᑲ ᑎᐱᑕᔨᒥᑎᓱᑦ ᐊᐛᓐ ᐊᐅᒄ ᒐ ᒋᔅᑕᔨᑕᑯᐊᑭᓄᐅᑦ᙮”

ᒋᒥᔅ ᐅᒥᓯᓇᐊᒪᒐᐅᓐ 1:9

ᒋᐧᑲᓂᓯᓄᐤ ᑲ ᒋᔅᑎᒪᑎᓯᑦ ᒋᐸ ᒥᔽᔨᑎᒻ ᒋᓴᒪᓂᑐᐛ ᐊ ᒋᔅᑕᔨᑕᑯᐃᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 4:10

ᑎᐱᑕᔨᒥᑎᓱᔅᑐᐛᐧᒄ ᐅᑎᐸᔨᒋᒐᐤ ᑭᔭ ᒐ ᐅᐱᓂᑕᒄ᙮

ᒋᒥᔅ ᐅᒥᓯᓇᐊᒪᒐᐅᓐ 4:6

ᒥᒄ ᒪᒃ ᒋᓴᒪᓂᑐᐤ ᐊᑐᐎᔅ ᒥᔅᑎ ᒥᔭᐤ ᓱᐛᔨᒋᒐᐅᓂᔪᐤ ᐊᓂᔭ ᐊᐛᔪᐛ ᐎᔾ ᐊ ᑕᑦ ᑲ ᐃᓯ ᐱᒪᑎᓯᔨᒋ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᓂᔅᑯᔅᑐᐛᐤ ᐊᓂᔭᔪᐛ ᑲ ᒋᔅᑕᔨᒥᓱᔨᒋ ᒥᒄ ᒪᒃ ᓱᐛᔨᒋᒐᐅᓂᔪᐤ ᒥᔭᐤ ᐊᓂᔭ ᑲ ᑎᐱᑕᔨᒥᓱᔨᒋ᙮

1 ᐱᑕᕐ 5:5

ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮

1 ᐱᑕᕐ 5:6

ᑎᐱᑕᔨᑕᑯᐃᓱᒄ ᒪᒃ ᐊ ᓂᓇᐃᑐᐛᒄ ᒋᓴᒪᓂᑐᐤ ᐊᓐ ᑲ ᓱᐧᑲᑎᓯᑦ, ᐛᔅ ᒋᑭ ᐅᐱᓂᑯᐛᐤ ᑕᑈ ᐃᑕᔨᑕᒐ ᐎᔾ ᒐ ᐅᐱᓂᑕᒄ᙮