ᓗᒃ 13:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ “ᒋᔨᐛᐤ ᒋᕈᓯᓕᒥᒡ ᑲ ᑕᔭᒄ, ᑲ ᓂᐸᐊᑯᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᑲ ᐸᐱᐳᒧᓯᓇᑕᐛᑯᒡ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ᐃᑎᓴᐊᒪᑕᒄ, ᑕᓐ ᑕᑥᐤ ᑲ ᐎ ᒪᐅᓯᑯᐱᑎᑎᑯᒡ ᐊᓐᑕ ᐃᔅ ᐊ ᑕᔭᓐ, ᒧᔭᒻ ᐱᑲᒂᓐ ᐊ ᐃᑐᑐᐛᑦ ᐅᐱᑲᒂᓂᓯᒪ, ᓯᐸ ᐅᑎᑎᑭᓂᒡ ᐊ ᐃᓯ ᒪᐅᓯᑯᓇᑦ ᐊ ᐎ ᓂᓇᑭᑐᐛᔨᒪᑦ᙮ ᐊᐅᑯᓐ ᒪᒃ ᒧᔭᒻ ᑲ ᐎ ᐃᑐᑕᑎᑯᒡ᙮ ᒥᒄ ᓇᒪ ᒋ ᐅᒋ ᐱᔅᑎᓇᐛᐤ ᐅ ᒐᒋ ᐃᑐᑕᑎᑯᒡ᙮

ᓗᒃ 13:34 Iomraidhean Croise

ᑎᐱᑦ ᐅᓂᑭᒧᐅᓇ 149:2

ᐊᑯᔅ ᐃᔅᕋᐃᓪ ᒋᑭ ᒧᒋᒐᔨᑎᒻ ᐊᓂᔭᔪᐛ ᑲ ᐅᓯᐃᑯᑦ ᐅᒋ: ᐊᑯᔅ ᓴᐃᔭᓐ ᐅᑦ ᐊᐛᓯᒥᓴ ᒋᑭ ᒧᒋᒐᔨᑎᒥᔨᐛ ᐅᒋᓴᐅᒋᒪᒧᐛᐛ ᐅᒋ᙮

ᑎᐱᑦ ᐅᓂᑭᒧᐅᓇ 17:8

ᑭᓄᐛᔨᒥ ᒧᔭᒻ ᑕᑐᐎᒡ ᒥᔅᒋᓯᑯᒡ, ᑲᔨ ᐊ ᐊᑯᓇᐎᓐ ᒋᒥᑯᓇ,

ᑎᐱᑦ ᐅᓂᑭᒧᐅᓇ 36:7

ᑕᑈ ᒋᔅᑕᔨᑕᑯᓐ ᒋᓴᒋᐃᐛᐎ ᒋᓴᐛᑎᓯᐅᓐ, ᐅ ᒋᓴᒪᓂᑐᐤ ! ᐊᐅᒄ ᐅᒡ ᐃᔪᒡ ᐅᑦ ᐊᐛᓯᒥᓱᐛᐛ ᒪᒥᓯᑐᑎᒥᔪᐛ ᐊ ᐊᑯᓇᐎᔨᓐ ᒋᑎᑎᐧᑭᓇ᙮

ᑎᐱᑦ ᐅᓂᑭᒧᐅᓇ 57:1

ᒋᔅᑎᒪᒐᔨᒥ, ᐅ ᒋᓴᒪᓂᑐᐤ, ᒋᔅᑎᒪᒐᔨᒥ: ᐛᔅ ᓂᑦ ᐊᒐᐧᒄ ᒋ ᒪᒥᓯᑐᑕᒄ: ᓂᐦᐃ, ᐊ ᐊᑯᓇᐎᓐ ᒋᑎᑎᑭᓇ ᓂᑭ ᒋᔅᐸᐛᑎᑯᓐ, ᐃᔅᐱ ᐅᔭ ᐊᔨᒥᓯᐅᓇ ᒋ ᐎᒪᐱᔨᒂᐛ᙮

ᑎᐱᑦ ᐅᓂᑭᒧᐅᓇ 81:13

ᐅ, ᑭᒪ ᓂᑦ ᐃᔨᒥᒡ ᒋ ᓂᑐᑐᐅᒡ, ᑭᔭ ᐃᔅᕋᐃᓪ ᒋ ᐱᒧᑕᑕᒡ ᓂᑦ ᐃᓯᑥᐅᓇ !

ᑎᐱᑦ ᐅᓂᑭᒧᐅᓇ 91:4

ᒋᑭ ᐊᒂᓇᐅᒄ ᐅᒥᑯᓇ ᐅᒡ, ᑭᔭ ᓯᐸ ᐅᑎᑎᑭᓂᒡ ᒋᑭ ᒪᒥᓯᓐ: ᐅᑕᑈᐅᓐ ᒋᑭ ᐅᑦ ᐊᒂᓇᐊᓱᐛᑭᓄᐛᓐ ᑭᔭ ᒋᑭ ᐊᒂᓇᐱᔅᑯᒧᐛᓐ᙮

ᒪᑎᔪᐤ 22:3

ᒋ ᐃᑎᓴᐛᐤ ᒪᒃ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᐊᐛᔪᐛ ᑲ ᐎᓴᒪᑭᓄᔨᒋ᙮ ᐊᑯ ᓇᒪ ᐅᒋ ᐎ ᑎᑯᓯᓂᔪᐛ ᐊᓂᔭ ᑲ ᐎᓴᒪᑭᓄᔨᒋ᙮”

ᒪᑎᔪᐤ 22:6

ᐊᑯ ᐊᓐᒡ ᑯᑎᑭᒡ ᒂ ᒪᑯᓇᒡ ᐊᓂᔭ ᒋᓴᐅᒋᒪᐛ ᐅᑦ ᐊᐱᒋᐊᑭᓂᔪᐛ ᐊᑯ ᒂ ᒪᓯᐧᑯᐛᒡ, ᒂ ᐊᑎ ᓂᐸᐊᒡ᙮

ᓗᒃ 15:28

ᐃᔅᐱ ᒪᒃ ᐱᔭᑕᐧᒃ ᐅᔭ ᐊᓐ ᐅᔅᑕᓯᒪᐤ ᒋ ᒋᔄᓱᐤ, ᐊᑯ ᓇᒪ ᐅᒋ ᐎ ᐱᒐᐤ᙮ ᐅᑕᐎᔭ ᒂ ᐸᒋ ᓂᑐᐛᐱᒥᑯᑦ, ᒂ ᓯᒋᒥᑯᑦ ᒐᒋ ᐱᒐᑦ᙮

ᓗᒃ 19:44

ᒥᓯᐛ ᐊᐛᓐ ᐊᓐᑕ ᒋᐅᑕᓇᒧᐛᒡ ᒋᑭ ᓂᓱᐅᓇᒋᐊᑭᓄᐤ ᑭᔭ ᐊᓐ ᒋᐅᑕᓇᒧᐛᐤ ᒋᑭ ᓂᓱᐅᓇᒋᑕᑭᓄᐤ᙮ ᓇᒪ ᐛᒋ ᐸᐃᒄ ᐊᓯᓂᔾ ᒧᔭᒻ ᒋᑭ ᐅᒋ ᐃᑎᒧᐤ ᐊᓐᑕ ᒋᒋᐛᐛᒡ᙮ ᐛᔅ ᓇᒪ ᒋ ᐅᒋ ᒧᓯᑕᓇᐛᐤ ᐊᓐᑕ ᑲ ᐅᑎᒋᔨᐱᒂ ᒋᓴᒪᓂᑐᐤ ᑲ ᐎ ᐱᒪᒋᐃᑕᒄ᙮”

ᓗᒃ 23:28

ᐊᑯ ᒋᓴᔅ ᒂ ᒂᔅᒋᑲᐳᔅᑐᐛᑦ ᐊᓂᔭ ᐃᔎᐛ ᒂ ᐃᑕᑦ, “ᒋᔨᐛᐤ ᐃᔎᑐᒄ ᒋᕈᓯᓕᒥᒡ ᑲ ᐅᒋᔭᒄ, ᐊᑲᐎᔾ ᒧᔅᑯᐛᓯᒄ, ᒋᔨᐛᐤ ᒧᔅᑯᐛᑎᓱᒄ, ᑭᔭ ᒋᑦ ᐊᐛᓯᒧᐛᐅᒡ ᒧᔅᑯᐛᑕᐧᑯᒡ᙮

ᐊᑈᔅᑕᓇᒡ 7:52

ᐊᓂᔭᐧᑲ ᐛᔅᑭᒡ ᒋᐧᑲᓂᓱᐛᐅᒡ, ᒥᓯᐛ ᐅᒋᔅᒋᐛᐃᒐᓱᐛ ᒋ ᓂᓇᐧᑲᒋᐊᐅᒡ᙮ ᑭᔭ ᒋ ᓂᐸᐊᐅᒡ ᐊᓂᔭᐧᑲ ᑲ ᐸᒋ ᓂᑲᓐ ᐎᑎᒥᒋ ᒐ ᑎᑯᓯᓂᔨᒋ ᐊᓂᔭ ᐅᑯᐃᔅᑯᑕᑎᓯᐤ ᑲ ᐃᓯᓂᐧᑲᓱᔨᒋ᙮ ᐊᐅᒄ ᒪᒃ ᐅ ᑲ ᐎᔭᓯᐱᔅᑎᓇᒄ ᑭᔭ ᑲ ᓂᐸᐊᒄ᙮

ᐊᑈᔅᑕᓇᒡ 7:59

ᒋ ᐸᐱᐳᒧᓯᓇᑕᐛᐅᒡ ᒪᒃ ᐃᔭᐱᒡ ᐊᓂᔭ ᔅᑎᐱᓇ ᐊᑎ ᒪᒂᒡ ᐊ ᑕᑈᑕᔨᒋ ᐅᑎᐸᔨᒋᒐᐛ ᐊ ᐃᔅᒋᔄᔨᒋ, “ᐅᑎᐸᔨᒋᒐᐤ ᒋᓴᔅ, ᐅᑎᓐ ᓂᑦ ᐊᒐᐧᒄ᙮”

ᐊᑈᔅᑕᓇᒡ 8:1

ᓴᓪ ᒪᒃ ᒋ ᒥᔽᔨᑎᒻ ᐊᒋ ᓂᐸᐊᑭᓄᔨᒋ ᔅᑎᐱᓇ᙮ ᐊᓂᔭ ᒪᒃ ᐊ ᐸᐃᑯᓂᔨᒡ ᐊ ᒋᓯᑲᔨᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒋᕈᓯᓕᒥᒡ ᐊᑯᑕ ᑲ ᐅᒋ ᒋᒋ ᓂᓇᐧᑲᒋᐊᑭᓄᐎᒡ᙮ ᐊᔪᐅᒄ ᐅᔭ ᐛᒋ ᓂᑭᑕᒡ ᒋᕈᓯᓕᒥᔪᐤ ᐊᑯ ᐊᓐᑕ ᒍᑎᔭᒡ ᑭᔭ ᓴᒪᕆᔭᐃᒡ ᒂ ᐎᒋᒡ᙮ ᒥᒄ ᐊᓐᒡ ᐊᑈᔅᑕᓇᒡ ᐊᑯᑕ ᐃᔭᐱᒡ ᑲ ᑕᒡ ᐎᔨᐛᐤ ᐊᓐᑕ ᒋᕈᓯᓕᒥᒡ᙮

ᒋᔅᒐᔨᑕᑯᑕᒐᐅᓐ 11:8

ᐊᓂᔭᔪᐛ ᒪᒃ ᐎᔪᐛᐛ ᐊᑯᑕ ᐊᓐᑕ ᒪᔅᑭᓇᒡ ᐊᓂᔭ ᒥᔅᑎ ᐅᑕᓇᔪᐤ ᐊᓐᑕ ᑲ ᓂᐸᐊᑭᓄᔨᒋ ᑲ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ ᐅᑎᐸᔨᒋᒐᓯᒧᐛᐛ, ᐊᑯᑕ ᒐ ᑎᑯᓂᔨᒋ᙮ ᐅ ᒪᒃ ᐅᑕᓇᐤ ᒧᔭᒻ ᑕᓐ ᑲ ᐃᑕᔨᑕᒂᒋ ᐊᓂᔭᔪᐛ ᐅᑕᓇᐛ ᓱᑕᒻ ᑭᔭ ᐃᒋᑉᑦ ᑲ ᐃᓯᓂᐧᑲᑕᒋ, ᐊᐅᑯᓐ ᒐ ᐃᑕᔨᑕᒂᒋ, ᓇᔅᒡ ᒋ ᒥᓴᐤ ᐊᓐᑕ ᒥᒐᑎᓯᐅᓐ᙮