ᓗᒃ 13:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᒋ ᐃᑕᐤ ᒪᒃ ᒋᓴᔅ, “ᐎᑎᒧᐛᐧᒄ ᐊᓐ ᒪᒐᓱᐤ ᐊᕈᑦ, ᓂ ᐎᐎᑎᓴᐅᒪᐛ ᒥᒋ ᐊᒐᒂ ᑭᔭ ᓂ ᒥᓏᒋᐃᒪᐛ ᐃᔪᐛ ᐊᓄᒡ ᒐᓯᑲᔨᒡ ᑭᔭ ᐛᐸᒐ ᐊᐅᑯᓐ ᒐ ᐃᑎᔭᓐ᙮ ᒋ ᓂᔅᑐ ᒋᓯᑲᒐ, ᐊᑯ ᒐ ᒋᔅᑕᔭᓐ᙮”

ᓗᒃ 13:32 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:14

ᒋᓴᐅᒋᒪᐤ ᐊᕈᑦ ᒪᒃ ᒋ ᐸᑎᒻ ᑕᓐ ᑲ ᐃᔅᐱᔨᒡ, ᐛᔅ ᒋ ᒥᓯᑕᐱᔪᐤ ᑕᓐ ᐊ ᐃᑕᒋᒪᑭᓄᐅᑦ ᒋᓴᔅ᙮ ᐱᔅᒐ ᐊᐛᓐᒋ ᒋ ᐃᔅᒋᔄᐅᒡ, “ᐊᐎᒐ ᐅ ᒠᓐ ᐅᓯᑲᐃᑕᒐᐤ, ᒋ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐅᔭ ᐛᒋ ᐃᑎᑦ ᐅᔭ ᒪᒥᔅᑲᒡ ᒐᒂᔪᐛ ᒐᒋ ᐃᑐᑕᐧᒃ᙮”

ᒠᓐ 10:32

ᐊᑯ ᒋᓴᔅ ᒂ ᐃᑕᑦ, “ᒥᒐᑥᐤ ᔅᒋ ᐛᐸᑕᓇᐛᐤ ᑕᓐ ᑲ ᐃᔅᐱᔅ ᒋ ᒥᔪᑐᑎᒪᑎᑯᒡ᙮ ᓂᓇᐧᑯᐤ ᔅᒋ ᓄᑯᑥᑎᓇᐛᐤ ᒥᔪᑐᑎᒪᒐᐅᓇ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᒐᒋ ᐛᐸᑎᔨᑎᑯᒡ᙮ ᑕᓐ ᐊᓐ ᑲ ᐃᑐᑎᒪᓐ ᐛᒋ ᐎ ᐱᒧᓯᓇᑕᐅᔭᒄ ?”

ᒠᓐ 19:30

ᐃᔅᐱ ᒋᓴᔅ ᑲ ᒥᓐᑦ ᐊᑯ ᒂ ᐃᔅᒋᔄᑦ, “ᓴᔅ ᒋᔅᑕᐱᔪᐤ᙮” ᐊᑯ ᒂ ᐊᑎ ᓂᔭᒥᔎᔨᑦ ᒂ ᐊᑎ ᐳᓂᐱᒪᑎᓯᑦ᙮

ᐃᑉᕈᐛ 2:10

ᒋ ᐃᓯᓇᑯᓂᑯᐱᓇ ᑕᑈ ᒐᒋ ᓂᓇᐧᑲᒋᐊᑭᓄᐅᑦ ᒋᓴᔅ, ᐛᔅ ᐊᓂᔭ ᐊᒋ ᓂᓇᐧᑲᑕᔨᒧᑦ ᐊᑯᑕ ᑲ ᐅᒋ ᑐᑕᑯᑦ ᒋᓴᒪᓂᑐᐛ ᓇᔅᒡ ᒐᒋ ᒋᔅᑕᔨᑕᑯᓯᑦ ᒐᒋ ᐛᐸᔨᑎᒪᒐᑦ᙮ ᒋᓴᒪᓂᑐᐤ, ᐊᓐ ᒥᓯᐛ ᒐᒂᔪᐤ ᑲ ᐅᓯᑕᑦ ᑭᔭ ᑲ ᐃᑐᑕᐧᒃ ᒧᔅ ᒐᒋ ᑎᑯᓂᔨᒋ, ᒋ ᐱᔅᑎᓇᐤ ᒋᓴᓴ ᒐᒋ ᓂᓇᐧᑲᒋᐊᑭᓄᔨᒋ ᐛᔅ ᒋ ᓂᑐᐛᔨᒪᐤ ᐅᑯᓴ ᑲ ᒥᒐᑎᔨᒋ ᒐᒋ ᒋᔅᒐᔨᑎᒥᔨᒋ ᑕᓐ ᐊ ᐃᑕᔨᑕᑯᓂᔨᒡ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᐊᐅᒄ ᐎᔭᐸᑎᔭᑦ ᐊᐛᔪᐛ ᑕᓐᑕ ᒐᒋ ᐅᒋ ᐱᒪᒋᐅᔨᒋ᙮

ᐃᑉᕈᐛ 5:9

ᐊᓂᔭ ᒪᒃ ᓇᔅᒡ ᐊᒋ ᓂᓇᐃᑕᐧᒃ ᒋᓴᔅ ᒐᒋ ᓂᓇᐧᑲᒋᐊᑭᓄᐅᑦ, ᐊᑯᑕ ᑲ ᐅᒋ ᒥᔭᑭᓄᐅᑦ ᑲᒋᒡ ᒐᒋ ᐱᒪᒋᐊᑦ ᒥᓯᐛ ᐊᓂᔭᔪᐛ ᑲ ᓂᓇᐃᑕᑯᑦ᙮

ᐃᑉᕈᐛ 7:28

ᐊᓐ ᐛᔅᑭᒡ ᐎᓱᐛᐅᓐ ᐊᐅᒄ ᐊᓐ ᑲᒋ ᐊᐱᑎᒡ ᐊ ᒥᔅᑯᑐᓇᑭᓄᐅᑦ ᐊᐛᓐ ᒐ ᒋᓴᐊᔭᒥᐊᐅᒋᒪᐅᑦ, ᓇᒪ ᒪᒃ ᓇᔅᒡ ᐅᒋ ᑯᐃᔅᑯᑕᑎᓯᐅᒡ ᐅᒡ ᑲ ᐅᑎᓇᑭᓄᐎᒡ᙮ ᐸᑎᒪ ᒪᒃ, ᐃᔅᐱ ᑲ ᐱᔅᑎᓇᐧᒃ ᐊᔭᒥᐊᐅ ᐎᓱᐛᐅᓂᔪᐤ ᒋᓴᒪᓂᑐᐤ, ᐊᑯ ᒂ ᓇᔅᐱᒡ ᑕᑈᑦ ᐅᑯᓴ ᒐ ᒋᓴᐊᔭᒥᐊᐅᒋᒪᐎᔨᒋ᙮ ᓴᔅ ᒪᒃ ᒋ ᐃᑐᑎᒻ ᐅᔭ᙮ ᑲᒋᒡ ᓇᔅᒡ ᑯᐃᔅᑯᑕᑎᓯᐤ ᒋᓴᔅ ᐊ ᒋᓴᐊᔭᒥᐊᐅᒋᒪᐅᑦ᙮