ᓗᒃ 13:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐊᑲ ᒪᒃ ᐛᒋ ᐱᒐᐛᐛᒂ, ᐃᔅᐱ ᒋᐸᐊᒐ ᒋᐱᔎᔪᐤ ᐊᓐ ᑲ ᑎᐸᔨᑕᐧᒃ ᐊᓂᔭ ᒥᒋᐛᐱᔪᐤ, ᐎᐎᑎᒥᒡ ᓂᐳᔭᒂ ᐊ ᑎᑥᐛᐃᒐᔭᒄ ᒋᑭ ᐃᔅᒋᔄᓇᐛᐤ, ‘ᐅᑎᐸᔨᒋᒐᐤ, ᐸᒋ ᔪᑕᓂᒧᐅᓇᓐ᙮’ ᑭᔭ ᒐ ᐃᓯ ᐎᑎᒪᑕᒄ, ‘ᓇᒪ ᒋᑭ ᐅᒋ ᓴᓂᒪᑎᓇᐛᐤ ᐛᔅ ᓇᒪ ᒋ ᒋᔅᒐᔨᒥᑎᓇᐛᐤ, ᓇᒪ ᑭᔭ ᓂ ᒋᔅᒐᔨᑕᓐ ᑕᓐᑕ ᐛᒋᔭᒄ᙮’ ”

ᓗᒃ 13:25 Iomraidhean Croise

ᒐᓂᓯᔅ 7:16

ᒧᔭᒻ ᑲ ᐃᑎᓱᒥᑯᑦ ᒋᓴᒪᓂᑐᐛ ᒐ ᐃᑐᑕᐧᒃ᙮ ᑲᒋ ᒥᓯᐛ ᐳᓯᒡ ᐅᐤᑎᔪᐤ, ᒋᓴᒪᓂᑐᐤ ᒋ ᒋᐸᐛᐤ ᔅᑐᐧᑭᓇ᙮

ᑎᐱᑦ ᐅᓂᑭᒧᐅᓇ 32:6

ᐅ ᒪᒃ ᐅᒋ ᒥᓯᐛ ᑕᑐᐤ ᐊᐛᓐ ᑲ ᐊᔭᒥᐊᐛᑎᓯᑦ ᒋᑭ ᐊᔭᒥᐊᔅᑕᒄ ᒪᒂᒡ ᐊᔅᒄ ᒐᒋ ᒥᔅᑲᑯᐎᔨᓐ: ᒐᔅᑎᓇᔅ ᐊ ᒥᔅᑎ ᐃᔅᒋᐳᑕᔨᒡ, ᓇᒪᐎᔾ ᒥᒋᒪ ᒋᑭ ᓇᑎᑯᐤ᙮

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᓗᒃ 13:27

“ᒥᓐ ᒪᒃ ᐃᔭᐱᒡ ᒋᑭ ᐃᑎᑯᐛᐤ, ‘ᓇᒪ ᓂ ᒋᔅᒐᔨᑕᓐ ᑕᓐᑕ ᐛᒋᔭᒄ, ᐃᒐᑕᒄ ᓇᑕ ᒥᓯᐛ, ᒋᔨᐛᐤ ᑲ ᒥᒋᑐᑎᒪᒄ᙮’ ”

ᓗᒃ 3:8

ᒋᐸ ᒂᔅᑲᑎᓯᓇᐛᐤ ᑭᔭ ᒐ ᓄᒂᒡ ᑕᑈ ᓇᔅᒡ ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮ ᑭᔭ ᐊᑲᐎᔾ ᐃᑕᔨᑎᒧᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ᒥᒄ ᐊᓂᔭ ᐊᑉᕋᐊᒻ ᐊ ᑕᑦ ᐊ ᐅᒋᔭᒄ᙮ ᒋ ᐎᑎᒪᑎᓇᐛᐤ, ᒋᓴᒪᓂᑐᐤ ᒋᑭ ᒋ ᐃᑐᑐᐛᐤ ᐅᔭᔪᐛ ᐊᓯᓂᔭ ᑲ ᐃᑎᐱᔨᒋ ᒐᒋ ᐅᒋ ᐅᓯᐊᑦ ᐊᑉᕋᐊᒪ ᐅᑦ ᐊᐛᓯᒥᔪᐛ᙮

ᓗᒃ 6:46

“ᒐᒂᓐ ᒪᒃ ᐛᒋ ᐃᓯᓂᐧᑲᓯᔭᒄ ᐅᑎᐸᔨᒋᒐᐤ, ᐊᑲ ᒪᒃ ᐃᑐᑎᒪᒄ ᑕᓐ ᐊ ᐃᓯ ᐎᑎᒪᑎᑯᒡ ᒐᒋ ᐃᑐᑎᒪᒄ ?

2 ᑯᕆᓐᑎᔭᓇ 6:2

ᐛᔅ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐃᑎᔅᑕᐤ ᐊᒋ ᐃᔅᒋᔄᑦ, ᐊᓐᑕ ᑲ ᐃᑕᔨᑎᒥᐃᑯᔭᓐ ᒐᒋ ᓂᑐᑕᑕᓐ ᔅᒋ ᓂᑐᑕᑎᓐ ᐊ ᐊᔭᒥᐊᔨᓐ᙮ ᐊᓐᑕ ᑲ ᓂᑐᐛᔨᑎᒥᓐ ᐎᒋᐃᑯᓯᐅᓐ ᐊᑯᑕ ᑲ ᐱᒪᒋᐃᑕᓐ᙮ ᐊᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ ᑭᔭ ᓂᔾ ᐛᑎᒪᑕᓐ, ᐊᓄᒡ ᓇᐃᐱᔪᐤ ᒐᒋ ᐱᒪᒋᐅᔨᓐ᙮ ᐊᓄᒡ ᐱᒪᒋᐃᐛᐤ ᒋᓴᒪᓂᑐᐤ᙮

ᐃᑉᕈᐛ 12:17

ᒋ ᒋᔅᒐᔨᑕᓇᐛᐤ ᒪᒃ, ᐸᑎᒪ ᐊᓐᑕ ᑲᐤ ᒋ ᓂᑐᐛᔨᑎᒻ ᐊᓂᔭ ᑕᓐ ᒋᐸ ᐃᓯ ᐊᓂᔅᒐ ᓱᐛᔨᒪᑭᓄᐤ, ᒥᒄ ᒪᒃ ᓇᒪ ᐅᒋ ᓂᔅᑯᒥᑯᐤ ᐅᑕᐎᔭ᙮ ᓇᒪ ᓇᔅᒡ ᐅᒋ ᒐᒂᔪᐤ ᐅᒋ ᐃᑐᐤ ᒐᒋ ᒂᔅᒋᓇᐧᒃ ᐊᓂᔭ ᑕᓐ ᑲ ᐃᑎᑦ ᐊᑎ ᑭᔭ ᓇᔅᒡ ᐊᒋ ᒥᒪᑐᐛᑦ ᐅᑕᐎᔭ᙮ ᐃᔭᒂᒥᒄ ᒐ ᐊᑲ ᒋ ᐃᔅᐱᔭᒄ ᒋᔨᐛᐤ᙮