ᓗᒃ 13:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐃᔅᐱ ᒋᓴᔅ ᐎᔭᐱᒪᑦ ᐊᓂᔭ ᐃᔎᐛ ᒋ ᐎᓴᒪᐤ ᐊᑯ ᒂ ᐃᑕᑦ, “ᐃᔎᐤ, ᓴᔅ ᓇᔅᒡ ᒋ ᒥᓏᒋᐃᑯᓐ ᑕᓐ ᑲ ᐃᑕᔅᐱᓇᔨᓐ᙮”

ᓗᒃ 13:12 Iomraidhean Croise

ᑎᐱᑦ ᐅᓂᑭᒧᐅᓇ 107:20

ᒋ ᐃᑎᓴᐊᒻ ᐅᑦ ᐃᔨᒧᐅᓐ ᑭᔭ ᒋ ᒥᓏᒋᐊᐤ, ᑭᔭ ᒋ ᐎᐧᑯᒋᐊᐤ ᐅᓂᓱᐅᓇᑎᓯᐅᓂᔨᒡ ᐅᒡ᙮

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒪᑎᔪᐤ 8:16

ᐃᔅᐱ ᒪᒃ ᐊ ᐊᑎ ᐅᑕᑯᓯᔨᒡ, ᐊᑯ ᐃᔪᒡ ᐱᔭᑐᐛᒡ ᒋᓴᓴ ᒥᒐᑦ ᐊᐛᔪᐛ ᑲ ᐱᒋᔅᑲᑯᔨᒋ ᒥᒋ ᐊᒐᒂ᙮ ᒋᓴᔅ ᒪᒃ ᒋ ᐎᐎᑎᓴᐛᐤ ᒥᒋ ᐊᒐᒂ ᑲ ᐱᒋᔅᑲᑯᔨᒋ ᐃᔪᐛ ᐅᑦ ᐃᔨᒧᐅᓐ ᐅᒡ ᑭᔭ ᒥᓯᐛ ᒋ ᒥᓏᒋᐊᐤ ᐊᓂᔭ ᑲ ᐊᐧᑯᓯᔨᒋ᙮

ᓗᒃ 13:11

ᐃᔎᐤ ᒪᒃ ᐊᓐᑕ ᒋ ᑕᐤ ᒥᒋ ᐊᒐᒂ ᐊᒋ ᐱᒋᔅᑲᑯᑦ ᐊᒋ ᐃᑐᑕᑯᑦ ᔭᓇᐤ ᑕᑐᓴᑉ ᐱᐳᓇ ᒐᒋ ᐃᔅᐱᔅ ᐊᐧᑯᓯᑦ ᐊᒋ ᒪᔅᑲᒋᐱᔅᑯᓇᑦ ᐊᑲ ᐅᒋ ᑯᐃᔅᑯᑲᐳᐅᑦ᙮

ᓗᒃ 13:13

ᒂ ᑕᒋᓇᑦ᙮ ᑎᐛᒡ ᒪᒃ ᒋ ᐅᒋ ᑯᐃᔅᑯᑲᐳᐤ ᐊᓐ ᐃᔎᐤ ᐊ ᒪᒥᒋᒪᑦ ᒋᓴᒪᓂᑐᐛ᙮

ᓗᒃ 13:16

ᐊᑯ ᒪᒃ ᐅ ᒍᐤ ᐃᔎᐤ ᔭᓇᐤ ᑕᑐᓴᑉ ᐱᐳᓇ ᒋᑦ ᐃᔅᐱᔅ ᒪᑯᐱᑎᑯᐤ ᒥᒋᒥᓂᑐᐛ, ᓇᒪᐎᔾ ᐊ ᐃᓯᓇᑯᓂᔪᐤ ᒐᒋ ᐊᐱᐧᑯᓇᑭᓄᐅᑦ ᐊᑎ ᐊ ᒍᐤ ᐊᔭᒥᐊᐅᒋᓯᑲᔨᒡ ?”