ᓗᒃ 13:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐃᔎᐤ ᒪᒃ ᐊᓐᑕ ᒋ ᑕᐤ ᒥᒋ ᐊᒐᒂ ᐊᒋ ᐱᒋᔅᑲᑯᑦ ᐊᒋ ᐃᑐᑕᑯᑦ ᔭᓇᐤ ᑕᑐᓴᑉ ᐱᐳᓇ ᒐᒋ ᐃᔅᐱᔅ ᐊᐧᑯᓯᑦ ᐊᒋ ᒪᔅᑲᒋᐱᔅᑯᓇᑦ ᐊᑲ ᐅᒋ ᑯᐃᔅᑯᑲᐳᐅᑦ᙮

ᓗᒃ 13:11 Iomraidhean Croise

ᑎᐱᑦ ᐅᓂᑭᒧᐅᓇ 145:14

ᑎᐸᔨᒋᒐᓱᐤ ᓯᑐᓇᐤ ᒥᓯᐛ ᑲ ᐸᒋᓯᓂᔨᒋ, ᑭᔭ ᐱᓯᑯᓇᐤ ᒥᓯᐛ ᐊᓂᔭᔪᐛ ᑲ ᒪᒥᓴᒪᔨᑎᒥᔨᒋ᙮

ᑎᐱᑦ ᐅᓂᑭᒧᐅᓇ 146:8

ᑎᐸᔨᒋᒐᓱᐤ ᑐᑐᐛᐤ ᒐᒋ ᐛᐸᑎᒥᔨᒋ ᐊᑲ ᐛᐸᑎᒥᔨᒋ: ᑎᐸᔨᒋᒐᓱᐤ ᐱᓯᑯᓇᐤ ᐊᓂᔭᔪᐛ ᑲ ᒪᒥᓴᒪᔨᑎᒥᔨᒋ: ᑎᐸᔨᒋᒐᓱᐤ ᓴᒋᐊᐤ ᐅᑯᐃᔅᑯᑕᑎᓯᐛ:

ᑎᐱᑦ ᐅᓂᑭᒧᐅᓇ 38:6

ᓂ ᒥᑯᔅᑲᑕᔨᑕᓐ; ᓇᔅᒡ ᓂ ᒋᔅᑎᒪᒐᔨᒧᓐ; ᓂ ᓇᓇᐧᑲᒋᒧᓐ ᐃᔅᑭᓐ ᒋᓯᑲᐛ᙮

ᑎᐱᑦ ᐅᓂᑭᒧᐅᓇ 42:5

ᒐᒂᓐ ᐛᒋ ᑯᐸᑕᔨᒧᔨᓐ ᐅ ᓂᑦ ᐊᒐᐧᒄ ? ᒐᒂᓐ ᐛᒋ ᒥᑯᔅᑲᑕᔨᑎᒥᐃᑯᔨᓐ ? ᐊᔅᐸᔨᒧᑐᑐᐤ ᒋᓴᒪᓂᑐᐤ: ᐛᔅ ᐃᔭᐱᒡ ᓂᑭ ᓂᓇᔅᑯᒪᐤ ᐊᒋ ᐎᒋᐃᑯᐅᒡ ᐅᑕᔅᑎᒥᐧᒄ᙮

ᑎᐱᑦ ᐅᓂᑭᒧᐅᓇ 6:2

ᒋᔅᑎᒪᒐᔨᒥ, ᐅ ᑎᐸᔨᒋᒐᓱᐤ, ᐛᔅ ᓂ ᐃᔨᔨᒥᓯᓐ: ᐅ ᑎᐸᔨᒋᒐᓱᐤ, ᒥᓏᒋᐃ, ᐛᔅ ᓂᐅᔅᑕᒪᒋᐅᓐ ᓂᔅᑭᓂᒡ᙮

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:21

ᒋᓴᔅ ᒂ ᑯᒂᒋᒪᑦ ᐊᓂᔭᔪᐛ ᐅᑕᐎᒪᐛ, “ᓴᔅ ᐊ ᐛᔅᑭᒡ ᐅᔭ ᑲ ᐃᓯᓇᑯᓯᑦ ?” “ᐱᐃᒻ ᑲ ᐊᐛᓯᐅᑦ ᓴᔅ ᐊᐅᑯᓐ ᑲ ᐃᔅᐱᔨᑦ,” ᒋ ᐃᑕᐤ ᐊᓐ ᐅᑕᐎᒪᐤ᙮

ᓗᒃ 13:12

ᐃᔅᐱ ᒋᓴᔅ ᐎᔭᐱᒪᑦ ᐊᓂᔭ ᐃᔎᐛ ᒋ ᐎᓴᒪᐤ ᐊᑯ ᒂ ᐃᑕᑦ, “ᐃᔎᐤ, ᓴᔅ ᓇᔅᒡ ᒋ ᒥᓏᒋᐃᑯᓐ ᑕᓐ ᑲ ᐃᑕᔅᐱᓇᔨᓐ᙮”

ᓗᒃ 13:16

ᐊᑯ ᒪᒃ ᐅ ᒍᐤ ᐃᔎᐤ ᔭᓇᐤ ᑕᑐᓴᑉ ᐱᐳᓇ ᒋᑦ ᐃᔅᐱᔅ ᒪᑯᐱᑎᑯᐤ ᒥᒋᒥᓂᑐᐛ, ᓇᒪᐎᔾ ᐊ ᐃᓯᓇᑯᓂᔪᐤ ᒐᒋ ᐊᐱᐧᑯᓇᑭᓄᐅᑦ ᐊᑎ ᐊ ᒍᐤ ᐊᔭᒥᐊᐅᒋᓯᑲᔨᒡ ?”

ᓗᒃ 21:28

ᐃᔅᐱ ᒪᒃ ᒋᒋᐱᔨᒐ ᐊ ᐃᔅᐱᔨᒋ ᐅᔭ ᒐᒂᔪᐛ, ᓱᒃ ᐃᔅᐱᒥᒡ ᐃᑕᐱᒄ, ᐛᔅ ᓴᔅ ᐸᓱᓇᑯᓐ ᒐ ᐱᒪᒋᐃᑯᐅᔭᒄ᙮”

ᓗᒃ 8:2

ᐃᔎᐅᒡ ᑭᔭ ᒋ ᐱᐸᐎᒐᐛᐅᒡ, ᐊᓐᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᒡ ᐅᒡ᙮ ᑭᔭ ᐊᓐᒡ ᐊᒋ ᒥᓏᒋᐊᑭᓄᐎᒡ ᓂᓇᐧᑯᐤ ᐃᑕᔅᐱᓇᐅᓇ᙮ ᐊᐅᒄ ᐸᐃᒄ ᒪᕆ ᒪᒃᑕᓕᓐ, ᐊᓐ ᐃᔎᐤ ᓂᔄᐅᑕᒡ ᒥᒋ ᐊᒐᒂ ᑲ ᐎᐎᑎᓴᐛᑭᓄᔨᒋ ᐊᓐᑕ ᐊ ᑕᑦ ᐅᒡ᙮

ᓗᒃ 8:27

ᐃᔅᐱ ᒪᒃ ᑲ ᑭᐸᑦ ᒋᓴᔅ ᒋ ᓂᒋᔅᑯᐛᐤ ᓇᐸᐛ ᐊᓐᑕ ᐅᑕᓇᒡ ᐊ ᐅᒋᔨᒋ, ᐊ ᐱᒋᔅᑲᑯᔨᒋ ᒥᒋ ᐊᒐᒂ᙮ ᓴᔅ ᒪᒃ ᐛᔅᑭᒡ ᐊᓐᑕ ᓇᒪ ᐅᒋ ᒋᔅᑭᒻ ᐅᑦ ᐊᐱᒋᑕᐅᓇ ᐅ ᓇᐸᐤ᙮ ᓇᒪ ᒥᒋᐛᐱᒡ ᐅᒋ ᑕᐤ ᒥᒄ ᐊᓐᑕ ᒋᐱ ᐊᔅᒋᒡ ᒧᔅ ᒋ ᑕᐤ᙮

ᓗᒃ 8:43

ᒋ ᑕᐤ ᒪᒃ ᑭᔭ ᐊᓐᑕ ᐃᔎᐤ ᓂᓱᓴᐳᓇ ᐊᒋ ᐅᓂᑕᑦ ᐅᒥᐧᒄ᙮ ᒥᓯᐛ ᒐᒂᔪᐤ ᑕᓐ ᑲ ᐃᓯ ᐊᔭᑦ ᒋ ᒥᔭᓯᐱᓐ ᓂᑐᐧᑯᐃᔨᓴ ᐊ ᒋᓯᐧᑯᐛᑦ ᒐᒋ ᐎᒋᐃᑯᑦ, ᓇᒪ ᒪᒃ ᐛᐛᒡ ᐸᐃᒂᐤ ᐅᒋ ᐎᒋᐃᑯᐤ᙮

ᐊᑈᔅᑕᓇᒡ 3:2

ᓇᔅᒡ ᒋ ᒥᓯᑐᐤ ᐊᓐ ᔅᑐᐧᑭᓐ ᐊᓐᑕ ᐊ ᐅᒋ ᐱᑐᒐᓄᒡ ᐊᓐ ᒋᓴᐊᔭᒥᐊᐅᒋᐛᑉ ᑲ ᒥᔽᓯᒡ ᒋᐱᔎᐤ ᒋ ᐃᓯᓂᐧᑲᑕᑭᓄᐤ, ᐊᑯᑕ ᑲ ᐊᐱᑦ ᓇᐸᐤ ᐊᑲ ᐅᒋ ᓂᑕᐅᑕᑦ᙮ ᐊᓯᑯᒻ ᒋᓯᑲᐛ ᐊᒋ ᐃᑐᑕᐊᑭᓄᐅᑦ ᐊᓐᑕ, ᒐᒋ ᓂᑐᑎᒧᐛᑦ ᐊᐛᔪᐤ ᓱᓇᔭᔪᐤ ᐊᓐᑕ ᐊᔭᒥᐊᐅᒋᐛᐱᒡ ᐊ ᐃᑐᑕᔨᒋ᙮

ᐊᑈᔅᑕᓇᒡ 4:22

ᐊᓐ ᒪᒃ ᓇᐸᐤ ᑲ ᒪᒥᔅᑲᒡ ᒥᓏᒋᐊᑭᓄᐅᑦ, ᐅᔅᑕ ᓇᐎᔪᐤ ᒋ ᐃᑕᑐᐳᓇᓱᐤ᙮