ᓗᒃ 12:48 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁸ ᐊᑯ ᐊᓐ ᐊᐱᒋᐊᑭᓐ ᐊᑲ ᒋᔅᒐᔨᑕᐧᒃ ᑕᓐ ᐊᓐ ᑲ ᐃᓯ ᓂᑐᐛᔨᒥᑯᑦ ᐅᒋᒪᒪ ᒐᒋ ᐃᓯ ᐃᑐᑕᐧᒃ ᑭᔭ ᐊ ᐃᓯ ᐃᑐᑕᐧᒃ ᒐᒂᔪᐤ ᐊᓂᔭ ᐊᑲ ᒋᐸ ᐃᓯ ᐃᑐᑎᒧᑯᐱᓇ ᒋᑭ ᐛᐛᓯᐊᑭᓄᐤ ᑭᔭ ᐎᔾ, ᒥᒄ ᒪᒃ ᐊᐱᓯᔅ ᒥᒄ ᒋᑭ ᐱᓯᔅᑕᐛᑭᓄᐤ᙮ ᐛᔅ ᒋ ᐅᓂᐱᔪᐤ ᐊᑲ ᐅᒋ ᒋᔅᒐᔨᑕᐧᒃ ᐊᒋ ᐅᓂᐱᔨᑦ᙮ ᐊᓐ ᐊᐛᓐ ᒥᔅᑎ ᑲ ᒥᔭᑭᓄᐅᑦ, ᒥᔅᑎ ᒋᑭ ᓂᑐᐛᔨᑎᒪᑯᐤ ᒋᓴᒪᓂᑐᐛ ᑭᔭ ᐊᓐ ᐊᑐᐎᔅ ᒥᔅᑎ ᑲ ᒥᔭᑭᓄᐅᑦ ᐊᑐᐎᔅ ᒥᔅᑎ ᒋᑭ ᓂᑐᐛᔨᑎᒪᑯᐤ ᒋᓴᒪᓂᑐᐛ ᒐᒋ ᐃᑐᑕᐧᒃ᙮”

ᓗᒃ 12:48 Iomraidhean Croise

ᒪᑎᔪᐤ 13:12

ᐛᔅ ᐊᓐ ᐊᐛᓐ ᑲ ᐊᔭᑦ ᓂᔅᑐᑎᒧᐅᓂᔪᐤ ᐊᑐᐎᔅ ᒥᔅᑎ ᒋᑭ ᒥᔭᑭᓄᐤ ᒐᒋ ᓂᔅᑐᑕᐧᒃ ᐊᑯ ᐊᓐ ᐊᐛᓐ ᐊᑲ ᓂᔅᑐᑕᐧᒃ ᒋᑭ ᐅᑎᓇᑭᓄᐅᔪᐤ ᐛᐛᒡ ᐊᓂᔭ ᐊᐱᓯᔅ ᑲ ᐃᓯ ᓂᔅᑐᑕᐧᒃ᙮

ᒪᑎᔪᐤ 23:14

ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᐎᓱᐛᐅᓐ ᑲ ᒋᔅᑯᑎᒪᒐᔭᒄ ᑭᔭ ᒋᔨᐛᐤ ᐸᕆᓯᔨᒡ, ᒋᔨᐛᐤ ᑲ ᐊᔭᒥᐊᐧᑲᓱᔭᒄ᙮ ᓇᔅᒡ ᒋ ᐎ ᑯᐃᔅᑯᓇᑯᐃᓱᓇᐛᐤ ᐊᓐ ᐅᒋ ᓇᐅᔅ ᐊ ᐊᔭᒥᐊᔭᒄ, ᒥᒄ ᒪᒃ ᐊᓐᑕ ᐊ ᐅᑎᓂᒺᒄ ᒪᓐ ᑲ ᐸᐃᑯᓯᒡ ᐃᔎᐅᒡ ᑕᓐ ᐊ ᐃᓯ ᑎᐱᔨᐛᐅᓯᒡ ᐊᑯᑕ ᐊ ᓄᒂᒡ ᒋᒋᐛ ᑕᓐ ᐊ ᐃᑕᔨᑕᑯᓯᔭᒄ᙮ ᐅ ᒪᒃ ᑲ ᐃᓯ ᐃᑐᑎᒪᒄ ᐊᑐᐎᔅ ᒋᔨᐛᐤ ᒋᑭ ᐛᐛᓯᐃᑯᓇᐛᐤ᙮”

ᓗᒃ 12:41

ᐱᑕᕐ ᒋ ᐃᔅᒋᔄᐤ, “ᐅᑎᐸᔨᒋᒐᐤ, ᓂᔭᓐ ᐊ ᒥᒄ ᒋᑦ ᐃᔨᒥᐃᓇᓐ ᐅ ᑎᐸᒋᒧᐅᓐ ᑲ ᐎᑎᒥᓐ ᑭᔭ ᒪᒃ ᒥᓯᐛ ᐊᐛᓐ ᐊ ᐃᔨᒪᐊᐅᑕ ?”

ᓗᒃ 12:49

ᒋᓴᔅ ᒋ ᐃᔅᒋᔄᐤ, “ᐊᐅᒄ ᐅ ᐛᒋ ᑎᑯᓯᓂᔭᓐ ᒧᔭᒻ ᐊ ᐸᒋ ᐃᔎᓯᒪᓐ ᐅ ᐊᔅᒋᔾ ᒐᒋ ᐃᓯᓇᑯᓯᔭᓐ᙮ ᑭᒪ ᒪᒃ ᓴᔅ ᒋ ᐛᔭᑕᑯᓄᑯᐱᓇ᙮

ᓗᒃ 16:2

ᐊᑯ ᒂ ᐎᓴᒥᑯᑦ, ᒂ ᐃᑎᑯᑦ, ‘ᓂᐸᑕᓐ ᐊ ᐃᑕᒋᒥᑯᔨᓐ ᓂᑎᒥᒄ ᐊ ᐃᑕᐱᒋᑕᔨᓐ ᓂᓱᓇᔭᓂᒻ᙮ ᒧᓴ ᐎᑎᒧᐎ ᑕᓐ ᐊᓐ ᑲ ᐃᑕᐱᒋᑕᔨᓐ ? ᓴᔅ ᓇᒪ ᒋᑭ ᐅᒋ ᑭᓄᐛᔨᑕᓐ ᐊᓐ ᒋᑦ ᐊᑐᔅᒐᐅᓐ᙮’ ”

ᒠᓐ 15:22

ᐊᑲ ᐅᒋ ᐸᒋ ᐃᔨᒥᐃᒂᐤ ᓇᒪ ᒋᐸ ᐅᒋ ᐊᑕᒪᔨᑕᑯᓱᐅᒡ ᒥᒋᑥᐅᓂᔪᐤ᙮ ᐊᓄᒡ ᒪᒃ ᑕᑈ ᐊᒋ ᐸᒋ ᐃᔨᒥᐃᒂᐤ ᑭᑈ ᐊ ᐊᑕᒪᔨᑕᑯᓯᒡ ᐊᒋ ᒥᒋᑐᑕᒡ᙮

ᐊᑈᔅᑕᓇᒡ 17:30

ᐛᔅᑭᒡ ᐃᔪᒡ ᐊᑲ ᐅᒋ ᒋᔅᒐᔨᑕᒡ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᐅᓯᐊᐅᒡ ᒥᓂᑐᐧᑲᓇ, ᓇᒪ ᒪᒃ ᓂᔅᑎᒻ ᐅᒋ ᐛᐛᓯᐃᑯᐅᒡ ᒋᓴᒪᓂᑐᐛ᙮ ᐊᓄᒡ ᒪᒃ ᒋᓴᒪᓂᑐᐤ ᐃᑎᓱᒪᐤ ᐃᔪᐛ ᒥᓯᐛ ᐅᑕ ᐊᔅᒋᒡ ᒐᒋ ᒂᔅᑲᑎᓯᔨᒋ᙮

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

1 ᑎᒧᑎ 1:13

ᐊᑎ ᓇᔅᒡ ᐊᒋ ᐊᒂᑕᔨᑕᑯᓱᐅᒡ ᓂᓇᐧᑯᐤ ᐊᒋ ᐃᓯ ᒥᒪᔭᔨᒥᒃ ᑭᔭ ᐊᒋ ᐱᐸᔅᑕᒥᒃ ᑭᔭ ᐊᒋ ᓂᓇᐧᑲᒋᐃᒃ᙮ ᒥᒄ ᒪᒃ ᐃᔭᐱᒡ ᓂᒋ ᒋᔅᑎᒪᒐᔨᒥᒄ ᐛᔅ ᐊᓐ ᑲ ᐃᔅᐱᔅ ᒋ ᐊᓏᑎᒪᓐ ᓇᒪ ᓂ ᐅᒋ ᒋᔅᒐᔨᑕᓐ ᑕᓐ ᐊᓐ ᑲ ᐃᑎᔭᓐ᙮

1 ᑎᒧᑎ 6:20

ᒋᔾ ᑎᒧᑎ ᓂᓇᑭᑐᐛᔨᑕ ᑕᓐ ᑲ ᐃᓯ ᒥᔨᔅᒃ ᒋᓴᒪᓂᑐᐤ ᒐᒋ ᐃᑕᐱᑎᓯᐅᑦ᙮ ᐊᑲᐎᔾ ᐎᒋᐃᔨᒡ ᐊᓐᒡ ᑲ ᐊᔭᔨᒺᐛᐃᑯᒡ ᒐᒂᔪᐛ ᐊᑲ ᐎᒋᐃᐛᒥᑭᓂᔨᒋ ᐊᓐᑕ ᐃᔅ ᐊ ᒋᓴᒪᓂᑐᐛᑎᓯᓇᓄᐎᒡ᙮ ᐊᑲᐎᔾ ᐊᐱᓯᑐᐅᒡ ᐊᓐᒡ ᑲ ᐃᑎᑕᑯᓯᒡ ᒧᔭᒻ ᓇᔅᒡ ᒥᔅᑎ ᐊ ᒋᔅᒐᔨᑕᒡ ᒐᒂᔪᐤ ᐊᑲ ᒪᒃ ᐊᓐ ᒧᔭᒻ ᐃᓯ ᑭᒐᔅᒐᔨᑕᒡ᙮

ᑕᐃᑕᔅ 1:3

ᐊᐅᑯᐤ ᒪᒃ ᐛᑎᒋᐱᔨᒡ ᐊᓐᑕ ᐎᔾ ᒋᓴᒪᓂᑐᐤ ᑲ ᐃᑕᔨᑎᒥᐃᑯᑦ ᒐᒋ ᒋᔅᒐᔨᑕᑭᓄᐎᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᒥᓯᐛ ᐊᐛᓐ ᐎᔭᐎᑎᒧᐅᒃ ᐅᔭ ᒥᔽᒋᒧᐅᓂᔪᐤ᙮ ᓂᔾ ᓂᒋ ᒥᔨᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᒐᒋ ᐊᑐᔅᒐᔅᑎᒪᓐ ᐅ᙮

ᒋᒥᔅ ᐅᒥᓯᓇᐊᒪᒐᐅᓐ 3:1

ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ᒥᒐᑎᓇᐛᐤ ᐊ ᒋᔅᑯᑎᒪᒐᔭᒄ᙮ ᒋ ᒋᔅᒐᔨᑕᓇᐛᐤ ᒋᔭᓄᐤ ᑲ ᒋᔅᑯᑎᒪᒐᔭᐧᒄ ᐅᔅᑕ ᒐ ᐊᒂᑕᔨᑕᒂᒡ ᑕᓐ ᒐ ᐃᓯ ᑎᐸᔅᑯᓂᑯᐅᔭᐧᒄ᙮