ᓗᒃ 12:42 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴² ᐅᑎᐸᔨᒋᒐᐤ ᒋ ᐃᔅᒋᔄᐤ, “ᐊᐱᒋᐊᑭᓐ ᑯᐃᔅᒄ ᑲ ᐃᑐᑕᐧᒃ ᐅᑦ ᐊᑐᔅᒐᐅᓐ ᑭᔭ ᑲ ᐃᑈᐧᑲᑦ ᐊᐅᒄ ᒐ ᐅᑎᓂᑯᑦ ᐅᒋᒪᒪ ᐎᔾ ᒐᒋ ᐅᒋᒪᐧᑲᑐᐛᑦ ᒥᓯᐛ ᐊᓂᔭ ᑯᑎᑲ ᐊᐱᒋᐊᑭᓇ ᑭᔭ ᒐᒋ ᓂᓇᑭᑐᐛᔨᑕᒺᑦ ᐊᓂᔭ ᒐᒋ ᐃᓯ ᐊᓯᒪᑭᓄᔨᒋ ᐃᔅᐱ ᐅᑎᒋᐱᔨᒐ ᒐ ᐊᓯᒪᑭᓄᔨᒋ᙮

ᓗᒃ 12:42 Iomraidhean Croise

ᐊᒃᓱᑕᔅ 36:4

ᒥᓯᐛ ᐊᓐᒡ ᓇᐸᐅᒡ ᑲ ᑭᔅᒋᐅᒡ ᑲ ᑐᑕᒡ ᑕᑐᐎᒡ ᒐᒂᔪᐛ ᐊ ᐅᓯᑕᑭᓄᐎᒡ ᐸᔭᒋ-ᐱᒍᐎᔭᓂᒋᐛᐱᔪᐤ ᒋᓂᑲᐱᔪᐅᒡ ᐊᑐᔅᒐᒡ᙮

ᒪᑎᔪᐤ 13:52

ᐊᑯ ᐊᑕᑦ, “ᒥᓯᐛ ᐊᓐᒡ ᑲ ᒋᔅᒐᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᑲ ᒋᔅᑯᑎᒧᐛᑭᓄᐎᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ ᑕᓐ ᐊ ᐃᑕᔨᑕᑯᓂᔨᒡ ᒧᔭᒻ ᐊᐛᓐ ᑲ ᑎᐱᔨᐛᐅᓯᑦ ᐊᔅᑕᓱᐅᒋᐛᐱᔪᐤ ᐊ ᑭᓄᐛᔨᑕᐧᒃ ᒐᒂᔪᐤ ᑕᐱᔅᑯᓐ ᐊ ᒥᔽᔨᒋ ᑭᔭ ᐊ ᒋᓴᔭᓯᓇᑯᓂᔨᒋ ᑭᔭ ᐊ ᐅᔅᑲᔨᒋ᙮ ᑕᐱᔅᑯᓐ ᒪᒃ ᐊ ᒥᔪ ᐊᐱᒋᑕᑦ᙮”

ᒪᑎᔪᐤ 20:8

ᐃᔅᐱ ᒪᒃ ᐛᑕᑯᓯᔨᒡ, ᐅᒋᒪᐤ ᒋ ᐃᑕᐤ ᐊᓂᔭ ᑲ ᓂᓇᑭᑐᐛᔨᒪᔨᒋ ᐊᓂᔭ ᑲ ᐊᑐᔅᒐᓯᔨᒋ, “ᐎᓴᒥᒡ ᐊᓐᒡ ᑲ ᐊᐱᒋᐃᒂᐤ, ᒥᓯᐛ ᒐ ᒋᓯᐧᑯᐅᑥᐤ ᐊᓐᒡ ᑲ ᐊᑐᔅᒐᒡ᙮ ᒪᔅᑕᔾ ᐊᓐᒡ ᑲ ᐅᑎᓇᑭᓄᐅᒡ ᓂᔅᑎᒻ ᒐ ᒋᓯᐧᑯᐅᑥᐤ, ᐊᑯ ᒥᓐ ᐊᓐᒡ ᑯᑎᑭᒡ ᑕᓐ ᒥᒄ ᑲ ᐊᑎ ᐃᑎᔅᑲᑐᒡ ᐊ ᐅᑎᓇᑭᓄᐅᒡ, ᒐ ᐊᑎ ᐅᑎᑕᐅᑥᐤ ᐊᓐᒡ ᓂᔅᑎᒻ ᑲ ᐅᑎᓇᑭᓄᐅᒡ᙮ ᐊᐅᑯᓐᒡ ᐅᒡ ᓂᔅᑎᒻ ᑲ ᐅᑎᓇᑭᓄᐅᒡ ᒪᔅᑕᔾ ᒐ ᒋᓯᐧᑯᐅᑥᐤ᙮”

ᓗᒃ 12:43

ᒋᑭ ᓱᐛᔨᒪᑭᓄᐤ ᐊᓐ ᐊᐱᒋᐊᑭᓐ ᒥᔅᑯᐛᑭᓄᒐ ᑯᐃᔅᒄ ᐊ ᐃᑐᑕᐧᒃ ᐊᓂᔭ ᐅᑦ ᐊᑐᔅᒐᐅᓐ ᐃᔅᐱᔅ ᑎᑯᓯᓂᔨᒐᓂ ᐅᒋᒪᒪ᙮

ᓗᒃ 7:13

ᐃᔅᐱ ᒪᒃ ᐅᑎᐸᔨᒋᒐᐤ ᐎᔭᐱᒪᑦ ᐊᓂᔭ ᐃᔎᐛ, ᓇᔅᒡ ᒋ ᒋᔅᑎᒪᒐᔨᒪᐤ ᐊᑯ ᒂ ᐃᑕᑦ, “ᐊᑲᐎᔾ ᒪᒄ᙮”

ᓗᒃ 7:19

ᒂ ᐃᑎᓴᐛᑦ ᐅᔭ ᒐᒋ ᐃᓯ ᑯᒂᒋᒪᔨᒋ ᐅᑎᐸᔨᒋᒐᐛ, “ᐊᐅᒄ ᐊ ᒋᔾ ᙭ ᐊᓐ ᒋᐸ ᑎᑯᓯᓂᑯᐱᓇ ᑭᔭ ᒪᒃ ᐊᔅᒄ ᒐ ᐊᓱᐛᐱᒪᒋᑦ ᑯᑎᒃ ᒐᒋ ᑎᑯᓯᐧᒃ ?”

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

1 ᑎᒧᑎ 3:15

ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ᒥᓯᓇᐊᒪᑎᑯᒡ ᐊᐅᒄ ᐅ ᒐ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ᑕᑦ᙮ ᐛᔅ ᐅ ᐊ ᐃᓯ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮

1 ᑎᒧᑎ 5:17

ᐊᓐᒡ ᑲ ᐎᒋᐃᐛᒡ ᐊ ᓂᑲᓂᔅᑲᑭᓄᔨᒋ ᐊᔭᒥᐊᐅᒋᐛᐸ ᐊ ᒥᔪ ᓂᓇᑭᑐᐛᔨᑕᒡ ᒪᒃ ᐊᓂᔭ ᐊ ᐃᑕᐱᑎᓯᒡ ᐃᑕᔨᑕᑯᓂᔪᐤ ᓇᔅᒡ ᒐᒋ ᒋᔅᑕᔨᒪᑭᓄᐎᒡ᙮ ᐊᑐᐎᔅ ᒪᒃ ᒋᐸ ᒋᔅᑕᔨᒪᑭᓄᐎᒡ ᐊᓐᒡ ᓇᔅᒡ ᑲ ᐃᓯ ᐱᔅᑎᓂᓱᒡ ᒐᒋ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᒐᒋ ᒋᔅᑯᑎᒪᒐᒡ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

ᑕᐃᑕᔅ 1:7

ᐊᓐ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ᒥᒋᑐᑎᒻ ᐊᓐᑕ ᒐᒋ ᐅᒋ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ, ᑭᔭ ᓇᒪ ᒋᐸ ᐅᒋ ᐎᒋᐸᐤ, ᑭᔭ ᓇᒪ ᒋᐸ ᐅᒋ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ᓴᒋᑕᐤ ᓱᓇᔭᔪᐤ᙮

ᐃᑉᕈᐛ 13:17

ᓂᓇᐃᑐᐛᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ᐃᑐᐛᒄ᙮ ᒋᑭ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ᐎᒋᐃᑯᐛᐅᒡ᙮

ᐃᑉᕈᐛ 13:7

ᒥᓐ ᑯᑎᒡ ᒐᒂᓐ, ᒪᒥᑐᓇᔨᒪᐧᑯᒡ ᒪ ᐊᓐᒡ ᒪᐅᒡ ᓂᔅᑎᒻ ᑲ ᐛᐎᑎᒪᑕᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮ ᒪᒥᑐᓇᔨᒪᐧᑯᒡ ᑕᓐ ᑲ ᐃᑕᑎᓯᒡ ᑭᔭ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᔭᔨᒪᒡ ᒋᓴᓴ᙮ ᐊᐅᑯᓐ ᐊᓐ ᒐ ᐎ ᐎᒋᐃᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᑕᑈᑕᒡ᙮

ᐃᑉᕈᐛ 3:5

ᒧᓱᔅ ᒪᒃ ᒋ ᐅᑦ ᐊᐱᒋᐊᑭᓂᑐᑕᑯᐤ ᒋᓴᒪᓂᑐᐛ, ᒧᔅ ᑯᐃᔅᒄ ᒋ ᐃᓯ ᐊᑐᔅᑯᐅᒪᐤ ᐅᑦ ᐃᔨᒥᔪᐛ᙮ ᒋ ᓂᑲᓐ ᐊᔨᒧᑎᒺᐤ ᑕᓐ ᒐ ᐃᓯ ᐎᑎᒥᔨᒋ ᒋᓴᒪᓂᑐᐛ ᐊᓐᑕ ᓂᔅᑕᒥᒡ᙮

1 ᐱᑕᕐ 4:10

ᒥᓯᐛ ᐸᐸᐃᒄ ᐊᐛᓐ ᑎᑯᓂᔪᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᐅᒄ ᒪᒃ ᐅᔭ ᑭᔅᒋᐅᓂᔪᐤ ᒋᐸ ᐊᐱᒋᑕᐤ ᐊ ᐛᐎᒋᐊᑦ ᑯᑎᑲ ᐊᐛᔪᐛ, ᐊ ᐊᓱᐤ ᒥᔭᑦ ᐊᐛᔪᐛ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮