ᓗᒃ 12:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᒋᑭ ᓱᐛᔨᑕᑯᓱᐅᒡ ᒪᒃ ᐊᓐᒡ ᐊᐱᒋᐊᑭᓐᒡ ᒥᔅᑲᑯᑥᐛ ᐊᓂᔭ ᐅᒋᒪᒧᐛᐛ ᐊᒋ ᐊᔭᔅᑯᐎᔅᑐᐛᒡ᙮ ᒋ ᐎᑎᒪᑎᓇᐛᐤ ᒪᒃ, ᐊᓐ ᐅᒋᒪᐤ ᒋᑭ ᐊᔭᔅᑯᐎᔪᐤ ᐎᔾ ᒂᔅᒋᐱᓐ ᒐᒋ ᐃᑐᑎᒧᐛᑦ ᑕᓐ ᑲ ᐃᓯ ᐃᑐᑎᒪᑯᑦ ᑭᔭ ᒐ ᐎᓴᒪᑦ ᒐᒋ ᒥᒋᓱᔨᒋ, ᐛᐛᒡ ᐎᔾ ᒋᑭ ᐎᔅᑐᐛᐤ᙮

ᓗᒃ 12:37 Iomraidhean Croise

ᒪᑎᔪᐤ 24:42

“ᐃᔭᒂᒥᒄ ᒪᒃ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᑕᐃᔅᐱ ᒐ ᑎᑯᓯᐧᒃ ᒋᑎᐸᔨᒋᒐᓯᒧᐛᐤ᙮

ᓗᒃ 12:36

ᒧᔭᒻ ᐊᐱᒋᐊᑭᓐᒡ ᒋᐸ ᐃᓯᓇᑯᓯᓇᐛᐤ ᐊ ᐊᓱᐛᐱᒪᒡ ᐅᒋᒪᒧᐛᐛ ᒐᒋ ᐸᒋ ᒋᐛᔨᒋ ᐊᒋ ᓇᒋ ᒥᑯᓴᔨᒋ ᐊ ᓂᐳᐅᓇᓄᐎᒡ᙮ ᑎᑯᓯᓂᔨᒐᓂ ᑎᐛᒡ ᒋᑭ ᔪᑕᓂᒧᐛᐅᒡ᙮

ᓗᒃ 12:43

ᒋᑭ ᓱᐛᔨᒪᑭᓄᐤ ᐊᓐ ᐊᐱᒋᐊᑭᓐ ᒥᔅᑯᐛᑭᓄᒐ ᑯᐃᔅᒄ ᐊ ᐃᑐᑕᐧᒃ ᐊᓂᔭ ᐅᑦ ᐊᑐᔅᒐᐅᓐ ᐃᔅᐱᔅ ᑎᑯᓯᓂᔨᒐᓂ ᐅᒋᒪᒪ᙮

ᓗᒃ 17:8

ᓇᒪ, ᒋᑭ ᐃᑎᑯᐤ, ‘ᐸᒋ ᐎᔅᑐᐎ ᑭᔭ ᒋ ᐃᓯ ᒥᒋᓱᔭᓇ, ᐊᑯ ᒋᔾ ᒐ ᒥᒋᓱᔨᓐ᙮’

ᓗᒃ 21:36

ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ᐊᔭᒥᐊᔭᒄ ᐊ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᓗᒃ 22:27

ᐛᔅ ᐊᓐ ᑲ ᐊᐱᑦ ᐊᓐᑕ ᒥᒋᓱᐛᑭᓇᑎᑯᒡ ᐃᐛᒃ ᐃᔅᐸᔨᑕᑯᓱᐤ ᐃᑕᔨᒪᑭᓄᐤ ᐃᔅᐱᔅ ᐊᓐ ᑲ ᐊᐱᒋᐊᑭᓄᐅᑦ᙮ ᓂᔾ ᒪᒃ ᓂᒋ ᐱᐸᐃᑕᓐ ᐅᑕ ᐊ ᑕᔭᒄ ᒧᔭᒻ ᑕᑈ ᐊᐱᒋᐊᑭᓐ ᐊᒋ ᐱᐸᐃᓯᓇᑯᓯᔭᓐ᙮”

ᒠᓐ 12:26

ᐊᓐ ᒪᒃ ᐊᐛᓐ ᓂᔾ ᑲ ᐊᑐᔅᑯᐅᑦ ᓂᑭ ᐸᒋ ᓇᓴᐅᒄ᙮ ᐊᑯ ᒪᒃ ᒐ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ᐃᑕᐅᒡ᙮ ᒋᑭ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ᐊᑐᔅᑯᐅᒂ᙮”

1 ᑯᕆᓐᑎᔭᓇ 2:9

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᐅᒋ ᐛᐸᑎᒻ ᑭᔭ ᓇᒪ ᐊᐛᓐ ᐅᒋ ᐸᑎᒻ ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ᓴᒋᐃᑯᑦ᙮

ᐱᓕᐱᔭᓇ 1:21

ᓂᔾ ᒪᒃ ᒐ ᐃᔅᐱᔅ ᐱᒪᑎᓯᐛᓇ ᒧᔅ ᓂᑭ ᐱᐸᐎᒐᐛᐤ ᙭᙮ ᓂᐸᐃᑯᔭᓇ ᒪᒃ ᑕᑈ ᒋᑭ ᑎᑯᓐ ᒐ ᐃᓯ ᒥᔪ ᒥᔅᑭᒪᓐ᙮

ᐱᓕᐱᔭᓇ 1:23

ᑕᐱᔅᑯᓐ ᓂ ᒧᔅᑕᓇᔨᑕᓐ ᐊᓂᔪᐛ᙮ ᓇᔅᒡ ᑕᑈ ᓂ ᐎ ᓂᑭᑕᓐ ᐅ ᐊᔅᒋᔾ, ᒋᓴᔅ ᙭ ᐊ ᑕᑦ ᒐᒋ ᑕᔭᓐ᙮ ᐊᐅᒄ ᐅ ᐅᔅᑕ ᒪᔽᓯᒡ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮

2 ᐱᑕᕐ 3:14

ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮

ᒋᔅᒐᔨᑕᑯᑕᒐᐅᓐ 14:13

ᒥᓐ ᒐᒂᓐ ᑲ ᐃᔅᐱᔨᒡ᙮ ᓂᒋ ᐸᑐᐛᐤ ᐊᐛᓐ ᒋᒋᒋᓯᑯᒡ ᐊ ᐅᒋ ᐃᔨᒥᑦ᙮ ᒪᐅ ᑲ ᐃᔅᒋᔄᑦ, “ᒥᓯᓇᐊ ᐅ᙮ ᐅᑕ ᐃᔅ ᓂᔅᑕᒥᒡ ᓱᐛᔨᑕᑯᓱᐅᒡ ᐊᓐᒡ ᒐ ᓂᐱᒡ ᐊᔅᒄ ᐊ ᐎᒐᐛᒡ ᒋᓴᓴ᙮” ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐃᔅᒋᔄᑦ, “ᓂᐦᐃ, ᑕᑈ ᓱᐛᔨᑕᑯᓱᐅᒡ᙮ ᒋ ᐊᔨᒥᐅᐅᒡ ᐊ ᓇᓴᐛᒡ ᒋᓴᓴ ᑭᔭ ᐊᑯ ᒐ ᐊᔽᐱᒡ᙮ ᑕᓐ ᐊ ᐃᓯ ᒪᒧᐤ ᑭᓄᐛᐸᑕᑭᓄᔨᒋ ᑲ ᐃᓯ ᐸᒋ ᐊᐱᒋᐃᑯᒡ ᒋᓴᒪᓂᑐᐤ ᒋᑭ ᐎᒐᐅᑯᒡ᙮”

ᒋᔅᒐᔨᑕᑯᑕᒐᐅᓐ 16:15

ᐅᑎᐸᔨᒋᒐᐤ ᒪᒃ ᐃᔅᒋᔄᐤ, “ᒧᔭᒻ ᑲᒋᒧᑎᑦ ᐊ ᐃᑕᔨᑕᑯᓂᔨᒡ ᐊ ᑎᑯᓯᐧᒃ ᐊᐅᑯᓐ ᒐ ᐃᑕᔨᑕᒂᒡ ᓂᔾ ᑎᑯᓯᓂᔭᓇ᙮ ᒋᑭ ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᑯᐎᐧᑯᓯᑦ ᐊ ᐎᓂᐸᑦ ᒪᒂᒡ ᐊ ᐊᓱᐛᐱᑦ ᑭᔭ ᒐ ᐊᔭᔅᑯᔅᑕᒂ ᐅᑦ ᐊᐱᒋᑕᐅᓇ ᒥᒄ ᒐᒋ ᐃᓯ ᐳᔅᑎᔅᑲᐧᒃ ᑭᔭ ᓇᒪ ᒋᑭ ᐅᒋ ᒧᓴᔅᑭᑕᐤ ᐎᐎᒐ ᒐᒋ ᓯᓴᒂᔨᒧᑦ ᒧᓴ ᐊᓐᑕ ᐊ ᐛᐱᒪᑭᓄᐅᑦ᙮”

ᒋᔅᒐᔨᑕᑯᑕᒐᐅᓐ 3:21

ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ, ᓂᑭ ᒥᔭᐤ ᒐᒋ ᐎᑎᐱᒥᑦ ᓂᒋᓴᐅᒋᒪᐤ ᑕᑎᐳᐛᑭᓂᒡ᙮ ᒧᔭᒻ ᓂᔾ ᐊᒋ ᓴᐧᑯᒋᑕᔭᓐ ᒥᓯᐛ ᒥᒋ ᒐᒂᓐ, ᓄᑕᐎᔾ ᓂᒋ ᒥᔨᒄ ᒐᒋ ᐎᑎᐱᒥᒃ ᐅᒋᓴᐅᒋᒪᐤ ᑕᑎᐳᐛᑭᓂᒡ᙮”

ᒋᔅᒐᔨᑕᑯᑕᒐᐅᓐ 7:17

ᐛᔅ ᐊᓐ ᒪᔭᑕᓂᔅ ᑕᑕᐅᒡ ᐊᓐᑕ ᐊ ᑎᑯᓂᔨᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ, ᐊᐅᒄ ᒪᔭᑕᓂᓯᐅ-ᐃᔪᐤ ᒐ ᒥᔪ ᑭᓄᐛᔨᒪᑦ ᐅᔭ᙮ ᑭᔭ ᒋᑭ ᐃᑐᑕᐊᐤ ᐊᓐᑕ ᐊ ᑎᑯᓂᔨᒡ ᐊ ᒧᔅᒋᒍᐅᓂᔨᒡ ᐱᒪᑎᓯᐤ ᓂᐱᔪᐤ᙮ ᐊᑯ ᒪᒃ ᒋᓴᒪᓂᑐᐤ ᒐ ᑲᓯᐊᒧᐛᑦ ᐅᔅᒋᓯᑯᔪᐛ ᒥᓯᐛ ᐊᓂᔭᔪᐛ ᑲ ᐅᒋᐧᑯᐛᐱᔨᒋ᙮”